.jpg)
.jpg)
.jpg)
റെയില്‍വേ അവഗണന:
വെല്‍ഫെയര്‍ പാര്‍ട്ടി മാര്‍ച്ച് നടത്തി
വെല്‍ഫെയര്‍ പാര്‍ട്ടി മാര്‍ച്ച് നടത്തി
കണ്ണൂര്‍: കേരള ജനതയോടുള്ള റെയില്‍വേയുടെ അവഗണനക്കെതിരായ പ്രതിഷേധ ജ്വാലയായി വെല്‍ഫെയര്‍ പാര്‍ട്ടി ജില്ല കമ്മിറ്റി കണ്ണൂര്‍ റെയില്‍വേ സ്റ്റേഷനിലേക്ക് നടത്തിയ മാര്‍ച്ച്. വര്‍ഷങ്ങളായി തുടരുന്ന കേരളത്തോടുള്ള റെയില്‍വേ അവഗണനയില്‍ സംസ്ഥാനത്തെ ജനപ്രതിനിധികള്‍ കൂട്ടുപ്രതികളാണെന്ന് മാര്‍ച്ച് ഉദ്ഘാടനം ചെയ്ത് വെല്‍ഫെയര്‍ പാര്‍ട്ടി സംസ്ഥാന കമ്മിറ്റി അംഗം പി.സി. ഭാസ്കരന്‍ പറഞ്ഞു.റെയില്‍വേ ബജറ്റില്‍ കേരളത്തിന് സ്പെഷല്‍ പാക്കേജ് പ്രഖ്യാപിക്കണമെന്ന് ആവശ്യപ്പെട്ടു നടന്ന സമരം വെസ്റ്റ് കോസ്റ്റ് റെയില്‍വേ സോണ്‍ അനുവദിക്കുക, തലശ്ശേരി-മൈസൂര്‍ റെയില്‍പാത യാഥാര്‍ഥ്യമാക്കുക, കണ്ണൂരില്‍ മോണോ റെയില്‍ ആരംഭിക്കുക എന്നീ ആവശ്യങ്ങളും ഉന്നയിച്ചു. ജില്ല ജനറല്‍ സെക്രട്ടറി അഡ്വ. കെ.എല്‍. അബ്ദുല്‍ സലാം അധ്യക്ഷത വഹിച്ചു. റെയില്‍വേ പാസഞ്ചേഴ്സ് കോ ഓഡിനേഷന്‍ കമ്മിറ്റി നേതാവ് അഡ്വ. റഷീദ് കവ്വായി, കേരള ട്രെയിന്‍ ട്രാവല്‍സ് ആക്ഷന്‍ ഫോറം നേതാവ് ഷാജി ദാമോദരന്‍, വെല്‍ഫെയര്‍ പാര്‍ട്ടി ജില്ല നേതാക്കളായ ജബീന ഇര്‍ഷാദ്, പി.ബി.എം.ഫര്‍മീസ്, മോഹനന്‍ കുഞ്ഞിമംഗലം എന്നിവര്‍ സംസാരിച്ചു.
സ്റ്റേറ്റ് ബാങ്ക് പരിസരത്തുനിന്ന് ആരംഭിച്ച പ്രകടനത്തിന് സൈനുദ്ദീന്‍ കരിവെള്ളൂര്‍, പള്ളിപ്രം പ്രസന്നന്‍, വി.കെ. ഖാലിദ്, എന്‍.എം. ശഫീഖ്, ഷാഹിന ലത്തീഫ് എന്നിവര്‍ നേതൃത്വം നല്‍കി.
സ്റ്റേറ്റ് ബാങ്ക് പരിസരത്തുനിന്ന് ആരംഭിച്ച പ്രകടനത്തിന് സൈനുദ്ദീന്‍ കരിവെള്ളൂര്‍, പള്ളിപ്രം പ്രസന്നന്‍, വി.കെ. ഖാലിദ്, എന്‍.എം. ശഫീഖ്, ഷാഹിന ലത്തീഫ് എന്നിവര്‍ നേതൃത്വം നല്‍കി.
No comments:
Post a Comment
Thanks