BAITHUZAKATH EDAKKAD

എടക്കാട് ബൈത്തുസ്സകാത്ത്

3,80,000 രൂപ ചെലവഴിച്ചു

എടക്കാട്: എടക്കാട് മുഴപ്പിലങ്ങാട് കൂടക്കടവ് ബൈത്തുസ്സകാത്ത് കമ്മിറ്റി വാര്‍ഷിക ജനറല്‍ ബോഡിയോഗം എടക്കാട് സഫാ സെന്ററില്‍ നടന്നു. അബ്ദുല്ല ഹാജി അധ്യക്ഷത വഹിച്ചു. കളത്തില്‍ ബഷീര്‍ ഉദ്ഘാടനം ചെയ്തു. എം.കെ. അബൂബക്കര്‍ സ്വാഗതം പറഞ്ഞു. ജനറല്‍ സെക്രട്ടറി എം.കെ. അബൂബക്കര്‍ വാര്‍ഷിക റിപ്പോര്‍ട്ട് അവതരിപ്പിച്ചു.
അഗതികള്‍ക്കുള്ള പ്രതിമാസ പെന്‍ഷന്‍, വീടുനിര്‍മാണം, ചികിത്സാ സഹായം, വിദ്യാഭ്യാസം, ചെറുകിട തൊഴില്‍, കടാശ്വാസം എന്നീ ഇനത്തില്‍ ബൈത്തുസ്സകാത്തില്‍ ശേഖരിച്ച 3,80,000 രൂപ ചെലവഴിച്ചു. ഭാരവാഹികള്‍: കെ. അബ്ദുല്ലഹാജി (പ്രസി.), ടി.സി. ആസിഫ് കണ്ടത്തില്‍, അബ്ദുല്‍ അസീസ് (വൈ. പ്രസി.), യു.കെ. സയിദ് (ജന.സെക്ര.), സി.ടി. ഫൈസല്‍, കെ.എം. അബ്ദുറഹീം, എ.പി. ഹാഷിം, (ജോ.സെക്ര.), കൂടക്കടവ് മേഖലാ കമ്മിറ്റികളിലേക്ക്  എം.കെ. അബ്ദുറഹ്മാന്‍ (പ്രസി.), ടി.വി. റഷീദ് (സെക്ര.), സി.പി. ബഷീര്‍ (ട്രഷ.) എന്നിവരെയും എടക്കാട് മേഖലയില്‍ പി.കെ. ഇഖ്ബാല്‍ (പ്രസി.), പി.കെ. അബ്ദുറഹീം (സെക്ര.), എം.കെ. അബൂബക്കര്‍ (ട്രഷ.) എന്നിവരെയും മുഴപ്പിലങ്ങാട് മേഖലയിലേക്ക് എം.കെ. അബ്ദുസ്സമദ് (പ്രസി.), കെ.ടി. റസാക്ക് (സെക്ര.), പി.കെ. അബ്ദുറബ്ബ് (ട്രഷ) എന്നിവരെയും തെരഞ്ഞെടുത്തു.

JIH MADAYI

 ഖുര്‍ആന്‍ സ്റ്റഡി സെന്റര്‍  ജില്ലാതല പരീക്ഷയിലെ  റാങ്ക് ജേതാക്കള്‍ക്ക്   ജമാഅത്തെ ഇസ്ലാമി അഖിലേന്ത്യാ അസിസ്റ്റന്റ് അമീര്‍ പ്രഫ. കെ.എ. സിദ്ദീഖ് ഹസന്‍ ഉപഹാരം നല്‍കുന്നു.

ജമാഅത്തെ ഇസ്ലാമി പ്രവര്‍ത്തക സംഗമം

പഴയങ്ങാടി: ജമാഅത്തെ ഇസ്ലാമി മാടായി ഏരിയ പ്രവര്‍ത്തകസംഗമം വാദിഹുദയില്‍ അഖിലേന്ത്യാ അസിസ്റ്റന്റ് അമീര്‍ പ്രഫ. കെ.എ. സിദ്ദീഖ് ഹസന്‍ ഉദ്ഘാടനം ചെയ്തു. ഏരിയ പ്രസിഡന്റ് ബി.പി. അബ്ദുല്‍ ഹമീദ് അധ്യക്ഷത വഹിച്ചു. ഖുര്‍ആന്‍ സ്റ്റഡി സെന്റര്‍ കേരള ജില്ലാതല പരീക്ഷയില്‍ ഒന്നും രണ്ടും റാങ്ക് ജേതാക്കളായ ടി.കെ.ഫാത്തിമ, ഡോ. ജസന ഷാഫി എന്നിവര്‍ക്ക് അസിസ്റ്റന്റ് അമീര്‍ ഉപഹാരം നല്‍കി.

SAFA CENTRE CHAKKARAKAL

സൌജന്യ മെഡിക്കല്‍ ക്യാമ്പ്

ചക്കരക്കല്ല്: ചക്കരക്കല്ല് പെയിന്‍ ആന്റ് പാലിയേറ്റിവ് സെന്ററിന്റെ ആഭിമുഖ്യത്തില്‍ ആസ്തമ രോഗികള്‍ക്കായി സൌജന്യ മെഡിക്കല്‍ ക്യാമ്പ് നടത്തി.
സഫ സെന്ററില്‍ നടന്ന ക്യാമ്പില്‍ പെയിന്‍ ആന്‍ഡ് പാലിയേറ്റിവ് ചെയര്‍മാന്‍ ഡോ. പി. അബ്ദുല്‍ ഗഫൂര്‍ രോഗികളെ പരിശോധിച്ചു. കെ.കെ. അയ്യൂബ്, എം. മൊയ്തീന്‍കുട്ടി മാസ്റ്റര്‍, അബ്ദുല്‍ഖാദര്‍ ചാല, എം.സി. ജാഫര്‍ എന്നിവര്‍ നേതൃത്വം നല്‍കി.

UAE KANNUR DIST ISLAMIC ASSOCIATION

 

 

 ഭക്ഷ്യക്കിറ്റ് വിതരണം

കേളകം: യു.എ.ഇ കണ്ണൂര്‍ ജില്ലാ ഇസ്ലാമിക് അസോസിയേഷന്റെ ആഭിമുഖ്യത്തില്‍ അടക്കാത്തോട്ടിലെ നാല്‍പത്തിയഞ്ച് നിര്‍ധന കുടുംബങ്ങള്‍ക്ക് റമദാന്‍ റിലീഫ് പ്രവര്‍ത്തനങ്ങളുടെ ഭാഗമായി ഭക്ഷ്യ കിറ്റുകള്‍ വിതരണം ചെയ്തു.
വിതരണം അടക്കാത്തോട് മുഹിയുദ്ദീന്‍ ജുമാ മസ്ജിദ് ഖത്തീബ് അബ്ദുല്‍ സത്താര്‍ അമാനി ഉദ്ഘാടനം ചെയ്തു. ജമാഅത്തെ ഇസ്ലാമി ഇരിട്ടി ഏരിയ വൈസ് പ്രസിഡന്റ് സി. അലി അധ്യക്ഷത വഹിച്ചു.
 പ്രവര്‍ത്തക സമിതി അംഗം പി.വി. മമ്മി, മസ്ജിദ് കമ്മിറ്റി പ്രസിഡന്റ് വി.കെ. കുഞ്ഞുമോന്‍ എന്നിവര്‍ സംസാരിച്ചു.  അസീസ് കേളകം സ്വാഗതവും കെ.എം. ഇസ്മായില്‍ നന്ദിയും പറഞ്ഞു.
കെ.എ. ഷൌക്കത്തലി ഫായിസ് കൊച്ചഴത്തില്‍ എന്നിവരുടെ നേതൃത്വത്തില്‍ ഭക്ഷ്യകിറ്റുകള്‍ ഭവനങ്ങളിലെത്തിച്ചു.

KANHIRODE NEWS

 ചക്കരക്കല്ലില്‍ തുണിക്കടക്കുനേരെ അക്രമം

ആളുകള്‍ നോക്കിനില്‍ക്കേ തുണിക്കടക്കുനേരെ അക്രമം. ടൌണിലെ 'മദര്‍കെയര്‍' എന്ന സ്ഥാപനത്തിനുനേരെയാണ് ഞായറാഴ്ച രാവിലെ ഏഴിന് പിക്കപ് വാനിലെത്തിയ സംഘം അക്രമം നടത്തിയത്.
കാഞ്ഞിരോട്ടെ അബ്ദുല്‍ ഖാദറിന്റെതാണ് കട. കടയുടെ വശങ്ങളില്‍ സ്ഥാപിച്ച ബോര്‍ഡുകള്‍ തറയില്‍ പാകിയ ടൈല്‍സ്, ഇന്റീരിയര്‍ ഡക്കറേഷനുകള്‍ എന്നിവ നശിപ്പിച്ചു. വിവരമറിഞ്ഞെത്തിയ കടയുടമയുടെ മകന്‍ അനസിനെ ഒരു മണിക്കൂറോളം തടഞ്ഞുനിര്‍ത്തിയായിരുന്നു അക്രമം. ചക്കരക്കല്ല് പൊലീസില്‍ പരാതി നല്‍കി.

JIH EDAYANNUR

ഐ.പി.എച്ച് പുസ്തക മേള തുടങ്ങി

മട്ടന്നൂര്‍: ഒരുമാസം നീണ്ടുനില്‍ക്കുന്ന ഐ.പി.എച്ച് പുസ്തക മേളക്ക് മട്ടന്നൂരില്‍ തുടക്കമായി. ഹിറാ മസ്ജിദ് പരിസരത്ത് ആരംഭിച്ച പുസ്തക മേള യുവ എഴുത്തുകാരനും അധ്യാപകനുമായ കൃഷ്ണകുമാര്‍ കണ്ണോത്ത് കലാകാരന്‍മാരുടെ സംഘടനയായ നന്മയുടെ സെക്രട്ടറി ഷാജി അക്ഷരക്ക് പുസ്തകം നല്‍കി ഉദ്ഘാടനം ചെയ്തു. ജമാഅത്തെ ഇസ്ലാമി കുടുംബ സംഗമവും നടത്തി. ഹല്‍ഖ നാദിം കെ.വി. സാദിഖ് അധ്യക്ഷത വഹിച്ചു. സി.കെ. മുനവ്വിര്‍ മുഖ്യ പ്രഭാഷണം നടത്തി. മുഹമ്മദ് പാക്കാട് സംസാരിച്ചു. കെ.പി. റസാഖ് സ്വാഗതവും കെ.പി. സലിം നന്ദിയും പറഞ്ഞു. ഐ.പി.എച്ച് പ്രസിദ്ധീകരിച്ച നിരവധി പുസ്തകങ്ങളും മാധ്യമം പ്രസിദ്ധീകരണങ്ങളും മേളയിലുണ്ട്. പുസ്തകങ്ങള്‍ക്ക് നിശ്ചിത ശതമാനം ഇളവ് മേളയിലുണ്ടാകുമെന്ന് സംഘാടകര്‍ അറിയിച്ചു. എല്ലാ ദിവസവും രാവിലെ ഒമ്പത് മണിമുതല്‍ വൈകീട്ട് അഞ്ച് വരെയാണ് മേള.

JIH EDAYANNUR

പഠനചെലവ് ഏറ്റെടുത്തു

മട്ടന്നൂര്‍: ജമാഅത്തെ ഇസ്ലാമി എടയന്നൂര്‍ യൂനിറ്റ് നിര്‍ധന കുടുംബാംഗമായ വിദ്യാര്‍ഥിനിയുടെ പഠനചെലവ് വഹിക്കും. ബി. ഫാമിന് പഠിക്കുന്ന മുട്ടന്നൂര്‍ സ്വദേശിനിയുടെ പഠനചെലവാണ് കോഴ്സ് തീരുംവരെ ജമാഅത്തെ ഇസ്ലാമി ഏറ്റെടുത്തത്. ഇതിന്റെ ഭാഗമായി ജമാഅത്തെ ഇസ്ലാമി നേതാക്കള്‍ കുട്ടിയുടെ വീട്ടിലെത്തി 25000 രൂപ രക്ഷിതാക്കള്‍ക്ക് കൈമാറി. ജമാഅത്തെ ഇസ്ലാമി കാസര്‍കോട് ജില്ലാ പ്രസിഡന്റ് യു.പി. സിദ്ദീഖ് മാസ്റ്ററാണ് തുക വിതരണം ചെയ്തത്. യൂനിറ്റ് പ്രസിഡന്റ് പി.സി. മൂസഹാജി, മജീദ് മാസ്റ്റര്‍ അബൂദബി, കെ.എ. സൈനുദ്ദീന്‍, പി. അബൂബക്കര്‍, ടി.കെ. അബ്ദുല്‍ അസീസ് എന്നിവരും പങ്കെടുത്തു.

SOLIDARITY TALIPARAMBA

 സോളിഡാരിറ്റി തളിപ്പറമ്പില്‍ നിര്‍മിച്ച വീടിന്റെ താക്കോല്‍ ദാനം സോളിഡാരിറ്റി ജില്ലാ പ്രസിടണ്ട് ഫാറൂഖ് ഉസ്മാന്‍ നിര്‍വഹിക്കുന്നു

RAMADAN MUBARAK

KANHIRODE NEWS

യൂത്ത്ലീഗ് ദിനാചരണത്തിന്റെ ഭാഗമായി  മുസ്ലിം യൂത്ത്ലീഗ് പ്രവര്‍ത്തകര്‍ കാഞ്ഞിരോട് ബസാറില്‍ ശുചീകരണം നടത്തുന്നു

യൂത് ലീഗ്  ദിനമാചരിച്ചു

കാഞ്ഞിരോട്: യൂത്ത്ലീഗ് ദിനാചരണത്തിന്റെ ഭാഗമായി കാഞ്ഞിരോട് ടൌണ്‍ മുസ്ലിം യൂത്ത്ലീഗ് പ്രവര്‍ത്തകര്‍ കാഞ്ഞിരോട് ബസാറില്‍ ശുചീകരണം നടത്തി. അഷ്റഫ് കാഞ്ഞിരോട്, എം. മുഹമ്മദലി, പി.സി. മുനവ്വിര്‍, സി.പി. ഷബീല്‍, യു. ഷഫീര്‍, എം.കെ. മനാഫ്, സാദിഖ്, ടി.പി. ഷമീം, എം. ഹാഷിം എന്നിവര്‍ നേതൃത്വം നല്‍കി.

JIH MAHE

ബൈത്തുസ്സകാത്ത്: 8.67 ലക്ഷം ചെലവഴിച്ചു

മാഹി: മാഹി-പെരിങ്ങാടി ബൈത്തുസ്സകാത്തിന്റെ കീഴില്‍ 2010^11 വര്‍ഷത്തില്‍ 8.67 ലക്ഷം രൂപ ചെലവഴിച്ചതായി ഭാരവാഹികള്‍ അറിയിച്ചു. വീടുനിര്‍മാണം (4.57 ലക്ഷം), റേഷന്‍ (93,000), ചികിത്സ (48,000), കടബാധ്യത (80,000), വിവാഹം^വിദ്യാഭ്യാസം (43,000) എന്നിങ്ങനെയാണ് തുക ചെലവഴിച്ചത്.

SOLIDARITY EDAKKAD AREA

ലോറി സമരം ഉടന്‍ പിന്‍വലിക്കണം'

എടക്കാട്: ജില്ലയിലെ ലോറി  ഉടമകള്‍ വാടക വര്‍ധന ആവശ്യപ്പെട്ട് നടത്തുന്ന സമരം ഉടന്‍ പരിഹരിക്കണമെന്ന് സോളിഡാരിറ്റി എടക്കാട് ഏരിയാ സെക്രട്ടേറിയറ്റ് ആവശ്യപ്പെട്ടു. സമരംമൂലം സിമന്റ് ക്ഷാമം രൂക്ഷമായതിനാല്‍ സാധാരണക്കാരുടെയും ഇടത്തരക്കാരുടെയും കെട്ടിട നിര്‍മാണ പ്രവര്‍ത്തനം പ്രതിസന്ധി നേരിടുകയാണ്. ജോലിയില്ലാതെ ഈ മേഖലയിലെ തൊഴിലാളികളും പ്രയാസമനുഭവിക്കുന്നുണ്ട്. സിമന്റ് കമ്പനികളും ലോറിയുടമകളും തമ്മിലെ പ്രശ്നം രണ്ടാഴ്ച പിന്നിട്ടിട്ടും പരിഹരിക്കാന്‍ നടപടി സ്വീകരിക്കാത്തത് പ്രതിഷേധാര്‍ഹമാണ്. പ്രശ്നത്തില്‍ ഇടപെട്ട് സമരം ഒത്തുതീര്‍ക്കാന്‍ അധികൃതര്‍ മുന്‍കൈ എടുക്കണമെന്ന് സോളിഡാരിറ്റി യോഗം ആവശ്യപ്പെട്ടു. ഏരിയാ പ്രസിഡന്റ് മുഹമ്മദ് സാലിം അധ്യക്ഷത വഹിച്ചു. ജനറല്‍ സെക്രട്ടറി മുഹമ്മദ് റൌഫ്, പി.ആര്‍. സെക്രട്ടറി കെ.ടി.റസാഖ്, പി.കെ. റഷാദ് എന്നിവര്‍ സംസാരിച്ചു.

JIH KANNUR

 ജമാഅത്തെ ഇസ്ലാമി: 

ടി.കെ. മുഹമ്മദലി 
കണ്ണൂര്‍ ജില്ലാ പ്രസിഡന്റ്,
കളത്തില്‍ ബഷീര്‍ സെക്രട്ടറി

കണ്ണൂര്‍: ജമാഅത്തെ ഇസ്ലാമി ഹിന്ദ് കണ്ണൂര്‍ ജില്ലാ കമ്മിറ്റിയുടെ 2011^13 പ്രവര്‍ത്തന കാലയളവിലേക്കുള്ള പ്രസിഡന്റായി ടി.കെ. മുഹമ്മദലിയെയും സെക്രട്ടറിയായി കളത്തില്‍ ബഷീറിനെയും തെരഞ്ഞെടുത്തു. അസിസ്റ്റന്റ് സെക്രട്ടറിമാരായി കെ.എല്‍. ഖാലിദ്, കെ.എം. മഖ്ബൂല്‍, ഏരിയാ പ്രസിഡന്റുമാരായി കെ.വി. നിസാര്‍ (മട്ടന്നൂര്‍), ബി.പി. അബ്ദുല്‍ ഹമീദ് (മാടായി), കെ.കെ. അബ്ദുല്ല (ചൊക്ലി), യു. ഉസ്മാന്‍ (തലശേãരി), കെ. മുഹമ്മദ് ഹനീഫ് (കണ്ണൂര്‍), വി.എന്‍. ഹാരിസ് (വളപട്ടണം) എന്നിവരെയും ജില്ലാ കമ്മിറ്റി അംഗങ്ങളായി യു.പി. സിദ്ദീഖ് മാസ്റ്റര്‍, സി. അബ്ദുന്നാസര്‍, ജമാല്‍ കടന്നപ്പള്ളി, സി.കെ. അബ്ദുല്‍  ജബ്ബാര്‍, കെ.പി. അബ്ദുല്‍ അസീസ്, പി.സി. മുനീര്‍, എസ്.എ.പി അബ്ദുല്‍ സലാം, എം.ടി.പി സൈനുദ്ദീന്‍, കെ.കെ. സുഹൈല്‍, എം.കെ. അബൂബക്കര്‍, ടി.പി. മുഹമ്മദ് ശമീം എന്നിവരെയും തെരഞ്ഞെടുത്തു. സംസ്ഥാന അസിസ്റ്റന്റ് അമീര്‍ എം.കെ. മുഹമ്മദലി, മേഖല നാസിം പി.പി. അബ്ദുറഹിമാന്‍ പെരിങ്ങാടി എന്നിവര്‍ നേതൃത്വം നല്‍കി. അന്ത്രു മൌലവി ഖുര്‍ആന്‍ ക്ലാസെടുത്തു.

WIRAS COLLEGE

 വിളയാങ്കോട് വാദിഹുദ ഇന്‍സ്റ്റിറ്റ്യൂട്ട് ഓഫ് റിസര്‍ച് ആന്‍ഡ് അഡ്വാന്‍സ്ഡ് സ്റ്റഡീസ് (വിറാസ്) നല്‍കിയ സ്വീകരണത്തില്‍ ജമാഅത്തെ ഇസ്ലാമി ദേശീയ ഉപാധ്യക്ഷന്‍ പ്രഫ. കെ.എ. സിദ്ദീഖ് ഹസന്‍ സംസാരിക്കുന്നു

മാനവിക മൂല്യങ്ങള്‍ 

ഉയര്‍ത്തിപ്പിടിക്കുന്ന വിദ്യാഭ്യാസ
രീതി ഉയര്‍ന്നുവരണം -കെ.എ. സിദ്ദീഖ് ഹസന്‍

കണ്ണൂര്‍: മാനവിക മൂല്യങ്ങള്‍ ഉയര്‍ത്തിപ്പിടിക്കുന്ന വിദ്യാഭ്യാസ രീതി വളര്‍ന്നുവരണമെന്ന് ജമാഅത്തെ ഇസ്ലാമി ദേശീയ ഉപാധ്യക്ഷന്‍ പ്രഫ. കെ.എ. സിദ്ദീഖ് ഹസന്‍. വിളയാങ്കോട് വാദിഹുദ ഇന്‍സ്റ്റിറ്റ്യൂട്ട് ഓഫ് റിസര്‍ച് ആന്‍ഡ് അഡ്വാന്‍സ്ഡ് സ്റ്റഡീസ് (വിറാസ്) നല്‍കിയ സ്വീകരണ യോഗത്തില്‍ സംസാരിക്കുകയായിരുന്നു അദ്ദേഹം. കരുണയും സ്നേഹവും സേവനവും ഇഴചേര്‍ന്ന് നിസ്വാര്‍ഥമായി സമൂഹത്തെ സേവിക്കാന്‍ പ്രേരണ നല്‍കുന്ന വിദ്യാഭ്യാസ രീതിയാണ് കാലം തേടുന്നതെന്നും അദ്ദേഹം പറഞ്ഞു. വിറാസിലെ അധ്യാപക വിദ്യാര്‍ഥികള്‍ ഉത്തരേന്ത്യയിലെ കഷ്ടതയനുഭവിക്കുന്ന ജനങ്ങള്‍ക്കുവേണ്ടി പിരിച്ചെടുത്ത 31550രൂപ ഹ്യൂമന്‍ വെല്‍ഫെയര്‍ ട്രസ്റ്റ് ജനറല്‍ സെക്രട്ടറി കൂടിയായ പ്രഫ. കെ.എ. സിദ്ദീഖ് ഹസന് കൈമാറി.
ഗള്‍ഫ് മാധ്യമം എഡിറ്ററും ടി.ഐ.ടി ഗ്രൂപ്പ് ഓഫ് ഇന്‍സ്റ്റിറ്റ്യൂഷന്‍ ചെയര്‍മാനുമായ വി.കെ. ഹംസ അബ്ബാസ് അധ്യക്ഷത വഹിച്ചു. വൈസ് ചെയര്‍മാന്‍ എസ്.എ.പി. അബ്ദുസലാം സ്വാഗതവും പ്രിന്‍സിപ്പല്‍ മുഹമ്മദ് ഇഖ്ബാല്‍ നന്ദിയും പറഞ്ഞു.

SOLIDARITY MADAYI AREA

നെറ്റ് വര്‍ക്ക് മാര്‍ക്കറ്റിങ്ങിനെതിരെ
നടപടി വേണം

പഴയങ്ങാടി: പണത്തോടുള്ള ആര്‍ത്തി മുതലെടുത്ത് തഴച്ചു വളരുന്ന നെറ്റ് വര്‍ക്ക് മാര്‍ക്കറ്റിങ് കമ്പനികള്‍ക്കെതിരെ നടപടിയെടുക്കണമെന്ന് അഡ്വ.മഹേഷ് കൃഷ്ണന്‍. സോളിഡാരിറ്റി മാടായി ഏരിയ പഴയങ്ങാടിയില്‍ സംഘടിപ്പിച്ച ചര്‍ച്ചയില്‍ സംസാരിക്കുകയായിരുന്നു അദ്ദേഹം. ഒരു നിയമ സാധുതയുമില്ലാതെ പ്രവര്‍ത്തിക്കുന്ന ഇത്തരം തട്ടിപ്പുകള്‍ക്കെതിരെ ജനങ്ങളില്‍ അവബോധം വളര്‍ത്തേണ്ടത് സാമൂഹിക സംഘടനകളുടെ ബാധ്യതയാണെന്നും തട്ടിപ്പ് കമ്പനികള്‍ക്കെതിരെ നിയമ പാലകര്‍ ശ്രദ്ധ പതിപ്പിക്കണമെന്നും ചര്‍ച്ച അഭിപ്രായപ്പെട്ടു. സോളിഡാരിറ്റി ജില്ലാ പ്രസിഡന്റ് ഫാറൂഖ് ഉസ്മാന്‍ ഉദ്ഘാടനം ചെയ്തു. ഏരിയാ പ്രസിഡന്റ് പി.കെ.മുഹമ്മദ് സാജിദ് നദ്വി അധ്യക്ഷത വഹിച്ചു. എ.പി.വി.മുസ്തഫ സ്വാഗതവും ഫൈസല്‍ മാടായി നന്ദിയും പറഞ്ഞു.

JIH MAHE

ബൈത്തുസകാത്ത്
ഭാരവാഹികള്‍

മാഹി: പെരിങ്ങാടി ബൈത്തുസകാത്ത് കമ്മിറ്റിയുടെ ആറാമത് ജനറല്‍ ബോഡി യോഗം വി.എം. ഹാഷിമിന്റെ അധ്യക്ഷതയില്‍ ചേര്‍ന്നു. ട്രഷറര്‍ കെ.സി. ഇസ്മായില്‍ വരവുചെലവ് കണക്ക് അവതരിപ്പിച്ചു. ഭാരവാഹികള്‍: ഡോ. സി.പി. അസ്ഹര്‍ (പ്രസി.), വി.എം. ഹാഷിം, ജാഫര്‍ ഉസ്മാന്‍ (വൈ. പ്രസി.), കെ.സി. ഇസ്മായില്‍ (ജന. സെക്ര.), മുസ്തഫ പറമ്പത്ത് (സെക്ര.), ഒമര്‍ ഫാറൂഖ്, ഹാഷിം പള്ളക്കല്‍ (ജോ. സെക്ര.), പി.ടി. യൂസഫ് (ട്രഷ.

ISLAMIC CENTRE THALASSERY

ഖുര്‍ആന്‍ സെമിനാര്‍

തലശേãരി: തലശേãരി ഇസ്ലാമിക് സെന്റര്‍ ആഭിമുഖ്യത്തില്‍ 31ന് ഖുര്‍ആന്‍ സെമിനാര്‍ സംഘടിപ്പിക്കുന്നു. വൈകീട്ട് നാലിന് ഇസ്ലാമിക് സെന്റര്‍ ഓഡിറ്റോറിയത്തില്‍ നടക്കുന്ന സെമിനാറില്‍ ടി.പി. ശറഫുദ്ദീന്‍ മലപ്പുറം വിഷയമവതരിപ്പിക്കും.

KANHIRODE NEWS

അങ്കണവാടി  ഉദ്ഘാടനം

 മുണ്ടേരി പഞ്ചായത്ത് മായന്‍മുക്കില്‍ നിര്‍മിച്ച അങ്കണവാടി കെട്ടിടോദ്ഘാടനം ഉച്ച രണ്ടുമണിക്ക് മന്ത്രി ഡോ. എം.കെ. മുനീര്‍ നിര്‍വഹിക്കും.

JIH KANNUR

സ്വാഗതസംഘം
രൂപവത്കരിച്ചു

കണ്ണൂര്‍: ജമാഅത്തെ ഇസ്ലാമി കണ്ണൂര്‍ ഘടകം സംഘടിപ്പിക്കുന്ന റമദാന്‍ പ്രഭാഷണ പരമ്പരയുടെ നടത്തിപ്പിന് സ്വാഗതസംഘം രൂപവത്കരിച്ചു. വി.കെ. ഖാലിദ് (ജന. കണ്‍) ഡോ. സലീം, കെ.വി. അബ്ദുറഹ്മാന്‍ (പ്രചാരണം), സി.വി. അബുഹാജി, കെ.എല്‍. ഖാലിദ് (സജ്ജീകരണം), പി.പി. മഹമൂദ്, കെ.പി. അസീസ് (സ്വീകരണം), കെ. അമീര്‍ (മീഡിയ) എന്നിവരാണ് ഭാരവാഹികള്‍. പി.സി. മൊയ്തു മാസ്റ്റര്‍ അധ്യക്ഷത വഹിച്ചു. യു.പി. സിദ്ദീഖ് സംസാരിച്ചു.

SOLIDARITY CHAKKARAKAL

 

P.S.C Coaching Camp @ Safa Centre conducted by Solidarity Chakkarakal Unit

OBIT_MAMMU

 മമ്മു 

കാഞ്ഞിരോട് ഗ്രീന്‍ ഹൌസില്‍ സി.പി. മമ്മു (62) നിര്യാതനായി.

ഭാര്യ: സഫിയ. 

മക്കള്‍: ഹാരിസ്, അസ്ലം, ഹസീന, സമീറ, ശബാന, ശറഫുദ്ദീന്‍, ശംസുദ്ദീന്‍. മരുമക്കള്‍: മൊയ്തീന്‍കുഞ്ഞി (കൂടാളി), ശുക്കൂര്‍(മട്ടന്നൂര്‍), ഫിറോസ്(ഉളിയില്‍), സാജിദ (പുറവൂര്‍), ഖദീജ (മുണ്ടേരി). 

ഖബറടക്കം വ്യാഴാഴ്ച രാവിലെ ഒമ്പത് മണിക്ക് കാഞ്ഞിരോട് ജുമാമസ്ജിദ് ഖബര്‍സ്ഥാനില്‍.

KANHIRODE NEWS

 ബസ് കാറിലിടിച്ച്
റിട്ട. അധ്യാപകന്‍ മരിച്ചു

കാഞ്ഞിരോട്: ഏച്ചൂരില്‍ സ്വകാര്യ ബസ് കാറിലിടിച്ച് കാര്‍ യാത്രക്കാരനായ റിട്ട. അധ്യാപകന്‍ മരിച്ചു. കണ്ണൂര്‍ കണ്ണോത്തുംചാല്‍ ജയശ്രീ പെട്രോള്‍ പമ്പിന് സമീപത്തെ 'പാംവ്യൂ'വിലെ വി.പി. കുഞ്ഞിമായന്‍ മാസ്റ്റര്‍ (61) ആണ് മരിച്ചത്. കണ്ണൂര്‍ ഗവ. മുനിസിപ്പല്‍ എച്ച്.എസില്‍നിന്ന് പ്രധാനാധ്യാപകനായി വിരമിച്ച ഇദ്ദേഹം ഇരിക്കൂര്‍ പെരുവളത്ത് പറമ്പ് റഹ്മാനിയ ഓര്‍ഫനേജ് ഹയര്‍ സെക്കന്‍ഡറി സ്കൂള്‍ പ്രിന്‍സിപ്പലായി സേവനമനുഷ്ഠിച്ചുവരുകയായിരുന്നു.കണ്ണൂര്‍^മട്ടന്നൂര്‍ സംസ്ഥാന പാതയില്‍ ഏച്ചൂര്‍ സി.ആര്‍ പെട്രോള്‍ പമ്പിനുമുന്നില്‍ ചൊവ്വാഴ്ച വൈകീട്ടായിരുന്നു അപകടം. ഇരിക്കൂറിലെ സ്കൂളില്‍ നിന്ന്  വീട്ടിലേക്ക് മടങ്ങുകയായിരുന്ന മായന്‍ മാസ്റ്റര്‍ സഞ്ചരിച്ച കാറില്‍ കണ്ണൂരില്‍നിന്ന് ചക്കരക്കല്ല് ഭാഗത്തേക്ക് പോവുകയായിരുന്ന 'മയൂഖം' ബസ് ഇടിക്കുകയായിരുന്നു. നാട്ടുകാരും ചക്കരക്കല്ല് പൊലീസും ചേര്‍ന്ന് ഉടന്‍ കണ്ണൂരിലെ ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരിച്ചു. ഇടിയുടെ ആഘാതത്തില്‍ കാര്‍ പൂര്‍ണമായി തകര്‍ന്നു.
കണ്ണൂര്‍ ഗവ. സിറ്റി ഹൈസ്കൂള്‍, കണ്ണൂര്‍ ഗവ. ടി.ടി.ഐ എന്നിവിടങ്ങളില്‍ അധ്യാപകനായും വളപട്ടണം ഗവ. എച്ച്.എസ്., ഗവ. എച്ച്.എസ് ചേലോറ എന്നിവിടങ്ങളില്‍ പ്രധാനാധ്യാപകനായും സേവനമനുഷ്ഠിച്ചിട്ടുണ്ട്.
മുസ്ലിം എംപ്ലോയിസ് കള്‍ചറല്‍ അസോസിയേഷന്‍ (മെക്ക) സംസ്ഥാന വൈസ് പ്രസിഡന്റ്, മലബാര്‍ എംപവര്‍മെന്റ് ഫോറം ചെയര്‍മാന്‍, കണ്ണൂര്‍ സിറ്റി ജുമാമസ്ജിദ് മുന്‍ പ്രസിഡന്റ് എന്നീ നിലകളില്‍ സേവനമനുഷ്ഠിച്ചിട്ടുണ്ട്.
കണ്ണൂരിലെ അറയ്ക്കല്‍ കുടുബാംഗമായ സഫിയ ആദിരാജയാണ് ഭാര്യ. മക്കള്‍: ഡോ. സാജിദ് (ബ്രൂണെ), ഡോ. സജ്ജാദ് (ഖത്തര്‍), സുഹൈല്‍ (ബിസിനസ് കണ്ണൂര്‍). മരുമക്കള്‍: റഹീന (വടകര), നിഷിദ (കണ്ണൂര്‍), ശബ്ന (തലശേãരി). സഹോദരങ്ങള്‍: മമ്മു മാസ്റ്റര്‍ (തലശേãരി), ബീവി (തലശേãരി), ആയിഷ (ബേപ്പൂര്‍), നഫീസ (മാറഞ്ചേരി), പരേതയായ മറിയം. ഖബറടക്കം ബുധനാഴ്ച ളുഹര്‍ നമസ്കാരത്തിനുശേഷം കണ്ണൂര്‍ സിറ്റി ജുമാമസ്ജിദ് ഖബര്‍സ്ഥാനില്‍.

OBIT_KUNHEEMA

കുഞ്ഞീമ

കാഞ്ഞിരോട്: മായന്‍മുക്ക് പള്ളിക്കു സമീപം മടത്തില്‍ വളപ്പില്‍ പുതിയ പുരയില്‍ കുഞ്ഞീമ (88) നിര്യാതയായി. ഭര്‍ത്താവ്: പരേതനായ പാറക്കല്‍ മുഹമ്മദ്. മക്കള്‍: അബ്ദുറഹിമാന്‍, മൂസ, ആയിസ്സുമ്മ, പാത്തുമ്മ, പരേതനായ അഹമ്മദ്കുട്ടി. സഹോദരന്‍: പരേതനായ മമ്മു മാസ്റ്റര്‍. ഖബറടക്കം ബുധനാഴ്ച രാവിലെ ഒമ്പതിന് കാഞ്ഞിരോട് പഴയ പള്ളി ഖബര്‍സ്ഥാനില്‍.

SOLIDARITY THALASSERY

സോളിഡാരിറ്റി പ്രതിമാസ കൂട്ടായ്മ

തലശേãരി: സോളിഡാരിറ്റി സൈദാര്‍ പള്ളി യൂനിറ്റ് പ്രതിമാസ കൂട്ടായ്മ നടത്തി.   നെറ്റ്വര്‍ക്ക് മാര്‍ക്കറ്റിങ്ങിലെ ചതിക്കുഴികള്‍ എന്ന വിഷയത്തില്‍ യു.കെ. സെയ്ദ് ക്ലാസെടുത്തു. പ്രസിഡന്റ് കെ. ശുഐബ് അധ്യക്ഷത വഹിച്ചു. ഏരിയ സെക്രട്ടറി സാജിദ് കോമത്ത് സംസാരിച്ചു.

GIO KANNUR

ജി.ഐ.ഒ മത്സര വിജയികള്‍

കണ്ണൂര്‍: ഗേള്‍സ് ഇസ്ലാമിക് ഓര്‍ഗനൈസേഷന്‍ ജില്ലാ കമ്മിറ്റി നടത്തിയ വായനാദിന എഴുത്തുപരീക്ഷയില്‍ ലദീദ വി. ഫര്‍സാന (ദീനുല്‍ ഇസ്ലാംസഭ ഗേള്‍സ് ഹയര്‍സെക്കന്‍ഡറി സ്കൂള്‍) ഒന്നാംസ്ഥാനവും അസ്ബിയ പൂക്കുണ്ടില്‍ (ഡി.ഐ.എസ്.ഇ.എം.എച്ച്.എസ്.എസ്) രണ്ടാംസ്ഥാനവും സദഫ് പി. ഖാലിദ് (കൌസര്‍ ഇംഗ്ലീഷ് സ്കൂള്‍) മൂന്നാംസ്ഥാനവും കരസ്ഥമാക്കി.

MAJLIS

മജ്ലിസ്  കണ്‍വെന്‍ഷന്‍

തലശേãരി: ചേറ്റംകുന്ന് ഇസ്ലാമിക് വിമന്‍സ് കോളജില്‍ നടന്ന മജ്ലിസ് ഏരിയാ കണ്‍വെന്‍ഷന്‍ ഉദ്ഘാടനം ജി.ഐ.ഒ ജില്ലാ പ്രസിഡന്റ് ടി.കെ. ജംഷിറ നിര്‍വഹിച്ചു.
പ്രിന്‍സിപ്പല്‍ കെ.എം. റഷീദ അധ്യക്ഷത വഹിച്ചു. പുതിയ അക്കാദമി വര്‍ഷത്തേക്കുള്ള ഭാരവാഹികളായി ഫഹ്മിയ അബ്ദുല്ല (പ്രസി), ഷാന പര്‍വീന്‍ (വൈസ് പ്രസി), ടി.കെ. സഫ്റീന (സെക്ര), തമന്ന ഷെറിന്‍ (ജോ. സെക്ര) ടി.കെ. സുമയ്യ (ട്രഷ) എന്നിവരെ തെരഞ്ഞെടുത്തു. അമീന്‍ മാസ്റ്റര്‍ പ്രാര്‍ഥനയും ഉദ്ബോധനവും നടത്തി. ഫഹ്മിയ സ്വാഗതവും സഫ്റീന നന്ദിയും പറഞ്ഞു.

GIO KANNUR

 

 ജി.ഐ.ഒ മെംബേഴ്സ് മീറ്റ്

കണ്ണൂര്‍: ഗേള്‍സ് ഇസ്ലാമിക് ഓര്‍ഗനൈസേഷന്‍ ജില്ലാ കമ്മിറ്റിയുടെ ആഭിമുഖ്യത്തില്‍ റമദാനോടനുബന്ധിച്ച് തര്‍ബിയ്യത്ത് ക്യാമ്പ് നടത്തി. ജമാഅത്തെ ഇസ്ലാമി ജില്ലാ സെക്രട്ടറി കളത്തില്‍ ബഷീര്‍ ഉദ്ഘാടനം ചെയ്തു. ജി.ഐ.ഒ ജില്ലാ പ്രസിഡന്റ് ടി.കെ. ജംഷീറ അധ്യക്ഷത വഹിച്ചു. ജില്ലാ സെക്രട്ടറി കെ.കെ. നാജിയ സ്വാഗതവും ഉമ്മുല്‍ ഫായിസ നന്ദിയും പറഞ്ഞു.

IRIKKUR NEWS

 കലാസാഹിത്യവേദി ഉദ്ഘാടനം

ഇരിക്കൂര്‍: കൊളപ്പ ഹൊറൈസണ്‍ ഇംഗ്ലീഷ് സ്കൂള്‍ കലാസാഹിത്യ വേദി ഉദ്ഘാടനവും മജ്ലിസ് പരീക്ഷാ ജേതാക്കള്‍ക്കുള്ള അവാര്‍ഡുദാനവും എ.എം.ഐ സ്കൂള്‍ ഓഡിറ്റോറിയത്തില്‍ നടന്നു. കലാസാഹിത്യവേദിയുടെ ഉദ്ഘാടനം സലീം ഫൈസല്‍ തൃശൂര്‍ നിര്‍വഹിച്ചു. പി.ടി.എ പ്രസിഡന്റ് എന്‍.വി. ത്വാഹിര്‍ അധ്യക്ഷത വഹിച്ചു. കെ. അബ്ദുല്‍ ജബ്ബാര്‍ ഹാജി മുഖ്യപ്രഭാഷണം നടത്തി. മജ്ലിസ് പ്രൈമറി പരീക്ഷാ സര്‍ട്ടിഫിക്കറ്റ് വിതരണവും സമ്മാനദാനവും ഇസ്ലാമിയ അസോസിയേഷന്‍ പ്രസിഡന്റ് സി.എ. സിദ്ദീഖ് ഹാജി നിര്‍വഹിച്ചു. യു.കെ. മായിന്‍ മാസ്റ്റര്‍, കെ.പി. ഹാരിസ് എന്നിവര്‍ സംസാരിച്ചു. പ്രിന്‍സിപ്പല്‍ എം. സുകുമാരന്‍ സ്വാഗതവും സ്റ്റാഫ് സെക്രട്ടറി എം.ഇ.കെ. സജിത നന്ദിയും പറഞ്ഞു.

MAULANA AZAD EDUCATION FOUNDATION

KAOSER KANNUR