സൗജന്യ പരിശീലനം

 ഫോട്ടോഗ്രഫി
ആന്‍ഡ് വീഡിയോഗ്രഫി
സൗജന്യ പരിശീലനം

കണ്ണൂര്‍: റുഡ്സെറ്റ് ഇന്‍സ്റ്റിറ്റ്യൂട്ട് ഫോട്ടോഗ്രഫി ആന്‍ഡ് വീഡിയോഗ്രഫി സൗജന്യ പരിശീലനം സംഘടിപ്പിക്കുന്നു. 21 ദിവസത്തെ പരിശീലനത്തില്‍ പങ്കെടുക്കാന്‍ താല്‍പര്യമുള്ള കണ്ണൂര്‍, കാസര്‍കോട്, വയനാട്, മാഹി എന്നിവിടങ്ങളിലെ 18നും 45നും ഇടയില്‍ പ്രായമുള്ള തൊഴില്‍രഹിതരായ യുവതീയുവാക്കള്‍ പേര്, രക്ഷിതാവിന്‍െറ പേര്, വയസ്സ്, മേല്‍വിലാസം, ഫോണ്‍, പരിശീലന വിഷയത്തിലുള്ള മുന്‍പരിചയം എന്നിവ കാണിച്ച് ഡയറക്ടര്‍, റുഡ്സെറ്റ് ഇന്‍സ്റ്റിറ്റ്യൂട്ട്, നിയര്‍ ആര്‍.ടി.എ ഗ്രൗണ്ട്, പി.ഒ. കാഞ്ഞിരങ്ങാട്, കരിമ്പം (വഴി), കണ്ണൂര്‍ 670142 എന്ന വിലാസത്തില്‍ സെപ്റ്റംബര്‍ 30ന് മുമ്പ് അപേക്ഷിക്കണം. www.rudseti.webs.com വെബ്സൈറ്റില്‍ ഓണ്‍ലൈനില്‍ അപേക്ഷിക്കുക. ഫോണ്‍: 04602 226573/227869.

വെല്‍ഫെയര്‍ പാര്‍ട്ടി ആഹ്വാന ജാഥ തുടങ്ങി

 

 വെല്‍ഫെയര്‍ പാര്‍ട്ടി ആഹ്വാന ജാഥ തുടങ്ങി

ചെറുപുഴ: രാജ്യം നേരിടുന്ന ജീവല്‍ പ്രശ്നങ്ങളില്‍ ഭരണകൂടം സ്വീകരിക്കുന്ന ജനദ്രോഹ നയങ്ങള്‍ക്കും പ്രതിപക്ഷ നിഷ്ക്രിയതക്കുമെതിരെ വെല്‍ഫെയര്‍ പാര്‍ട്ടി കണ്ണൂര്‍ ജില്ലാ സമിതി സംഘടിപ്പിക്കുന്ന അഞ്ചുദിവസം നീണ്ടുനില്‍ക്കുന്ന ആഹ്വാനജാഥ ചെറുപുഴയില്‍ തുടങ്ങി. പാര്‍ട്ടി സംസ്ഥാന സെക്രട്ടറി ഇ.എ. ജോസഫ്, ക്യാപ്റ്റന്‍ കെ.ടി. രാധാകൃഷ്ണന്‍ കൂടാളിക്ക് പതാക കൈമാറി യാത്ര ഫ്ളാഗ് ഓഫ് ചെയ്തു. കല്‍ക്കരി കുംഭകോണ അഴിമതിയുടെ കറപുരണ്ട പ്രധാനമന്ത്രി കൂടങ്കുളത്തെ സമരത്തോട് കാണിക്കുന്ന നിലപാട് ക്രൂരമായ നിസംഗതയാണെന്ന് ഉദ്ഘാടന പ്രസംഗത്തില്‍ സംസ്ഥാന സെക്രട്ടറി ഇ.എ. ജോസഫ് അഭിപ്രായപ്പെട്ടു.
എമര്‍ജിങ് കേരളയിലൂടെ സംസ്ഥാനത്തെ, വില്‍പനവസ്തുവായി തീറെഴുതിയ സംസ്ഥാന സര്‍ക്കാര്‍ സുതാര്യ ഭരണമെന്ന നിലപാടില്‍നിന്നും ബഹുദൂരം പിന്നോട്ടുപോയി. ഡീസല്‍ വിലവര്‍ധനയിലൂടെ കേന്ദ്രസര്‍ക്കാര്‍ ജനങ്ങളോട് തുറന്ന യുദ്ധപ്രഖ്യാപനമാണ് നടത്തിയതെന്നും അദ്ദേഹം പറഞ്ഞു. അഡ്വ. കെ.എല്‍. അബ്ദുല്‍ സലാം അധ്യക്ഷത വഹിച്ചു.
പള്ളിപ്രം പ്രസന്നന്‍, പി.ബി.എം ഫര്‍മീസ്, മോഹനന്‍ കുഞ്ഞിമംഗലം, സൈനുദ്ദീന്‍ കരിവെള്ളൂര്‍, ജോസഫ് ജോണ്‍, എന്‍.എം. ശഫീഖ്, ടോമി ജേക്കബ് എന്നിവര്‍ സംസാരിച്ചു. ജാഥ ബുധനാഴ്ച രാവിലെ കരിവെള്ളൂരില്‍നിന്ന് ആരംഭിച്ച് തളിപ്പറമ്പില്‍ സമാപിക്കും. സംസ്ഥാന സെക്രട്ടറി ശ്രീജ നെയ്യാറ്റിന്‍കര, അഡ്വ. കെ.എല്‍. അബ്ദുല്‍ സലാം, സി. അഹമ്മദ്കുഞ്ഞി, സലീം മമ്പാട്, ഡോ. ശാന്തി ധനഞ്ജയന്‍ എന്നിവര്‍ പങ്കെടുക്കും. ജാഥ 22ന് തലശ്ശേരിയില്‍ സമാപിക്കും.

അറസ്റ്റ് ജനാധിപത്യവിരുദ്ധം -വെല്‍ഫെയര്‍ പാര്‍ട്ടി

അറസ്റ്റ് ജനാധിപത്യവിരുദ്ധം -വെല്‍ഫെയര്‍ പാര്‍ട്ടി

തിരുവനന്തപുരം: കളിയിക്കാവിളയില്‍ കൂടങ്കുളം സമരത്തിന് ഐക്യദാര്‍ഢ്യമര്‍പ്പിച്ച് പ്രകടനം നടത്തിയ വെല്‍ഫെയര്‍ പാര്‍ട്ടി തിരുവനന്തപുരം ജില്ലാ സമിതിയംഗം രാജഗോപാലിനെയും സഹപ്രവര്‍ത്തകരെയും അറസ്റ്റ് ചെയ്ത തമിഴ്നാട് പൊലീസ് നടപടി ജനാധിപത്യവിരുദ്ധമാണെന്ന് സംസ്ഥാന ജനറല്‍ സെക്രട്ടറി കെ. അംബുജാക്ഷന്‍ പറഞ്ഞു. ഭീകരാന്തരീക്ഷം സൃഷ്ടിച്ച് സമരത്തെ പിന്തുണക്കുന്നവരെ പിന്തിരിപ്പിക്കാനുള്ള ശ്രമം വിലപ്പോവില്ളെന്നും സമരത്തിന് അനുകൂലമായി അഭിപ്രായരൂപവത്കരണത്തിന് ശ്രമം തുടരുമെന്നും പ്രസ്താവനയില്‍ പറഞ്ഞു.

ലോഗോ പ്രകാശനം ചെയ്തു

ലോഗോ പ്രകാശനം ചെയ്തു

കോഴിക്കോട്: ഗേള്‍സ് ഇസ്ലാമിക് ഓര്‍ഗനൈസേഷന്‍ കേരള കമ്മിറ്റി പെണ്‍കുട്ടികള്‍ക്കായി സംഘടിപ്പിക്കുന്ന ഖുര്‍ആന്‍ പാരായണ മത്സരം ‘തര്‍ത്തീല്‍ 12’ന്‍െറ ലോഗോ ജമാഅത്തെ ഇസ്ലാമി കേരള അമീര്‍ ടി.ആരിഫലി പ്രകാശനംചെയ്തു. ഹിറാ സെന്‍ററില്‍ നടന്ന ചടങ്ങില്‍ ജി.ഐ.ഒ പ്രസിഡന്‍റ് എം.കെ. സുഹൈല അധ്യക്ഷത വഹിച്ചു.
15നും 30നും ഇടയില്‍ പ്രായമുള്ളവര്‍ക്കാണ്  മത്സരം. ഒക്ടോബര്‍ രണ്ടിന് സംസ്ഥാനത്തുടനീളം 85 സെന്‍ററുകളിലായി നടക്കുന്ന പ്രൈമറി ലെവല്‍ മത്സരത്തില്‍ 5000ത്തോളം മത്സരാര്‍ഥികള്‍ പങ്കെടുക്കും.  മെഗാഫൈനല്‍ ഒക്ടോബര്‍ 21 ന് കോഴിക്കോട് നളന്ദ ഓഡിറ്റോറിയത്തില്‍.

ജമാഅത്തെ ഇസ്ലാമി സ്കോളര്‍ഷിപ് സ്കീം

ജമാഅത്തെ ഇസ്ലാമി സ്കോളര്‍ഷിപ് സ്കീം

കോഴിക്കോട്: 2012-2013 വര്‍ഷത്തെ ജമാഅത്തെ ഇസ്ലാമി സ്കോളര്‍ഷിപ് സ്കീമിലേക്ക് അപേക്ഷ ക്ഷണിച്ചു.  ഡിഗ്രി, പി.ജി, ഡിപ്ളോമ, പ്രഫഷനല്‍ കോഴ്സുകള്‍, എംഫില്‍, പി.എച്ച്.ഡി തുടങ്ങിയ കോഴ്സുകള്‍ക്ക് പഠിക്കുന്ന വിദ്യാര്‍ഥികള്‍ക്കും  ഇസ്ലാമിക കലാലയങ്ങളില്‍ ഉന്നത കോഴ്സുകള്‍ക്ക് പഠിക്കുന്നവര്‍ക്കും അപേക്ഷിക്കാം.     

www.jihkeralascholarship.org

 എന്ന വെബ്സൈറ്റില്‍ ഓണ്‍ലൈന്‍ ആയാണ് അപേക്ഷിക്കേണ്ടത്.
നിര്‍ധന വിദ്യാര്‍ഥികള്‍ക്ക് ഹ്രസ്വകാല തൊഴില്‍ പരിശീലന കോഴ്സുകള്‍ക്കും സ്കോളര്‍ഷിപ് നല്‍കും. അപേക്ഷാ ഫോറം വെബ്സൈറ്റില്‍നിന്നു ഡൗണ്‍ലോഡ് ചെയ്യാം. ഒന്നാമത്തെ സ്കീമില്‍ ഓണ്‍ലൈനില്‍ അപേക്ഷിച്ചതിന്‍െറ പകര്‍പ്പും രണ്ടാമത്തെ സ്കീമില്‍ പൂരിപ്പിച്ച അപേക്ഷാഫോറവും ഒക്ടോബര്‍ അഞ്ചിനകം ജമാഅത്തെ ഇസ്ലാമി പ്രാദേശിക ഘടകത്തില്‍ സമര്‍പ്പിക്കണം.നേരിട്ട് ഓഫിസിലേക്ക്  അയക്കുന്ന  സ്കോളര്‍ഷിപ് അപേക്ഷകള്‍   സ്വീകരിക്കില്ല്ള.

കൂടങ്കുളത്തിന് സോളിഡാരിറ്റി ഐക്യദാര്‍ഢ്യം

 ശവക്കുഴി തീര്‍ത്തും കടലില്‍ ഇറങ്ങിയും
കൂടങ്കുളത്തിന് സോളിഡാരിറ്റി ഐക്യദാര്‍ഢ്യം

കണ്ണൂര്‍: കൂടങ്കുളത്ത് നടക്കുന്ന ആണവ വിരുദ്ധ സമരം സാമ്രാജ്യത്വത്തിനെതിരായ സാധാരണക്കാരന്‍െറ ജീവന്‍മരണ പോരാട്ടമാണെന്ന് കൂടങ്കുളം ഐക്യദാര്‍ഢ്യ സമിതി സംസ്ഥാന ജനറല്‍ കണ്‍വീനര്‍ എന്‍. സുബ്രഹ്മണ്യന്‍ പ്രസ്താവിച്ചു. സോളിഡാരിറ്റി കണ്ണൂര്‍ പയ്യാമ്പലത്ത് ശവക്കുഴി തീര്‍ത്തും കടലിലിറങ്ങിയും നടത്തിയ കൂടങ്കുളം ഐക്യദാര്‍ഢ്യത്തില്‍ മുഖ്യ പ്രഭാഷണം നടത്തുകയായിരുന്നു അദ്ദേഹം. സാമ്രാജ്യത്വത്തിന്‍െറ ആണവ അവശിഷ്ടങ്ങള്‍ വലിച്ചെറിയാനുള്ള ഇടമാക്കി ഇന്ത്യന്‍ തീരങ്ങളെ മാറ്റാനുള്ള സാമ്രാജ്യത്വ-സര്‍ക്കാര്‍ ആണവ കൂട്ടുകെട്ടിന്‍െറ കുതന്ത്രങ്ങളെ ജനകീയ മുന്നേറ്റത്തിലൂടെ ചെറുത്തുതോല്‍പിക്കുമെന്ന് അദ്ദേഹം പറഞ്ഞു.
കണ്ണൂര്‍ പയ്യാമ്പലം കടപ്പുറത്ത് ശവക്കുഴി തീര്‍ത്ത് പ്രവര്‍ത്തകര്‍ മണലിനടിയില്‍ കഴുത്തോളം മുങ്ങിയും മറ്റുള്ളവര്‍ കടലിലിറങ്ങിയുമാണ് പ്രതിഷേധ പരിപാടി നടത്തിയത്.  ഐക്യദാര്‍ഢ്യ പരിപാടി കല്ളേന്‍ പൊക്കുടന്‍ ഉദ്ഘാടനം ചെയ്തു. ഫാറൂഖ് ഉസ്മാന്‍ അധ്യക്ഷത വഹിച്ചു. പള്ളിപ്രം പ്രസന്നന്‍, സതീഷ്കുമാര്‍ പാമ്പന്‍, കെ.എം. മഖ്ബൂല്‍, കെ. സാദിഖ് തുടങ്ങിയവര്‍ സംസാരിച്ചു. സാബിക്ക്, കെ. മഹ്റൂഫ്, പി.ബി. ഫര്‍മീസ്, റഫീഖ്, നൗഷാദ് മത്തേര്‍ എന്നിവര്‍ നേതൃത്വം നല്‍കി.

MADHYAMAM WEEKLY

യാത്രയയപ്പ്

യാത്രയയപ്പ്

മട്ടന്നൂര്‍: ജമാഅത്തെ ഇസ്ലാമി മട്ടന്നൂര്‍ യൂനിറ്റിന്‍െറ നേതൃത്വത്തില്‍ ഈവര്‍ഷം ഹജ്ജിന് പോകുന്നവര്‍ക്ക് യാത്രയയപ്പ് നല്‍കി. മട്ടന്നൂര്‍ ഹിറ സെന്‍ററില്‍ നടന്ന ചടങ്ങില്‍ ജമാഅത്തെ ഇസ്ലാമി ജില്ലാ പ്രസിഡന്‍റ് ടി.കെ. മുഹമ്മദലി മുഖ്യപ്രഭാഷണം നടത്തി. കെ.പി. റസാഖ് അധ്യക്ഷത വഹിച്ചു. പി. അബൂബക്കര്‍, പ്രഫ. കെ. മൂസക്കുട്ടി, അശ്റഫ് പുറവൂര്‍ എന്നിവര്‍ സംസാരിച്ചു. സി. അലി സ്വാഗതം പറഞ്ഞു.

വെല്‍ഫെയര്‍ പാര്‍ട്ടി ആഹ്വാനയാത്ര ഇന്ന് തുടങ്ങും

വെല്‍ഫെയര്‍ പാര്‍ട്ടി
ആഹ്വാനയാത്ര ഇന്ന് തുടങ്ങും

പയ്യന്നൂര്‍: ഭരണപക്ഷത്തിന്‍െറ ജനദ്രോഹ നയങ്ങളും പ്രതിപക്ഷ നിഷ്ക്രിയത്വവും  വിചാരണ ചെയ്ത് ജനപക്ഷ രാഷ്ട്രീയം ശക്തിപ്പെടുത്തുകയെന്ന ലക്ഷ്യത്തോടെ വെല്‍ഫെയര്‍ പാര്‍ട്ടി ഓഫ് ഇന്ത്യയുടെ ആഭിമുഖ്യത്തിലുള്ള കണ്ണൂര്‍ ജില്ലാ സമരാഹ്വാന യാത്ര ചൊവ്വാഴ്ച ചെറുപുഴയില്‍ ആരംഭിക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
ജില്ലാ പ്രസിഡന്‍റ് രാധാകൃഷ്ണന്‍ കൂടാളി നയിക്കുന്ന ജാഥ വൈകീട്ട് മൂന്നുമണിക്ക് സംസ്ഥാന സെക്രട്ടറി ഇ.എ. ജോസഫ് ഉദ്ഘാടനം ചെയ്യും. 19ന് രാവിലെ കരിവെള്ളൂരില്‍ ആരംഭിച്ച് വൈകീട്ട് 6.30ന് തളിപ്പറമ്പില്‍ സമാപിക്കും. സംസ്ഥാന സെക്രട്ടറി ശ്രീജ നെയ്യാറ്റിന്‍കര, സലിം മമ്പാട്, സി. അഹമ്മദ്കുഞ്ഞി എന്നിവര്‍ സംബന്ധിക്കും. 20ന് ഇരിക്കൂറില്‍ തുടങ്ങി കണ്ണൂര്‍ സിറ്റിയില്‍ സമാപിക്കും. കെ.എ. ഷഫീഖ്, മാംഗ്ളിന്‍ പീറ്റര്‍ എന്നിവര്‍ സംബന്ധിക്കും.
21ന് ചക്കരക്കല്ലില്‍ ആരംഭിച്ച് കൂത്തുപറമ്പില്‍ സമാപിക്കും. സംസ്ഥാന ജനറല്‍ സെക്രട്ടറി കെ. അംബുജാക്ഷന്‍, വൈസ് പ്രസിഡന്‍റ് പി. പ്രേമ ജി. പിഷാരടി എന്നിവര്‍ സംബന്ധിക്കും. സമാപന ദിവസമായ 23ന് പാനൂരില്‍ ആരംഭിച്ച് വൈകീട്ട് നാലിന് തലശ്ശേരിയില്‍ സമാപിക്കും. സമാപന സമ്മേളനം സംസ്ഥാന പ്രസിഡന്‍റ് ഡോ. കൂട്ടില്‍ മുഹമ്മദലി ഉദ്ഘാടനം ചെയ്യും. വൈസ് പ്രസിഡന്‍റ് സുരേന്ദ്രന്‍ കുരീപ്പുഴ, അഡ്വ. കെ.എല്‍. അബ്ദുസ്സലാം തുടങ്ങിയവര്‍ സംബന്ധിക്കും. കലാജാഥയും ഉണ്ടാവും.
വാര്‍ത്താസമ്മേളനത്തില്‍ സൈനുദ്ദീന്‍ കരിവെള്ളൂര്‍, മോഹനന്‍ കുഞ്ഞിമംഗലം, ജോസഫ് ജോണ്‍, ശശികല കേളോത്ത് എന്നിവര്‍ പരിപാടികള്‍ വിശദീകരിച്ചു.

പ്രവാചകനിന്ദ: സാമ്രാജ്യത്വ കുരുക്ക് -ജമാഅത്തെ ഇസ്ലാമി

പ്രവാചകനിന്ദ:

സാമ്രാജ്യത്വ കുരുക്ക്

-ജമാഅത്തെ ഇസ്ലാമി

 ആലപ്പുഴ: പാശ്ചാത്യരെപ്പോലും ഞെട്ടിച്ചുകൊണ്ട് നവജനാധിപത്യത്തിന്‍െറ ചക്രവാളത്തില്‍ ഇസ്ലാമിക വിപ്ളവത്തിന്‍െറ സുവര്‍ണമുദ്ര പതിപ്പിച്ച മുസ്ലിം ലോകത്തെ അവമതിക്കാനുള്ള ശ്രമമാണ് പ്രവാചകനെ നിന്ദിച്ചുകൊണ്ട് ചലച്ചിത്ര രൂപം നല്‍കിയതിന് പിന്നിലെന്ന് ജമാഅത്തെ ഇസ്ലാമി ജനറല്‍ സെക്രട്ടറി പി. മുജീബ്റഹ്മാന്‍.

ചേര്‍ത്തല ഏരിയ കമ്മിറ്റി സംഘടിപ്പിച്ച പൊതുയോഗത്തില്‍ സംസാരിക്കുകയായിരുന്നു അദ്ദേഹം.

അപരിഷ്കൃതമെന്ന് ആക്ഷേപിച്ച് മാറ്റിനിര്‍ത്തിയിരുന്ന മുസ്ലിം ലോകത്ത് ഏതാനും നാളുകളായി അലയടിക്കുന്ന വിപ്ളവത്തിന്‍െറ ആവിഷ്കാരങ്ങളെ ഭയത്തോടുകൂടിയാണ് അമേരിക്കയും ഇസ്രായേലും നിരീക്ഷിച്ചുവരുന്നത്.

ദശാബ്ദങ്ങളായി സാമ്രാജ്യത്വത്തിന്‍െറ കുഴലൂത്തുകാരായിരുന്ന ഏകാധിപതികളെ രക്തരഹിത സമരത്തിലൂടെ അധികാരഭ്രഷ്ടരാക്കിയപ്പോള്‍ നെഞ്ചിടിപ്പേറിയത് അമേരിക്കയുടെയും ഇസ്രായേലിന്‍െറയുമാണ്.

മുസ്ലിംലോകത്തിന്‍െറ വൈകാരികതയായ പ്രവാചക സ്നേഹത്തെ അവമതിച്ചുകൊണ്ട് വിവാദം സൃഷ്ടിച്ച് അതിലൂടെ വീണ്ടും ഭീകരരും അപരിഷ്കൃതരുമായി ചിത്രീകരിക്കാനാണ് ഇപ്പോഴത്തെ വിവാദത്തിലൂടെ സാമ്രാജ്യത്വം ലക്ഷ്യംവെക്കുന്നത്.

വിവാദമായ സിനിമ യൂട്യൂബില്‍നിന്ന് പിന്‍വലിക്കണമെന്ന് ആവശ്യപ്പെട്ടിട്ടും ഉടമകളായ ഗൂഗ്ള്‍ തയാറാകാത്തത് വിവാദം ആളിക്കത്തിക്കുക എന്ന ലക്ഷ്യത്തോടെയാണ്. സാമ്രാജ്യത്വമെറിഞ്ഞ കുരുക്കാണിതെന്ന മുന്‍കരുതലോടെ അങ്ങേയറ്റം ജാഗ്രതയോടെ വേണം പ്രതിഷേധത്തില്‍ പങ്കാളികളാകാനെന്നും അദ്ദേഹം പറഞ്ഞു.

ഏരിയ പ്രസിഡന്‍റ് കെ.കെ. ഇബ്രാഹിം അധ്യക്ഷത വഹിച്ചു.

WELFARE PARTY

WELFARE PARTY

SPEECH

PRABODHANAM WEEKLY

‘കടലില്‍ ഇറങ്ങി’ പ്രതിഷേധം ഇന്ന്

കൂടങ്കുളം: സോളിഡാരിറ്റി
‘കടലില്‍ ഇറങ്ങി’ പ്രതിഷേധം ഇന്ന്

കണ്ണൂര്‍: കൂടങ്കുളം ആണവ പദ്ധതി വിരുദ്ധ സമരത്തിന് ഐക്യദാര്‍ഢ്യം പ്രഖ്യാപിച്ചും സമരത്തിനുനേരെ സര്‍ക്കാര്‍ നടത്തുന്ന അതിക്രമ സമീപനത്തില്‍ പ്രതിഷേധിച്ചും സോളിഡാരിറ്റി ഇന്ന് വൈകീട്ട് നാല് മണിക്ക് കണ്ണൂര്‍ പയ്യാമ്പലം കടപ്പുറത്ത്  ‘കടലില്‍ ഇറങ്ങി’ പ്രതിഷേധം സംഘടിപ്പിക്കുമെന്ന് ജില്ലാ പ്രസിഡന്‍റ് ഫാറൂഖ് ഉസ്മാന്‍  അറിയിച്ചു.  പരിസ്ഥിതി പ്രവര്‍ത്തകന്‍ കല്ളേന്‍ പൊക്കുടന്‍ ഉദ്ഘാടനം ചെയ്യും.

സമരത്തിന് ഐക്യദാര്‍ഢ്യവുമായി വെല്‍ഫെയര്‍ പാര്‍ട്ടി നേതാക്കള്‍

സമരത്തിന് ഐക്യദാര്‍ഢ്യവുമായി 

വെല്‍ഫെയര്‍ പാര്‍ട്ടി നേതാക്കള്‍

കൂടങ്കുളം: ആണവനിലയ വിരുദ്ധ പോരാട്ടത്തിന് ഐക്യദാര്‍ഢ്യവുമായി വെല്‍ഫെയര്‍ പാര്‍ട്ടി കേരള ഘടകം നേതാക്കള്‍ കൂടങ്കുളത്തത്തെി. സംസ്ഥാന വൈസ് പ്രസിഡന്‍റുമാരായ സുരേന്ദ്രന്‍ കരിപ്പുഴ, ഹമീദ് വാണിയമ്പലം, സെക്രട്ടറി ജെ.എ. സിദ്ദീഖ്, ജോ. സെക്രട്ടറി കെ. അംബുജാക്ഷന്‍, എം.കെ. ആസിഫ് എന്നിവരടങ്ങുന്ന സംഘമാണ് ഇന്നലെ ഉച്ചയോടെ ഇടിന്തകരൈയിലെ സമരപ്പന്തലിലത്തെിയത്.
ആണവനിലയത്തിനെതിരെ 398 ദിവസമായി സത്യഗ്രഹ പോരാട്ടം നടത്തുന്നവരെ അഭിസംബോധനചെയ്ത നേതാക്കള്‍ സമരത്തിന് ഐക്യദാര്‍ഢ്യം പ്രഖ്യാപിച്ചു. ജലസമരത്തിനിടെ രക്തസാക്ഷിയായ സഹായം ഫ്രാന്‍സിസിന്‍െറ വീടും സംഘം സന്ദര്‍ശിച്ചു. കൂടങ്കുളത്തേക്കുള്ള റോഡുകള്‍ ബാരിക്കേഡുകള്‍ സ്ഥാപിച്ച് പൊലീസ് അടച്ചതിനാല്‍ ഏറെ ബുദ്ധിമുട്ടിയാണ് വെല്‍ഫെയര്‍ പാര്‍ട്ടി നേതാക്കള്‍ ഇടിന്തകരൈയിലത്തെിയത്.

കൂടങ്കുളം പ്രക്ഷോഭത്തിന് കടലിലിറങ്ങി ഐക്യദാര്‍ഢ്യം

കൂടങ്കുളം പ്രക്ഷോഭത്തിന് 

കടലിലിറങ്ങി ഐക്യദാര്‍ഢ്യം

കോഴിക്കോട്: അധികാര ധാര്‍ഷ്ട്യത്തിനെതിരെ കടലിലും കരയിലും പോരാടുന്ന കൂടങ്കുളത്തെ ജനങ്ങള്‍ക്ക് കോഴിക്കോട്ടെ കടലിലിറങ്ങി യുവാക്കളുടെ ഐക്യദാര്‍ഢ്യം. സോളിഡാരിറ്റി യൂത്ത് മൂവ്മെന്‍റ് പ്രവര്‍ത്തകരാണ് കൂടങ്കുളം ആണവ നിലയത്തിനെതിരെ വേറിട്ട രീതിയില്‍ പ്രതിഷേധിച്ചത്.
ആണവ നിലയമെന്ന അനീതിക്കെതിരെ മുദ്രാവാക്യവുമായി ബീച്ച് ഓപണ്‍ സ്റ്റേജിനു സമീപത്തുനിന്ന്  നീങ്ങിയ പ്രക്ഷോഭകര്‍ കടല്‍പാലങ്ങള്‍ക്കിടയില്‍ കടലിലിറങ്ങി മുദ്രാവാക്യം മുഴക്കി. പ്രമുഖ മനുഷ്യാവകാശ പ്രവര്‍ത്തകനും തൊഴിലാളി നേതാവുമായ എ. വാസുവും സമരത്തില്‍ പങ്കാളിയായി. പോരാട്ടത്തിന്‍െറ പ്രതീകമായ ചെങ്കൊടികള്‍ കൂടങ്കുളമടക്കമുള്ള പ്രക്ഷോഭത്തിന്‍െറ മുന്‍നിരയിലില്ലാത്തതില്‍ അതീവ ദു$ഖിതനാണെന്ന് അദ്ദേഹം പറഞ്ഞു. അപകടരഹിതമായ വൈദ്യുതി, ആണവനിലയത്തേക്കാള്‍ ചുരുങ്ങിയ ചെലവില്‍ ഉണ്ടാക്കാമെന്ന കാര്യം അധികാരികള്‍ മറച്ചുവെക്കുന്നു. മാധ്യമങ്ങളും ഇതിനു ചൂട്ടുപിടിക്കുന്നു. തമിഴ്നാടിന്‍െറയും കേരളത്തിന്‍െറയും ഭൂരിഭാഗവും ഭീകരമായ ആണവ അപകട ഭീതിയില്‍ നില്‍ക്കുമ്പോള്‍ ത്യാഗപൂര്‍വമായ സമരമാണ് കടലിലിറങ്ങിയുള്ള പ്രതികരണമെന്ന് എ. വാസു പറഞ്ഞു.സോളിഡാരിറ്റി സംസ്ഥാന പ്രസിഡന്‍റ് പി.ഐ. നൗഷാദ് ഉദ്ഘാടനം ചെയ്തു. ജമാഅത്തെ ഇസ്ലാമി ജില്ലാ പ്രസിഡന്‍റ് ഖാലിദ് മൂസ നദ്വി, എസ്.ഐ.ഒ ജില്ലാ പ്രസിഡന്‍റ് കെ.പി.എം. ഹാരിസ് എന്നിവരും സംസാരിച്ചു. സോളിഡാരിറ്റി ജില്ലാ പ്രസിഡന്‍റ് ഷിഹാബുദ്ദീന്‍ ഇബ്നുഹംസ, ജന. സെക്രട്ടറി നബീല്‍ ചാലിയം, ജില്ലാ സെക്രട്ടേറിയറ്റ് അംഗങ്ങളായ റഫീഖുറഹ്മാന്‍ മൂഴിക്കല്‍,  വി. യൂസുഫ്, എം. അബ്ദുല്‍ ഖയ്യും എന്നിവര്‍ നേതൃത്വം നല്‍കി.

WELFARE PARTY

WELFARE PARTY

ശ്രമദാനവുമായി സോളിഡാരിറ്റി

ശ്രമദാനവുമായി സോളിഡാരിറ്റി

മട്ടന്നൂര്‍: അപകടം വിതക്കാന്‍ പാകത്തില്‍ പാലത്തില്‍ വളര്‍ന്ന കാട് വെട്ടിത്തെളിച്ച് സോളിഡാരിറ്റി പ്രവര്‍ത്തകരും നാട്ടുകാരും മാതൃകയായി. അന്തര്‍ സംസ്ഥാന പാതയായ തലശ്ശേരി- മൈസൂര്‍ റൂട്ടില്‍ ഉളിയില്‍ പാലത്തില്‍ വളര്‍ന്നു പന്തലിച്ച മുള്ള്കാടുകളാണ് ഹര്‍ത്താല്‍ ദിനത്തില്‍ ശ്രമദാനത്തിലൂടെ വൃത്തിയാക്കിയത്. സോളിഡാരിറ്റി ഉളിയില്‍ യൂനിറ്റും നാട്ടുകാരുമാണ് മാതൃകാ പ്രവര്‍ത്തനം നടത്തിയത്. വളവില്‍ സ്ഥിതി ചെയ്യുന്ന പാലത്തിന്‍െറ കൈവരികള്‍ ഉള്‍പ്പെടെ കാട്മൂടിയത് അപകടം വിതക്കാന്‍ പാകത്തിലായിരുന്നു.
രാവിലെ മുതല്‍ തുടങ്ങിയ ശ്രമദാനത്തില്‍ 25  പേര്‍ പങ്കെടുത്തു. സോളിഡാരിറ്റി ഏരിയാ പ്രസിഡന്‍റ് അന്‍സാര്‍ ഉളിയില്‍, പി.സി. ജാഫര്‍, ഇബ്നുസീന, രാമന്‍, അബ്ദുല്‍ഖാദര്‍ എന്നിവര്‍ നേതൃത്വം നല്‍കി.

സൗജന്യ നിയമസഹായം

 സൗജന്യ നിയമസഹായം

കണ്ണൂര്‍: നിര്‍ധനര്‍ക്ക് സൗജന്യ നിയമസഹായവുമായി ജനകീയ അന്വേഷണ സമിതി. പൊതുജന താല്‍പര്യമുള്ള പരാതികള്‍, കുടുംബ തര്‍ക്കങ്ങള്‍, മീഡിയേഷന് വിധേയമാക്കാവുന്ന കോടതി കേസുകള്‍, സര്‍ക്കാര്‍ സേവനം യഥാസമയം ലഭ്യമാകാത്തതുമായി ബന്ധപ്പെട്ട പരാതികള്‍, ഉപഭോക്തൃ മേഖല തുടങ്ങിയ വിഷയങ്ങളില്‍ പരാതി സമര്‍പ്പിക്കാം. താല്‍പര്യമുള്ളവര്‍ 9497849999 നമ്പറില്‍ ബന്ധപ്പെടണം.

സോളിഡാരിറ്റി ഇന്ന് ‘കടലില്‍ ഇറങ്ങി’ പ്രതിഷേധിക്കും

സോളിഡാരിറ്റി ഇന്ന് ‘കടലില്‍ ഇറങ്ങി’
പ്രതിഷേധിക്കും

കോഴിക്കോട്:  കൂടങ്കുളം ആണവ പദ്ധതി വിരുദ്ധ സമരത്തിന് ഐക്യദാര്‍ഢ്യം പ്രഖ്യാപിച്ചും സമരത്തിനുനേരെ സര്‍ക്കാര്‍ നടത്തുന്ന അതിക്രമ സമീപനത്തില്‍ പ്രതിഷേധിച്ചും സോളിഡാരിറ്റി ഇന്ന് ജില്ലാതലങ്ങളില്‍ ‘കടലില്‍ ഇറങ്ങി’ പ്രതിഷേധം സംഘടിപ്പിക്കുമെന്ന് സംസ്ഥാന പ്രസിഡന്‍റ് പി.ഐ നൗഷാദ് അറിയിച്ചു. സംസ്ഥാന സെക്രട്ടറി റസാഖ് പാലേരിയുടെ നേതൃത്വത്തിലുള്ള സോളിഡാരിറ്റി സംഘം കൂടങ്കുളം സന്ദര്‍ശനത്തിലാണ്. വ്യത്യസ്ത കേന്ദ്രങ്ങളില്‍ നടക്കുന്ന പരിപാടികളില്‍ പ്രമുഖ ആക്ടിവിസ്റ്റുകള്‍ പങ്കെടുക്കും,

പ്രതിഷേധ പ്രകടനം

  പ്രതിഷേധ പ്രകടനം

 എസ്.ഐ.ഒ വിളയാംകോട് യൂനിറ്റ് പിലാത്തറ ടൗണില്‍ പ്രതിഷേധ പ്രകടനം നടത്തി. ഭാരവാഹികളായ ഷമീം ഫായിസ്, എ. അജ്മല്‍, അബ്ദുല്‍ കലാം ആസാദ് എന്നിവര്‍ നേതൃത്വം നല്‍കി. തുടര്‍ന്ന് നടന്ന പ്രതിഷേധ യോഗം മുന്‍ ജില്ലാ പ്രസിഡന്‍റ് സി.കെ. മുനവ്വിര്‍ ഉദ്ഘാടനം ചെയ്തു.

‘ഡീസല്‍ വിലവര്‍ധന ജനങ്ങളോടുള്ള വെല്ലുവിളി’

‘ഡീസല്‍ വിലവര്‍ധന
ജനങ്ങളോടുള്ള വെല്ലുവിളി’

തിരുവനന്തപുരം: ഡീസല്‍ വിലവര്‍ധിപ്പിക്കാനും എല്‍.പി.ജി  സിലിണ്ടറുകള്‍ ആറാക്കി ചുരുക്കാനുമുള്ള  കേന്ദ്രസര്‍ക്കാര്‍ തീരുമാനം ജനങ്ങളോടുള്ള  വെല്ലുവിളിയാണെന്ന് വെല്‍ഫെയര്‍ പാര്‍ട്ടി സംസ്ഥാന ജനറല്‍ സെക്രട്ടറി കെ. അംബുജാക്ഷന്‍ പറഞ്ഞു.
ഡീസല്‍ വിലവര്‍ധന ജനജീവിതത്തെ സ്തംഭിപ്പിക്കും. കോര്‍പറേറ്റുകളെയും കുത്തക കമ്പനികളെയും സംരക്ഷിക്കാന്‍  നികുതിയിളവ് പ്രഖ്യാപിക്കുന്ന സര്‍ക്കാറിന് സാധാരണ ജനത്തെ ഒട്ടും പരിഗണിക്കാന്‍ കഴിയാത്തത് യു.പി.എ ജനവിരുദ്ധ സര്‍ക്കാറാണ് എന്നത് ഒരിക്കല്‍ കൂടി തെളിയിച്ചിരിക്കുന്നു. ജനങ്ങള്‍ എങ്ങനെ ജീവിക്കണമെന്ന് പറഞ്ഞുതരാന്‍ സര്‍ക്കാറിന് ബാധ്യയുണ്ട്. നവലിബറല്‍ സാമ്പത്തികനയം  അടിച്ചേല്‍പ്പിക്കുന്ന കേന്ദ്ര സര്‍ക്കാറിന്‍െറ ജനവിരുദ്ധ നിലപാടുകള്‍ക്കെതിരെ കക്ഷിഭേദമെന്യേ മുഴുവന്‍ ജനങ്ങളും  തെരുവിലിറങ്ങണമെന്ന് അദ്ദേഹം പറഞ്ഞു.

വെല്‍ഫെയര്‍ പാര്‍ട്ടി സമരാഹ്വാന ജാഥ 18ന് തുടങ്ങും

വെല്‍ഫെയര്‍ പാര്‍ട്ടി
സമരാഹ്വാന ജാഥ 18ന് തുടങ്ങും

കണ്ണൂര്‍: വെല്‍ഫെയര്‍ പാര്‍ട്ടി ജില്ലാ കമ്മിറ്റിയുടെ സമരാഹ്വാന ജാഥ സെപ്റ്റംബര്‍ 18ന് തുടങ്ങുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.
രാജ്യം അഭിമുഖീകരിക്കുന്ന ജീവല്‍ പ്രശ്നങ്ങളില്‍ ഭരണകൂടം കാണിക്കുന്ന ജനദ്രോഹ നയങ്ങളും പ്രതിപക്ഷ നിഷ്ക്രിയതയും വിചാരണ ചെയ്യുകയും ജനപക്ഷ രാഷ്ട്രീയത്തെ ശക്തിപ്പെടുത്തുകയും ലക്ഷ്യമിട്ടാണ് യാത്ര. വിലക്കയറ്റം, അഴിമതി, ഭൂമാഫിയ, അക്രമ രാഷ്ട്രീയം തുടങ്ങിയ വിഷയങ്ങളില്‍ ബോധവത്കരണവും യാത്രയുടെ ഭാഗമായി നടക്കും.
ജില്ലാ പ്രസിഡന്‍റ് കെ.ടി. രാധാകൃഷ്ണന്‍ കൂടാളിയാണ് യാത്ര നയിക്കുന്നത്. 18ന് വൈകീട്ട് മൂന്നിന് ചെറുപുഴയില്‍ സംസ്ഥാന സെക്രട്ടറി ഇ.എ. ജോസഫ് ഉദ്ഘാടനം ചെയ്യും. 19ന് രാവിലെ കരിവെള്ളൂരില്‍നിന്ന് തുടങ്ങുന്ന ജാഥ വൈകീട്ട് 6.30ന് തളിപ്പറമ്പില്‍ സമാപിക്കും. ബസ്സ്റ്റാന്‍ഡിന് സമീപം നടക്കുന്ന സമാപന സമ്മേളനം സംസ്ഥാന സെക്രട്ടറി ശ്രീജ നെയ്യാറ്റിന്‍കര ഉദ്ഘാടനം ചെയ്യും. 20ന് രാവിലെ ഇരിക്കൂറില്‍നിന്ന് പുറപ്പെട്ട് കണ്ണൂര്‍ സിറ്റിയില്‍ സമാപിക്കും. സംസ്ഥാന സെക്രട്ടറി കെ.എ. ശഫീഖ്, മാംഗ്ളിന്‍ പീറ്റര്‍ എന്നിവര്‍ സമാപന പരിപാടിയില്‍ പങ്കെടുക്കും. 21ന് രാവിലെ ചക്കരക്കല്ലില്‍നിന്ന് തുടങ്ങുന്ന ജാഥ വൈകീട്ട് 6.30ന് കൂത്തുപറമ്പ് ബസ്സ്റ്റാന്‍ഡിന് സമീപം സമാപിക്കും. സംസ്ഥാന ജനറല്‍ സെക്രട്ടറി കെ. അംബുജാക്ഷന്‍, വൈ. പ്രസിഡന്‍റ് പ്രേമ ജി. പിഷാരടി എന്നിവര്‍ സമാപന സമ്മേളനത്തില്‍ സംസാരിക്കും. 23ന് പാനൂരില്‍നിന്ന് ആരംഭിച്ച് വൈകീട്ട് തലശ്ശേരിയില്‍ സമാപിക്കും. പുതിയ ബസ്സ്റ്റാന്‍ഡ് പരിസരത്ത് നാലിന് നടക്കുന്ന സമാപന സമ്മേളനം സംസ്ഥാന പ്രസിഡന്‍റ് ഡോ. കൂട്ടില്‍ മുഹമ്മദലി ഉദ്ഘാടനം ചെയ്യും. സംസ്ഥാന വൈ. പ്രസിഡന്‍റ് സുരേന്ദ്രന്‍ കരിപ്പുഴ ഉള്‍പ്പെടെയുള്ള നേതാക്കള്‍ പങ്കെടുക്കും.
ജാഥയോടൊപ്പം ആനുകാലിക സംഭവവികാസങ്ങള്‍ അനാവരണംചെയ്ത് അവതരിപ്പിക്കുന്ന കലാജാഥയും ഉണ്ടാകും.
വാര്‍ത്താസമ്മേളനത്തില്‍ കെ.ടി. രാധാകൃഷ്ണന്‍ കൂടാളി, അഡ്വ. കെ.എല്‍. അബ്ദുല്‍ സലാം, പള്ളിപ്രം പ്രസന്നന്‍, പി.ബി.എം. ഫര്‍മിസ്, മോഹനന്‍ കുഞ്ഞിമംഗലം എന്നിവര്‍ പങ്കെടുത്തു.

സൗജന്യ ഉപരി പഠന സഹായ പദ്ധതി

 സൗജന്യ ഉപരി പഠന

സഹായ പദ്ധതി

കണ്ണൂര്‍: സാമ്പത്തികമായി പിന്നോക്കം നില്‍കുന്ന വിദ്യാര്‍ഥികള്‍ക്ക് ബിരുദ പഠനം, ഐ ടി ഐ, മറ്റു സാങ്കേതിക വിദ്യഭ്യാസ സ്ഥാപനത്തിലെ പഠനം എന്നിവക്ക് സൗജന്യ പഠനത്തിന് അപേക്ഷ ക്ഷണിക്കുന്നു. അപേക്ഷകര്‍ 18.9.2012 ചൊവ്വാഴ്ച 11 മണിക്ക് കണ്ണൂര്‍ രാജീവ് ഗാന്ധി റോഡിലുള്ള എ.എൈ.ടി എജുക്കേഷനുമായി (AIT Education)ബന്ധപ്പെടുക.
 ഫോണ്‍:0497 2713 699, 9400 30 30 90

WELFARE

 

 

 

ദുരിതബാധിതരെ കബളിപ്പിക്കാന്‍ അനുവദിക്കില്ല -വെല്‍ഫെയര്‍ പാര്‍ട്ടി

ദുരിതബാധിതരെ കബളിപ്പിക്കാന്‍
അനുവദിക്കില്ല -വെല്‍ഫെയര്‍ പാര്‍ട്ടി

ഇരിട്ടി: വെള്ളപ്പൊക്കത്തെതുടര്‍ന്ന് ഇരിട്ടി മേഖലയിലെ വ്യാപാരികള്‍ക്കും വീട് നഷ്ടപ്പെട്ടവര്‍ക്കും മറ്റും സര്‍ക്കാര്‍ അനുവദിച്ച ദുരിതാശ്വാസം ദുരിതബാധിതര്‍ക്ക് നല്‍കാതെ കബളിപ്പിക്കാന്‍ അനുവദിക്കുകയില്ളെന്ന് വെല്‍ഫെയര്‍ പാര്‍ട്ടി ഓഫ് ഇന്ത്യ പേരാവൂര്‍ മണ്ഡലം കണ്‍വെന്‍ഷന്‍ അധികൃതര്‍ക്ക് മുന്നറിയിപ്പ് നല്‍കി.
പഴശ്ശി ഡാമിലെ ഉദ്യോഗസ്ഥ അഴിമതിക്കെതിരെ നടപടിയെടുക്കാതെ ഇനിയും മുന്നോട്ടുപോകാനാണ് സര്‍ക്കാര്‍ തീരുമാനമെങ്കില്‍ ശക്തമായ പ്രക്ഷോഭം സംഘടിപ്പിക്കുമെന്നും കണ്‍വെന്‍ഷന്‍ മുന്നറിയിപ്പ് നല്‍കി. പാര്‍ട്ടി ജില്ലാ കമ്മിറ്റി നടത്തുന്ന ‘ആഹ്വാന യാത്ര’ക്ക് 11ന് പേരാവൂരില്‍ സ്വീകരണം നല്‍കും.
പത്മനാഭന്‍ ചെയര്‍മാനായും അന്‍സാര്‍ ഉളിയില്‍ ജനറല്‍ കണ്‍വീനറുമായി 32 അംഗ സ്വാഗതസംഘം രൂപവത്കരിച്ചു.
ജില്ലാ സെക്രട്ടറി മോഹനന്‍ കുഞ്ഞിമംഗലം ഉദ്ഘാടനം ചെയ്തു. അന്‍സാര്‍ ഉളിയില്‍, പത്മനാഭന്‍ മാസ്റ്റര്‍, ഫൈസല്‍, റഷീദ് എന്നിവര്‍ സംസാരിച്ചു.

സ്വാഗതസംഘം രൂപവത്കരിച്ചു

സ്വാഗതസംഘം രൂപവത്കരിച്ചു

വളപട്ടണം: ഭരണകൂട ജനദ്രോഹങ്ങള്‍ക്കും പ്രതിപക്ഷ നിഷ്ക്രിയതക്കുമെതിരെ ജനപക്ഷ രാഷ്ട്രീയമുന്നേറ്റം എന്ന സന്ദേശവുമായി സെപ്റ്റംബര്‍ 18 മുതല്‍ 22 വരെ വെല്‍ഫെയര്‍ പാര്‍ട്ടി ഓഫ് ഇന്ത്യ ജില്ലാ കമ്മിറ്റിയുടെ ആഭിമുഖ്യത്തില്‍ നടക്കുന്ന ആഹ്വാനയാത്രക്ക് അഴീക്കോട് മണ്ഡലം സ്വാഗതസംഘം രൂപവത്കരിച്ചു. പി.പി. രവീന്ദ്രന്‍ (ചെയര്‍.), എന്‍.എം. കോയ, കെ.കെ. നസ്റീന (വൈ. ചെയര്‍.), സി.എച്ച്. ഷൗക്കത്തലി (ജന. കണ്‍.) എന്നിവരെ തെരഞ്ഞെടുത്തു.
അഴീക്കോട് മണ്ഡലം പ്രവര്‍ത്തക കണ്‍വെന്‍ഷന്‍ ജില്ലാ സെക്രട്ടറി എന്‍.എം. ഷഫീഖ് ഉദ്ഘാടനം ചെയ്തു. മണ്ഡലം പ്രസിഡന്‍റ് രാജീവ് മഠത്തില്‍ അധ്യക്ഷത വഹിച്ചു. എന്‍.എം. കോയ, ടി.പി. ഇല്യാസ്, ഇ.കെ. സാജിദ് പാപ്പിനിശ്ശേരി എന്നിവര്‍ സംസാരിച്ചു. സി.എച്ച്. ഷൗക്കത്തലി സ്വാഗതവും പി.പി. രവീന്ദ്രന്‍ നന്ദിയും പറഞ്ഞു.

എസ്.ഐ.ഒ പ്രതിഷേധ പ്രകടനം നടത്തി

 എസ്.ഐ.ഒ പ്രതിഷേധ പ്രകടനം നടത്തി

ഇരിക്കൂര്‍: എസ്.ഐ.ഒ പ്രവര്‍ത്തകരെ കൊണ്ടോട്ടിയില്‍വെച്ച് എം.എസ്.എഫ് പ്രവര്‍ത്തകരും തലശ്ശേരിയില്‍വെച്ച് എസ്.എഫ്.ഐക്കാരും ആക്രമിച്ചതില്‍ ഇരിക്കൂറില്‍ പ്രതിഷേധ പ്രകടനം നടത്തി. എസ്.ഐ.ഒ ജില്ലാ പ്രസിഡന്‍റ് യൂനുസ് സലിം സംസാരിച്ചു. പ്രതിഷേധ പ്രകടനത്തിന് മുഹമ്മദ് ആഷിഖ്, കെ.ടി. കഫീല്‍, ഷാഹില്‍ എന്നിവര്‍ നേതൃത്വം നല്‍കി. അക്രമികള്‍ക്കെതിരെ നടപടിയെടുക്കണമെന്ന് ആവശ്യപ്പെട്ടു.