ഉന്നത വിജയികളെ അനുമോദിച്ചു

 ഉന്നത വിജയികളെ അനുമോദിച്ചു

കണ്ണൂര്‍: കൗസര്‍ ഇംഗ്ളീഷ് സ്കൂളില്‍നിന്ന് കൂടുതല്‍ മാര്‍ക്ക് വാങ്ങി വിജയിച്ച വിദ്യാര്‍ഥികളെ പി.ടി.എ യോഗം അനുമോദിച്ചു. ഉപഹാര വിതരണവും പി.ടി.എ യോഗവും കൗസര്‍ ചാരിറ്റബ്ള്‍ ട്രസ്റ്റ് ചെയര്‍മാന്‍ വി.കെ. ഹംസ അബ്ബാസ് ഉദ്ഘാടനം ചെയ്തു. പി.ടി.എ പ്രസിഡന്‍റ് സി.പി. മുസ്തഫ അധ്യക്ഷത വഹിച്ചു. സ്കൂള്‍ മോറല്‍ ക്ളബിന്‍െറ  ഉദ്ഘാടനം ജമാഅത്തെ ഇസ്ലാമി ജില്ലാ പ്രസിഡന്‍റ് യു.പി. സിദ്ദീഖ് നിര്‍വഹിച്ചു. ട്രസ്റ്റ് വൈസ് ചെയര്‍മാന്‍ പി.സി. മൊയ്തു മാസ്റ്റര്‍, സെക്രട്ടറി കെ.എല്‍. ഖാലിദ്, അംഗം പി. അബ്ദുല്‍ അസീസ്, അക്കാദമിക് ഡയറക്ടര്‍ പ്രഫ. മുഹമ്മദ് കോയമ്മ, പ്രിന്‍സിപ്പല്‍ പി.ഇ. ഉണ്ണികൃഷ്ണന്‍ എന്നിവര്‍ സംസാരിച്ചു.
പി.ടി.എ ഭാരവാഹികള്‍: സി.പി. മുസ്തഫ (പ്രസി.), ഡോ. രഹ്ന മുഷ്താഖ് (വൈ. പ്രസി.).

‘സോളാര്‍ തട്ടിപ്പ്: സത്യസന്ധമായ അന്വേഷണം വേണം’

‘സോളാര്‍ തട്ടിപ്പ്: സത്യസന്ധമായ
അന്വേഷണം വേണം’

ചക്കരക്കല്ല്: സോളാര്‍ തട്ടിപ്പ് കേസില്‍ സത്യസന്ധമായി അന്വേഷണം നടത്തി യഥാര്‍ഥ പ്രതികളെ ശിക്ഷിക്കണമെന്ന് വെല്‍ഫെയര്‍ പാര്‍ട്ടി പൊതുവാച്ചേരി യൂനിറ്റ് ആവശ്യപ്പെട്ടു. ഇത്തരം തട്ടിപ്പ് സംഘങ്ങളില്‍നിന്ന് കേരള രാഷ്ട്രീയത്തെ മോചിപ്പിക്കാന്‍ ജനാധിപത്യ ബോധമുള്ള ജനങ്ങള്‍ ഒന്നിക്കണമെന്നും പ്രസ്താവനയില്‍ ആവശ്യപ്പെട്ടു. ജില്ലാ സമിതിയംഗം വി.കെ. ഖാലിദ് അധ്യക്ഷത വഹിച്ചു. ധര്‍മടം മണ്ഡലം സെക്രട്ടറി അഹമ്മദ് കുഞ്ഞി, ഉസ്മാന്‍ ചൊക്ളി, പി.പി. ജയറാം, കെ.കെ. അയ്യൂബ്, എം. സജീര്‍, കെ. സുബൈര്‍, അബ്ദുല്‍ ജലീല്‍ പൊതുവാച്ചേരി, അബ്ദുല്‍ മജീദ് തന്നട, കെ. റഷീദ്, കെ. അബ്ദുറഹ്മാന്‍ എന്നിവര്‍ സംസാരിച്ചു.
ഭാരവാഹികള്‍: എം. മൊയ്തീന്‍ കുട്ടി (പ്രസി.), കെ.ടി. അബ്ദുല്‍ സലാം (സെക്ര.), അബ്ദുല്‍ ഖാദര്‍ ചാല (ട്രഷ.).

ബൈത്തുസകാത്ത് ജനറല്‍ ബോഡി

ബൈത്തുസകാത്ത് ജനറല്‍ ബോഡി

എടക്കാട്: എടക്കാട്-മുഴപ്പിലങ്ങാട് ബൈത്തുസകാത്ത് കമ്മിറ്റി സകാത്തിനത്തില്‍  7,84,000 രൂപ ശേഖരിച്ച് വിവിധ ആവശ്യങ്ങള്‍ക്കായി വിതരണം ചെയ്തു. പെന്‍ഷന്‍ ഇനത്തില്‍ 1,14,600 രൂപയും വീടുനിര്‍മാണം, റിപ്പയര്‍ എന്നിവക്ക് 5,75,432 രൂപയും ചികിത്സാ സഹായമായി 42,400 രൂപയും തൊഴില്‍ സംരംഭത്തിന് 37,400 രൂപയും വിദ്യാഭ്യാസത്തിന് 13,600 രൂപയുമാണ് ചെലവഴിച്ചത്. എടക്കാട് ‘സഫാ’ സെന്‍ററില്‍ ചേര്‍ന്ന വാര്‍ഷിക ജനറല്‍ബോഡി യോഗത്തില്‍ എം.കെ. അബ്ദുല്‍ റഹ്മാന്‍ അധ്യക്ഷത വഹിച്ചു. ഏരിയാ ഓര്‍ഗനൈസര്‍ കളത്തില്‍ ബഷീര്‍ മുഖ്യപ്രഭാഷണം നടത്തി. കെ.ടി. റസാഖ് വാര്‍ഷിക റിപ്പോര്‍ട്ട് അവതരിപ്പിച്ചു. എ.എം. ഹനീഫ സ്വാഗതം പറഞ്ഞു.
ഭാരവാഹികള്‍: കണ്ടത്തില്‍ അബ്ദുല്‍ അസീസ് (ചെയര്‍.), വി.പി. അബ്ദുല്‍ ഖാദര്‍ (വൈ. ചെയര്‍.), എം.കെ. അബൂബക്കര്‍ (ജന. സെക്ര.), ടി.സി. ആസിഫ് (ജോ. സെക്ര.).
എടക്കാട് മേഖലാ കമ്മിറ്റി: അബ്ദുല്‍ അസീസ് (പ്രസി.), പി.കെ. ഇഖ്ബാല്‍ (വൈ. പ്രസി.), പി.കെ. അബ്ദുല്‍ റഹീം (സെക്ര.), എ.ടി. ബര്‍ഷാദ് (ജോ. സെക്ര.), ടി. ശബീര്‍ (ട്രഷ.).
മുഴപ്പിലങ്ങാട് മേഖലാ കമ്മിറ്റി: പി.കെ. അബ്ദുല്‍ റഹ്മാന്‍ (പ്രസി.), പി.കെ. അബ്ദുല്‍ സമദ് (വൈ. പ്രസി.), കെ.ടി. റസാഖ് (സെക്ര.), ഹനീഫ (ജോ. സെക്ര.), പി.കെ. അബ്ദുല്‍ റബ്ബ് (ട്രഷ.).
കൂടക്കടവ് മേഖലാ കമ്മിറ്റി: എം.കെ. അബ്ദുല്‍ റഹ്മാന്‍ (പ്രസി.), പി.കെ. മൂസ (വൈ. പ്രസി.), റഫീഖ് മുല്ലപ്പുറം (സെക്ര.), ടി.വി. റഷീദ് (ജോ. സെക്ര.), സി.പി. ബഷീര്‍ (ട്രഷ.), കെ. അബ്ദുല്ല ഹാജി, കളത്തില്‍ ബഷീര്‍ (രക്ഷാധികാരികള്‍). എ.പി. ഹാഷിം, എം.കെ. റഫീഖ്, ശംസീര്‍ ഇബ്രാഹിം, സി.ഒ.ടി. ഖാലിദ്, ടി.എം. ശഹബാസ്, യു.കെ. സഈദ്, പി.വി. അബൂബക്കര്‍ (എക്സി. മെംബര്‍)

രാത്രി നമസ്കാരം

രാത്രി നമസ്കാരം

തലശ്ശേരി: റമദാനോടനുബന്ധിച്ച് തലശ്ശേരി ഗോപാലപ്പേട്ട തണലില്‍ പുരുഷന്‍മാര്‍ക്കും സ്ത്രീകള്‍ക്കും ഇശാഅ്, തറാവീഹ് നമസ്കാരത്തിന് സൗകര്യമേര്‍പ്പെടുത്തിയതായി ഭാരവാഹികള്‍ അറിയിച്ചു.

അനുമോദിച്ചു

അനുമോദിച്ചു

മുണ്ടേരി: മുണ്ടേരി ജി.എച്ച്.എസ്.എസില്‍ എസ്.എസ്.എല്‍.സിക്ക് മുഴുവന്‍ എ പ്ളസ് ലഭിച്ചവര്‍ക്കും പ്ളസ്വണ്‍, പ്ളസ്ടു പരീക്ഷയില്‍ മികച്ച വിജയം കൈവരിച്ചവര്‍ക്കുമുള്ള അവാര്‍ഡ് വിതരണവും എം.എല്‍.എ ഫണ്ടില്‍നിന്ന് അനുവദിച്ച കമ്പ്യൂട്ടര്‍ വിതരണവും എ.പി. അബ്ദുല്ലക്കുട്ടി എം.എല്‍.എ ഉദ്ഘാടനം ചെയ്തു. മുണ്ടേരി ഗ്രാമപഞ്ചായത്ത് പ്രസിഡന്‍റ് സി. ശ്യാമള അധ്യക്ഷത വഹിച്ചു.  ബ്ളോക് പഞ്ചായത്ത് മെംബര്‍ എം.പി മുഹമ്മദലി ഉപഹാരം നല്‍കി. ഹെഡ്മിസ്ട്രസ് എ.എന്‍. അരുണ, സി. ലത, പി.സി. നൗഷാദ്, മാമ്പള്ളി കൃഷ്ണന്‍, ഇ. രത്നാകരന്‍, എം. മോഹനന്‍ എന്നിവര്‍ സംസാരിച്ചു.

ഈജിപ്തില്‍ ജനാധിപത്യ പുന$സ്ഥാപന ശ്രമങ്ങളെ ഇന്ത്യ പിന്തുണക്കണം -ജമാഅത്തെ ഇസ്ലാമി

ഈജിപ്തില്‍ ജനാധിപത്യ
പുന:സ്ഥാപന ശ്രമങ്ങളെ ഇന്ത്യ
പിന്തുണക്കണം -ജമാഅത്തെ ഇസ്ലാമി

കോഴിക്കോട്: ഈജിപ്തിന്‍െറ ചരിത്രത്തില്‍ ആദ്യമായി സ്വതന്ത്രവും സുതാര്യവുമായ തെരഞ്ഞെടുപ്പിലൂടെ അധികാരത്തില്‍ വന്ന പ്രസിഡന്‍റ് ഡോ. മുഹമ്മദ് മുര്‍സിയെ പട്ടാള അട്ടിമറിയിലൂടെ പുറത്താക്കിയ നടപടിയില്‍ ജമാഅത്തെ ഇസ്ലാമി കേരള ശൂറ പ്രതിഷേധിച്ചു.
ഹുസ്നി മുബാറകിന്‍െറ സ്വേച്ഛാധിപത്യവാഴ്ചക്ക് അന്ത്യംകുറിച്ച് ഈജിപ്ഷ്യന്‍ ജനത പുതിയ സര്‍ക്കാറിനെ അധികാരത്തിലേറ്റിയത് ഏകാധിപത്യത്തില്‍നിന്ന് ജനാധിപത്യത്തിലേക്കുള്ള ഐതിഹാസികമായ തിരിഞ്ഞുനടത്തമായിരുന്നു.
ജനാഭിലാഷങ്ങളെ പ്രതിഫലിപ്പിച്ച ഭരണമാറ്റത്തിന് തിരശ്ശീല വീഴ്ത്താനുള്ള ശ്രമമാണ് ഇപ്പോഴത്തെ സൈനിക നടപടി.
സയണിസ്റ്റുകളും സാമ്രാജ്യത്വ ശക്തികളുമാണ് ഹീനമായ ഈ അട്ടിമറിക്കു പിന്നില്‍ പ്രവര്‍ത്തിച്ചത്. മുര്‍സിയെ അജ്ഞാതകേന്ദ്രത്തില്‍ തടവിലിട്ടതും മാധ്യമങ്ങള്‍ക്ക് വിലക്കേര്‍പ്പെടുത്തിയതും മുസ്ലിം ബ്രദര്‍ഹുഡ് നേതാക്കളെ അറസ്റ്റ് ചെയ്തതും ഈജിപ്തിന്‍െറ ഭാവിയെക്കുറിച്ച് ആശങ്കയുണര്‍ത്തുന്നതാണ്.
പ്രതിസന്ധിഘട്ടത്തിലും ഇച്ഛാശക്തി പ്രകടിപ്പിച്ച പ്രസിഡന്‍റ് മുര്‍സിയെയും ബ്രദര്‍ഹുഡിനെയും ജസ്റ്റിസ് ആന്‍ഡ് ഡെവലപ്മെന്‍റ് പാര്‍ട്ടി നേതാക്കളെയും ശൂറ അഭിനന്ദിച്ചു. ലോകത്തിലെ ഏറ്റവും വലിയ ജനാധിപത്യ രാജ്യമെന്ന നിലയില്‍ ഇന്ത്യയെ അംഗീകരിക്കുകയും ആദരിക്കുകയും ചെയ്തവരാണ് ഡോ. മുഹമ്മദ് മുര്‍സിയും അദ്ദേഹത്തിന്‍െറ പാര്‍ട്ടിയും. ജനാധിപത്യ പാരമ്പര്യങ്ങളുള്ള ഇന്ത്യ പട്ടാള അട്ടിമറിയെ അപലപിക്കുകയും ജനാധിപത്യ പുന$സ്ഥാപനശ്രമങ്ങളെ പിന്തുണക്കുകയും വേണം.  ജനാധിപത്യപോരാളികളെ കൂട്ടക്കൊല നടത്തുന്ന ഈജിപ്ഷ്യന്‍ സൈന്യത്തിന്‍െറ കിരാത നടപടിയെ അപലപിക്കാന്‍ രാജ്യത്തെ ജനാധിപത്യവാദികളും മനുഷ്യാവകാശ പ്രവര്‍ത്തകരും രംഗത്തുവരണമെന്ന് ശൂറ ആവശ്യപ്പെട്ടു. അമീര്‍ ടി. ആരിഫലി അധ്യക്ഷത വഹിച്ചു.

VISION 2016

PRABODHANAM WEEKLY

AADHAR

MADHYAMAM WEEKLY

‘റമദാന് മുന്നൊരുക്കം’ നടത്തി

‘റമദാന് മുന്നൊരുക്കം’ നടത്തി

മുണ്ടേരി: ജമാഅത്തെ ഇസ്ലാമി മുണ്ടേരി കാര്‍കുന്‍ ഹല്‍ഖയുടെ ആഭിമുഖ്യത്തില്‍ ‘റമദാന് മുന്നൊരുക്കം’ സംഘടിപ്പിച്ചു. കുബൈബ് മസ്ജിദ് ഇമാം എം.പി. ഖാലിദ് ഉദ്ഘാടനം ചെയ്തു. അബൂ ബിലാല്‍ മുഖ്യപ്രഭാഷണം നടത്തി.

നേതൃപരിശീലന ക്ളാസ്

നേതൃപരിശീലന ക്ളാസ്

കണ്ണൂര്‍: ജി.ഐ.ഒ ജില്ലാ കമ്മിറ്റിയുടെ ആഭിമുഖ്യത്തില്‍ നേതൃപരിശീലന ക്ളാസ് സംഘടിപ്പിച്ചു. കൗസര്‍ ഓഡിറ്റോറിയത്തില്‍ ജമാഅത്തെ ഇസ്ലാമി ജില്ലാ പ്രസിഡന്‍റ് യു.പി. സീദ്ദീഖ് മാസ്റ്റര്‍ ഉദ്ഘാടനം ചെയ്തു. സുശീല്‍ ഹസ്സന്‍ ക്ളാസെടുത്തു. ജി.ഐ.ഒ ജില്ലാ കോഓഡിനേറ്റര്‍ ഹനീഫ് മാസ്റ്റര്‍, ജില്ലാ പ്രസിഡന്‍റ് ഹസ്ന എന്നിവര്‍ സംസാരിച്ചു. ജമാഅത്തെ ഇസ്ലാമി വനിതാ വിഭാഗം പ്രസിഡന്‍റ് എ.ടി. സമീറ നന്ദി പറഞ്ഞു.

മുഹമ്മദ് സാലി ഹാജി

മുഹമ്മദ് സാലി ഹാജി

കുടുക്കിമൊട്ട: അലീമാസില്‍ പള്ളിയകത്ത് മുഹമ്മദ് സാലി ഹാജി (80) നിര്യാതനായി. ഭാര്യ: കുഞ്ഞലീമ. മക്കള്‍: ഫൗസിയ, അബ്ദുല്‍ശുക്കൂര്‍ (ജിദ്ദ), നിയാസ് (ഒമാന്‍). മരുമക്കള്‍: കെ.കെ. അബ്ദുസ്സലാം  (ചക്കരക്കല്ല്), സഫീറ.

MEDIA ONE

SPEECH

PRABODHANAM WEEKLY

SPEECH

ബൈത്തുസകാത്ത് വീട് താക്കോല്‍ദാനം

ബൈത്തുസകാത്ത്
വീട് താക്കോല്‍ദാനം

ചക്കരക്കല്ല്: ബൈത്തുസകാത്ത് ചക്കരക്കല്ല് നിര്‍മിച്ച് നല്‍കിയ വീടിന്‍െറ താക്കോല്‍ദാനം ജമാഅത്തെ ഇസ്ലാമി ജില്ലാ പ്രസിഡന്‍റ് യു.പി. സിദ്ദീഖ് നിര്‍വഹിച്ചു. പൊതുവാച്ചേരിയിലെ നിര്‍ധന കുടുംബത്തിനാണ് വീട് നിര്‍മിച്ച് നല്‍കിയത്. ഇ. അബ്ദുല്‍ സലാം, ഡോ. കെ.പി. അബ്ദുല്‍ ഗഫൂര്‍, പൊതുവാച്ചേരി പള്ളി പ്രസിഡന്‍റ് അബ്ദുല്‍ അസീസ് ഹാജി, മൊയ്തീന്‍ മാസ്റ്റര്‍, സി.കെ. നസീര്‍, സി.ടി. ഷൗക്കത്തലി എന്നിവര്‍ സംബന്ധിച്ചു.

സാമൂതിരി കുടുംബ പെന്‍ഷന്‍: തീരുമാനം പിന്‍വലിക്കണം -സോളിഡാരിറ്റി

 

സാമൂതിരി കുടുംബ പെന്‍ഷന്‍: 

തീരുമാനം പിന്‍വലിക്കണം 

-സോളിഡാരിറ്റി

 കോഴിക്കോട്: സാമൂതിരി കുടുംബത്തിലെ പിന്മുറക്കാരായ 826 പേര്‍ക്ക് പ്രതിമാസം 2500 രൂപ പെന്‍ഷന്‍ നല്‍കാനുള്ള മന്ത്രിസഭാ തീരുമാനം പിന്‍വലിക്കണമെന്ന് സോളിഡാരിറ്റി സംസ്ഥാന പ്രസിഡന്‍റ് ടി. മുഹമ്മദ് വേളം ആവശ്യപ്പെട്ടു.വിവിധ കുടുംബ-സാമൂഹിക പെന്‍ഷന്‍ പദ്ധതികള്‍ക്കനുവദിക്കുന്ന തുക അടിസ്ഥാന ആവശ്യം നിറവേറ്റാന്‍ പോലും പര്യാപ്തമല്ല. പ്രൗഢിയോടെയും പ്രതാപത്തോടെയും കഴിയുന്ന സാമൂതിരി കുടുംബത്തിന്  പ്രതിവര്‍ഷം രണ്ടരക്കോടി രൂപ പെന്‍ഷന്‍ ഇനത്തില്‍ നല്‍കാനുള്ള തീരുമാനം ജനാധിപത്യ വിരുദ്ധമാണെന്നും അദ്ദേഹം പ്രസ്താവനയില്‍ പറഞ്ഞു.

മുര്‍സിക്കെതിരായ സമരത്തിന് പിന്നില്‍ പുറംശക്തികള്‍-ജമാഅത്ത്

മുര്‍സിക്കെതിരായ സമരത്തിന് പിന്നില്‍
പുറംശക്തികള്‍-ജമാഅത്ത്

  ന്യൂദല്‍ഹി: ഈജിപ്തില്‍ മുര്‍സി ഭരണകൂടത്തിനെതിരെ നടക്കുന്ന അക്രമ സമരം ആ രാജ്യത്തെ ജനതക്കെതിരാണെന്ന് ജമാഅത്തെ ഇസ്ലാമി അഖിലേന്ത്യാ അമീര്‍ മൗലാന സയ്യിദ് ജലാലുദ്ദീന്‍ ഉമരി പ്രസ്താവിച്ചു. മുസ്ലിം രാജ്യങ്ങളിലെ ജനാധിപത്യരീതിയില്‍ തെരഞ്ഞെടുക്കപ്പെട്ട സര്‍ക്കാറുകള്‍ക്കെതിരെ സാമ്രാജ്യത്വ ശക്തികള്‍ രംഗത്തുണ്ടെന്നത് രഹസ്യമല്ല. അതാണ് ഈജിപ്തില്‍ കാണുന്നത്. ആഭ്യന്തര സംഘര്‍ഷം സൃഷ്ടിച്ച്  ജനകീയ സര്‍ക്കാറുകളെ അട്ടിമറിക്കാനുള്ള വിദേശശക്തികളുടെ ശ്രമം തിരിച്ചറിഞ്ഞ് ഒറ്റക്കെട്ടായി നില്‍ക്കാന്‍ ഈജിപ്ഷ്യന്‍ ജനതക്ക് കഴിയണം. സമരത്തെ വിവേകത്തോടെയും സംയമനത്തോടെയും നേരിട്ട് സാമ്രാജ്യത്വ ഗൂഢാലോന പരാജയപ്പെടുത്തണമെന്നും  ഉമരി പ്രസ്താവനയില്‍ പറഞ്ഞു.

ARAMAM MONTHLY

MADHYAMAM WEEKLY

ബൈത്തുസകാത്ത് ജനറല്‍ബോഡി

ബൈത്തുസകാത്ത് ജനറല്‍ബോഡി

തലശ്ശേരി: തലശ്ശേരി ബൈത്തുസകാത്തിന്‍െറ വാര്‍ഷിക ജനറല്‍ബോഡി യോഗത്തില്‍ ടി. അബ്ദുല്‍ റഹീം അധ്യക്ഷത വഹിച്ചു. ജന. സെക്രട്ടറി  എന്‍ജി. പി. അബ്ദുറസാഖ് റിപ്പോര്‍ട്ടും ട്രഷറര്‍ എ.കെ. മുസമ്മില്‍ വരവുചെലവ് കണക്കും അവതരിപ്പിച്ചു. അല്‍ജാമിയ അല്‍ ഇസ്ലാമിയ ഡെപ്യൂട്ടി റക്ടര്‍ ഇല്യാസ് മൗലവി സകാത്ത് ബോധവത്കരണ ക്ളാസെടുത്തു. വൈസ് പ്രസിഡന്‍റ് കെ. മമ്മൂട്ടി സ്വാഗതവും സെക്രട്ടറി കെ. റഹ്മത്തുല്ല നന്ദിയും പറഞ്ഞു. വീട് നിര്‍മാണം, അറ്റകുറ്റപ്പണി, കടംവീട്ടല്‍, സ്വയംതൊഴില്‍, വിദ്യാഭ്യാസം, ചികിത്സ, മാസാന്ത പെന്‍ഷന്‍ എന്നീ മേഖലകളിലായി കഴിഞ്ഞ സാമ്പത്തിക വര്‍ഷം 198 പേര്‍ക്ക് സകാത്ത് വിതരണം ചെയ്തു.
ഭാരവാഹികള്‍: സി. മഹ്മൂദ് ഹാജി (പ്രസി), ടി. അബ്ദുല്‍ റഹീം (വര്‍ക്കിങ് പ്രസി), പി. അബ്ദുല്‍ റസാഖ് (ജന. സെക്ര), എ.കെ. മുസമ്മില്‍ (ട്രഷ), കെ. മമ്മൂട്ടി, അഡ്വ. പി.വി. സൈനുദ്ദീന്‍, എം.കെ. അബ്ദുല്‍ അസീസ്, എം. സൈഫുദ്ദീന്‍ ആസാദ്, ഡോ. നാസിമുദ്ദീന്‍ (വൈ. പ്രസി), കെ. റഹ്മത്തുല്ല, എം. അബ്ദുല്‍ നാസര്‍, കെ.കെ. അബ്ദുല്‍ ജലീല്‍, എം. സിദ്ദീഖ് (സെക്ര).

മലര്‍വാടി വിജ്ഞാന മത്സരം

മലര്‍വാടി വിജ്ഞാന മത്സരം

തലശ്ശേരി: മലര്‍വാടി ബാലസംഘം പരിസ്ഥിതി കാമ്പയിന്‍െറ ഭാഗമായി തലശ്ശേരി ഏരിയ വിജ്ഞാന മത്സരം സംഘടിപ്പിച്ചു.
ഇസ്ഹാഖ് മുഹമ്മദ് (കായ്യത്ത് റോഡ്), മുഹമ്മദ് അഫ്റഹ് (നിട്ടൂര്‍), നാസിത് അബ്ദുറഷീദ് (കോടതി) എന്നിവര്‍ യഥാക്രമം ഒന്നും രണ്ടും മൂന്നും സ്ഥാനങ്ങള്‍ കരസ്ഥമാക്കി.
ടി.കെ.ഡി  മുഴപ്പിലങ്ങാട് കുട്ടികളുമായി സംവദിച്ചു. ഏരിയാ കോഓഡിനേറ്റര്‍ സാജിദ് കോമത്ത് നേതൃത്വം നല്‍കി.

എസ്.ഐ.ഒ മെംബര്‍ഷിപ് കാമ്പയിന് തുടക്കം

എസ്.ഐ.ഒ മെംബര്‍ഷിപ് 

കാമ്പയിന് തുടക്കം

തലശ്ശേരി:  ‘ബീ  പ്രാക്ടിക്കല്‍, ഡിമാന്‍ഡ് ജസ്റ്റിസ്’ എന്ന തലക്കെട്ടില്‍ നടക്കുന്ന 2013-14 വര്‍ഷത്തെ കാമ്പസ് മെംബര്‍ഷിപ് കാമ്പയിന്‍ തലശ്ശേരി ഗവ.ബ്രണ്ണന്‍ കോളജില്‍ എസ്.ഐ.ഒ സംസ്ഥാന ജനറല്‍ സെക്രട്ടറി കെ.വി.സഫീര്‍ഷ ഉദ്ഘാടനം ചെയ്തു.  കോളജ് വിദ്യാര്‍ഥിനി നൗറീന്‍ മുസമ്മില്‍ ആദ്യ മെംബര്‍ഷിപ് ഏറ്റുവാങ്ങി. സംസ്ഥാന സെക്രട്ടറി കെ.എസ്. നിസാര്‍, കണ്ണൂര്‍ ജില്ലാ പ്രസിഡന്‍റ് ശംസീര്‍ ഇബ്രാഹിം, സെക്രട്ടറി അഫ്സല്‍ എന്നിവര്‍ സംസാരിച്ചു. യൂനിറ്റ് പ്രസിഡന്‍റ് സുഹൈല്‍ സ്വാഗതവും സെക്രട്ടറി നാജിയ നന്ദിയും പറഞ്ഞു.

‘റമദാന്‍ മുന്നൊരുക്കം’

‘റമദാന്‍ മുന്നൊരുക്കം’

ചാലാട്: അല്‍ മദ്റസത്തുല്‍ ഇസ്ലാമിയയുടെ ആഭിമുഖ്യത്തില്‍ ചാലാട് ഹിറ ഇംഗ്ളീഷ് സ്കൂള്‍ ഓഡിറ്റോറിയത്തില്‍ റമദാന്‍ മുന്നൊരുക്കം നടത്തി. ഇരിക്കൂര്‍ മസ്ജിദുല്‍ ഈമാന്‍ ഖത്തീബ് സി.കെ. മുനവ്വിര്‍ പ്രഭാഷണം നടത്തി. ജമാഅത്തെ ഇസ്ലാമി ചാലാട് ഘടകം നാസിം കെ.പി. റഫീഖ് അധ്യക്ഷത വഹിച്ചു. ടി.കെ. അസ്ലം ഖിറാഅത്ത് നടത്തി. ടി.കെ. ഖലീലുറഹ്മാന്‍ സ്വാഗതവും കെ. ജസീര്‍ മൗലവി നന്ദിയും പറഞ്ഞു.

ഉത്തരാഖണ്ഡ് പ്രളയബാധിതരെ സഹായിക്കണം -വെല്‍ഫെയര്‍ പാര്‍ട്ടി

ഉത്തരാഖണ്ഡ് പ്രളയബാധിതരെ
സഹായിക്കണം -വെല്‍ഫെയര്‍ പാര്‍ട്ടി

തിരുവനന്തപുരം: ഉത്തരാഖണ്ഡിലെ പ്രളയ ദുരിത ബാധിതരെ സഹായിക്കാന്‍ വെല്‍ഫെയര്‍ പാര്‍ട്ടി അഖിലേന്ത്യാ തലത്തില്‍ പ്രഖ്യാപിച്ച ദുരിതാശ്വാസ നിധി വിജയിപ്പിക്കാന്‍ സംസ്ഥാന എക്സിക്യൂട്ടീവ് തീരുമാനിച്ചു. പ്രളയദുരിതമനുഭവിക്കുന്ന ഗ്രാമങ്ങളില്‍ സേവനപ്രവര്‍ത്തനങ്ങളുമായി പാര്‍ട്ടി പ്രവര്‍ത്തകര്‍ രംഗത്തുണ്ട്. ജൂലൈ ആറ്, ഏഴ് ദിവസങ്ങളില്‍ കേരളത്തിലെ പാര്‍ട്ടിഘടകങ്ങള്‍ ബക്കറ്റ് കളക്ഷനിലൂടെ ഫണ്ട് സമാഹരിക്കും. യോഗത്തില്‍ കെ. അംബുജാക്ഷന്‍ അധ്യക്ഷത വഹിച്ചു.

തണല്‍ സാംസ്കാരിക വേദി ഉദ്ഘാടനം

തണല്‍ സാംസ്കാരിക വേദി ഉദ്ഘാടനം

ന്യൂമാഹി: പ്രവാചകന്‍ മുഹമ്മദ് നബിയുടെ ജീവിതവും പ്രവര്‍ത്തനങ്ങളും മൊത്തം സമൂഹത്തിന്‍െറയും നന്മക്ക് വേണ്ടിയായിരുന്നുവെന്ന് റിട്ട. ജഡ്ജി സി. ഖാലിദ് പറഞ്ഞു.
പുന്നോല്‍ തണല്‍ ചാരിറ്റബ്ള്‍ സൊസൈറ്റിയുടെ ആഭിമുഖ്യത്തില്‍ കിടാരന്‍ കുന്നില്‍ ആരംഭിച്ച തണല്‍ സാംസ്കാരിക വേദിയുടെ ഉദ്ഘാടനം നിര്‍വഹിക്കുകയായിരുന്നു അദ്ദേഹം. വിദ്യാഭ്യാസ മേഖലയിലെ പ്രവര്‍ത്തനങ്ങളുടെ ഉദ്ഘാടനവും മികച്ച വിദ്യാര്‍ഥികള്‍ക്കുള്ള അവാര്‍ഡുദാനവും തലശ്ശേരി തഹസില്‍ദാര്‍ കെ. സുബൈര്‍ നിര്‍വഹിച്ചു.
പുകവലി, മദ്യം, മയക്കുമരുന്ന് വിരുദ്ധ ബോധവത്കരണ പ്രവര്‍ത്തനങ്ങളുടെ ഉദ്ഘാടനം എക്സൈസ് അസി. കമീഷണര്‍ പി.കെ. സുരേഷും ടീന്‍സ് ക്ളബ് ഉദ്ഘാടനം സി.വി. രാജന്‍ മാസ്റ്ററും ഖുര്‍ആന്‍ സ്റ്റഡി സെന്‍റര്‍ ഉദ്ഘാടനം യു.പി. സിദ്ദീഖ് മാസ്റ്ററും നിര്‍വഹിച്ചു. സി.എം. ഷറഫുദ്ദീന്‍ എന്‍ജിനീയര്‍ ടെയ്ലറിങ് ട്രെയ്നിങ് സെന്‍റര്‍ ഉദ്ഘാടനം ചെയ്തു. റഹ്മാന്‍ തലായി, പി.കെ. ഷിനോഫ് എന്നിവര്‍ സംസാരിച്ചു. പി.എം. അബ്ദുന്നാസിര്‍ അധ്യക്ഷത വഹിച്ചു. ടി.എം. അബ്ദുല്‍ ലത്തീഫ് സ്വാഗതവും സി.പി. അഷ്റഫ് നന്ദിയും പറഞ്ഞു.

‘ഒരു കൈ ഒരു തൈ’ ഏരിയാതല ഉദ്ഘാടനം

‘ഒരു കൈ ഒരു തൈ’
ഏരിയാതല ഉദ്ഘാടനം

പഴയങ്ങാടി: മലര്‍വാടി ബാല സംഘം ‘ഒരു കൈ ഒരു തൈ‘ പരിസ്ഥിതി കാമ്പയിന്‍ മാടായി ഏരിയാതല ഉദ്ഘാടനം പരിസ്ഥിതി പ്രവര്‍ത്തകന്‍ കെ.വി.ആര്‍. കണ്ണന്‍ നിര്‍വഹിച്ചു. മലര്‍വാടി മാടായി ഏരിയാ ബാലസംഘം കോഓഡിനേറ്റര്‍ ടി.പി.കുഞ്ഞബ്ദുല്ല മാസ്റ്റര്‍ സ്വാഗതവും എന്‍.എം.മൂസ മാസ്റ്റര്‍ നന്ദിയും പറഞ്ഞു.

‘റമദാന് സ്വാഗതം’

 ‘റമദാന് സ്വാഗതം’

ചക്കരക്കല്ല്: ചക്കരക്കല്ല് ജമാഅത്തെ ഇസ്ലാമി ഘടകത്തിന്‍െറ ആഭിമുഖ്യത്തില്‍ ‘റമദാന് സ്വാഗതം’ പരിപാടി സംഘടിപ്പിച്ചു. ഇ. അബ്ദുല്‍ സലാം മാസ്റ്റര്‍ അധ്യക്ഷത വഹിച്ചു. സഫ മസ്ജിദ് ഖത്തീബ് സി.എച്ച്. മുസ്തഫ മൗലവി മുഖ്യപ്രഭാഷണം നടത്തി. ഫിറോസ് ഖിറാഅത്ത് നടത്തി. സി.ടി. അഷ്കര്‍ നന്ദി പറഞ്ഞു.