KANHIRODE NEWS

 

മായന്‍മുക്ക്-കാഞ്ഞിരോട് റോഡിലെ
കലുങ്ക് പുനര്‍നിര്‍മാണം തുടങ്ങി

കാഞ്ഞിരോട്: പൊട്ടിപ്പിളര്‍ന്ന് ഗതാഗതം അപകടാവസ്ഥയിലായ മായന്‍മുക്ക്-കാഞ്ഞിരോട് റോഡിലെ കലുങ്കിന് ശാപമോക്ഷമാകുന്നു. മുണ്ടേരി പഞ്ചായത്തിലെ മായന്‍മുക്ക്-കാഞ്ഞിരോട് റോഡിലെ കലുങ്കിന്റെ അപകടാവസ്ഥ മാധ്യമം റിപ്പോര്‍ട്ട് ചെയ്തിരുന്നു. കലുങ്ക് പുനര്‍നിര്‍മിക്കണമെന്ന പ്രദേശവാസികളുടെ നിരന്തര ആവശ്യത്തെ തുടര്‍ന്നാണ് ഇപ്പോള്‍ പുനര്‍നിര്‍മാണം ആരംഭിച്ചത്. മുണ്ടേരി ഗവ. ഹയര്‍സെക്കന്‍ഡറി സ്കൂള്‍, അല്‍ഹുദ സ്കൂള്‍, കാഞ്ഞിരോട് സ്കൂള്‍, മദ്റസ വില്ലേജ് ഓഫിസ്, മൃഗാശുപത്രി തുടങ്ങിയ സ്ഥാപനങ്ങളിലേക്ക് മുണ്ടേരി, മായന്‍മുക്ക് പ്രദേശത്തുകാര്‍ക്ക് എളുപ്പം ഈ റോഡിലൂടെ എത്താം.
റോഡില്‍ തെരുവുവിളക്ക് സ്ഥാപിക്കാത്തത് പ്രദേശവാസികളെ ദുരിതത്തിലാക്കുന്നു. പരാതി നല്‍കിയിട്ടും തെരുവുവിളക്ക് സ്ഥാപിക്കാത്തതില്‍ പ്രതിഷേധിച്ച് പരിസരത്തെ വീട്ടുകാര്‍ സ്വന്തം ചെലവില്‍ തെരുവുവിളക്ക് സ്ഥാപിച്ചിരിക്കുകയാണ്. അധികൃതര്‍ അടിയന്തര നടപടിയെടുക്കണമെന്നാണ് നാട്ടുകാരുടെ ആവശ്യം.

IPH KANNUR

സംഘ് പരിവാര്‍  സാമ്രാജ്യത്വ കൂട്ടുകെട്ടിന്റെ
ഇന്ത്യന്‍ ഏജന്റ് -സലീം മമ്പാട്

പഴയങ്ങാടി: അമേരിക്ക, ഇസ്രായേല്‍ സാമ്രാജ്യത്വ കൂട്ടുകെട്ടിന്റെ അജണ്ട നടപ്പില്‍ വരുത്തുന്ന ഇന്ത്യയിലെ ഏജന്റാണ് സംഘ്പരിവാറെന്ന് സോളിഡാരിറ്റി സംസ്ഥാന പ്രവര്‍ത്തക സമിതി അംഗം സലീം മമ്പാട്. പഴയങ്ങാടിയില്‍ ഐ.പി.എച്ച് പുസ്തക മേള സമാപന സമ്മേളനത്തോടനുബന്ധിച്ച് നടന്ന 'ഭീകര വിരുദ്ധ പോരാട്ടത്തിന്റെ രാഷ്ട്രീയം' സെമിനാറില്‍ സംസാരിക്കുകയായിരുന്നു അദ്ദേഹം.
സോവിയറ്റ് റഷ്യയോട് ആഭിമുഖ്യം പുലര്‍ത്തിയ ഇന്ത്യയുടെ ചായ്വ് നരസിംഹ റാവു മുതല്‍ മന്‍മോഹന്‍ സിങ് വരെയുള്ളവരുടെ കാലഘട്ടത്തിലാണ് അമേരിക്കക്കുള്ള ദാസ്യവേലയിലെത്തിയത്.  അസിമാനന്ദയുടെ കുറ്റസമ്മതത്തിന് ശേഷം രാജ്യത്ത് ഭീകരസ്ഫോടനങ്ങളുണ്ടായില്ലെന്നത് ഇത്തരം  സ്ഫോടനങ്ങള്‍ക്ക് പിന്നില്‍ സംഘ് പരിവാറാണ് പ്രവര്‍ത്തിക്കുന്നതെന്നതിലേക്കാണ് വിരല്‍ ചൂന്റണ്ടുന്നത്.
വര്‍ഗീയതക്കും സാമ്രാജ്യത്വത്തിനുമെതിരെ പോരടിക്കുന്നവരെ മാധ്യമങ്ങളുടെ സഹായത്തോടെ ഭീകര വാദികളാക്കുന്ന പ്രവണത സാമ്രാജ്യത്വത്തിന്റെ നിഗൂഢ ശ്രമമാണ്. 30 വര്‍ഷത്തെ ഹുസ്നി മുബാറക്കിന്റെ ഭരണം തൂത്തെറിയാനായതും കേണല്‍ ഖദ്ദാഫിക്ക് നേരെ ഭീഷണിയുയര്‍ത്താനായതും ലോകത്ത് നടക്കുന്ന നവ വിപ്ലവത്തിന്റ പരിണത ഫലമാണ്. അധികാരത്തില്‍ അള്ളിപ്പിടിക്കുന്ന സ്വാര്‍ഥ മോഹികളെ കടപുഴക്കാനാവുന്നത് മതവിശ്വാസികള്‍ക്കും കമ്യൂണിസ്റ്റുകള്‍ക്കും വിമോചനത്തിന്റെ മുദ്രാവാക്യം മുഴക്കാനായതിനാലാണ്. അപ്പോഴാണ് മുഹമ്മദും മോസസും ഭക്തസിങും സോക്രട്ടീസും ഇവര്‍ക്ക് ഭീകരവാദിയാകുന്നത്  ^അദ്ദേഹം തുടര്‍ന്നു. മുഹമ്മദ് സാജിദ് നദ്വി അധ്യക്ഷം വഹിച്ചു.   മുനീഫ് ഖിറാഅത്ത് നടത്തി.ഫൈസല്‍ പാളയം സ്വാഗതം പറഞ്ഞു.

SOLIDARITY MATTANNUR

സോളിഡാരിറ്റി ജനകീയ കുടിവെള്ള
പദ്ധതി സമര്‍പ്പണം ജൂണ്‍ അഞ്ചിന്

മട്ടന്നൂര്‍: സോളിഡാരിറ്റി സംസ്ഥാന കുടിവെള്ള പദ്ധതിയുടെ ഭാഗമായി പുന്നാട് ലക്ഷം വീട് കോളനിയില്‍ ഒരുക്കിയ ജനകീയ കുടിവെള്ള പദ്ധതി ജൂണ്‍ അഞ്ചിന് നാടിന് സമര്‍പ്പിക്കും. സോളിഡാരിറ്റി സംസ്ഥാന പ്രസിഡന്റ് പി. മുജീബുറഹ്മാന്‍ സമര്‍പ്പണ പരിപാടി ഉദ്ഘാടനം ചെയ്യും. കുടിവെള്ള ക്ഷാമം രൂക്ഷമായി നേരിടുന്ന പുന്നാട് കോളനിയിലെ നാല്‍പതോളം വീട്ടുകാര്‍ക്ക് സോളിഡാരിറ്റിയുടെ കുടിവെള്ള പദ്ധതി വലിയ അനുഗ്രഹമായി മാറും. കുടിവെള്ള പദ്ധതിയുടെ ഉദ്ഘാടനത്തിന് ഉത്സവഛായ പകരാന്‍ കോളനി വാസികളും നാട്ടുകാരും തയാറെടുക്കുകയാണ്. ഘോഷയാത്ര ഉള്‍പ്പെടെ വിപുലമായ പരിപാടികളാണ് ഒരുക്കിയിട്ടുള്ളത്.
പരിപാടിയുടെ വിജയത്തിന് വിപുലമായ സംഘാടക സമിതി രൂപവത്കരിച്ചു. യോഗത്തില്‍ സോളിഡാരിറ്റി ജില്ലാ സെക്രട്ടറി എന്‍.എം. ഷഫീഖ് അധ്യക്ഷത വഹിച്ചു. പി.സി. മുനീര്‍, കെ.പി. റസാഖ്, കെ.വി. സാദിഖ് എന്നിവര്‍ സംസാരിച്ചു. ടി.കെ. മുനീര്‍ സ്വാഗതവും ഷാനിഫ് ഇരിട്ടി നന്ദിയും പറഞ്ഞു.
ഭാരവാഹികള്‍: പി.സി. മുനീര്‍ (ചെയര്‍.), ടി.കെ. മുഹമ്മദ് അസ്ലം (ജന. കണ്‍.), ടി.കെ. മുനീര്‍ (കണ്‍.), ഷക്കീബ് ഉളിയില്‍ (പ്രചാരണം), ഷാനിദ് ഇരിട്ടി (പ്രോഗ്രാം), സി.കെ. അന്‍സാര്‍ (സജ്ജീകരണം), കെ.വി. നിസാര്‍ (ഘോഷയാത്ര), പി.പി. റിയാസ് (ഡെക്കറേഷന്‍), നൌഷാദ് മേത്തര്‍ ( പബ്ലിക് റിലേഷന്‍), കെ.വി. സാദിഖ് (റിസപ്ഷന്‍), പി. അബൂബക്കര്‍ (റിഫ്രഷ്മെന്റ്).

COORG NEWS

കുടകില്‍ കുടിവെള്ളക്ഷാമം രൂക്ഷമാകുന്നു

മടിക്കേരി: കാലവര്‍ഷം വൈകിയത് കുടകില്‍ കുടിവെള്ളക്ഷാമം രൂക്ഷമാക്കുന്നു. ജില്ലാ ആസ്ഥാനമായ മടിക്കേരിയിലും വാണിജ്യകേന്ദ്രമായ കുശാല്‍നഗറിലും മേയ് മാസം ആദ്യവാരംതന്നെ കടുത്ത കുടിവെള്ളക്ഷാമമാണ് നേരിടുന്നത്.
മടിക്കേരി ടൌണിലേക്ക് കുടിവെള്ളം വിതരണം ചെയ്തുകൊണ്ടിരുന്ന 'കൂട്ട്ഹൊള' വരണ്ട നിലയിലാണ്. മടിക്കേരി ടൌണില്‍ ഇപ്പോള്‍ ആഴ്ചയില്‍ നാലു ദിവസം മാത്രമാണ് കുടിവെള്ള വിതരണം നടക്കുന്നത്. അനധികൃത ഹോംസ്റ്റേകളും റിസോര്‍ട്ടുകളും വെള്ളമൂറ്റുന്നതും വേനലവധിയായതിനാല്‍ വിനോദസഞ്ചാരികള്‍ വര്‍ധിച്ചതുമാണ് ഒരു കാരണം.

വീരാജ്പേട്ട നഗരത്തില്‍ മറ്റു പട്ടണങ്ങളെ അപേക്ഷിച്ച് കുടിവെള്ളക്ഷാമം കുറവാണെങ്കിലും ടൌണിലേക്ക് കുടിവെള്ളം വിതരണം ചെയ്തിരുന്ന ബേത്തരി പുഴയും കദനൂര്‍ പുഴയും വരണ്ടുകിടപ്പാണ്. കാലവര്‍ഷം താമസിക്കുകയാണെങ്കില്‍ വെള്ളക്ഷാമം രൂക്ഷമാകാനാണ് സാധ്യത.

കുശാല്‍നഗര്‍ ടൌണിലേക്ക് കുടിവെള്ളം വിതരണം ചെയ്തിരുന്ന ബൈല്‍കൊപ്പയിലെ കാവേരി പുഴയിലും നീരൊഴുക്ക് കുറഞ്ഞിട്ടുണ്ട്. കുടകിലെ മിക്ക നഗരങ്ങളിലും മുന്‍വര്‍ഷങ്ങളെ അപേക്ഷിച്ച് കുടിവെള്ളക്ഷാമം രൂക്ഷമായിക്കൊണ്ടിരിക്കുകയാണ്.

അതിനിടെ, ജില്ലാ ഭരണകൂടം പ്രത്യേക കുടിവെള്ള പദ്ധതിക്കുവേണ്ടി 8.50 കോടി രൂപയുടെ പദ്ധതി തയാറാക്കിയിട്ടുണ്ട്.

MALARVADY

മലര്‍വാടി കളിക്കളം സംഘടിപ്പിച്ചു

പാപ്പിനിശേãരി: വളപട്ടണം ഏരിയാ മലര്‍വാടി കളിക്കളം സംഘടിപ്പിച്ചു. പാപ്പിനിശേãരി മസ്ജിദുല്‍ ഈമാന്‍ കാമ്പസില്‍ നടന്ന മത്സരങ്ങളില്‍ വളപട്ടണം, പുതിയതെരു, പാപ്പിനിശേãരി, അഴീക്കോട് യൂനിറ്റുകളിലെ ബാലസംഘാംഗങ്ങള്‍ പങ്കെടുത്തു. സീനിയര്‍ വിഭാഗത്തില്‍ ഒന്നും രണ്ടും സമ്മാനങ്ങള്‍ പാപ്പിനിശേãരി യൂനിറ്റിലെ അഫ്റാഹും സഫ്വാനും മൂന്നാം സമ്മാനം സയാനും നേടി. ജൂനിയര്‍ വിഭാഗത്തില്‍ പാപ്പിനിശേãരി യൂനിറ്റിലെ അയ്മന്‍, കോഴിക്കോട് യൂനിറ്റിലെ താനിയ സമീന്‍ എന്നിവര്‍ യഥാക്രമം ഒന്നും രണ്ടും മൂന്നും സ്ഥാനങ്ങള്‍ നേടി.  കിഡ്സ് വിഭാഗത്തില്‍ പാപ്പിനിശേãരി യൂനിറ്റിലെ കെ. റജിന്‍, വളപട്ടണം യൂനിറ്റിലെ നമീഅ, പാപ്പിനിശേãരി യൂനിറ്റിലെ ജിനാന്‍ എന്നിവര്‍ വിജയികളായി. സോളിഡാരിറ്റി ജില്ലാ വൈസ് പ്രസിഡന്റ് വി.എന്‍. ഹാരിസ് ഉദ്ഘാടനം ചെയ്തു.  മലര്‍വാടി ഏരിയാ രക്ഷാധികാരി എന്‍.എം. കോയ അധ്യക്ഷത വഹിച്ചു. കോഓഡിനേറ്റര്‍ കെ.പി. നാസര്‍, സാജിത്, അബ്ബാസ്, ഫൈസല്‍, റഷീദ് മാസ്റ്റര്‍, ജാഫര്‍, റഫീഖ്, അശ്റഫ്, ആമിന, ഷാദിയ, റംഷീന എന്നിവര്‍ നേതൃത്വം നല്‍കി.

ഫുട്ബാള്‍ മത്സരം

തലശേãരി: മലര്‍വാടി ബാലസംഘം ജില്ലാതല ഫുട്ബാള്‍ മത്സരം തലശേãരിയില്‍ ജില്ലാ രക്ഷാധികാരി ടി.കെ. മുഹമ്മദലി ഉദ്ഘാടനം ചെയ്തു. മാടായി എഫ്.സി വിജയിച്ചു. വളപട്ടണം എഫ്.സി റണ്ണേഴ്സ് ആയി. വിജയികള്‍ക്കുള്ള സമ്മാനം മലര്‍വാടി ജില്ലാ കോഓഡിനേറ്റര്‍ സി. അബ്ദുന്നാസര്‍ വിതരണം ചെയ്തു.
നസ്ലിന്‍, ശുഹൈബ് എന്നിവര്‍ കളികള്‍ നിയന്ത്രിച്ചു.

QURA'N STUDY CENTRE

ഖുര്‍ആന്‍ സ്റ്റഡി സെന്റര്‍ പരീക്ഷ

ചക്കരക്കല്ല്: ഖുര്‍ആന്‍ സ്റ്റഡി സെന്റര്‍ സംസ്ഥാനാടിസ്ഥാനത്തില്‍ നടത്തിയ പൊതുപരീക്ഷയുടെ ഭാഗമായി ജില്ലാടിസ്ഥാനത്തില്‍ വിവിധ കേന്ദ്രങ്ങളില്‍ പരീക്ഷ നടന്നു. കൌസര്‍ കോംപ്ലക്സ്, മട്ടാമ്പ്രം ഇസ്ലാമിക് സെന്റര്‍, അല്‍ഫലാഹ് കോളജ് മാഹി തുടങ്ങി വിവിധ കേന്ദ്രങ്ങളില്‍ നടന്ന പരീക്ഷയില്‍ 500ലധികംപേര്‍ പരീക്ഷയെഴുതി. കുടുംബിനികള്‍, വിദ്യാര്‍ഥികള്‍, ഡോക്ടര്‍മാര്‍, എന്‍ജിനീയര്‍മാര്‍, ബിസിനസ് രംഗത്തുള്ളവര്‍ തുടങ്ങിയവരുടെ സാന്നിധ്യം വേറിട്ട കാഴ്ചയായി. കൌസര്‍ കോംപ്ലക്സില്‍ നടന്ന പരീക്ഷക്ക് എന്‍.എം. മൂസ മാസ്റ്റര്‍, പി.സി.മുനീര്‍, കെ.കെ. ഇബ്രാഹിം മാസ്റ്റര്‍, ഹിശാം മാസ്റ്റര്‍ എന്നിവര്‍ നേതൃത്വം നല്‍കി.

KANHIRODE NEWS

 കാഞ്ഞിരോട് മുസ്ലിം ജമാഅത്ത് കമ്മിറ്റിയുടെ വിദ്യാഭ്യാസ സമുച്ചയ ഉദ്ഘാടനത്തോടനുബന്ധിച്ച് നടന്ന പൊതുയോഗത്തില്‍ സമസ്ത കേരള ജംഇയ്യതുല്‍ ഉലമ സെക്രട്ടറി ചെറുശേãരി സൈനുദ്ദീന്‍ മുസ്ലിയാര്‍ സംസാരിക്കുന്നു

വിദ്യാഭ്യാസ സമുച്ചയം തുറന്നു

കാഞ്ഞിരോട്: കാഞ്ഞിരോട് മുസ്ലിം ജമാഅത്ത് കമ്മിറ്റി പുതുതായി നിര്‍മിച്ച വിദ്യാഭ്യാസ സമുച്ചയത്തിന്റെ ഉദ്ഘാടനം പാണക്കാട് സാദിഖലി ശിഹാബ് തങ്ങള്‍ നിര്‍വഹിച്ചു. കേരള മുസ്ലിംകളുടെ പുരോഗതിയുടെ അടിസ്ഥാനം മദ്റസാ വിദ്യാഭ്യാസമാണെന്ന് അദ്ദേഹം ചൂണ്ടിക്കാട്ടി.മഹല്ല് പ്രസിഡന്റ് എം.പി.സി. ഹംസ അധ്യക്ഷത വഹിച്ചു. ചെറുശേãരി സൈനുദ്ദീന്‍ മുസ്ലിയാര്‍, പി.കെ.പി. അബ്ദുസ്സലാം മൌലവി, ഡോ. എം. മുഹമ്മദലി തുടങ്ങിയവര്‍ സംസാരിച്ചു. ടി.വി. മുഹമ്മദ് അസ്ലം മാസ്റ്റര്‍ സ്വാഗതവും എ. അഷ്റഫ് മാസ്റ്റര്‍ നന്ദിയും പറഞ്ഞു.

SOLIDARITY KANNUR

  സലീം അഹമ്മദിനെ സോളിഡാരിറ്റി യൂത്ത് മൂവ്മെന്റ് ജില്ലാ കമ്മിറ്റി അഭിനന്ദിച്ചു

സലീം അഹമ്മദിനെ സോളിഡാരിറ്റി യൂത്ത് മൂവ്മെന്റ് ജില്ലാ കമ്മിറ്റി അഭിനന്ദിച്ചു. സോളിഡാരിറ്റി സംസ്ഥാന പ്രവര്‍ത്തക സമിതിയംഗം ടി.പി. മുഹമ്മദ് ശമീം, ജില്ലാ പ്രസിഡന്റ് കെ.എം. മഖ്ബൂല്‍, ജില്ലാ ജനറല്‍ സെക്രട്ടറി എന്‍.എം. ഷഫീഖ്, ടി.കെ. അസ്ലം, കെ.എന്‍. ജുറൈജ്, കെ.എന്‍. ജാബിര്‍ എന്നിവര്‍ ഇന്നലെ സലീം അഹമ്മദിന്റെ വീട്ടിലെത്തി അഭിനന്ദനം അറിയിച്ചു.

SOLIDARITY KANNUR

സോളിഡാരിറ്റി ഏരിയാ ഭാരവാഹികള്‍

കണ്ണൂര്‍: സോളിഡാരിറ്റി യൂത്ത്മൂവ്മെന്റ് 2011^2013 വര്‍ഷത്തെ കണ്ണൂര്‍ ജില്ലയിലെ പുതിയ ഏരിയാ ഭാരവാഹികളെ തിരഞ്ഞെടുത്തു. പ്രസിഡന്റ്, സെക്രട്ടറി, വൈസ് പ്രസിഡന്റ് എന്നീ ക്രമത്തില്‍.
പയ്യന്നൂര്‍ ഏരിയ: എന്‍. ശിഹാബുദ്ദീന്‍, എം. നൌഷാദ്, മുഹമ്മദ് മുസ്തഫ എട്ടിക്കുളം. തളിപ്പറമ്പ് ഏരിയ: സി.എച്ച്. മിഫ്താഫ്, പി.കെ. സത്താര്‍, വി.വി. ഖാലിദ്. മാടായി ഏരിയ: മുഹമ്മദ് സാജിദ് നദ്വി, കെ.പി. റാഷിദ്, ഫൈസല്‍ മാടായി. വളപട്ടണം ഏരിയ: ടി.പി. ഇല്യാസ്, ശംസുദ്ദീന്‍ ചേലേരി, ബി. അബ്ദുല്‍ ജബ്ബാര്‍. കണ്ണൂര്‍ ഏരിയ: കെ.എന്‍. ജുനൈദ്, ടി. അസീര്‍, കെ.കെ. ശുഐബ് മുഹമ്മദ്. കാഞ്ഞിരോട് ഏരിയ: കെ.കെ. ഫൈസല്‍, സി.ടി. ശതീഖ്, വി.സി. ശമീം. ഇരിക്കൂര്‍ ഏരിയ: എന്‍.വി. താഹിര്‍, സി.എ.എന്‍. ഇഖ്ബാല്‍, കെ.പി. ഹാരിസ്. ഇരിട്ടി ഏരിയ: ടി.കെ. മുഹമ്മദ് അസ്ലം, ശാനിദ് മുഹമ്മദ്. കൂത്തുപറമ്പ് ഏരിയ: പി.സി. മുഹമ്മദ് അനസ്, കെ. സുബൈര്‍, കെ. അനൂപ്കുമാര്‍. എടക്കാട് ഏരിയ: ആര്‍. സാലിം, പി.കെ. അബ്ദുറഊഫ്, ഹുസൈന്‍ മാസ്റ്റര്‍. തലശേãരി ഏരിയ: പി.എ. സഈദ്, കെ. സാജിദ്, കെ.എം. അശ്ഫാഖ്. ന്യൂ മാഹി ഏരിയ: സി.എച്ച്. മുജീബുറഹ്മാന്‍, സ്വാലിഹ് മുഹമ്മദ്, പി. ഫൈസല്‍. പാനൂര്‍ ഏരിയ: പി. ശിഹാബുദ്ദീന്‍, സക്കരിയാ പാനൂര്‍, അബ്ദുല്‍ മനാഫ്.

KANHIRODE NEWS

 യു.ഡി.എഫ് സര്‍ക്കാര്‍ അധികാരമേറ്റെടുത്തതില്‍ ആഹ്ലാദം പ്രകടിപ്പിച്ച് കാഞ്ഞിരോട് ടൌണ്‍ മുസ്ലിം യൂത്ത്ലീഗിന്റെ ആഭിമുഖ്യത്തില്‍ പായസ വിതരണം നടത്തുന്നു

പായസ വിതരണം നടത്തി

കാഞ്ഞിരോട്: യു.ഡി.എഫ് സര്‍ക്കാര്‍ അധികാരമേറ്റെടുത്തതില്‍ ആഹ്ലാദം പ്രകടിപ്പിച്ച് കാഞ്ഞിരോട് ടൌണ്‍ മുസ്ലിം യൂത്ത്ലീഗിന്റെ ആഭിമുഖ്യത്തില്‍ കാഞ്ഞിരോട് ബസാറില്‍ പായസ വിതരണം നടത്തി. പി. അഷ്റഫ്, എം. ഷഫീര്‍, എം. മുഹമ്മദലി, യു. ഷഫീര്‍, സി. നജീബ്, യു. മുനീബ്, യു. റിയാസ്, എ. റിയാസ്, ടി.പി. മുഹമ്മദ് ഷമീം എന്നിവര്‍ നേതൃത്വം നല്‍കി.

KANHIRODE NEWS

വേശാലയില്‍ യൂത്ത്ലീഗ് പ്രവര്‍ത്തകരെ
ആക്രമിച്ചു ; നാലുപേര്‍ക്ക് പരിക്ക്

കണ്ണൂര്‍: വേശാലയില്‍ ആഹ്ലാദപ്രകടനം നടത്തിയ യൂത്ത്ലീഗ് പ്രവര്‍ത്തകര്‍ക്കുനേരെ നടന്ന ആക്രമണത്തില്‍ നാലുപേര്‍ക്ക് പരിക്കേറ്റു.  ബുധനാഴ്ച രാത്രി 9.30ഓടെയാണ് സംഭവം. ഉമ്മന്‍ചാണ്ടിയുടെ നേതൃത്വത്തില്‍ യു.ഡി.എഫ് മന്ത്രിമാര്‍ സത്യപ്രതിജ്ഞ ചെയ്ത് അധികാരമേറ്റതില്‍ ആഹ്ലാദം പ്രകടിപ്പിച്ച് നടത്തിയ പ്രകടനത്തിനുശേഷം മടങ്ങുകയായിരുന്ന യൂത്ത്ലീഗ് പ്രവര്‍ത്തകര്‍ക്കുനേരെയാണ് അക്രമമുണ്ടായത്. പരിക്കേറ്റ ഹാഷിം (26), ഷംസുദ്ദീ ന്‍ (25), ഷഫീര്‍ (22), സജീര്‍ (19) എന്നിവരെ ജില്ലാ ആശുപത്രിയില്‍ പ്രവേശിപ്പിച്ചു. പ്രകടനം കഴിഞ്ഞു മടങ്ങവേ ആയുധങ്ങളുമായി സംഘടിച്ചെത്തിയ സി.പി.എം പ്രവര്‍ത്തകരാണ് അക്രമം നടത്തിയതെന്ന് ലീഗ് നേതൃത്വം ആരോപിച്ചു. സംഘര്‍ഷത്തെ തുടര്‍ന്ന് പൊലീസും സ്ഥലത്തെത്തി.

MALARVADY

 മലര്‍വാടി ബാലസംഘം കാഞ്ഞിരോട് ഏരിയ കളിക്കളത്തില്‍ സീനിയര്‍ വിഭാഗത്തില്‍ ഓവറോള്‍ ചാമ്പ്യന്മാരായ കാഞ്ഞിരോട് യൂനിറ്റ് .

മലര്‍വാടി ബാലസംഘം ഏരിയ കളിക്കളം

ചക്കരക്കല്ല്: മലര്‍വാടി ബാലസംഘം കാഞ്ഞിരോട് ഏരിയ കളിക്കളം അല്‍ഹുദാ സ്കൂളില്‍ 'തനിമ കലാവേദി' യു.എ.ഇ പ്രതിനിധി എം. മുഹമ്മദലി മാസ്റ്റര്‍ ഉദ്ഘാടനം ചെയ്തു. ഏരിയ രക്ഷാധികാരി ഇ. അബ്ദുല്‍സലാം മാസ്റ്റര്‍ അധ്യക്ഷത വഹിച്ചു. ഏരിയ കോഓഡിനേറ്റര്‍ ഇബ്രാഹിം മാസ്റ്റര്‍ സ്വാഗതം പറഞ്ഞു.
സീനിയര്‍ വിഭാഗത്തില്‍ വാരം യൂനിറ്റിലെ ഇസ്മാഈല്‍ വ്യക്തിഗത ചാമ്പ്യനായി. ശരാഫത്ത് (ചക്കരക്കല്ല് യൂനിറ്റ്), നാഫില്‍ കാഞ്ഞിരോട് എന്നിവര്‍ മൂന്നാം സ്ഥാനവും നേടി. ജൂനിയര്‍ വിഭാഗത്തില്‍ ഷജില്‍ ആയിപ്പുഴ, നദീര്‍ ആയിപ്പുഴ, നസല്‍ എന്നിവര്‍ ഒന്നും രണ്ടും മൂന്നും സ്ഥാനങ്ങള്‍ നേടി.കൂടുതല്‍ പോയന്റുകള്‍ നേടി സീനിയര്‍ വിഭാഗത്തില്‍ കാഞ്ഞിരോട് യൂനിറ്റും ജൂനിയര്‍ വിഭാഗത്തില്‍ വാരം യൂനിറ്റും ഓവറോള്‍ ചാമ്പ്യന്മാരായി. കെ.ടി. കുഞ്ഞിമൊയ്തീന്‍ വിജയികള്‍ക്ക് സമ്മാനം വിതരണം ചെയ്തു.

KANHIRODE NEWS

 കാഞ്ഞിരോട് കാറും ബസും

കൂട്ടിയിടിച്ചു; ഒരാള്‍ക്ക് പരിക്ക്

കാഞ്ഞിരോട്: കാഞ്ഞിരോട് യു.പി സ്കൂളിനു സമീപം കെ.എസ്.ആര്‍.ടി.സി ബസും കാറും കൂട്ടിയിടിച്ച് കാര്‍ യാത്രക്കാരന് പരിക്ക്. കോഴിക്കോട് സ്വദേശിയായ ജാസിര്‍ (21) ആണ് നിസ്സാര പരിക്കുകളോടെ രക്ഷപ്പെട്ടത്. ഇന്നലെ വൈകുന്നേരം കണ്ണൂരില്‍നിന്ന് മട്ടന്നൂരിലേക്ക് പോവുകയായിരുന്ന കെ.എസ്.ആര്‍.ടി.സി ബസും കണ്ണൂര്‍ ഭാഗത്തേക്ക് പോവുന്ന കാറും കാഞ്ഞിരോട് വളവിലാണ് കൂട്ടിയിടിച്ചത്. ഇടിയുടെ ആഘാതത്തില്‍ കാറിന്റെ മുന്‍ഭാഗം പൂര്‍ണമായും ബസിന്റെ ഡീസല്‍ ടാങ്കും തകര്‍ന്നു. ബസിനടിയിലായ കാര്‍ യാത്രക്കാരനെ നാട്ടുകാരും പൊലീസും ചേര്‍ന്നാണ് പുറത്തെടുത്തത്. കണ്ണൂര്‍^മട്ടന്നൂര്‍ സംസ്ഥാന പാതയില്‍ കാഞ്ഞിരോട് വളവില്‍ വാഹനാപകടം പതിവായിട്ടുണ്ട്.

MALARVADY

മലര്‍വാടി

ജില്ലാതല ഫുട്ബാള്‍

മത്സരം

തലശേãരി: മലര്‍വാടി ജില്ലാതല ഫുട്ബാള്‍ മത്സരം സംഘടിപ്പിക്കുന്നു. മേയ് 22ന് രാവിലെ ഒമ്പതിന് തലശേãരി മുനിസിപ്പല്‍ ടൌണ്‍ഹാളിനു സമീപം തയ്യിലക്കണ്ടി ഗ്രൌണ്ടില്‍ നടത്തുമെന്ന് ജില്ലാ കോഓര്‍ഡിനേറ്റര്‍ സി. അബ്ദുന്നാസിര്‍ അറിയിച്ചു. ഫോണ്‍: 9895484141.

MALARVADY

മലര്‍വാടി ബാലസംഘം 'കളിക്കളം' വിജയികള്‍

കണ്ണൂര്‍: മലര്‍വാടി ബാലസംഘം കണ്ണൂര്‍ ഏരിയാ കമ്മിറ്റി നാലുവയല്‍ ഐ.സി.എം ഗ്രൌണ്ടില്‍ കളിക്കളം സംഘടിപ്പിച്ചു. സീനിയര്‍ വിഭാഗത്തില്‍ സഫ്വാന്‍ (സിറ്റി) ഒന്നാംസ്ഥാനവും റഹ്സാന്‍ സഫ (തയ്യില്‍) രണ്ടാംസ്ഥാനവും ജംസീര്‍ (കക്കാട്) മൂന്നാംസ്ഥാനവും കരസ്ഥമാക്കി. ജൂനിയര്‍ വിഭാഗത്തില്‍ ഇര്‍ഫാന്‍ ഖാലിദ് (സിറ്റി), ലിയാന (ചിറക്കല്‍കുളം) രണ്ടാംസ്ഥാനവും മുതീഷ് (തയ്യില്‍) മൂന്നാംസ്ഥാനവും കരസ്ഥമാക്കി. കിഡ്സ് വിഭാഗത്തില്‍ അഹ്സാന്‍ (ചെക്പോസ്റ്റ്) ഒന്നാംസ്ഥാനവും മുഹമ്മദ് റാസി (സിറ്റി) രണ്ടാംസ്ഥാനവും ആലം മുഷ്താഖ് (സിറ്റി) മൂന്നാംസ്ഥാനവും കരസ്ഥമാക്കി. വിജയികള്‍ക്കുള്ള ട്രോഫികള്‍ കെ.എല്‍. ഖാലിദ്, എസ്. സറീന, കെ.പി. എറമു എന്നിവര്‍ വിതരണം ചെയ്തു. എം. മുഹമ്മദ് ഹനീഫ ഉദ്ഘാടനം ചെയ്തു. കെ.പി. അബ്ദുല്‍ അസീസ് മുഖ്യാതിഥിയായി. മലര്‍വാടി ബാലസംഘം കണ്ണൂര്‍ ഏരിയാ ക്യാപ്റ്റന്‍ ജസീര്‍  അധ്യക്ഷത വഹിച്ചു. ജമാഅത്തെ ഇസ്ലാമി ഏരിയാ ഓര്‍ഗനൈസര്‍ കെ. അബ്ദുല്‍ അസീസ് സംസാരിച്ചു. ജാസര്‍ സ്വാഗതവും മലര്‍വാടി ബാലസംഘം കണ്ണൂര്‍ ഏരിയാ കോഓഡിനേറ്റര്‍ പി.പി. അമീറുദ്ദീന്‍ നന്ദിയും പറഞ്ഞു.

കക്കാട് മിനി സ്റ്റേഡിയത്തില്‍ നടത്തിയ സെവന്‍സ് ഫുട്ബാള്‍ ടൂര്‍ണമെന്റില്‍ അത്താഴക്കുന്ന് മലര്‍വാടി ബാലസംഘം ജേതാക്കളായി. ഏറ്റവും നല്ല കളിക്കാരനായി കൌസര്‍ ഇംഗ്ലീഷ് സ്കൂള്‍ പുല്ലൂപ്പി യൂനിറ്റിലെ ഹാദിയെ തെരഞ്ഞെടുത്തു. വിജയികള്‍ക്കുള്ള ട്രോഫികള്‍ എം.കെ. മഹമൂദ് വിതരണം ചെയ്തു.

KANHIRODE NEWS

ആഹ്ലാദ പ്രകടനത്തിനുനേരെ
അക്രമം; ഒരാള്‍ക്ക് പരിക്ക്

കാഞ്ഞിരോട്: യു.ഡി.എഫ് ആഹ്ലാദ പ്രകടനത്തിനുനേരെ തലമുണ്ടയില്‍ ആക്രമണം. ആക്രമണത്തില്‍ പരിക്കേറ്റ ഏച്ചൂര്‍ സ്വദേശി കെ. പ്രമോദിനെ ജില്ലാ ആശുപത്രിയില്‍ പ്രവേശിപ്പിച്ചു.
വെള്ളിയാഴ്ച വൈകീട്ട് എ.പി. അബ്ദുല്ലക്കുട്ടിയെ ആനയിച്ച് നടന്ന പ്രകടനം തലമുണ്ടയിലെ അണ്ടിയാന്‍ കൃഷ്ണന്റെ കടക്കു സമീപമെത്തിയപ്പോള്‍ സി.പി.എം പ്രവര്‍ത്തകര്‍ ജാഥയെ ആക്രമിക്കുകയായിരുന്നുവെന്ന് യു.ഡി.എഫ് കേന്ദ്രങ്ങള്‍ അറിയിച്ചു.
എന്നാല്‍, പ്രകടനക്കാര്‍ കടയിലിരിക്കുകയായിരുന്ന എല്‍.ഡി.എഫ് പ്രവര്‍ത്തകരെ ആക്രമിക്കുകയായിരുന്നെന്ന് എല്‍.ഡി.എഫ് കേന്ദ്രങ്ങള്‍ പറഞ്ഞു. ഇതിന് പ്രതികാരമായാണത്രെ സന്ധ്യക്ക് തലമുണ്ട വായനശാലക്കു സമീപത്തെ പ്രിയദര്‍ശിനി ക്ലബ് ഒരു സംഘം അടിച്ചുതകര്‍ത്തു. ഫര്‍ണിച്ചര്‍ പൂര്‍ണമായും തകര്‍ത്ത നിലയിലാണ്. സിറ്റി സി.ഐ സംഭവസ്ഥലം സന്ദര്‍ശിച്ചു.
 ചക്കരക്കല്ല് എസ്.ഐ ഉണ്ണികൃഷ്ണന്റെ നേതൃത്വത്തിലുള്ള പൊലീസ് സ്ഥലത്ത് ക്യാമ്പ് ചെയ്യുന്നുണ്ട്.

BRIGHT ENGLISH SCHOOL

ബ്രൈറ്റ് ഇംഗ്ലീഷ് സ്കൂളിന്
നൂറുശതമാനം വിജയം

തലശേãരി: മജ്ലിസുത്തഅ്ലീമില്‍ ഇസ്ലാമി കേരള നടത്തിയ പ്രൈമറി പൊതു പരീക്ഷയില്‍ തലശേãരി ബ്രൈറ്റ് ഇംഗ്ലീഷ് സ്കൂളിന്  100 ശതമാനം വിജയം. മജ്ലിസ് പൊതുപരീക്ഷ എഴുതുന്ന സ്കൂളിലെ ആദ്യ ബാച്ചാണിത്. ഉയര്‍ന്ന മാര്‍ക്കും നൂറുശതമാനം വിജയവും നേടിയ സ്ഥാപനത്തിലെ വിദ്യാര്‍ഥികളെയും അധ്യാപകരെയും ജമാഅത്തെ ഇസ്ലാമി ജില്ലാ പ്രസിഡന്റ് ടി.കെ. മുഹമ്മദലി, ഐഡിയല്‍ ട്രസ്റ്റ് ചെയര്‍മാന്‍ എം.കെ. അബ്ദുല്‍ അസീസ്, മലര്‍വാടി ജില്ലാ കോഓഡിനേറ്റര്‍ സി. അബ്ദുന്നാസര്‍, പ്രിന്‍സിപ്പല്‍ ഒ. അഷ്റഫ് എന്നിവര്‍ അഭിനന്ദിച്ചു.

SOLIDARITY KANNUR

സോളിഡാരിറ്റി കണ്‍വെന്‍ഷന്‍

കണ്ണൂര്‍: സോളിഡാരിറ്റി ജില്ലാ മെംബര്‍മാരുടെ കണ്‍വെന്‍ഷന്‍ രാവിലെ 9.30ന് കണ്ണൂര്‍ പുല്ലൂപ്പിക്കടവ് കൌസര്‍വാലി ഓഡിറ്റോറിയത്തില്‍ നടക്കും. സംസ്ഥാന നേതാക്കള്‍ സംബന്ധിക്കും.

IPH KANNUR

 

 ഇസ്ലാമിക് പബ്ലിഷിങ് ഹൌസ് പ്രസിദ്ധീകരിച്ച 'ഇഖ്ബാലിനെ കണ്ടെത്തല്‍' പുസ്തകം തലശേãരി ഇസ്ലാമിക്സെന്ററില്‍ പ്രഫ. ഗൌസ് മൊഹ്യുദ്ദീന് നല്‍കി ഡോ. എ.എന്‍.പി. ഉമര്‍കുട്ടി പ്രകാശനം ചെയ്യുന്നു. ഗ്രന്ഥകാരന്‍ടി.കെ.അബ്ദുല്ല, കെ. രവീന്ദ്രന്‍, കെ.സി. സലിം, വി.എ. കബീര്‍ എന്നിവര്‍ സമീപം

അല്ലാമാ ഇഖ്ബാലിന് പാകിസ്താന്‍ പ്രസ്ഥാനവുമായി

ബന്ധമില്ല -ഡോ. എ.എന്‍.പി. ഉമര്‍കുട്ടി

 'ഇഖ്ബാലിനെ കണ്ടെത്തല്‍' പുസ്തകം പ്രകാശനം ചെയ്തു

 തലശേãരി: 1938ല്‍ നിര്യാതനായ മഹാകവി അല്ലാമാ ഇഖ്ബാലിന് പില്‍ക്കാലത്ത് സ്ഥാപിതമായ പാകിസ്താന്‍ പ്രസ്ഥാനവുമായി ബന്ധമില്ലെന്നും അദ്ദേഹത്തിന്റെ വ്യക്തിത്വം ഒരുരാജ്യത്ത് ഒതുക്കാവുന്നതല്ലെന്നും ഡോ. എ.എന്‍.പി. ഉമര്‍കുട്ടി അഭിപ്രായപ്പെട്ടു.

തത്ത്വശാസ്ത്രപരവും ദാര്‍ശനികവുമായ രചനകള്‍ നിര്‍വഹിച്ച മറ്റൊരാളെ ഇഖ്ബാലിനെയല്ലാതെ നമുക്ക് കാണാനാവില്ല. മിസ്റ്റിസിസം തന്റെ ഗവേഷണത്തിനായി തെരഞ്ഞെടുത്തത് ഇഖ്ബാലിന്റെ ധീരമായ നിലപാടായിരുന്നെന്നും അദ്ദേഹം പറഞ്ഞു.

ടി.കെ. അബ്ദുല്ല രചിച്ച് ഇസ്ലാമിക് പബ്ലിഷിങ് ഹൌസ് പ്രസിദ്ധീകരിച്ച 'ഇഖ്ബാലിനെ കണ്ടെത്തല്‍' പുസ്തകം തലശേãരി ഇസ്ലാമിക് സെന്ററില്‍ പ്രകാശനം ചെയ്യുകയായിരുന്നു എ.എന്‍.പി. ഉമര്‍കുട്ടി. വി.എ. കബീര്‍ അധ്യക്ഷത വഹിച്ചു.

പ്രഫ. ഗൌസ് മൊഹ്യുദ്ദീന്‍ പുസ്തകം ഏറ്റുവാങ്ങി. ടി.കെ. അബ്ദുല്ല, കെ.സി. സലിം, ജില്ലാ പഞ്ചായത്ത് മെംബര്‍ കെ. രവീന്ദ്രന്‍ എന്നിവര്‍ സംസാരിച്ചു. ഐ.പി.എച്ച് അസി. എഡിറ്റര്‍ അബ്ദുറഹ്മാന്‍ കൊടിയത്തൂര്‍ സ്വാഗതവും ജമാഅത്തെ ഇസ്ലാമി ജില്ലാ പ്രസിഡന്റ് ടി.കെ. മുഹമ്മദലി നന്ദിയും പറഞ്ഞു. ഇമ്രാന്‍ ഹാഫിസ് ഖിറാഅത്ത് നടത്തി.