വെല്‍ഫെയര്‍ പാര്‍ട്ടി ജില്ലാ
പ്രഖ്യാപന സമ്മേളനം 29ന്
കണ്ണൂര്‍: വെല്‍ഫെയര്‍ പാര്‍ട്ടി ഓഫ് ഇന്ത്യയുടെ കണ്ണൂര്‍ ജില്ലാ കമ്മിറ്റി ഡിസംബര്‍ 29ന് വൈകീട്ട് നാല് മണിക്ക് ചേംബര്‍ ഹാളില്‍ നടക്കുന്ന പ്രഖ്യാപന സമ്മേളനത്തോടെ നിലവില്‍ വരും. സമ്മേളനത്തില്‍ സംഘടനയുടെ അടുത്ത രണ്ട് വര്‍ഷത്തെ ഭാരവാഹികളെ പ്രഖ്യാപിക്കും.
പ്രഖ്യാപന സമ്മേളനം വെല്‍ഫെയര്‍ പാര്‍ട്ടി ഓഫ് ഇന്ത്യ അഖിലേന്ത്യാ വൈസ് പ്രസിഡന്റ് ഫാ. എബ്രഹാം ജോസഫ് ഉദ്ഘാടനം ചെയ്യും. സംസ്ഥാന പ്രസിഡന്റ് ഡോ. കൂട്ടില്‍ മുഹമ്മദലി, സംസ്ഥാന ജനറല്‍ സെക്രട്ടറിമാരായ കെ. അംബുജാക്ഷന്‍, പി.എ. അബ്ദുല്‍ ഹക്കീം, സംസ്ഥാന വൈസ്പ്രസിഡന്റുമാരായ പ്രേമ പിഷാരടി, സുരേന്ദ്രന്‍ കരിപ്പുഴ, സി. അഹമ്മദ് കുഞ്ഞി, സംസ്ഥാന സെക്രട്ടറിമാരായ ഇ.എ. ജോസഫ്, ശ്രീജ നെയ്യാറ്റിന്‍കര എന്നിവര്‍ സംബന്ധിക്കും.
പരിപാടി വിജയിപ്പിക്കാന്‍ അഡ്വ. കെ.എല്‍. അബ്ദുല്‍ സലാം ജനറല്‍ കണ്‍വീനറായും ഡോ. ശാന്തി ധനഞ്ജയന്‍, സി. അബ്ദുല്‍ നാസിര്‍, ബി. ഉസ്മാന്‍, രാധാകൃഷ്ണന്‍ കൂടാളി, പി.ബി.എം. പര്‍മീസ്, നാണി ടീച്ചര്‍, കെ. സാദിഖ്, മോഹനന്‍ കുഞ്ഞിമംഗലം, എന്‍.എം. ഷെഫീഖ്, പള്ളിപ്രം പ്രസന്നന്‍, പി. കബീര്‍ മാസ്റ്റര്‍, സി. ഇംതിയാസ്, സി.ടി. ഫൈസല്‍, ടോമി രാജഗിരി, രാജീവ് മടത്തില്‍, വി.കെ. ഖാലിദ്, ടി.പി. ഇല്യാസ്, യു.കെ. സെയ്ത് എന്നിവര്‍ വിവിധ വകുപ്പു കണ്‍വീനര്‍മാരായും കമ്മിറ്റി രൂപവത്കരിച്ചു. യോഗത്തില്‍ അഡ്വ. കെ.എല്‍. അബ്ദുല്‍ സലാം അധ്യക്ഷത വഹിച്ചു. സി. അബ്ദുല്‍ നാസിര്‍ സ്വാഗതം പറഞ്ഞു.
