ജി.ഐ.ഒ സെമിനാര്‍
പെരിങ്ങാടി: ബ്രദര്‍ഹുഡ് നേതാവ് മുഹമ്മദ് മുര്‍സി ഈജിപ്ത് പ്രസിഡന്‍റായി തെരഞ്ഞെടുക്കപ്പെട്ടതിന് ഐക്യദാര്‍ഢ്യം പ്രകടിപ്പിച്ച് ജി.ഐ.ഒ പെരിങ്ങാടി അല്‍ഫലാഹ് കാമ്പസ് ഏരിയ സെമിനാര്‍ സംഘടിപ്പിച്ചു.‘ഹസനുല്‍ ബന്ന മുതല്‍ മുഹമ്മദ് മുര്‍സി വരെ’ കനല്‍ വഴികള്‍ താണ്ടിയ ഈജിപ്ത് വസന്തം വിഷയത്തില്‍ സംഘടിപ്പിച്ച സെമിനാര്‍ അല്‍ഫലാഹ് വിമന്‍സ് കോളജ് പ്രിന്‍സിപ്പല്‍ എന്‍.എം. ബഷീര്‍ ഉദ്ഘാടനം ചെയ്തു. ജി.ഐ.ഒ കാമ്പസ് ഏരിയാ പ്രസിഡന്‍റ് ഫഹീമ കവിയൂര്‍ അധ്യക്ഷത വഹിച്ചു. മുക്താര്‍ മാസ്റ്റര്‍, സമീന റഷീദ്, ജഹാന ശറിന്‍, മുഹ്സിന മുഹ്ലിസ, ഫഹ്മി ഹാഫിസ്, സനീറ സയ്യിദ്, ബിസ്മിന ടീച്ചര്‍, ശ്രീജ ടീച്ചര്‍ എന്നിവര്‍ വിവിധ വിഷയങ്ങള്‍ അവതരിപ്പിച്ചു. എം. ദാവൂദ് ചൊക്ളി ചര്‍ച്ച സമാഹരണം നിര്‍വഹിച്ചു. അല്‍ഫലാഹ് ഇംഗ്ളീഷ് സ്കൂള്‍ വൈ. പ്രിന്‍സിപ്പല്‍ ശര്‍മിന ടീച്ചര്‍ ഉപഹാരം നല്‍കി. റഫ്നിദ സ്വാഗതവും സന അബ്ദുറഊഫ് നന്ദിയും പറഞ്ഞു.
No comments:
Post a Comment
Thanks