ഇസ്ലാമിക് അക്കാദമിക്
കോണ്ഫറന്സിന് ഇന്ന് തുടക്കം
ശാന്തപുരം (മലപ്പുറം): എസ്.ഐ.ഒ സംഘടിപ്പിക്കുന്ന ഇസ്ലാമിക് അക്കാദമിക് കോണ്ഫറന്സിന് ശനിയാഴ്ച രാവിലെ 10ന് ശാന്തപുരം അല്ജാമിഅ അല് ഇസ്ലാമിയയില് തുടക്കമാവും. ഇന്റര്നാഷനല് ഇസ്ലാമിക് അസോസിയേഷന് ഓഫ് സയന്സ് മെമ്പര് എറിക് വിംഗ്ള് മലേഷ്യ ഉദ്ഘാടനം ചെയ്യും. ഉദ്ഘാടന സെഷനില് ഇസ്ലാമിക ചിന്തകളുടെ പുനരാവിഷ്കരണം എന്ന വിഷയത്തില് ഡോ. നസീം റഫിയാബാദി (കശ്മീര് യൂനിവേഴ്സിറ്റി) മുഖ്യപ്രഭാഷണം നടത്തും.
എസ്.ഐ.ഒ അഖിലേന്ത്യാ പ്രസിഡന്റ് മുഹമ്മദ് അസ്ഹറുദ്ദീന്, അബ്ദുല്ഹകീം ഫൈസി, ഡോ. ഹുസൈന് രണ്ടത്താണി, ഡോ. ബഹാവുദീന് നദ്വി, 'മാധ്യമം' എഡിറ്റര് ഒ. അബ്ദുറഹ്മാന്, ഡോ. യൂസഫ് നദ്വി, പി.സി. സക്കീര് ഹുസൈന്, ജമാഅത്തെ ഇസ്ലാമി അസി. അമീര് ശൈഖ് മുഹമ്മദ് കാരകുന്ന്, കടക്കല് ജുനൈദ്, അല്ജാമിഅ മുദീര് വി.കെ. അലി, എസ്.ഐ.ഒ സംസ്ഥാന പ്രസിഡന്റ് ശിഹാബ് പൂക്കോട്ടൂര്, കെ.കെ. സുഹ്റ, കെ.പി. അബ്ദുസ്സലാം, പി.കെ. സ്വാദിഖ് എന്നിവര് പങ്കെടുക്കും. തുടര്ന്ന് ഫിഖ്ഹ് ആന്ഡ് ഉസൂലുല് ഫിഖ്ഹ്, ഇസ്ലാമിക രാഷ്ട്രീയ സിദ്ധാന്തം, ഇസ്ലാമിക ജ്ഞാനശാസ്ത്രം എന്നീ വിഷയങ്ങളില് പ്രബന്ധാവതരണങ്ങളും ചര്ച്ചകളും വിവിധ ഹാളുകളില് നടക്കും.
ഉച്ചക്കുശേഷം ഇസ്ലാമിക രാഷ്ട്രീയ സിദ്ധാന്തം; വികാസ പരിണാമങ്ങള്, അല്മലകത്തുല് ഫിഖ്ഹിയ്യ, ഇസ്ലാമിക പ്രമാണങ്ങളും വ്യാഖ്യാന ശാസ്ത്രവും, ഫിഖ്ഹ് സമകാലിക പ്രവണതകള്, ആഗോളീകരണം, ഉദാരീകരണം, ഇസ്ലാമിക രാഷ്ട്രീയം എന്നീ തലക്കെട്ടുകളിലായി പ്രബന്ധാവതരണങ്ങള് നടക്കും. രാത്രി സമീര് ബിന്സി നയിക്കുന്ന കള്ച്ചറല് നൈറ്റ് നടക്കും. സമാപനദിനമായ ഞായറാഴ്ച വൈകീട്ട് അഞ്ചിന് നടക്കുന്ന പൊതുസമ്മേളനത്തില് ഡോ. നസീം റഫിയാബാദി, എറിക്വിംഗ്ള്, ഡോ. ഉബൈദുല്ല ഫഹദ്, സാദിഖ് മന്സിലി യമന്, ഡോ. മുഹമ്മദ് മുംതാസ്, പി.എം. സ്വാലിഹ്, ടി. ആരിഫലി, അബ്ദുശുക്കൂര് ഖാസിമി, പി.ഐ. നൌഷാദ്, പി. മുജീബുറഹ്മാന്, കെ.എന്. സുലൈഖ, എം.കെ. സുഹൈല, ശിഹാബ് പൂക്കോട്ടൂര്, സഫീര് ഷാ എന്നിവര് പങ്കെടുക്കും.
No comments:
Post a Comment
Thanks