റോഡിലെ കുഴിയടച്ച് പ്രതിഷേധിച്ചു

 

റോഡിലെ കുഴിയടച്ച്
പ്രതിഷേധിച്ചു

കണ്ണൂര്‍: താവക്കര ആശീര്‍വാദ് ആശുപത്രി കവലയില്‍ തകര്‍ന്ന് പടുകുഴിയായി മാറിയ റോഡ് വെല്‍ഫെയര്‍ പാര്‍ട്ടി പ്രവര്‍ത്തകര്‍ അറ്റകുറ്റപ്പണി നടത്തി. കാലങ്ങളായി തകര്‍ന്നുകിടക്കുന്ന റോഡ് അപകട ഭീഷണി ഉയര്‍ത്തിയതിനെ തുടര്‍ന്നാണ് ജനകിയ പ്രതിഷേധമുയര്‍ത്തി റോഡ് കോണ്‍ക്രീറ്റ് ചെയത് കുഴിയടച്ചത്. നിരവധി നിവേദനങ്ങളും പരാതികളും നല്‍കിയിട്ടും അധികൃതര്‍ തിരിഞ്ഞുനോക്കാതായപ്പോഴാണ് പുതുമയുള്ള പ്രതിഷേധവുമായി പ്രവര്‍ത്തകര്‍ രംഗത്തത്തെിയത്. ഉച്ചക്ക് മൂന്നുമണി മുതല്‍ രാത്രിവരെ പണിപ്പെട്ടാണ് കുഴിയടച്ചത്.
മുനിസിപ്പല്‍ കമ്മിറ്റിയുടെ നേതൃത്വത്തില്‍ നടന്ന പ്രതിഷേധം ജില്ല വൈസ് പ്രസിഡന്‍റ് പള്ളിപ്രം പ്രസന്നന്‍ ഉദ്ഘാടനം ചെയ്തു. മുനിസിപ്പല്‍ പ്രസിഡന്‍റ് ബെന്നി ഫെര്‍ണാണ്ടസ് അധ്യക്ഷത വഹിച്ചു. ജില്ല സെക്രട്ടറി എന്‍.എം. ഷഫീഖ്, മോഹനന്‍ കുഞ്ഞിമംഗലം, മണ്ഡലം പ്രസിഡന്‍റ് മുഹമ്മദ് ഇംതിയാസ്, സെക്രട്ടറി മധു കക്കാട് തുടങ്ങിയവര്‍ സംസാരിച്ചു. മുആദ്, ഹാരിസ്, അംദാന്‍, എ. അസ്ഹര്‍ തുടങ്ങിയവര്‍ നേതൃത്വം നല്‍കി.