എസ്.ഐ.ഒ നേതാക്കള്‍ക്കെതിരായ കേസ് തള്ളി
കണ്ണൂര്‍: എസ്.ഐ.ഒ സംസ്ഥാന നേതാക്കളടക്കം 23 പേര്‍ ഉള്‍പ്പെട്ട കേസ് കണ്ണൂര്‍ ജുഡീഷ്യല്‍ ഫസ്റ്റ്ക്ലാസ് മജിസ്ട്രേറ്റ് (ഒന്ന്) പി. മുജീബുറഹ്മാന്‍ തള്ളി. 2008 മേയ് 29ന് കണ്ണൂര്‍ ജില്ലാ ബാങ്ക് ഓഡിറ്റോറിയത്തില്‍ മന്ത്രിമാരായ എം. വിജയകുമാര്‍, എസ്. ശര്‍മ എന്നിവര്‍ പങ്കെടുത്ത, എസ്.എസ്.എല്‍.സി പരീക്ഷയില്‍ ഉന്നത വിജയം നേടിയ വിദ്യാര്‍ഥികള്‍ക്കുള്ള അനുമോദന പരിപാടിയില്‍ മലബാറിനോടുള്ള വിദ്യാഭ്യാസ അവഗണനക്കെതിരെ മുദ്രാവാക്യം വിളിച്ച് പൊതുജനങ്ങള്‍ക്കും വാഹനങ്ങള്‍ക്കും മാര്‍ഗതടസ്സം സൃഷ്ടിച്ചുവെന്നാരോപിച്ചാണ് കേസെടുത്തത്. അന്നത്തെ സംസ്ഥാന സെക്രട്ടറി പി.ബി.എം. ഫര്‍മീസ് ഉള്‍പ്പെടെയുള്ളവര്‍ക്കെതിരെ ടൌണ്‍ പൊലീസാണ് കേസെടുത്തത്. പ്രോസിക്യൂഷന് കേസ് സംശയാതീതമായി തെളിയിക്കാന്‍ കഴിഞ്ഞില്ലെന്ന പ്രതിഭാഗത്തിന്റെ വാദം അംഗീകരിച്ചുകൊണ്ടാണ് കോടതി കേസ് തള്ളിയത്. പ്രതിഭാഗത്തിനുവേണ്ടി അഡ്വ. കെ.എല്‍. അബ്ദുല്‍സലാം, അഡ്വ. എം. കിഷോര്‍കുമാര്‍ എന്നിവര്‍ ഹാജരായി.
No comments:
Post a Comment
Thanks