ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Friday, April 20, 2012

സ്നേഹസംഗമം

സ്നേഹസംഗമം
പഴയങ്ങാടി: ഏഴോം ഡയലോഗ് സെന്‍ററിന്‍െറ ആഭിമുഖ്യത്തില്‍ സ്നേഹസംഗമം നടത്തി. ഡയലോഗ് സെന്‍റര്‍ സംസ്ഥാന സെക്രട്ടറി ജി.കെ.എടത്തനാട്ടുകര മുഖ്യപ്രഭാഷണം നടത്തി. ജമാല്‍ കടന്നപ്പള്ളി അധ്യക്ഷത വഹിച്ചു. എ.ഇബ്രാഹിം കുട്ടി മാസ്റ്റര്‍ സ്വാഗതവും ടി.പി.കുഞ്ഞബ്ദുല്ല മാസ്റ്റര്‍ നന്ദിയും പറഞ്ഞു.

FUTURE IS OURS

സാധാരണക്കാര്‍ക്കും നിലവാരമുള്ള വിദ്യാഭ്യാസം ലഭ്യമാക്കണം -ടി. ആരിഫലി

 
 സാധാരണക്കാര്‍ക്കും നിലവാരമുള്ള
വിദ്യാഭ്യാസം ലഭ്യമാക്കണം -ടി. ആരിഫലി
ഇരിക്കൂര്‍: സമ്പന്ന വിഭാഗത്തിനു മാത്രമല്ല സാധാരണക്കാര്‍ക്കും നിലവാരമുള്ള വിദ്യാഭ്യാസം ലഭ്യമാക്കണമെന്ന് ജമാഅത്തെ ഇസ്ലാമി കേരള അമീര്‍ ടി. ആരിഫലി. കൊളപ്പയില്‍ ഇന്‍സാഫ് ചാരിറ്റബ്ള്‍ ട്രസ്റ്റിന്‍െറ ഹൊറൈസണ്‍ ഇംഗ്ളീഷ് സ്കൂള്‍ കെട്ടിടോദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം. സമ്പത്ത് നോക്കിയല്ല പഠനം നിശ്ചയിക്കേണ്ടത്. പണം വാരിയെറിയുന്നവന് മികച്ച വിദ്യാഭ്യാസം ലഭിച്ചാല്‍ മതിയെന്ന് പറയുമ്പോള്‍ പാവപ്പെട്ടവന് അത് നിഷേധിക്കലാണ്.
മികച്ച പഠനത്തിനായി ദരിദ്ര വിഭാഗത്തിന് നിശ്ചിത ശതമാനം സീറ്റ് സംവരണം ഉറപ്പാക്കണം. ഏത് ജാതി-മതവിഭാഗത്തില്‍പെട്ടവരായാലും ധാര്‍മിക വിദ്യാഭ്യാസത്തിലൂടെ കുട്ടികളെ വളര്‍ത്തണം. ധാര്‍മികത പഠിപ്പിക്കുകയും സാമുദായിക ധ്രുവീകരണം ഇല്ലാതാക്കുന്നതിനെപ്പറ്റി ഗൗരവമായി ആലോചിക്കുകയും ചെയ്യണം. ഉത്തരവാദിത്തമുള്ള മനുഷ്യനാകാന്‍ കുട്ടികളെ പഠിപ്പിക്കണം. തനിക്ക് ചുറ്റുമുള്ള ലോകത്തോട് കടപ്പാടുള്ളവരായി കുട്ടികള്‍ വളരണം.
കുടുംബം ഭദ്രമായാലേ സമൂഹം ഭദ്രമാവുകയുള്ളൂവെന്ന കാര്യം രക്ഷിതാക്കള്‍ ഓര്‍ക്കണം. പാശ്ചാത്യ ലോകത്ത് കുടുംബഘടന തകര്‍ന്നതാണ് പ്രശ്നങ്ങള്‍ക്കു കാരണമായത്. ഇംഗ്ളീഷ് സംസ്കാരം നമ്മള്‍ സ്വീകരിക്കേണ്ടതില്ല. എന്നാല്‍, ഇംഗ്ളീഷ് ഭാഷ നിര്‍ബന്ധമായും പഠിക്കണം. ലോകോത്തര വ്യക്തിത്വങ്ങളായി മാറാന്‍ ഇംഗ്ളീഷ് ഭാഷ നമ്മെ സഹായിക്കുന്നുണ്ട്. മലബാറിലെ വിദ്യാഭ്യാസ നവോത്ഥാനം ശ്ളാഘനീയമാണെന്ന് അദ്ദേഹം പറഞ്ഞു.
വിദ്യാഭ്യാസ രംഗത്ത് പെണ്‍കുട്ടികളാണ് ഇന്ന് ഏറെ മുന്നിലെന്നും വിദ്യാഭ്യാസ ആക്ടിവിസം മറ്റെല്ലാ ആക്ടിവിസത്തേക്കാളും വലുതാണെന്നും ചടങ്ങില്‍ അധ്യക്ഷത വഹിച്ച ഗള്‍ഫ് മാധ്യമം ചീഫ് എഡിറ്റര്‍ വി.കെ.ഹംസ അബ്ബാസ് പറഞ്ഞു. പ്രിന്‍സിപ്പല്‍ എം.സുകുമാരന്‍, കൂടാളി ഗ്രാമപഞ്ചായത്ത് പ്രസിഡന്‍റ് സീന പ്രദീപ്, ഇരിക്കൂര്‍ പഞ്ചായത്ത് പ്രസിഡന്‍റ് ടി.പി. ഫാത്തിമ, ജില്ലാ പഞ്ചായത്തംഗം കെ.പി. ഷാജിറ, ബ്ളോക് പഞ്ചായത്ത് പ്രസിഡന്‍റ് പി.കെ. ഷൈമ, കെ. ഗീത, കെ.എ. നാജിയ, എ.ഇ.ഒ കെ.വി. ജോസ്, പ്രഫ. എ.ആര്‍. മുഹമ്മദ് കോയമ്മ, കെ.കെ. കുഞ്ഞിക്കണ്ണന്‍, ടി.വി.വേണു മാസ്റ്റര്‍,ഇ.പി. ഷംസുദ്ദീന്‍, മേജര്‍ മോഹന്‍ നമ്പ്യാര്‍, ടി.കെ. മുഹമ്മദലി, കെ.എല്‍.ഖാലിദ്, എന്‍.വി. താഹിര്‍, എന്‍.പി. നസീര്‍, കെ.പി. ഹാരിസ് എന്നിവര്‍ സംസാരിച്ചു. സി.എ. സിദ്ദീഖ് സമ്മാനദാനം നിര്‍വഹിച്ചു. വിദ്യാര്‍ഥികളുടെ കലാപരിപാടികളും അരങ്ങേറി.

SIO COLUMN

പൊതുയോഗം

പൊതുയോഗം
പെരിങ്ങത്തൂര്‍: ജമാഅത്തെ ഇസ്ലാമി ആഭിമുഖ്യത്തില്‍ കരിയാട് പുതുശ്ശേരി മൂക്കില്‍ പൊതുയോഗം നടത്തി. നാസര്‍മാസ്റ്റര്‍ അധ്യക്ഷത വഹിച്ചു.  ഷംസുദ്ദീന്‍നദ്വി മുഖ്യപ്രഭാഷണം നടത്തി. കെ.കെ. അസ്ലം സ്വാഗതം പറഞ്ഞു

ചേലോറ ട്രഞ്ചിങ് ഗ്രൗണ്ടില്‍ മാലിന്യവണ്ടി തടഞ്ഞു; സംഘര്‍ഷം

ചേലോറ ട്രഞ്ചിങ് ഗ്രൗണ്ടില്‍
മാലിന്യവണ്ടി തടഞ്ഞു; സംഘര്‍ഷം
 ചേലോറ ട്രഞ്ചിങ് ഗ്രൗണ്ടില്‍ വ്യാഴാഴ്ച രാവിലെ അഞ്ചു മണിക്ക് മാലിന്യമിറക്കാനത്തെിയ മൂന്നു വണ്ടികള്‍ നാട്ടുകാര്‍ തടഞ്ഞതിനെതുടര്‍ന്ന് സംഘര്‍ഷം.
 ഏറെ ദിവസത്തെ ഇടവേളക്കുശേഷം വന്‍ പൊലീസ് അകമ്പടിയോടെയാണ് മാലിന്യവണ്ടി എത്തിയത്. വിവരമറിഞ്ഞത്തെിയ പ്രദേശവാസികള്‍ മാലിന്യവണ്ടി തടയുകയായിരുന്നു. അതേസമയം, മാലിന്യവണ്ടിക്കൊപ്പമത്തെിയ നഗരസഭാ വാഹനത്തിലുണ്ടായിരുന്ന ഡ്രൈവറെ സമരക്കാര്‍ ആക്രമിച്ചെന്ന് നഗരസഭാധികൃതര്‍ പറഞ്ഞു.
നഗരസഭാ വാഹനത്തിലെ ഡ്രൈവര്‍ ഖാലിദിനാണ്  (50) ആക്രമണമേറ്റത്. വ്യാഴാഴ്ച രാവിലെയാണ് സംഭവം. ഇതേതുടര്‍ന്ന് ട്രഞ്ചിങ് ഗ്രൗണ്ട് പരിസരവാസിയായ പാറമ്മല്‍ ഹൗസില്‍ ഷിജു (32)വിനെ ചക്കരക്കല്ല് പൊലീസ് അറസ്റ്റുചെയ്തു. അക്രമത്തില്‍ പരിക്കേറ്റ ജീപ്പ് ഡ്രൈവര്‍ ജില്ലാ ആശുപത്രിയില്‍ ചികിത്സ തേടി.
അതേസമയം,നഗരസഭയുടെ വാഹനത്തെ തടയുകയോ ഡ്രൈവറെ മര്‍ദിക്കുകയോ ചെയ്തിട്ടില്ളെന്നും മാലിന്യമിറക്കിയ വണ്ടികള്‍ തടയുക മാത്രമാണ് ചെയ്തതെന്നും കര്‍മസമിതി ഭാരവാഹി കെ.കെ. മധു പറഞ്ഞു. മാത്രമല്ല, തടയാനത്തെിയ കര്‍മസമിതി പ്രവര്‍ത്തകരെ ജീപ്പിലുണ്ടായിരുന്നവര്‍ മര്‍ദിക്കുകയും പരിഹസിക്കുകയും ചെയ്തതായും ഇദ്ദേഹം പറഞ്ഞു.
കര്‍മസമിതി പ്രവര്‍ത്തകരെ നഗരസഭാധികൃതരുടെ നിര്‍ദേശപ്രകാരം കള്ളക്കേസില്‍ കുടുക്കുകയായിരുന്നെന്നും മധു പറഞ്ഞു.

വനിതാ സംഗമം

 
 വനിതാ സംഗമം
മട്ടന്നൂര്‍: ജമാഅത്തെ ഇസ്ലാമി വനിതാ യൂനിറ്റിന്‍െറ ആഭിമുഖ്യത്തില്‍ എടയന്നൂരില്‍ നടന്ന വനിതാസംഗമം സംസ്ഥാന വനിതാ വിഭാഗം പ്രസിഡന്‍റ് കെ.എന്‍. സുലൈഖ ഉദ്ഘടനം ചെയ്തു.  യൂനിറ്റ് പ്രസിഡന്‍റ് പി. സാജിത അധ്യക്ഷതവഹിച്ചു. വി. ഷാഹിന സ്വാഗതവും ടി.കെ. ഷിഫ  നന്ദിയും പറഞ്ഞു. ടി.കെ. ഫാത്തിമതുബ ഖിറാഅത്ത് നടത്തി.

Thursday, April 19, 2012

സാമുദായിക ധ്രുവീകരണത്തിന് വഴങ്ങരുത് -ജമാഅത്തെ ഇസ്ലാമി

സാമുദായിക ധ്രുവീകരണത്തിന്
വഴങ്ങരുത് -ജമാഅത്തെ ഇസ്ലാമി
കോഴിക്കോട്: ഒരു മന്ത്രിയുടെ നിയമനത്തെ ചൊല്ലിയുണ്ടായ വിവാദം എല്ലാ പരിധികളും ലംഘിച്ച് കേരളത്തെ സാമുദായികവും വര്‍ഗീയവുമായ ചേരിതിരിവിലേക്ക് വലിച്ചിഴക്കുന്നതില്‍ ജമാഅത്തെ ഇസ്ലാമി സംസ്ഥാന സമിതി അമര്‍ഷവും ഉത്കണ്ഠയും രേഖപ്പെടുത്തി.
മുസ്ലിംലീഗിന്‍െറ സംഘടനാപരമായ ആവശ്യത്തിന് സാമുദായിക വര്‍ണം ആരോപിച്ച് ജനമനസ്സുകളില്‍ വര്‍ഗീയബോധം സൃഷ്ടിക്കാനുള്ള ശ്രമം അപലപനീയമാണ്. സന്ദര്‍ഭം ആവശ്യപ്പെടുന്ന തരത്തിലുള്ള വിവേകവും ഉത്തരവാദിത്തബോധവും കാണിക്കാന്‍ സമുദായ നേതാക്കളും രാഷ്ട്രീയ നേതൃത്വങ്ങളും സന്നദ്ധമാകണം.
സര്‍ക്കാറിലും നിയമ നിര്‍മാണ സഭകളിലും എല്ലാ ജനവിഭാഗങ്ങള്‍ക്കും അര്‍ഹമായ പ്രാതിനിധ്യമുണ്ടാകേണ്ടത് ജനാധിപത്യത്തിന്‍െറ താല്‍പര്യമാണ്. എന്നാല്‍, മന്ത്രിമാരെയും ജനപ്രതിനിധികളെയും സാമുദായിക മുദ്ര കുത്തി സമൂഹത്തില്‍ ചേരിതിരിവ് സൃഷ്ടിക്കുന്നത് അപകടം ചെയ്യും. ഈ സന്ദര്‍ഭത്തില്‍ ഉണര്‍ന്നു പ്രവര്‍ത്തിക്കേണ്ട വാര്‍ത്താമാധ്യമങ്ങള്‍ കടമ മറന്ന് എരിതീയില്‍ എണ്ണ ഒഴിക്കുന്നത് നിര്‍ഭാഗ്യകരമാണ്. കേരളീയ സമൂഹം പൊതിഞ്ഞുവെച്ചിരിക്കുന്ന വര്‍ഗീയ-സാമുദായിക ബോധങ്ങളാണ് വിവാദത്തിലൂടെ പുറത്തുചാടിയത്.
സമുദായത്തിന്‍െറ ന്യായമായ പല പ്രശ്നങ്ങളിലും വിട്ടുവീഴ്ച ചെയ്ത് ‘മതേതരത്വം’ ഘോഷിച്ചുകൊണ്ടിരുന്ന മുസ്ലിംലീഗ്, പുതിയ വകുപ്പൊന്നുമില്ലാതെ അഞ്ചാംമന്ത്രിയെക്കൊണ്ട് എന്താണ് നേടിയതെന്ന് ആത്മപരിശോധന നടത്തണമെന്നും ജമാഅത്ത് സംസ്ഥാന സമിതി ആവശ്യപ്പെട്ടു. അമീര്‍ ടി. ആരിഫലി അധ്യക്ഷത വഹിച്ചു.

HORIZON

 

Wednesday, April 18, 2012

സ്വീകരണം നല്‍കി

 
 
 
 
മഹല്ല് പ്രസിഡണ്ട്‌ ന്‍റെ നെതൃത്വ ത്തില്‍ എത്തിയ ഉമ്രാ സംഘത്തിനു ജിദ്ദാ എയര്‍ പോര്‍ട്ടില്‍ സ്വീകരണം നല്‍കി 
ഇന്നലെ വൈകിട്ട്  കാഞ്ഞിരോട് മഹല്ലില്‍ നിന്നു  ഉംറ  നിര്‍വഹിക്കാനെത്തിയ  മഹല്ല് കമ്മിറ്റി പ്രസിടന്റ്റ് എം. പി. സി .ഹംസാ സാഹിബിനും കുടുംബത്തിനും , മഹല്ലിലെ ഉംറാ  സംഘത്തിനും അബ്ദുല്ല മുക്കണ്ണി, മുഹമ്മദ്‌ അലി പാറക്കല്‍ ,മര്‍ സൂക്ക് കൂടാളി എന്നിവരുടെ നേത്ര ത്വത്തില്‍ ജിദ്ദാ എയര്‍ പോര്‍ട്ടില്‍ സ്വീകരണം നല്‍കി ..

KARUNYA NIKETHAN

VISION 2016

സോളിഡാരിറ്റി ജനസേവന കേന്ദ്രം തുറന്നു

 
 സോളിഡാരിറ്റി ജനസേവന
കേന്ദ്രം തുറന്നു
മുഴപ്പിലങ്ങാട്: കുളം ബസാര്‍ പൊലീസ് സ്റ്റേഷനുടത്ത് ഡിസ്പെന്‍സറി റോഡില്‍ സോളിഡാരിറ്റി എടക്കാട് ഏരിയയുടെ കീഴില്‍ ജനസേവന കേന്ദ്രം തുടങ്ങി. സോളിഡാരിറ്റി ജില്ലാ പ്രസിഡന്‍റ് ഫാറൂഖ് ഉസ്മാന്‍ ഉദ്ഘാടനം ചെയ്തു. യോഗത്തില്‍ ഏരിയാ പ്രസിഡന്‍റ് അഹമ്മദ് സാലിം അധ്യക്ഷത വഹിച്ചു. സംസ്ഥാന സമിതി അംഗം കെ.എം. മഖ്ബൂല്‍ മുഖ്യപ്രഭാഷണം നടത്തി.  സോളിഡാരിറ്റി നയിച്ച സമരങ്ങളുടെ ഫോട്ടോ പ്രദര്‍ശനത്തിന് ഫൈസല്‍ നേതൃത്വം നല്‍കി. ഏരിയാ സെകട്ടറികെ.ടി. റസാഖ് സ്വാഗതം പറഞ്ഞു. എ.ടി. വര്‍ഷാദ് നന്ദിയും പറഞ്ഞു.

മേയ് ഒന്ന് ബി.ഒ.ടി വിരുദ്ധ ദിനം -സോളിഡാരിറ്റി

മേയ് ഒന്ന് ബി.ഒ.ടി വിരുദ്ധ ദിനം 
-സോളിഡാരിറ്റി
കണ്ണൂര്‍: തൃശൂര്‍ ജില്ലയിലെ പാലിയേക്കരയില്‍ നടക്കുന്ന ബി.ഒ.ടി വിരുദ്ധ നിരാഹാര സമരത്തിന് ഐക്യദാര്‍ഢ്യം പ്രഖ്യാപിച്ച് മേയ് ഒന്നിന് ബി.ഒ.ടി വിരുദ്ധ ദിനമായി ആചരിക്കാന്‍ സോളിഡാരിറ്റി ജില്ലാ സെക്രട്ടേറിയറ്റ് തീരുമാനിച്ചു.ബി.ഒ.ടി വിരുദ്ധ ദിനത്തോടനുബന്ധിച്ച് ജില്ലയിലെ പ്രധാന ടൗണുകളില്‍ സാമൂഹിക -സാംസ്കാരിക പ്രവര്‍ത്തകരെ പങ്കെടുപ്പിച്ച് ‘പ്രതിഷേധ സായാഹ്നം’ സംഘടിപ്പിക്കും.  ജില്ലാ പ്രസിഡന്‍റ് ഫാറൂഖ് ഉസ്മാന്‍ അധ്യക്ഷതവഹിച്ചു. ടി.കെ. മുഹമ്മദ് റിയാസ്, ടി.പി. ഇല്യാസ്, കെ. സാദിഖ്, എം.ബി. ഫൈസല്‍ തുടങ്ങിയവര്‍ സംസാരിച്ചു.

പ്രഭാഷണം

പ്രഭാഷണം
കണ്ണൂര്‍: ജമാഅത്തെ ഇസ്ലാമി ചൊവ്വ യൂനിറ്റിന്‍െറ ആഭിമുഖ്യത്തില്‍ പ്രകാശം പരത്തുന്ന പ്രസ്ഥാനം എന്ന പ്രഭാഷണ പരിപാടി വ്യാഴാഴ്ച നടക്കും. വൈകീട്ട് 4.30ന് താഴെചൊവ്വ കെ.പി ടവറില്‍ നടക്കുന്ന ചടങ്ങില്‍ സോളിഡാരിറ്റി സംസ്ഥാന സെക്രട്ടറി റസാഖ് പാലേരി മുഖ്യപ്രഭാഷണം നടത്തും.

Tuesday, April 17, 2012

പ്രഭാഷണം

SUNRISE

PRABODHANAM WEEKLY

VISION 2016 BAG

എസ്.ഐ.ഒ കാമ്പയിന് തുടക്കം

 എസ്.ഐ.ഒ കാമ്പയിന് തുടക്കം
അടിമാലി (ഇടുക്കി): ഏപ്രില്‍ 20 മുതല്‍ മേയ് 20വരെ ഫ്യൂചര്‍ ഈസ് അവേഴ്സ് എന്ന തലക്കെട്ടില്‍ എസ്.ഐ.ഒ നടത്തുന്ന കാമ്പയിന് തുടക്കമായി. സംസ്ഥാനതല ഉദ്ഘാടനം സംസ്ഥാന പ്രസിഡന്‍റ് ശിഹാബ് പൂക്കോട്ടൂര്‍ നിര്‍വഹിച്ചു. ആത്മീയ, ധാര്‍മിക പ്രചോദനമുള്‍ക്കൊണ്ട വിദ്യാര്‍ഥികളാണ് ലോകമെമ്പാടും ഭാവിയെ രൂപപ്പെടുത്തുന്നതെന്ന് അദ്ദേഹം പറഞ്ഞു.
കാമ്പയിന്‍െറ ഭാഗമായി ആയിരത്തോളം യൂനിറ്റുകളില്‍ പ്രാദേശിക വിദ്യാര്‍ഥി സമ്മേളനങ്ങളും ഇരുനൂറോളം ഏരിയകളില്‍ പ്രവര്‍ത്തക കണ്‍വെന്‍ഷനുകളും പ്രാദേശിക കുടുംബ സംഗമങ്ങളും നടക്കും. വിവിധ തലങ്ങളില്‍ സ്പോര്‍ട്സ് മീറ്റുകള്‍ സംഘടിപ്പിക്കും. സംസ്ഥാനതല സ്പോര്‍ട്സ് മീറ്റ് മേയ് 18, 19, 20 തീയതികളില്‍ പെരുമ്പിലാവ് അന്‍സാര്‍ ഇംഗ്ളീഷ് മീഡിയം സ്കൂളില്‍ നടക്കും. ഉദ്ഘാടന കണ്‍വെന്‍ഷനില്‍ എസ്.ഐ.ഒ സംസ്ഥാന സമിതിയംഗം എസ്. സമീര്‍ അധ്യക്ഷതവഹിച്ചു. ഇടുക്കി ജില്ലാ കാമ്പസ് സെക്രട്ടറി അമല്‍ഷാ, സോളിഡാരിറ്റി ജില്ലാ പ്രസിഡന്‍റ് അഷ്റഫ് അടിമാലി, അല്‍ത്താഫ് അന്‍വര്‍ എന്നിവര്‍ സംസാരിച്ചു.

അല്‍ഹുദാ ഫെസ്റ്റ്

അല്‍ഹുദാ ഫെസ്റ്റ്
പയ്യന്നൂര്‍:  വിളയാങ്കോട് അല്‍ഹുദാ ഓര്‍ഫന്‍റ്സ് കെയര്‍ഹോമിന്‍െറ ആഭിമുഖ്യത്തില്‍ അല്‍ ഹുദാ ഫെസ്റ്റ് 2012 സംഘടിപ്പിച്ചു. ജമാഅത്തെ ഇസ്ലാമി ജില്ലാ സെക്രട്ടറി കളത്തില്‍ ബഷീര്‍ ഉദ്ഘാടനം ചെയ്തു. ടി.ഐ.ടി ഗ്രൂപ്പ് ജനറല്‍സെക്രട്ടറി എ. മുഹമ്മദ്കുഞ്ഞി അധ്യക്ഷതവഹിച്ചു. സാഹിത്യഅക്കാദമികയിലേക്ക് തെരഞ്ഞെടുക്കപ്പെട്ട പൂര്‍വ വിദ്യാര്‍ഥിനി ഷറഫുന്നീസക്ക് ഉപഹാരം നല്‍കി.
പഞ്ചായത്തംഗം വി.വി. രാജേഷ്, ടി.വി. ഷറഫുന്നീസ, പി.കെ. മുഹമ്മദ് സാജിദ്, ഒലിപ്പില്‍ നിയാസ്, ബി.ടി. മുഹമ്മദ് ഇഖ്ബാല്‍ എന്നിവര്‍ സംസാരിച്ചു. മുസ്തഫ ഇബ്രാഹിം സ്വാഗതവും സി.കെ. മുനവ്വിര്‍ നന്ദിയും പറഞ്ഞു. പൂര്‍വ വിദ്യാര്‍ഥി സംഗ സോളിഡാരിറ്റി  ജില്ലാ പ്രസിഡന്‍റ് ഫാറൂഖ് ഉസ്മാന്‍ ഉദ്ഘാടനം ചെയ്തു. അല്‍ഹുദ അലൂമിനി അസോസിയേഷന്‍ ഭാരഷവാഹികളായി മുസൈദ (പ്രസി.), അമീര്‍ ഉളിയില്‍ (കോ-ഓര്‍ഡിനേറ്റര്‍), വി.സി. ഷറഫുന്നീസ, യുനുസ് സലീം (സെക്ര.) എന്നിവരെ തെരഞ്ഞെടുത്തു.

യുവജനസംഗമം

യുവജനസംഗമം
ഇരിട്ടി: സോളിഡാരിറ്റി യുവജന സംഗമം നടത്തി. സോളിഡാരിറ്റി ഇരിട്ടി ഏരിയയുടെ ആഭിമുഖ്യത്തില്‍ ആറളം താഴെ അങ്ങാടിയില്‍ നടത്തിയ സംഗമം ജില്ലാ വൈസ് പ്രസിഡന്‍റ് എന്‍.എം. ഷഫീഖ് ഉദ്ഘാടനം ചെയ്തു.
പി.സി. മുനീര്‍ മാസ്റ്റര്‍, അന്‍സാര്‍ ഉളിയില്‍, ഫൈസല്‍ ആറളം എന്നിവര്‍ സംസാരിച്ചു.

ആശുപത്രി ഉപകരണം നല്‍കി

 ആശുപത്രി ഉപകരണം നല്‍കി
മട്ടന്നൂര്‍: മട്ടന്നൂര്‍ ഗവ. ആശുപത്രിക്ക് സോളിഡാരിറ്റി മട്ടന്നൂര്‍ യൂനിറ്റിന്‍െറ ആഭിമുഖ്യത്തില്‍ രക്തസമ്മര്‍ദം അളക്കുന്ന  ഉപകരണം വിതരണം  ചെയ്തു. സോളിഡാരിറ്റി ജില്ലാ സെക്രട്ടറി ടി.കെ.അസ്ലമില്‍നിന്ന് നഗരസഭ ആരോഗ്യസ്റ്റാന്‍ഡിങ് കമ്മിറ്റി ചെയര്‍മാന്‍ എന്‍. ഷാജിത്ത് മാസ്റ്റര്‍ ഏറ്റുവാങ്ങി. മെഡിക്കല്‍ ഓഫിസര്‍ പ്രിയ മുഖ്യാതിഥിയായിരുന്നു. സോളിഡാരിറ്റി ഇരിട്ടി ഏരിയാ ജനറല്‍ സെക്രട്ടറി അന്‍സാര്‍ ഉളിയില്‍ സംസാരിച്ചു. മുഹമ്മദ് മരുതായി, മഹറൂഫ്, റിയാസ് എന്നിവര്‍ നേതൃത്വം നല്‍കി.

യുവജനസംഗമം

 യുവജനസംഗമം
തലശ്ശേരി: ജനകീയ സമരങ്ങള്‍ യുവജന സംഘടനകള്‍ കണ്ടില്ളെന്നു നടിക്കുന്നത് ആരെ തൃപ്തിപ്പെടുത്താനാണെന്ന് വ്യക്തമാക്കണമെന്ന് സോളിഡാരിറ്റി ജില്ലാ സെക്രട്ടറി കെ. സാദിഖ്. കനക് ഓഡിറ്റോറിയത്തില്‍ സോളിഡാരിറ്റി തലശ്ശേരി ഏരിയാ കമ്മിറ്റി സംഘടിപ്പിച്ച യുവജനസംഗമം ഉദ്ഘാടനം ചെയ്യുകയായിരുന്നു അദ്ദേഹം. അതിജീവനത്തിന് ജനങ്ങള്‍ നെട്ടോട്ടമോടുമ്പോള്‍ വിപ്ളവം പ്രസംഗിക്കുന്ന യുവജന സംഘടനകള്‍ തിരിഞ്ഞുനോക്കാത്തത് നിര്‍ഭാഗ്യകരമാണെന്നും അദ്ദേഹം പറഞ്ഞു. ചടങ്ങില്‍ സോളിഡാരിറ്റി ഏരിയാ കമ്മിറ്റി ഏര്‍പ്പെടുത്തിയ ‘ജനമിത്ര 2012’ അവാര്‍ഡിനര്‍ഹനായ പത്രപ്രവര്‍ത്തകന്‍ റംഷീദ് ഇല്ലിക്കലിന് ഉപഹാരവും കാഷ് അവാര്‍ഡും നല്‍കി ആദരിച്ചു. ഏരിയാ പ്രസിഡന്‍റ് പി.എ. ഷഹീദ് അധ്യക്ഷത വഹിച്ചു. യു. ഉസ്മാന്‍ സംസാരിച്ചു. സെക്രട്ടറി കെ.എം. അഷ്ഫാഖ് സ്വാഗതം പറഞ്ഞു. സീഡി പ്രദര്‍ശനവും നടന്നു.

Monday, April 16, 2012

എസ്.ഐ.ഒ ടീന്‍സ് മീറ്റ്

 
 



 എസ്.ഐ.ഒ ടീന്‍സ് മീറ്റ്
കണ്ണൂര്‍: എസ്.ഐ.ഒ കണ്ണൂര്‍ ജില്ലാകമ്മിറ്റി കക്കാട് പുല്ലൂപ്പിക്കടവിലെ കൗസര്‍ വാലി ഇംഗ്ളീഷ് സ്കൂളില്‍ ത്രിദിന ക്യാമ്പ് ടീന്‍സ് മീറ്റ് ’12 സംഘടിപ്പിച്ചു. ഈവര്‍ഷം പത്താംതരം പരീക്ഷയെഴുതിയ വിദ്യാര്‍ഥികള്‍ക്കാണ് ക്യാമ്പ് നടത്തിയത്. 30ഓളം വിദ്യാര്‍ഥികള്‍ പങ്കെടുത്തു.
ജമാഅത്തെ ഇസ്ലാമി ജില്ലാ പ്രസിഡന്‍റ് ടി.കെ. മുഹമ്മദലി ഉദ്ഘാടനം ചെയ്തു. വിവിധ സെഷനുകളിലായി പി.കെ. സാദിഖ് നദ്വി, യൂനുസ് സലീം, എന്‍.എം. ഷഫീഖ്, വി.എന്‍. ആബിദ്, ഹാരിസ്, ഷംസീര്‍, ഇബ്രാഹിം, റിവിന്‍ജാസ്, ആഷിഖ് കാഞ്ഞിരോട് എന്നിവര്‍ സംസാരിച്ചു.

സ്റ്റഡീ ക്ളാസ്

സ്റ്റഡീ ക്ളാസ്
ചക്കരക്കല്ല്: ജമാഅത്തെ ഇസ്ലാമി ‘പ്രകാശം പരത്തുന്ന പ്രസ്ഥാനം’ എന്ന വിഷയത്തില്‍ നടത്തുന്ന കാമ്പയിന്‍െറ ഭാഗമായി ചക്കരക്കല്ല് സഫ സെന്‍ററില്‍ സ്റ്റഡീസ് ക്ളാസ് സംഘടിപ്പിച്ചു. അബ്ദുറഹീം എടക്കാട് പ്രഭാഷണം നടത്തി. കെ.കെ. ഇബ്രാഹിം മാസ്റ്റര്‍ അധ്യക്ഷത വഹിച്ചു. മൊയ്തീന്‍കുട്ടി മാസ്റ്റര്‍ സ്വാഗതം പറഞ്ഞു.

രാജ്യത്ത് നിലനില്‍ക്കുന്നത് പ്രാകൃത ജനാധിപത്യം -ഡോ. കൂട്ടില്‍ മുഹമ്മദലി

 
 
 രാജ്യത്ത് നിലനില്‍ക്കുന്നത് പ്രാകൃത
ജനാധിപത്യം -ഡോ. കൂട്ടില്‍ മുഹമ്മദലി
ജനങ്ങള്‍ക്ക് പങ്കാളിത്തമില്ലാത്ത പ്രാകൃത ജനാധിപത്യമാണ് രാജ്യത്ത് നിലവിലുള്ളതെന്ന് വെല്‍ഫെയര്‍ പാര്‍ട്ടി സംസ്ഥാന പ്രസിഡന്‍റ് ഡോ. കൂട്ടില്‍ മുഹമ്മദലി പറഞ്ഞു. ഒരു പ്രത്യേക ജനവിഭാഗത്തിന്‍െറ താല്‍പര്യസംരക്ഷണമാണ് സര്‍ക്കാറിന്‍െറ ലക്ഷ്യം. രാജ്യത്തിന്‍െറ വിഭവം 99 ശതമാനം വരുന്ന ജനവിഭാഗത്തിന് ലഭ്യമാവാതെ ഒരു ശതമാനം വരുന്ന വരേണ്യ ജനവിഭാഗം ഉപയോഗിക്കുകയാണ്. വെല്‍ഫെയര്‍ പാര്‍ട്ടി ധര്‍മടം മണ്ഡലം പ്രഖ്യാപന സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
സോഷ്യലിസം മരീചികയായി മാറിയിരിക്കുകയാണ്. നിലവിലുള്ള സാംസ്കാരിക അസമത്വങ്ങള്‍ക്കെതിരെ ഇടതുപക്ഷവും വലതുപക്ഷവും മൗനത്തിലാണ്. കേരളത്തില്‍ കഴിഞ്ഞ രണ്ടുമാസക്കാലം നീണ്ട അഞ്ചാം മന്ത്രി തര്‍ക്കം പ്രബുദ്ധകേരളത്തിന് അപമാനമാണെന്നും അദ്ദേഹം പറഞ്ഞു.
ചക്കരക്കല്ല് ഗോകുലം ഓഡിറ്റോറിയത്തില്‍ നടന്ന ചടങ്ങില്‍ വെല്‍ഫെയര്‍ പാര്‍ട്ടി ജില്ലാ സെക്രട്ടറി അഡ്വ. കെ.എല്‍. അബ്ദുസ്സലാം അധ്യക്ഷത വഹിച്ചു. സംസ്ഥാന സെക്രട്ടറി ഇ.എ. ജോസഫ് മുഖ്യപ്രഭാഷണം നടത്തി. മോഹനന്‍ കുഞ്ഞിമംഗലം ധര്‍മടം മണ്ഡലം ഭാരവാഹികളെ പ്രഖ്യാപിച്ചു. അഡ്വ. കെ.എല്‍. അബ്ദുസ്സലാം നിയുക്ത പ്രസിഡന്‍റ് എ.കെ. സതീഷ്ചന്ദ്രന് പാര്‍ട്ടി പതാക കൈമാറി. കൂത്തുപറമ്പ് മണ്ഡലം പ്രസിഡന്‍റ് ടി.വി. ജയറാം, ജില്ലാ വൈസ് പ്രസിഡന്‍റ് പി. നാണി ടീച്ചര്‍, പള്ളിപ്രം പ്രസന്നന്‍, പി.ബി.എം. ഫര്‍മീസ്, ധര്‍മടം മണ്ഡലം പ്രസിഡന്‍റ് എ.കെ. സതീഷ് ചന്ദ്രന്‍ എന്നിവര്‍ സംസാരിച്ചു. സി.ടി. ഫൈസല്‍ സ്വാഗതവും വി.കെ. മുനീര്‍ നന്ദിയും പറഞ്ഞു.
ധര്‍മടം മണ്ഡലം പ്രസിഡന്‍റായി എ.കെ. സതീഷ്ചന്ദ്രനെയും ജനറല്‍ സെക്രട്ടറിയായി വി.കെ. മുനീറിനെയും  വൈസ് പ്രസിഡന്‍റായി എം.കെ. മറിയു, ജോയന്‍റ് സെക്രട്ടറിയായി ടി. കൃഷ്ണന്‍, ട്രഷററായി കെ.വി. അഷ്റഫ് എന്നിവരെയും തെരഞ്ഞെടുത്തു.
പുതിയതെരു: അഴീക്കോട് മണ്ഡലം കമ്മിറ്റി പ്രഖ്യാപന സമ്മേളനം സംസ്ഥാന പ്രസിഡന്‍റ് ഡോ. കൂട്ടില്‍ മുഹമ്മദലി ഉദ്ഘാടനം ചെയ്തു. സംസ്ഥാന സെക്രട്ടറി ഇ.എ. ജോസഫ് മുഖ്യപ്രഭാഷണം നടത്തി. വെല്‍ഫെയര്‍ പാര്‍ട്ടി ജില്ലാ ജനറല്‍ സെക്രട്ടറി കെ.എല്‍. അബ്ദുല്‍ സലാം അധ്യക്ഷത വഹിച്ചു. പി.ബി.എം. ഫര്‍മീസ് സംസാരിച്ചു. രാജീവ് മഠത്തില്‍ സ്വാഗതവും സി.എച്ച്. ഷൗക്കത്തലി നന്ദിയും പറഞ്ഞു.
ജില്ലാ വൈസ് പ്രസിഡന്‍റ് ടി. നാണി ടീച്ചര്‍ മണ്ഡലം ഭാരവാഹികളെ പ്രഖ്യാപിച്ചു. 
മണ്ഡലം പ്രസിഡന്‍റായി രാജീവ് മഠത്തിലിനെയും  സെക്രട്ടറിയായി സി.എച്ച്. ഷൗക്കത്തലിയെയും തെരഞ്ഞെടുത്തു. മറ്റു ഭാരവാഹികള്‍: ടി.പി. ഇല്യാസ് (വൈ. പ്രസി.), പി.വി. വിനോദ് (ജോ. സെക്ര.), ടി. സക്കീന (ട്രഷ.), ഇ.കെ. സാജിദ് പാപ്പിനിശ്ശേരി, എം.ബി.എം. ഫൈസല്‍, ടി.പി. ജാവിദ, എം.എം. സതീശന്‍, പി.എം. ഷറോസ്, പി.കെ. അബ്ദുസലാം, അബ്ദുല്ലത്തീഫ് അഴീക്കോട്, എന്‍. കോയ, അബ്ബാസ് അഴീക്കല്‍, ബി. ഹസന്‍ (അംഗങ്ങള്‍).

Sunday, April 15, 2012

അല്‍ഹുദ ഫെസ്റ്റ് ഇന്ന്

അല്‍ഹുദ ഫെസ്റ്റ് ഇന്ന്
പയ്യന്നൂര്‍: വിളയാങ്കോട് അല്‍ഹുദ ഓര്‍ഫനേജ് കെയര്‍ ഹോമിന്‍െറ ആഭിമുഖ്യത്തിലുള്ള അല്‍ഹുദ ഫെസ്റ്റ് 2012 ഞായറാഴ്ച നടക്കും.
 വൈകീട്ട് നാലിന് ഫെസ്റ്റിന്‍െറ ഉദ്ഘാടനം ഗള്‍ഫ് മാധ്യമം ചീഫ് എഡിറ്റര്‍ വി.കെ. ഹംസ അബ്ബാസ് നിര്‍വഹിക്കും. വിദ്യാര്‍ഥികളുടെ കലാപരിപാടികളും അരങ്ങേറും.

വെല്‍ഫെയര്‍ പാര്‍ട്ടി മണ്ഡലം പ്രഖ്യാപന സമ്മേളനം

വെല്‍ഫെയര്‍ പാര്‍ട്ടി
മണ്ഡലം പ്രഖ്യാപന
സമ്മേളനം
കണ്ണൂര്‍: വെല്‍ഫെയര്‍ പാര്‍ട്ടി ധര്‍മടം നിയോജക മണ്ഡലം പ്രഖ്യാപന സമ്മേളനം 15ന് രാവിലെ 10.30ന് ചക്കരക്കല്ല് ഗോകുലം ഓഡിറ്റോറിയത്തില്‍ സംസ്ഥാന പ്രസിഡന്‍റ് ഡോ. കൂട്ടില്‍ മുഹമ്മദലി ഉദ്ഘാടനം ചെയ്യും.
സംസ്ഥാന സെക്രട്ടറി ഇ.എ. ജോസഫ് മുഖ്യപ്രഭാഷണം നടത്തും. കെ.ടി. രാധാകൃഷ്ണന്‍, സ്വാമി വിശ്വഭദ്രാനന്ദ ശക്തിബോധി എന്നിവര്‍ സംസാരിക്കും.
അഴീക്കോട്: വെല്‍ഫെയര്‍ പാര്‍ട്ടി ഓഫ് ഇന്ത്യ അഴീക്കോട് നിയോജകമണ്ഡലം പ്രഖ്യാപന സമ്മേളനം ഞായറാഴ്ച വൈകീട്ട് നാലിന് പുതിയതെരു നിത്യാനന്ദ ഇംഗ്ളീഷ് സ്കൂളില്‍ സംസ്ഥാന പ്രസിഡന്‍റ് ഡോ. കൂട്ടില്‍ മുഹമ്മദലി ഉദ്ഘാടനം ചെയ്യും.