പുനരധിവാസ പദ്ധതികള്‍ പ്രഖ്യാപിക്കണമെന്ന് ജമാഅത്തെ ഇസ്ലാമി

പുനരധിവാസ പദ്ധതികള്‍ പ്രഖ്യാപിക്കണമെന്ന് ജമാഅത്തെ ഇസ്ലാമി

പുനരധിവാസ പദ്ധതികള്‍ പ്രഖ്യാപിക്കണമെന്ന് ജമാഅത്തെ ഇസ്ലാമി ജില്ലാ സെക്രട്ടേറിയറ്റ് ആവശ്യപ്പെട്ടു. അപകടസ്ഥലം ജില്ലാ ആക്ടിങ് പ്രസിഡന്‍റ് കെ.പി. അബ്ദുല്‍ അസീസ്, ജനറല്‍ സെക്രട്ടറി കളത്തില്‍ ബഷീര്‍, ജില്ലാ സെക്രട്ടറിമാരായ കെ.എല്‍. ഖാലിദ്, സി. അബ്ദുന്നാസര്‍ എന്നിവര്‍ സന്ദര്‍ശിച്ചു. വിവിധ ആശുപത്രികളില്‍ പരിക്കേറ്റ് കഴിയുന്ന ദുരന്തബാധിതരെയും ജില്ലാ നേതാക്കള്‍ സന്ദര്‍ശിച്ചു. 

അടിയന്തര സഹായം എത്തിക്കണം

അടിയന്തര സഹായം എത്തിക്കണം

 ടാങ്കര്‍ അപകടത്തില്‍ വെല്‍ഫെയര്‍ പാര്‍ട്ടി ജില്ലാ എക്സിക്യൂട്ടിവ് യോഗം നടുക്കം രേഖപ്പെടുത്തി. അപകടങ്ങള്‍ ഒഴിവാക്കുന്നതിന് കാര്യക്ഷമമായ ഗതാഗത നടപടി സ്വീകരിക്കണമെന്ന് ആവശ്യപ്പെട്ടു. പ്രസിഡന്‍റ് രാധാകൃഷ്ണന്‍ കൂടാളി അധ്യക്ഷത വഹിച്ചു. ജനറല്‍ സെക്രട്ടറി അഡ്വ. കെ.എല്‍. അബ്ദുല്‍സലാം, സെക്രട്ടറി മോഹനന്‍ കുഞ്ഞിമംഗലം, എന്‍.എം. ഷഫീഖ്, മധു കക്കാട്, ഇംതിയാസ് എന്നിവര്‍ സംസാരിച്ചു. ജില്ലാ വൈസ് പ്രസിഡന്‍റുമാരായ എം.ടി.പി. സൈനുദ്ദീന്‍, പള്ളിപ്രം പ്രസന്നന്‍, ജില്ലാ സെക്രട്ടറിമാരായ എന്‍.എം. ശഫീഖ്, മോഹനന്‍ കുഞ്ഞിമംഗലം, മണ്ഡലം നേതാക്കളായ സി. ഇംതിയാസ്, മധു കക്കാട്, ടി.കെ. അസ്ലം, റംസി ചൊവ്വ എന്നിവര്‍ സംഭവസ്ഥലവും പരിക്കേറ്റവരെയും സന്ദര്‍ശിച്ചു.

ഓണകിറ്റ് വിതരണം

 ഓണകിറ്റ് വിതരണം

ചാലാട്: ഓണാഘോഷത്തോടനുബന്ധിച്ച് വെല്‍ഫെയര്‍ പാര്‍ട്ടി ഓഫ് ഇന്ത്യ പള്ളിക്കുന്ന് പഞ്ചായത്ത് കമ്മിറ്റിയുടെ ആഭിമുഖ്യത്തില്‍ ഓണകിറ്റ് വിതരണം നടത്തി. വെല്‍ഫെയര്‍ പാര്‍ട്ടി പള്ളിക്കുന്ന്പഞ്ചായത്ത് കമ്മിറ്റി പ്രസിഡന്‍റ് പി.പി. രവീന്ദ്രന്‍ (സിന്‍സിയര്‍) ഉദ്ഘാടനം ചെയ്തു. അഴീക്കോട് മണ്ഡലം സെക്രട്ടറി സി.എച്ച്. ഷൗക്കത്തലി, എക്സിക്യൂട്ടിവ് മെംബര്‍ കെ. മുഹമ്മദ് റാസിഖ് എന്നിവര്‍ സംസാരിച്ചു. വി.സി. റസിയ സ്വാഗതവും പി.എം. ഷറോസ് നന്ദിയും പറഞ്ഞു.

HAPPY ONAM

നന്മ വളര്‍ത്തലാണ് എഴുത്തുകാരുടെ ധര്‍മ്മം:T.N. പ്രകാശ്

 നന്മ വളര്‍ത്തലാണ് എഴുത്തുകാരുടെ ധര്‍മ്മം:T.N. പ്രകാശ്

വാരം: നന്മ നിറഞ്ഞ കൂ"ായ്മകള്‍ക്കും, പ്രസ്ഥാനങ്ങള്‍ക്കുമാണ് ഇനിയങ്ങോ"് നമ്മുടെ നാടിന്‍്റെ ഭാവിയില്‍ സുപ്രധാന ധര്‍മ്മം നിര്‍വ്വഹിക്കാനുള്ളതെ് പ്രമുഖ എഴുത്തുകാരന്‍ ടി.എന്‍.പ്രകാശ്. ജമാഅത്തെ ഇസ്ളാമിയുടെ ആഭിമുഖ്യത്തില്‍ വാരം യു.പി.സ്കൂളില്‍ നട ഓണം സൗഹൃദ കൂ"ായ്മയില്‍ വിശിഷ്ടാതിഥിയായി സംസാരിക്കുകയായിരുു അദ്ദേഹം. രാജ്യത്ത് അഴിമതിയുടെ വമ്പന്‍ സ്രാവുകള്‍ മുകള്‍പരപ്പില്‍ നീന്തുമ്പോഴും, കൊച്ചു കൊച്ചു പരല്‍ മീനുകളെ തേടിയുള്ളതാകരുത് നമ്മുടെ അഴിമതി വിരുദ്ധ സമരം. സമൂഹത്തിലെ പ്രയാസമനുഭവിക്കുവര്‍ക്ക് ആശ്വാസത്തിന്‍്റെ കരങ്ങള്‍ നീ"ു സദ്ധ പ്രവര്‍ത്തനങ്ങള്‍ ശുദ്ധമായ അഴിമതിരഹിത സാമൂഹ്യക്രമത്തിന്‍്റെ ഏറ്റവും നല്ല ഉദാഹരണമാണെും, മനുഷ്യര്‍ക്കിടയില്‍ നന്മ വളര്‍ത്തലാണ് യഥാര്‍ത്ഥത്തില്‍ എഴുത്തുകാരുടെ മൗലികമായ സാഹിത്യധര്‍മ്മമെും അദ്ദേഹം പറഞ്ഞു. ചടങ്ങില്‍ 46 നിര്‍ധന കുടുംബങ്ങള്‍ക്കുള്ള ഓണക്കിറ്റ് വിതരണോല്‍ഘാടനം കണ്ണൂര്‍ നൂര്‍ മസ്ജിദ് ഖത്തിബ് യു.വി.സിദ്ധീഖ് നിര്‍വ്വഹിച്ചു. പ്രമുഖ വേദ പണ്ഡിതനും, പ്രഭാഷകനുമായ പി.നാരായണന്‍ മാസ്റ്റര്‍, വാരം യു.പി.സ്കൂള്‍ ഹെഡ്മാസ്ട്രസ് കെ.പി.ലളിത, കെ.എം. മഖ്ബൂല്‍, കെ.കെ.ഫൈസല്‍, പി.പി.അബ്ദുള്‍ സത്താര്‍, ഇ.പി.അഫീമ തുടങ്ങിയവര്‍ ചടങ്ങില്‍ സംബന്ധിച്ച് സംസാരിച്ചു. 

 

 

 

 

ഗതാഗതകുരുക്ക് പരിഹരിക്കണം

 ഗതാഗതകുരുക്ക്
പരിഹരിക്കണം

കണ്ണൂര്‍: ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണമെന്ന് സോളിഡാരിറ്റി ജില്ലാ സെക്രട്ടറി ടി.പി. ഇല്യാസ് ആവശ്യപ്പെട്ടു. താഴെചൊവ്വ മുതല്‍ പുതിയതെരു വരെയുള്ള ദേശീയപാത മൂന്നുമീറ്റര്‍ വീതികൂട്ടാന്‍ മുഖ്യമന്ത്രിയുടെ അധ്യക്ഷതയില്‍ ചേര്‍ന്ന യോഗം തീരുമാനിച്ചിട്ട് മാസങ്ങളായി.
ഗതാഗതകുരുക്ക് പരിഹരിക്കാന്‍ പ്രഖ്യാപിച്ച നിര്‍ദിഷ്ട ബസ്ബേകള്‍ പ്രഖ്യാപനത്തിലൊതുങ്ങി. കുരുക്ക് നീക്കാനുള്ള മറ്റു മാര്‍ഗനിര്‍ദേശങ്ങളും നിലനില്‍ക്കേ നടപടികളുമായി മുന്നോട്ടുപോകാത്ത അധികൃതരുടെ അനാസ്ഥക്കെതിരെ പ്രക്ഷോഭത്തിനിറങ്ങുമെന്ന് അദ്ദേഹം പറഞ്ഞു.

മരം വീണ് ഗതാഗതം തടസ്സപ്പെട്ടു

 

 മരം വീണ് ഗതാഗതം തടസ്സപ്പെട്ടു 

 ചക്കരക്കല്ല്: മേലെചൊവ്വ-മട്ടന്നൂര്‍ റോഡില്‍ ഏച്ചൂരിന് സമീപം റോഡരികിലെ ആല്‍മരം കടപുഴകി ഗതാഗതം തടസ്സപ്പെട്ടു. ഞായറാഴ്ച രാവിലെ ഒമ്പതു മണിയോടെയാണ് സംഭവം. മരം വീണതിനെതുടര്‍ന്ന് വൈകീട്ടുവരെ ഗതാഗതം തടസ്സപ്പെട്ടു. പി.ഡബ്ള്യു.ഡി അധികൃതരും ഫയര്‍ഫോഴ്സ് സംഘവും ഏറെനേരം പണിപ്പെട്ട് രാത്രിയോടെയാണ്  മരം നീക്കിയത്.

മരിച്ചവരുടെ വീട് സന്ദര്‍ശിച്ചു

വാഹനാപകടത്തില്‍
മരിച്ചവരുടെ വീട് സന്ദര്‍ശിച്ചു

കണ്ണൂര്‍: ഒമാനില്‍ വാഹനാപകടത്തില്‍ മരിച്ച കാവുമ്പടി കുളങ്ങരക്കണ്ടി പുതിയപുരയില്‍ ഖാലിദ് മൗലവിയുടെ നരയമ്പാറയിലെ ഭാര്യവീട് വെല്‍ഫെയര്‍ പാര്‍ട്ടി ജില്ലാ നേതാക്കള്‍ സന്ദര്‍ശിച്ചു. ജനറല്‍ സെക്രട്ടറി അഡ്വ. കെ.എല്‍. അബ്ദുല്‍ സലാം, സെക്രട്ടറിമാരായ പി.ബി.എം. ഫര്‍മീസ്, എന്‍.എം. ശഫീഖ്, കണ്ണൂര്‍ മണ്ഡലം പ്രസിഡന്‍റ് സി. മുഹമ്മദ് ഇംതിയാസ്, പേരാവൂര്‍ മണ്ഡലം നേതാക്കളായ എ.എ. മുഹമ്മദ് മുഷ്താഖ് കാഞ്ഞിരോട്, അബ്ദുല്‍ അസീസ് ഉളിയില്‍ എന്നിവരടങ്ങുന്ന സംഘമാണ് സന്ദര്‍ശിച്ചത്.

PRABODHANAM WEEKLY

MADHYAMAM WEEKLY

CLASS

തോട്ടങ്ങള്‍ ഏറ്റെടുക്കണം -വെല്‍ഫെയര്‍ പാര്‍ട്ടി

പാട്ടക്കാലാവധി കഴിഞ്ഞ
തോട്ടങ്ങള്‍ ഏറ്റെടുക്കണം
-വെല്‍ഫെയര്‍ പാര്‍ട്ടി

തിരുവനന്തപുരം: പാട്ടക്കാലാവധി കഴിഞ്ഞ മുഴുവന്‍ ഭൂമിയും സര്‍ക്കാര്‍ ഏറ്റെടുക്കണമെന്ന് വെല്‍ഫെയര്‍ പാര്‍ട്ടി ഓഫ് ഇന്ത്യ സംസ്ഥാന കമ്മിറ്റി ഭാരവാഹികള്‍ വാര്‍ത്താസമ്മേളനത്തില്‍ ആവശ്യപ്പെട്ടു.
കരാര്‍ ലംഘിച്ച മുഴുവന്‍ തോട്ടങ്ങളും ഏറ്റെടുത്ത് ഭൂരഹിതര്‍ക്ക് വിതരണം ചെയ്യണം. പരിസ്ഥിതി പ്രാധാന്യമുള്ള ഭൂവിഭാഗങ്ങള്‍ സംരക്ഷിക്കണം. നെല്ലിയാമ്പതിയിലെ തോട്ടങ്ങള്‍ ഏറ്റെടുക്കുന്നതുമായി ബന്ധപ്പെട്ട സര്‍ക്കാറിന്‍െറ പൊതുഅഭിപ്രായം വ്യക്തമാക്കണം.
ഈ ആവശ്യങ്ങളുമായി ബന്ധപ്പെട്ട് വെല്‍ഫെയര്‍ പാര്‍ട്ടി ഓഫ് ഇന്ത്യ സെക്രട്ടേറിയറ്റിലേക്ക് ഒക്ടോബര്‍ 10ന് ബഹുജനമാര്‍ച്ച് സംഘടിപ്പിക്കുമെന്നും ഭാരവാഹികള്‍ അറിയിച്ചു.  വെല്‍ഫെയര്‍ പാര്‍ട്ടി  ജനറല്‍ സെക്രട്ടറി കെ.അംബുജാക്ഷന്‍, വൈസ് പ്രസിഡന്‍റുമാരായ സുരേന്ദ്രന്‍ കരിപ്പുഴ, ഹമീദ് വാണിയമ്പലം, സെക്രട്ടറി ശ്രീജ എന്നിവരും പങ്കെടുത്തു.

അസം: വളന്‍റിയര്‍ സംഘം ഉടന്‍ പുറപ്പെടും

അസം: വളന്‍റിയര്‍ സംഘം ഉടന്‍ പുറപ്പെടും

കോഴിക്കോട്: അസമിലെ കലാപബാധിത പ്രദേശങ്ങളില്‍ റിലീഫ്, പുനരധിവാസ പ്രവര്‍ത്തനങ്ങള്‍ക്കായി ജമാഅത്തെ ഇസ്ലാമി പ്രവര്‍ത്തകരുടെയും ഐ.ആര്‍.ഡബ്ള്യു വളന്‍റിയര്‍മാരുടെയും സംഘം രണ്ടു ദിവസത്തിനകം യാത്ര തിരിക്കും. പ്രാഥമിക വിവരശേഖരണം നടത്തിയ  ഐ.ആര്‍.ഡബ്ള്യു  വളന്‍റിയര്‍മാരുടെ ആദ്യസംഘം തിരിച്ചത്തെിയാണ് റിലീഫ് പ്രവര്‍ത്തനങ്ങളുടെ രൂപരേഖ തയാറാക്കിയത്.
മെഡിക്കല്‍ സംഘത്തിന്‍െറ സേവനവും വസ്ത്രവുമാണ് റിലീഫ് ക്യാമ്പുകളിലെ അടിയന്തരാവശ്യം. ഉടന്‍ പുറപ്പെടാന്‍ തയാറുള്ള സേവന സന്നദ്ധരായ ഡോക്ടര്‍മാരും പാരാമെഡിക്കല്‍ സ്റ്റാഫും 0495 2720752/2722709, 9446414307, നമ്പറുകളില്‍ ബന്ധപ്പെടണമെന്ന് ജമാഅത്തെ ഇസ്ലാമി അസിസ്റ്റന്‍റ് അമീര്‍ എം.കെ. മുഹമ്മദലി അഭ്യര്‍ഥിച്ചു.
സ്ത്രീകള്‍ക്കാവശ്യമായ സാരി, കുട്ടികളുടെ വസ്ത്രങ്ങള്‍, ബെഡ്ഷീറ്റുകള്‍, തുടങ്ങിയവ ശേഖരിച്ചയക്കാന്‍ പ്രസ്ഥാന പ്രവര്‍ത്തകരോട് അദ്ദേഹം ആവശ്യപ്പെട്ടു. പരമാവധി പുതിയ വസ്ത്രങ്ങളാണ് ശേഖരിക്കേണ്ടത്. വിശദാംശങ്ങള്‍ക്ക് ജമാഅത്തെ ഇസ്ലാമി ജില്ലാ പ്രസിഡന്‍റുമാരുമായി ബന്ധപ്പെടണം. മാസങ്ങള്‍ നീണ്ടുനില്‍ക്കാനിടയുള്ള പുനരധിവാസ പ്രവര്‍ത്തനങ്ങളില്‍ പങ്കാളികളാവാന്‍ താല്‍പര്യമുള്ളവര്‍ 9496363385 നമ്പറില്‍ ബന്ധപ്പെടണം.

പഴശ്ശി: വെല്‍ഫെയര്‍ പാര്‍ട്ടി പ്രക്ഷോഭ സംഗമം നടത്തി

 പഴശ്ശി: വെല്‍ഫെയര്‍ പാര്‍ട്ടി
പ്രക്ഷോഭ സംഗമം നടത്തി

ഇരിട്ടി: ഷട്ടര്‍ അടച്ച് വെള്ളം ഉയര്‍ത്തി ജനങ്ങളെ രണ്ടുതവണ ദ്രോഹിച്ച പഴശ്ശി പദ്ധതി സോഷ്യല്‍ ഓഡിറ്റിങ്ങിന് വിധേയമാക്കുക, ദുരിതബാധിതര്‍ക്ക് നഷ്ടപരിഹാരം നല്‍കുക തുടങ്ങിയ ആവശ്യങ്ങള്‍ ഉന്നയിച്ച് വെല്‍ഫെയര്‍ പാര്‍ട്ടി ഓഫ് ഇന്ത്യയുടെ പ്രക്ഷോഭത്തിന്‍െറ ഭാഗമായി ഇരിട്ടിയില്‍ ബഹുജന സംഗമം നടത്തി. ജില്ലാ പ്രസിഡന്‍റ് കെ.ടി. രാധാകൃഷ്ണന്‍ കൂടാളി ഉദ്ഘാടനം ചെയ്തു. ജനദ്രോഹ നടപടികള്‍ സ്വീകരിക്കുന്ന പഴശ്ശി ഉദ്യോഗസ്ഥരെ ഇനിയും നിലക്കുനിര്‍ത്താന്‍ ബന്ധപ്പെട്ടവര്‍ ശ്രമിച്ചില്ളെങ്കില്‍ ശക്തമായ പ്രക്ഷോഭം സംഘടിപ്പിക്കുമെന്നും ജില്ലാ പ്രസിഡന്‍റ് ഉദ്ഘാടന പ്രസംഗത്തില്‍ പറഞ്ഞു. ഇരിട്ടി പഴയ ബസ്സ്റ്റാന്‍ഡ് പരിസരത്ത് നടന്ന പരിപാടിയില്‍ ജില്ലാ ജന. സെക്രട്ടറി അഡ്വ. കെ.എല്‍. അബ്ദുല്‍ സലാം അധ്യക്ഷത വഹിച്ചു. ജില്ലാ സെക്രട്ടറി മോഹനന്‍ കുഞ്ഞിമംഗലം, എന്‍ജിനീയര്‍ ധനഞ്ജയന്‍, പി. ശറഫുദ്ദീന്‍, പി.ബി.എം ഫര്‍മീസ്, കെ. അബ്ദുല്‍ നാസര്‍, ഇ. മനീഷ, പള്ളിപ്രം പ്രസന്നന്‍, കെ. രഘുനാഥ് എന്‍. കുഞ്ഞിമൂസ ഹാജി എന്നിവര്‍ സംസാരിച്ചു.

ചേലോറയില്‍ ബലംപ്രയോഗിച്ച് മാലിന്യമിറക്കി

ചേലോറയില്‍ ബലംപ്രയോഗിച്ച് മാലിന്യമിറക്കി

ചക്കരക്കല്ല്: ചേലോറ ട്രഞ്ചിങ് ഗ്രൗണ്ടില്‍ നഗരസഭയുടെ മാലിന്യമിറക്കാനത്തെിയ ലോറി നാട്ടുകാര്‍ തടഞ്ഞു. ചേലോറ സമരസമിതിയും നഗരസഭയും ചേര്‍ന്ന് പ്ളാസ്റ്റിക്, അറവുമാലിന്യങ്ങള്‍ തള്ളുന്നതുമായി ബന്ധപ്പെട്ട് എടുത്ത തീരുമാനം നഗരസഭ ലംഘിച്ചതാണ് മാലിന്യവണ്ടി തടയാന്‍ കാരണം. വ്യാഴാഴ്ച രാവിലെ 6.15നായിരുന്നു സംഭവം. ആഗസ്റ്റ് ഒന്നുമുതല്‍ ചേലോറയില്‍ പ്ളാസ്റ്റിക് മാലിന്യവും അറവുമാലിന്യവും തള്ളുന്നത് നിര്‍ത്തുമെന്നായിരുന്നു ശുചിത്വ മിഷനും നഗരസഭയുമെടുത്ത തീരുമാനം. ഇതിന്‍െറ അടിസ്ഥാനത്തില്‍ കഴിഞ്ഞ 20 ദിവസമായി മാലിന്യം തള്ളിയിരുന്നില്ല.
എന്നാല്‍, നഗരസഭ നാട്ടുകാര്‍ക്ക് നല്‍കിയ ഉറപ്പ് ഏകപക്ഷീയമായി ലംഘിക്കുകയായിരുന്നെന്ന് സമരസമിതി നേതാവ് ചാലോടന്‍ രാജീവന്‍ പറഞ്ഞു.
അതത് പ്രദേശങ്ങളിലെ മാലിന്യം ഉദ്ഭവസ്ഥാനത്തുതന്നെ സംസ്കരിക്കണമെന്ന തീരുമാനത്തിന് വിരുദ്ധമാണിതെന്നും സമരസമിതി അംഗങ്ങള്‍ പറഞ്ഞു.
മാലിന്യവണ്ടി തടയാനത്തെിയ സമരക്കാരെ പൊലീസ് ബലംപ്രയോഗിച്ച് നീക്കിയാണ് മാലിന്യമിറക്കിയത്. ദിനംപ്രതി 40 ടണ്‍ മാലിന്യമാണ് ചേലോറയില്‍ നഗരസഭ തള്ളുന്നത്.
നിരന്തരമായ മാലിന്യം തള്ളുന്നതിനാല്‍ പ്രദേശത്തെ 250ലധികം കുടുംബങ്ങളിലെ കുടിവെള്ളം മലിനമായിരുന്നു. എന്നാല്‍, ഇതിന് പകരം നഗരസഭ ഏര്‍പ്പെടുത്തിയ കുടിവെള്ള വിതരണവും മിക്ക ദിവസങ്ങളിലും തടസ്സപ്പെടുകയാണെന്ന് നാട്ടുകാര്‍ പറഞ്ഞു.

ക്ളാസ് ഞായറാഴ്ച തുടങ്ങും

ഖുര്‍ആന്‍ സ്റ്റഡി സെന്‍റര്‍
ക്ളാസ് ഞായറാഴ്ച തുടങ്ങും

കണ്ണൂര്‍: ഖുര്‍ആന്‍ സ്റ്റഡി സെന്‍റര്‍ കൗസര്‍ യൂനിറ്റിലെ എല്ലാ ബാച്ചുകളും ആഗസ്റ്റ് 26ന് ആരംഭിക്കും.

‘പ്രസ്താവന അടിസ്ഥാനരഹിതം’

‘പ്രസ്താവന അടിസ്ഥാനരഹിതം’

കണ്ണൂര്‍: കൗസര്‍ സ്കൂള്‍ അധ്യാപകന്‍ സുലൈമാന്‍െറ മരണം സ്കൂള്‍ അധികൃതരുടെ അനാസ്ഥമൂലമാണെന്ന പുഴാതി പഞ്ചായത്ത് മുസ്ലിംലീഗ് പ്രസിഡന്‍റ് ബി. അബ്ദുല്‍ കരീമും ജനറല്‍ സെക്രട്ടറി കെ.പി.എ. സലീമും നടത്തിയ പ്രസ്താവന അടിസ്ഥാനരഹിതമാണെന്ന് പ്രിന്‍സിപ്പല്‍ മുഹമ്മദ്കോയമ്മ അറിയിച്ചു.
സംഭവം നടന്ന ആഗസ്റ്റ് 15നോ അതിനു മുമ്പോ സുലൈമാന്‍ മാസ്റ്ററെക്കുറിച്ച് ഒരു പരാതിയും സ്കൂള്‍ മാനേജ്മെന്‍റിന് ലഭിച്ചിരുന്നില്ല. ആഗസ്റ്റ് 15ാം തീയതി വൈകീട്ടും രാത്രിയും ഒരുസംഘം ആളുകള്‍ സ്കൂളില്‍ അതിക്രമിച്ചുകയറി സുലൈമാന്‍ മാസ്റ്ററെ ക്രൂരമായി മര്‍ദിക്കുകയായിരുന്നു.
മര്‍ദനത്തിലും അപവാദ പ്രചാരണത്തിലും മനംനൊന്താണ് സുലൈമാന്‍ മാസ്റ്റര്‍ ആത്മഹത്യ ചെയ്തത്. അക്രമികള്‍ക്കെതിരെ കര്‍ശന നടപടി സ്വീകരിക്കാന്‍ സ്കൂള്‍ അധികൃതര്‍ പൊലീസില്‍ പരാതിപ്പെട്ടിട്ടുണ്ട് -അദ്ദേഹം പറഞ്ഞു.

അധ്യാപകന്‍െറ മരണം: നിജസ്ഥിതി കണ്ടത്തെണം

അധ്യാപകന്‍െറ മരണം:
നിജസ്ഥിതി കണ്ടത്തെണം

കല്‍പറ്റ: പടിഞ്ഞാറത്തറ തെങ്ങുമുണ്ട സ്വദേശിയും കണ്ണൂര്‍ കൗസര്‍ ഇംഗ്ളീഷ് മീഡിയം സ്കൂള്‍ അധ്യാപകനുമായ സുലൈമാന്‍ കണ്ണൂര്‍ റെയില്‍വേ സ്റ്റേഷന്‍ പരിസരത്ത് ദുരൂഹ സാഹചര്യത്തില്‍ മരിച്ച സംഭവത്തില്‍ വസ്തുത പുറത്തുകൊണ്ടുവരണമെന്ന് ജമാഅത്തെ ഇസ്ലാമി വയനാട് ജില്ലാ കമ്മിറ്റി ആവശ്യപ്പെട്ടു. മരണത്തിന് പിന്നില്‍ സാമൂഹിക ദ്രോഹികളുണ്ടെങ്കില്‍ അവരെ കണ്ടത്തെി നിയമത്തിന് മുന്നില്‍ കൊണ്ടുവരണം. അന്വേഷണത്തിലുള്ള രാഷ്ട്രീയ ഇടപെടലില്‍ യോഗം ആശങ്ക രേഖപ്പെടുത്തി. ജില്ലാ പ്രസിഡന്‍റ് വി.പി. ബഷീര്‍ അധ്യക്ഷത വഹിച്ചു.

പൊലീസ് അനാസ്ഥ അവസാനിപ്പിക്കണം -സോളിഡാരിറ്റി

പൊലീസ് അനാസ്ഥ അവസാനിപ്പിക്കണം
-സോളിഡാരിറ്റി

കണ്ണൂര്‍: പുല്ലൂപ്പി കൗസര്‍ സ്കൂളിലെ അധ്യാപകനായ സുലൈമാന്‍െറ മരണത്തിന് ഉത്തരവാദികളായ അത്താഴക്കുന്ന് പുല്ലൂപ്പിക്കടവ് ഭാഗത്തെ സദാചാര ഗുണ്ടകളെ ഉടന്‍ അറസ്റ്റ് ചെയ്യണമെന്ന് സോളിഡാരിറ്റി ജില്ലാ സെക്രട്ടേറിയറ്റ് ആവശ്യപ്പെട്ടു. മരണം നടന്ന് ദിവസങ്ങള്‍ കഴിഞ്ഞിട്ടും പ്രതികളെ അറസ്റ്റ് ചെയ്യാത്ത പൊലീസ് നടപടി ഉന്നത രാഷ്ട്രീയ നേതാക്കളുടെ ഇടപെടല്‍ മൂലമാണെന്ന് സെക്രട്ടേറിയറ്റ് ആരോപിച്ചു. പൊലീസ് അനാസ്ഥ തുടര്‍ന്നാല്‍ പൊതുജനങ്ങളെ അണിനിരത്തി ശക്തമായ പ്രക്ഷോഭത്തിന് നേതൃത്വം നല്‍കുമെന്ന് സോളിഡാരിറ്റി പ്രസ്താവിച്ചു. ജില്ലാ പ്രസിഡന്‍റ് ഫാറൂഖ് ഉസ്മാന്‍ അധ്യക്ഷത വഹിച്ചു.

സദാചാര ഗുണ്ടകളെ അറസ്റ്റ് ചെയ്യണം -ജമാഅത്തെ ഇസ്ലാമി

സദാചാര ഗുണ്ടകളെ അറസ്റ്റ് ചെയ്യണം
-ജമാഅത്തെ ഇസ്ലാമി

കണ്ണൂര്‍: പുല്ലൂപ്പിയിലെ അധ്യാപകനായ സുലൈമാന്‍െറ ദുരൂഹ മരണത്തിലേക്ക് നയിച്ച ക്രിമിനലുകളെ അറസ്റ്റുചെയ്യണമെന്നും പ്രദേശത്തെ ഗുണ്ടാവിളയാട്ടം അവസാനിപ്പിക്കണമെന്നും ജമാഅത്തെ ഇസ്ലാമി ജില്ലാ സെക്രട്ടേറിയറ്റ് ആവശ്യപ്പെട്ടു.
വയനാട് സ്വദേശിയായ സുലൈമാന്‍ പ്രദേശത്തെ ഗുണ്ടാസംഘത്തിന്‍െറ അനാശാസ്യ പ്രവര്‍ത്തനങ്ങളെ ചോദ്യംചെയ്തതിന്‍െറ പേരില്‍ ക്രൂര മര്‍ദനങ്ങള്‍ക്കിരയായിരുന്നു. വ്യാജാരോപണങ്ങള്‍ നടത്തി മാനഹാനി വരുത്തിയതാണ് സുലൈമാനെ ആത്മഹത്യയിലേക്ക് നയിച്ചത്. ഗുണ്ടാസംഘത്തെക്കുറിച്ച് വ്യക്തമായ വിവരം ലഭിച്ചിട്ടും അവരെ സംരക്ഷിക്കുന്ന പൊലീസ് നടപടി ദുരൂഹമാണെന്ന് യോഗം ആരോപിച്ചു. ജില്ലാ ആക്ടിങ് പ്രസിഡന്‍റ് കെ.പി. അബ്ദുല്‍ അസീസ് അധ്യക്ഷത വഹിച്ചു.

പഴശ്ശി: വെല്‍ഫെയര്‍ പാര്‍ട്ടി പ്രക്ഷോഭ സംഗമം നാളെ

പഴശ്ശി: വെല്‍ഫെയര്‍ പാര്‍ട്ടി
പ്രക്ഷോഭ സംഗമം നാളെ

കണ്ണൂര്‍: പഴശ്ശി പദ്ധതി സോഷ്യല്‍ ഓഡിറ്റിങ്ങിന് വിധേയമാക്കണമെന്ന് ആവശ്യപ്പെട്ട് വെല്‍ഫെയര്‍ പാര്‍ട്ടി ജില്ലാ കമ്മിറ്റി സംഘടിപ്പിക്കുന്ന പ്രക്ഷോഭ സംഗമം നാളെ വൈകീട്ട് നാലുമണിക്ക് ഇരിട്ടി ബസ്സ്റ്റാന്‍ഡ് പരിസരത്ത് നടക്കും. ജില്ലാ പ്രസിഡന്‍റ് കെ.ടി. രാധാകൃഷ്ണന്‍ കൂടാളി ഉദ്ഘാടനം ചെയ്യും.

മദ്യവില്‍പന: കോടതി നിര്‍ദേശം സ്വാഗതാര്‍ഹം-വെല്‍ഫെയര്‍ പാര്‍ട്ടി

മദ്യവില്‍പന: കോടതി നിര്‍ദേശം
സ്വാഗതാര്‍ഹം-വെല്‍ഫെയര്‍ പാര്‍ട്ടി

തിരുവനന്തപുരം: പകല്‍സമയത്തെ മദ്യ ഉപഭോഗവും വില്‍പനയും നിരോധിക്കണമെന്ന ഹൈകോടതി നിര്‍ദേശം വെല്‍ഫെയര്‍ പാര്‍ട്ടി സംസ്ഥാന ജനറല്‍ സെക്രട്ടറി പി.എ. അബ്ദുല്‍ ഹക്കീം സ്വാഗതം ചെയ്തു. ഘട്ടംഘട്ടമായി മദ്യം നിരോധിക്കുമെന്ന വാഗ്ദാനം നടപ്പില്‍വരുത്തുന്നതിന് ഉപകരിക്കുന്ന നിര്‍ദേശമാണിത്. പകല്‍ സമയത്തെ മദ്യ ഉപഭോഗം ഇല്ലാതാക്കുന്നത് തൊഴില്‍ മേഖലകളെ ശക്തിപ്പെടുത്തുന്നതിനും വാഹനാപകടങ്ങള്‍ കുറയ്ക്കുന്നതിനും ഒരുപരിധി വരെ ഉപകരിക്കും. ഉപഭോഗം ഗണ്യമായി കുറയ്ക്കുന്നതിനും സാധിക്കും. പ്രഖ്യാപിത നയം നടപ്പാക്കുന്നതില്‍ സര്‍ക്കാറിന് ആത്മാര്‍ഥതയുണ്ടെങ്കില്‍ കോടതി നിര്‍ദേശത്തോട് അനുകൂലമായി പ്രതികരിക്കണമെന്ന് അദ്ദേഹം ആവശ്യപ്പെട്ടു.

എന്‍ഡോസള്‍ഫാന്‍: അവഗണന അവസാനിപ്പിക്കണം -സോളിഡാരിറ്റി

എന്‍ഡോസള്‍ഫാന്‍: അവഗണന
അവസാനിപ്പിക്കണം -സോളിഡാരിറ്റി

കോഴിക്കോട്: എന്‍ഡോസള്‍ഫാന്‍ അമ്മമാരുടെ സമരത്തോടും നഷ്ടപരിഹാര ലിസ്റ്റ് പ്രഖ്യാപനത്തിലും സര്‍ക്കാറിന്‍െറ അവഗണന പ്രതിഷേധാര്‍ഹമാണെന്ന് സോളിഡാരിറ്റി സംസ്ഥാന ജനറല്‍ സെക്രട്ടറി ടി. മുഹമ്മദ് വേളം. സോളിഡാരിറ്റി ഇടപെടലിനെ തുടര്‍ന്ന് ദേശീയ മനുഷ്യാവകാശ കമീഷന്‍ നിര്‍ദേശിച്ച അഞ്ചുലക്ഷം രൂപ നല്‍കുന്നതില്‍നിന്ന് ബഹുഭൂരിഭാഗം രോഗികളെയും ഒഴിവാക്കാനുള്ള നിന്ദ്യമായ ശ്രമമാണ് ഇപ്പോള്‍ നടക്കുന്നത്. ലിസ്റ്റിലെ അപാകത പരിഹരിക്കാന്‍ അടിയന്തര ശ്രമം വേണം. അമ്മമാരുടെ സമരം അവസാനിപ്പിക്കാതിരിക്കുന്നത് കേരളത്തിന് അപമാനമാണ്. നഷ്ടപരിഹാരം ലഭിക്കാതെ ഇരകള്‍ ആത്മഹത്യ ചെയ്യുന്ന അവസ്ഥയാണ് കാസര്‍കോട്ട് നിലവിലുള്ളത്. എന്‍ഡോസള്‍ഫാന്‍ പ്രശ്നപരിഹാരത്തിന് മുഖ്യമന്ത്രി അടിയന്തരമായി ഇടപെട്ടില്ളെങ്കില്‍ വ്യാപക പ്രതിഷേധം സംഘടിപ്പിക്കാന്‍ സോളിഡാരിറ്റി മുന്‍കൈയെടുക്കുമെന്ന് അദ്ദേഹം അറിയിച്ചു.

പ്രവാസി വോട്ടവകാശം പരിഷ്കരിക്കണം - പ്രവാസി കുടുംബസംഗമം

 

 പ്രവാസി വോട്ടവകാശം പരിഷ്കരിക്കണം - പ്രവാസി കുടുംബസംഗമം

 കണ്ണൂര്‍: പരമാവധി പൗരന്മാര്‍ക്ക് പങ്കാളികളാവാന്‍ അവസരം ലഭിക്കുന്ന വിധം പ്രവാസി വോട്ടവകാശം പരിഷ്കരിക്കണമെന്ന് ജമാഅത്തെ ഇസ്ലാമി ജില്ലാ കമ്മിറ്റി സംഘടിപ്പിച്ച പ്രവാസി കുടുംബസംഗമം ആവശ്യപ്പെട്ടു. നിലവിലെ സംവിധാനത്തില്‍ രാജ്യത്തെ പ്രവാസികളില്‍ ചെറിയൊരു ശതമാനത്തിന് മാത്രമേ അവസരം ലഭിക്കുന്നുള്ളൂ. എയര്‍ ഇന്ത്യ ഉള്‍പ്പെടെയുള്ള വിമാനക്കമ്പനികള്‍ നടത്തുന്ന കൊള്ള ചെറുക്കണമെന്നും പ്രവാസികളുടെ തൊഴില്‍, കുടുംബ, സാമൂഹിക പ്രശ്നങ്ങളില്‍ കേന്ദ്ര-സംസ്ഥാന സര്‍ക്കാറുകള്‍ അവഗണന അവസാനിപ്പിക്കണമെന്നും സംഗമം ആവശ്യപ്പെട്ടു.
വഖഫ് ബോര്‍ഡ് അംഗം പി.പി. അബ്ദുറഹ്മാന്‍ പെരിങ്ങാടി ഉദ്ഘാടനം ചെയ്തു. ജമാഅത്തെ ഇസ്ലാമി ജില്ലാ ആക്ടിങ് പ്രസിഡന്‍റ് കെ.പി. അബ്ദുല്‍ അസീസ് അധ്യക്ഷത വഹിച്ചു. കാസര്‍കോട് ജില്ലാ പ്രസിഡന്‍റ് യു.പി. സിദ്ദീഖ് മാസ്റ്റര്‍ മുഖ്യപ്രഭാഷണം നടത്തി. വിവിധ അസോസിയേഷനുകളെ പ്രതിനിധാനം ചെയ്ത്  എ.സി.എം. ബഷീര്‍, സാലിം മൂസ, ടി.കെ. സാജിദ്, എ. നാസര്‍, സി.പി. ഹാരിസ്, കെ.പി. നിസാര്‍, പി.സി. മൊയ്തു, എന്‍.സി. ബഷീര്‍ എന്നിവര്‍ സംസാരിച്ചു. കുട്ടികളുടെ കലാപരിപാടിയും അരങ്ങേറി. വിവിധ മത്സരങ്ങളില്‍ വിജയികളായവര്‍ക്ക് പി.കെ. നിയാസ് സമ്മാനങ്ങള്‍ വിതരണം ചെയ്തു. ജില്ലാ സെക്രട്ടറി കളത്തില്‍ ബഷീര്‍ സ്വാഗതം പറഞ്ഞു.

പഴശ്ശി പദ്ധതിക്കെതിരെ 24ന് ബഹുജന സംഗമം

പഴശ്ശി പദ്ധതിക്കെതിരെ 24ന് ബഹുജന സംഗമം

ഇരിട്ടി: ഷട്ടര്‍ അടച്ച് ജനങ്ങളെ ദ്രോഹിച്ച പഴശ്ശി അധികൃതരുടെ ജനദ്രോഹ നടപടിയില്‍ പ്രതിഷേധിച്ചും പഴശ്ശി പദ്ധതിയെ സോഷ്യല്‍ ഓഡിറ്റിങ്ങിന് വിധേയമാക്കണമെന്നും ആവശ്യപ്പെട്ട് 24ന് വൈകീട്ട് നാലിന് വെല്‍ഫെയര്‍ പാര്‍ട്ടി ജില്ലാ കമ്മിറ്റി ആഭിമുഖ്യത്തില്‍ ഇരിട്ടിയില്‍ ബഹുജന സംഗമം നടത്തും. ഷട്ടറുകള്‍ തുറക്കാതെ 2009ലും വെള്ളം കയറി ഇരിട്ടി ഉള്‍പ്പെടെയുള്ള ടൗണുകള്‍ വെള്ളത്തിനടിയിലായിരുന്നു. നിരവധി വ്യാപാര സ്ഥാപനങ്ങളില്‍ വെള്ളം കയറുകയും വീടുകളും കൃഷികളും നശിക്കുകയും ചെയ്തതിനെതുടര്‍ന്ന് കോടികളുടെ നഷ്ടമുണ്ടായി. ജനങ്ങളെ ദ്രോഹിക്കുന്ന ഉദ്യോഗസ്ഥര്‍ക്കെതിരെ കര്‍ശന നടപടി സ്വീകരിക്കണമെന്നും നാശനഷ്ടം നേരിട്ടവര്‍ക്ക് നഷ്ടപരിഹാരം നല്‍കണമെന്നുമാവശ്യപ്പെട്ടാണ് ബഹുജനസംഗമം നടത്തുന്നതെന്ന് നേതാക്കള്‍ പറഞ്ഞു.
‘

പ്രവാസി സംഗമം

പ്രവാസി സംഗമം

കണ്ണൂര്‍: ജില്ലാ പ്രവാസി സംഗമം കണ്ണൂര്‍ ചേംബര്‍ ഹാളില്‍ ഇന്ന് നടക്കുമെന്ന് സംഘാടക സമിതി  അറിയിച്ചു.  യു.എ.ഇ, ഖത്തര്‍, സൗദി, ബഹ്റൈന്‍,   പ്രവാസി വേദികളുടെ  പ്രവര്‍ത്തകരും കുടുംബവുമാണ് സംഗമത്തില്‍ പങ്കെടുക്കുക. രാവിലെ പത്തിന്  കേരള വഖഫ് ബോര്‍ഡ് മെംബര്‍ അബ്ദുറഹിമാന്‍ പെരിങ്ങാടി  ഉദ്ഘാടനം ചെയ്യും. ജമാഅത്തെ ഇസ്ലാമി ജില്ലാ ആക്ടിങ് പ്രസിഡന്‍റ് കെ.പി. അബ്ദുല്‍അസീസ് അധ്യക്ഷത വഹിക്കും. ജമാഅത്തെ ഇസ്ലാമി കാസര്‍കോട് ജില്ലാ പ്രസിഡന്‍റ് യു.പി. സിദ്ദീഖ് മാസ്റ്റര്‍ പ്രഭാഷണം നടത്തും.

ഇഫ്താര്‍ സംഗമം

ഇഫ്താര്‍ സംഗമം

കണ്ണൂര്‍: ചൊവ്വ കള്‍ചറല്‍ സെന്‍ററിന്‍െറ ആഭിമുഖ്യത്തില്‍ നടന്ന ഇഫ്താര്‍ സംഗമം എളയാവൂര്‍ പഞ്ചായത്ത് പ്രസിഡന്‍റ് തങ്കമണി ഉദ്ഘാടനം ചെയ്തു. യു.പി. സിദ്ദീഖ് മാസ്റ്റര്‍ അധ്യക്ഷത വഹിച്ചു.

പെരുന്നാള്‍ നല്ല നാളേക്കുള്ള പ്രചോദനമാവണം -ടി. ആരിഫലി

 പെരുന്നാള്‍ നല്ല നാളേക്കുള്ള
പ്രചോദനമാവണം -ടി. ആരിഫലി

കോഴിക്കോട്: നല്ല നാളേക്ക് വേണ്ടി പരിശ്രമിക്കാന്‍ പെരുന്നാള്‍ പ്രചോദനമാവണമെന്ന് ജമാഅത്തെ ഇസ്ലാമി കേരള അമീര്‍ ടി. ആരിഫലി ഈദ്സന്ദേശത്തില്‍ ഉദ്ബോധിപ്പിച്ചു. ആത്മ നിയന്ത്രണവും ജീവിത വിശുദ്ധിയും പകര്‍ന്ന ഒരു മാസത്തെ വ്രതാനുഷ്ഠാനത്തിന്‍െറ ആഹ്ളാദകരമായ പരിസമാപ്തിയാണ് ചെറിയ പെരുന്നാള്‍.
പെരുന്നാളിന്‍െറ സന്തോഷവും ആഹ്ളാദവും ജാതി-മത ഭേദമന്യേ പങ്കുവെക്കപ്പെടണം. സാമുദായിക ധ്രുവീകരണവും സാമൂഹിക ബന്ധങ്ങളില്‍ ശൈഥില്യങ്ങളും സൃഷ്ടിക്കാനുള്ള ബോധപൂര്‍വ ശ്രമങ്ങള്‍ നടക്കുമ്പോള്‍ ഇത്തരം പങ്കുവെക്കലുകള്‍ക്ക് ഏറെ പ്രസക്തിയുണ്ട്- അദ്ദേഹം പറഞ്ഞു.
ക്ഷേമവും സന്തോഷവും ലഭിക്കുന്ന നല്ളൊരു നാളേക്ക് വേണ്ടി തളരാതെ പണിയെടുക്കാന്‍ ഈദ് സുദിനം പ്രചോദനമാകണം.
സന്തോഷത്തില്‍ മുഴുകുമ്പോഴും ജീവിതം തന്നെ നിഷേധിക്കപ്പെട്ട് അഭയാര്‍ഥി ക്യാമ്പുകളിലും ജയിലറകളിലുമൊക്കെ കഴിയുന്ന നിരപരാധികളായ മനുഷ്യരെ കൂടി ഓര്‍ക്കാന്‍ നമുക്ക് കഴിയണം. വംശീയ കലാപങ്ങളുടെയും ഭരണകൂട ഭീകരതയുടെയും ഇരകളായ ഈ മനുഷ്യരോട് ഐക്യദാര്‍ഢ്യം പ്രഖ്യാപിക്കാന്‍ പെരുന്നാള്‍ നമുക്ക് അവസരമാകട്ടെയെന്നും അമീര്‍ ഓര്‍മിപ്പിച്ചു.

ASSAM