വിദേശ തൊഴിലന്വേഷകര്‍ക്ക് പഠന ക്യാമ്പ്

വിദേശ തൊഴിലന്വേഷകര്‍ക്ക് പഠന ക്യാമ്പ്

കണ്ണൂര്‍: നോര്‍ക്ക റൂട്ട്സിന്‍െറ ആഭിമുഖ്യത്തില്‍ വിദേശ തൊഴിലന്വേഷകര്‍ക്കായി ഒരുദിവസത്തെ പഠന ക്യാമ്പ് (പ്രീ ഡിപ്പാര്‍ച്ചര്‍ ഓറിയന്‍േറഷന്‍ പ്രോഗ്രാം) കോഴിക്കോട് ഹോട്ടല്‍ പാരമൗണ്ടില്‍ നടത്തും. വിസ സംബന്ധമായ പ്രശ്നങ്ങള്‍, തൊഴില്‍ സംബന്ധമായ കരാറുകള്‍, ശമ്പള വ്യവസ്ഥകള്‍, വിദേശത്ത് ഇന്‍റര്‍വ്യൂവിന് പങ്കെടുക്കാന്‍ ഉദ്യോഗാര്‍ഥികളെ പ്രാപ്തരാക്കുന്ന ക്ളാസുകള്‍, വിദേശ തൊഴില്‍ സാഹചര്യങ്ങള്‍, തൊഴില്‍ നിയമങ്ങള്‍, വിവിധ തരം വിസകള്‍, വിദേശ തൊഴിലവസരങ്ങള്‍, വിദേശ രാജ്യങ്ങളെക്കുറിച്ച് അത്യാവശ്യം അറിഞ്ഞിരിക്കേണ്ട നിയമങ്ങള്‍ എന്നിവയെക്കുറിച്ച് ക്യാമ്പില്‍ പ്രഗല്ഭര്‍ ക്ളാസെടുക്കും.  നോര്‍ക്ക റൂട്ട്സ് നല്‍കുന്ന സര്‍ട്ടിഫിക്കറ്റ്, സ്റ്റഡി മെറ്റീരിയല്‍സ്, ഭക്ഷണം എന്നിവ സൗജന്യമായി നല്‍കും.  താല്‍പര്യമുള്ളവര്‍ 100 രൂപ ഫീസടച്ച് പേര് മുന്‍കൂട്ടി രജിസ്റ്റര്‍ ചെയ്യണം.  ആദ്യം രജിസ്റ്റര്‍ ചെയ്യുന്ന 100 പേര്‍ക്ക് പ്രവേശം ലഭിക്കും. കൂടുതല്‍ വിവരങ്ങള്‍ക്ക്: 0495 2304885, 9744328441.

കാരുണ്യ പ്രവര്‍ത്തനത്തിന് മാതൃകയായി വിദ്യാര്‍ഥികള്‍

കാരുണ്യ പ്രവര്‍ത്തനത്തിന്
മാതൃകയായി വിദ്യാര്‍ഥികള്‍

പഴയങ്ങാടി: വാദിഹുദ പ്രോഗ്രസീവ് ഇംഗ്ളീഷ് സീനിയര്‍ സെക്കന്‍ഡറി സ്കൂള്‍ 11,12 ക്ളാസ് വിദ്യാര്‍ഥികള്‍ കാരുണ്യ പ്രവര്‍ത്തനത്തിന് മാതൃകയായി. സഹായമഭ്യര്‍ഥിച്ച് ‘മാധ്യമ’ത്തില്‍ വാര്‍ത്തവന്ന കുരുന്നിനാണ് ചികിത്സാ സഹായമത്തെിച്ച് മാതൃകയായത്.
   രക്താര്‍ബുദം ബാധിച്ച് ചികിത്സയിലുള്ള കൂത്തുപറമ്പിനടുത്ത മാങ്ങാട്ടിടം പഞ്ചായത്തിലെ നാല് വയസ്സുകാരി ഫിദ ഫാത്തിമക്കാണ് സഹായമത്തെിച്ചത്. റമദാനില്‍ ചുരുങ്ങുന്ന ഭക്ഷണ വിഹിതത്തിന്‍െറ ചെലവ് സ്വരൂപിച്ചാണ് തുക കണ്ടത്തെിയത്. പതിനായിരം രൂപയോളം സ്വരൂപിച്ച വിദ്യാര്‍ഥികള്‍ തുക അധ്യാപകനെ ഏല്‍പിക്കുകയായിരുന്നു.

അസം മുഖ്യമന്ത്രിയെ പുറത്താക്കണം -വെല്‍ഫെയര്‍ പാര്‍ട്ടി

അസം മുഖ്യമന്ത്രിയെ
പുറത്താക്കണം -വെല്‍ഫെയര്‍ പാര്‍ട്ടി

ന്യൂദല്‍ഹി: വംശീയകലാപം നിയന്ത്രിക്കുന്നതില്‍ പരാജയപ്പെട്ട അസം മുഖ്യമന്ത്രി തരുണ്‍ ഗൊഗോയ് രാജിവെക്കണമെന്നും തയാറല്ളെങ്കില്‍ പുറത്താക്കാന്‍ കോണ്‍ഗ്രസ് നേതൃത്വം തയാറാകണമെന്നും വെല്‍ഫെയര്‍ പാര്‍ട്ടി ആവശ്യപ്പെട്ടു.
കൊക്രജര്‍ ജില്ലയിലും പരിസരങ്ങളിലുമായി തുടരുന്ന അക്രമത്തില്‍ ഇതിനകം 60ഓളം പേര്‍ക്ക് ജീവന്‍ നഷ്ടപ്പെട്ടു. 400 ഗ്രാമങ്ങള്‍ കൊള്ളക്കും തീവെപ്പിനും ഇരയായി. ലക്ഷക്കണക്കിന് ആളുകളാണ് അഭയാര്‍ഥികളാക്കപ്പെട്ടത്. ക്രമസമാധാനം ഉറപ്പാക്കുന്നതില്‍ സംസ്ഥാന സര്‍ക്കാറിനു പറ്റിയ  വീഴ്ചക്ക് മാധ്യമങ്ങളെ കുറ്റപ്പെടുത്തുകയാണ് മുഖ്യമന്ത്രി.
  തരുണ്‍ ഗൊഗോയിയുടെ ഭരണത്തില്‍ നിഷ്പക്ഷ അന്വേഷണവും ഫലപ്രദമായ പുനരധിവാസവും നടക്കുമെന്ന് വിശ്വസിക്കാനാവില്ല. പുനരധിവാസം പൂര്‍ണമാകുന്നതുവരെ കലാപബാധിത പ്രദേശം സൈന്യത്തിന്‍െറ സംരക്ഷണത്തിലാക്കണം. കൊല്ലപ്പെട്ടവരുടെ കുടുംബാംഗങ്ങള്‍ക്ക് 15 ലക്ഷം രൂപ വീതം നഷ്ടപരിഹാരം ഉടന്‍ നല്‍കണം.
ആശ്രിതര്‍ക്ക് സര്‍ക്കാര്‍ ജോലിയും നല്‍കണം. സാമുദായിക സൗഹാര്‍ദം സംരക്ഷിക്കാന്‍ എല്ലാവിഭാഗവും ഒന്നിക്കണമെന്നും ജനറല്‍ സെക്രട്ടറി എസ്.ക്യൂ.ആര്‍. ഇല്യാസ് വാര്‍ത്താക്കുറിപ്പില്‍ പറഞ്ഞു.

ടെറ്റ് അപാകതകള്‍ പരിഹരിക്കണം -സോളിഡാരിറ്റി

ടെറ്റ് അപാകതകള്‍  പരിഹരിക്കണം 

-സോളിഡാരിറ്റി 

കോഴിക്കോട്: അധ്യാപകരുടെ യോഗ്യതാപരീക്ഷയായ ‘ടെറ്റി’ലെ അപാകതകള്‍ പരിഹരിക്കണമെന്ന് സോളിഡാരിറ്റി സംസ്ഥാന സെക്രട്ടറി ടി.എ. ഫയാസ് ആവശ്യപ്പെട്ടു.  അധ്യാപകരുടെ യോഗ്യത ഉയര്‍ത്തേണ്ടതുണ്ടെങ്കില്‍ അത് സുതാര്യമായാണ് നടക്കേണ്ടത്. സുതാര്യമോ ജനാധിപത്യപരമോ അല്ലാത്ത രീതിയില്‍ പരിഷ്കരണം നടത്തിയതിന്‍െറ ഫലമാണ് പിന്നാക്ക വിഭാഗങ്ങള്‍ക്ക് ബി.എഡിനും ടി.ടി.സിയിലും ഉണ്ടായിരുന്ന മാര്‍ക്കിളവ് ഇല്ലാതായത്. അഞ്ചാംമന്ത്രി വിവാദത്തത്തെുടര്‍ന്ന് പ്രതിരോധത്തിലായ മുസ്ലിംലീഗിനെയും വിദ്യാഭ്യാസമന്ത്രിയെയും നോക്കുകുത്തിയാക്കി പിന്നാക്ക വിരുദ്ധ ലോബി നടത്തുന്ന അട്ടിമറിയാണിത്. സര്‍ക്കാര്‍ അടിയന്തരമായി പ്രശ്നത്തില്‍ ഇടപെട്ട് പരിഹരിക്കണമെന്ന് അദ്ദേഹം ആവശ്യപ്പെട്ടു.

വെല്‍ഫെയര്‍ പാര്‍ട്ടി മാര്‍ച്ച് ഇന്ന്

വെല്‍ഫെയര്‍ പാര്‍ട്ടി മാര്‍ച്ച്  ഇന്ന്

കണ്ണൂര്‍: വൈദ്യുതി ചാര്‍ജ് വര്‍ധിപ്പിച്ചത് ജനങ്ങളോടുള്ള വന്‍ വെല്ലുവിളിയാണെന്നും തീരുമാനം ഉടന്‍ പിന്‍വലിക്കണമെന്നും വെല്‍ഫെയര്‍ പാര്‍ട്ടി ഓഫ് ഇന്ത്യ ജില്ലാ ജനറല്‍ സെക്രട്ടറി അഡ്വ. കെ.എല്‍. അബ്ദുല്‍ സലാം ആവശ്യപ്പെട്ടു. സര്‍ക്കാറിന്‍െറ ജനവിരുദ്ധ നടപടിയില്‍ പ്രതിഷേധിച്ച് ശനിയാഴ്ച രാവിലെ 10ന് വൈദ്യുതി ഭവനിലേക്ക് വെല്‍ഫെയര്‍ പാര്‍ട്ടി ആഭിമുഖ്യത്തില്‍ മാര്‍ച്ചും ധര്‍ണയും നടത്തും.

റമദാന്‍ പ്രഭാഷണം

റമദാന്‍ പ്രഭാഷണം

കണ്ണൂര്‍: ബസ്സ്റ്റാന്‍ഡ് പരിസരത്തെ മസ്ജിദുന്നൂറില്‍ റമദാനിലെ എല്ലാ വെള്ളിയാഴ്ചകളിലും ജുമുഅ നമസ്കാരത്തിനുശേഷം യു.പി. സിദ്ദീഖ് മാസ്റ്ററുടെ പ്രഭാഷണം ഉണ്ടാവുമെന്ന് സംഘാടകര്‍ അറിയിച്ചു.

പലിശരഹിത സംരംഭങ്ങളെ ഇല്ലാതാക്കാനുള്ള ശ്രമം തിരിച്ചറിയണം

പലിശരഹിത സംരംഭങ്ങളെ
ഇല്ലാതാക്കാനുള്ള ശ്രമം തിരിച്ചറിയണം

കോയമ്പത്തൂര്‍: ഇന്ത്യയില്‍ പലിശരഹിത സംരംഭങ്ങളെ തുടച്ചുനീക്കാനുള്ള ശ്രമങ്ങളാണ് അധികൃതര്‍ നടത്തുന്നതെന്ന് ജമാഅത്തെ ഇസ്ലാമി കേരള അമീര്‍ ടി. ആരിഫലി പറഞ്ഞു. സംഗമം മള്‍ട്ടി സ്റ്റേറ്റ് കോഓപറേറ്റീവ് ക്രെഡിറ്റ് സൊസൈറ്റി ലിമിറ്റഡിന്‍െറ ആദ്യ ഡയറക്ടര്‍ ബോര്‍ഡിനു മുന്നോടിയായി ചേര്‍ന്ന ചര്‍ച്ചാ യോഗത്തില്‍ സംസാരിക്കുകയായിരുന്നു അദ്ദേഹം.
പലിശാധിഷ്ഠിതമാണെന്ന ഒറ്റക്കാരണത്താല്‍ ഇന്ത്യന്‍ സാമ്പത്തികവ്യവസ്ഥയുടെ മുഖ്യധാരയിലേക്ക് വരാന്‍ മടിച്ചുനില്‍ക്കുന്നവര്‍ക്ക് പലിശരഹിത സംവിധാനങ്ങള്‍ ഏര്‍പ്പെടുത്തുന്നതിലൂടെ രാജ്യത്തിന്‍െറ വികസന-ക്ഷേമ പ്രവര്‍ത്തനങ്ങളില്‍ അവസരം നല്‍കാന്‍ സാധിക്കും. എന്നാല്‍, ഭരണകൂടത്തിന്‍െറ ഭാഗത്തുനിന്ന് അത്തരം നീക്കങ്ങളുണ്ടാവുന്നില്ല. മാത്രമല്ല, അതിനുവേണ്ടിയുള്ള എല്ലാ ശ്രമങ്ങളേയും മുളയിലേ നുള്ളിക്കളയാനുള്ള നീക്കങ്ങളാണ് നടക്കുന്നതെന്നും അദ്ദേഹം സൂചിപ്പിച്ചു. തമിഴ്നാട് അമീര്‍ ഷബീര്‍ അഹ്മദ് ചര്‍ച്ചയില്‍ പങ്കെടുത്തു
തുടര്‍ന്ന് ചേര്‍ന്ന പ്രൊമോട്ടര്‍മാരുടെ യോഗത്തില്‍ ഓഡിറ്ററെ നിശ്ചയിച്ചു. എക്സിക്യൂട്ടീവ് കമ്മിറ്റിക്ക് രൂപംനല്‍കുകയും ചെയ്തു. തമിഴ്നാട്ടില്‍ ആറും കേരളത്തില്‍ പതിനൊന്നും പോണ്ടിച്ചേരിയില്‍ രണ്ടും ബ്രാഞ്ചുകള്‍ ആരംഭിക്കാനും തീരുമാനിച്ചു. ചീഫ് പ്രമോട്ടര്‍ കെ. ഷംസുദ്ദീന്‍ അധ്യക്ഷത വഹിച്ചു. ടി.കെ. ഹുസൈന്‍ റിപ്പോര്‍ട്ട് അവതരിപ്പിച്ചു. പ്രമോട്ടര്‍മാരായ പി.പി. അബ്ദുറഹിമാന്‍, ഐ. കരീമുല്ല, തുഫൈല്‍ അഹ്മദ്. ശൈഖ് ദാവൂദ്, കെ. രാജേന്ദ്രന്‍, എ.യു. റഹീമ, എം. സഈദ, എ. അബ്ദുല്ലത്തീഫ് തുടങ്ങിയവര്‍ പങ്കെടുത്തു.

SCHOLARSHIP

TAX

ഇരുട്ടിലാക്കുന്ന നടപടി -വെല്‍ഫെയര്‍ പാര്‍ട്ടി

ഇരുട്ടിലാക്കുന്ന നടപടി
-വെല്‍ഫെയര്‍ പാര്‍ട്ടി

തിരുവനന്തപുരം: മുമ്പെങ്ങുമില്ലാത്ത വിധം വൈദ്യുതി ചാര്‍ജ് വര്‍ധിപ്പിക്കാനുള്ള റഗുലേറ്ററി കമീഷന്‍െറ നിര്‍ദേശം കേരളത്തെ ഇരുട്ടിലാക്കുന്ന നടപടിയാണെന്ന് വെല്‍ഫെയര്‍ പാര്‍ട്ടി സംസ്ഥാന പ്രസിഡന്‍റ് കൂട്ടില്‍ മുഹമ്മദലി. വര്‍ധനക്കെതിരെ വെല്‍ഫെയര്‍ പാര്‍ട്ടി സംസ്ഥാന വ്യാപകമായി പ്രതിഷേധ പരിപാടികള്‍ സംഘടിപ്പിക്കും. വൈദ്യുതി ഓഫിസുകള്‍ കേന്ദ്രീകരിച്ച് പരിപാടികള്‍ സംഘടിപ്പിക്കുമെന്നും അദ്ദേഹം പ്രസ്താവനയില്‍ അറിയിച്ചു.

ഖുര്‍ആന്‍ ബോധനം അഞ്ചാം വാല്യം പ്രകാശനം ചെയ്തു

ഖുര്‍ആന്‍ ബോധനം അഞ്ചാം വാല്യം 

പ്രകാശനം ചെയ്തു

കോഴിക്കോട്: ഇസ്ലാമിക് പബ്ളിഷിങ് ഹൗസ് പ്രസിദ്ധീകരിക്കുന്ന ഖുര്‍ആന്‍ വ്യാഖ്യാനഗ്രന്ഥമായ ഖുര്‍ആന്‍ ബോധനത്തിന്‍െറ അഞ്ചാം വാല്യം മാധ്യമം പത്രാധിപര്‍ ഒ. അബ്ദുറഹ്മാന്‍ ജമാഅത്തെ ഇസ്ലാമി കേരള ഉപാധ്യക്ഷന്‍ എം.കെ. മുഹമ്മദലിക്കു നല്‍കി പ്രകാശനം ചെയ്തു.
ഖുര്‍ആന്‍ സൂക്തങ്ങളെ മലയാളികള്‍ക്കു മനസ്സിലാവുന്ന വിധം ലളിതവും സാഹിതീയവുമായി എങ്ങനെ പരിഭാഷപ്പെടുത്താമെന്നതാണ് തന്‍െറ എഴുത്തുജീവിതത്തിലെ ഏറെ പ്രയാസകരമായ അനുഭവമെന്ന് പ്രകാശന കര്‍മം നിര്‍വഹിച്ച് ഒ. അബ്ദുറഹ്മാന്‍ പറഞ്ഞു.  ശുദ്ധപരിഭാഷയും മൗലികചിന്തയുമാണ് ഖുര്‍ആന്‍ ബോധനത്തിന്‍െറ സവിശേഷതയെന്നും അദ്ദേഹം കൂട്ടിച്ചേര്‍ത്തു.
ഖുര്‍ആന്‍ പഠനവേദികള്‍ സജീവമായ ഇക്കാലത്ത് വ്യാപകമായി ഉപയോഗപ്പെടുത്തുന്ന ജനകീയ ഖുര്‍ആന്‍ പരിഭാഷയാണ് ഖുര്‍ആന്‍ ബോധനമെന്ന് ഗ്രന്ഥം ഏറ്റുവാങ്ങിയ എം.കെ. മുഹമ്മദലി പറഞ്ഞു. ഖുര്‍ആന്‍ ബോധനത്തിന്‍െറ ഗ്രന്ഥകാരനും പ്രബോധനം പത്രാധിപരുമായ ടി.കെ. ഉബൈദ് ഗ്രന്ഥസമര്‍പ്പണം നിര്‍വഹിച്ചു. ഐ.പി.എച്ച് ചീഫ് എഡിറ്റര്‍ വി.എ. കബീര്‍ അധ്യക്ഷത വഹിച്ചു. അസി. ഡയറക്ടര്‍ കെ.ടി. ഹുസൈന്‍ സ്വാഗതവും പ്രൊഡക്ഷന്‍ ഇന്‍ ചാര്‍ജ് സി.പി. ജൗഹര്‍ നന്ദിയും പറഞ്ഞു.

മ്യാന്മര്‍ എംബസിക്കു മുന്നില്‍ ധര്‍ണ

റോഹിങ്ക്യ വംശഹത്യ:
മ്യാന്മര്‍ എംബസിക്കു
മുന്നില്‍ ധര്‍ണ

ന്യൂദല്‍ഹി: മ്യാന്മറിലെ റോഹിങ്ക്യ മുസ്ലിംകള്‍ക്കെതിരെ അരങ്ങേറുന്ന വംശഹത്യയില്‍ പ്രതിഷേധിക്കാന്‍ വിവിധ രാഷ്ട്രീയ, സന്നദ്ധ സംഘടനകള്‍ മ്യാന്മര്‍ എംബസിക്കു മുന്നില്‍ ധര്‍ണ നടത്തും.
ജനതാദള്‍, രാഷ്ട്രീയ ലോക്ദള്‍, ലോക്ജനശക്തി പാര്‍ട്ടി, ഇന്ത്യന്‍ നാഷനല്‍ ലീഗ്, ഐസ, എസ്.ഐ.ഒ തുടങ്ങിയ സംഘടനകളുടെ പ്രതിനിധികള്‍ ധര്‍ണയില്‍ പങ്കെടുക്കുമെന്ന് സംഘാടക സമിതി കണ്‍വീനറും വെല്‍ഫെയര്‍ പാര്‍ട്ടി ജനറല്‍ സെക്രട്ടറിയുമായ എസ്.ക്യൂ.ആര്‍ ഇല്യാസ് അറിയിച്ചു.
മതഭ്രാന്തരായ ബുദ്ധമതാനുയായികളും മ്യാന്മര്‍ ഭരണകൂടവും ചേര്‍ന്നാണ് വംശഹത്യ നടത്തുന്നതെന്നും ജീവകാരുണ്യത്തിനിറങ്ങിയ യു.എന്‍ പ്രവര്‍ത്തകരെപ്പോലും തടങ്കലില്‍ വെച്ചിരിക്കുകയാണെന്നും ആരോപിച്ച ഇല്യാസ് ഇത് അവസാനിപ്പിക്കുന്നതിനുള്ള സമ്മര്‍ദമെന്ന നിലയിലാണ് എംബസിക്കു മുന്നില്‍ പ്രതിഷേധിക്കുന്നതെന്ന് അറിയിച്ചു.

IFTHAR KIT

SOLIDARITY POSTER

സമുദായ ഐക്യം ഊട്ടി ഉറപ്പിച്ച് ജമാഅത്തെ ഇസ്‌ലാമി ഇഫ്താര്‍ സംഗമം

  സമുദായ ഐക്യം ഊട്ടി ഉറപ്പിച്ച്

 ജമാഅത്തെ ഇസ്‌ലാമി 

ഇഫ്താര്‍ സംഗമം

 കോഴിക്കോട്: മുസ്‌ലിം സമുദായത്തിലെ വിവിധ ചിന്താധാരകളിലെ സംഘടനാ നേതാക്കളേയും എഴുത്തുകാരേയും വ്യാപാര പ്രമുഖരേയും അണിനിരത്തി ജമാഅത്തെ ഇസ്‌ലാമി സംസ്ഥാന കമ്മറ്റി കോഴിക്കോട് അസ്മ ടവറില്‍ സംഘടിപ്പിച്ച ഇഫ്താര്‍ സംഗമം വിവിധ തുറകളിലെ ആളുകളുടെ പങ്കാളിത്തം കൊണ്ടും ചര്‍ച്ചകള്‍ക്കൊണ്ടും ശ്രദ്ധേയമായി. കേരളീയ മുസ്‌ലിം സമുദായത്തിന്റെ വിഭവ ശേഷി പൊതുമണ്ഡലത്തിന് ഏതളവില്‍ ഉപകാരപ്പെടുന്നു എന്നതിനെക്കുറിച്ച് പൊതുസമൂഹവും സമുദായവും ഗൗരവത്തിലാലോചിക്കണമെന്ന് ജമാഅത്തെ ഇസ്‌ലാമി കേരള അമീര്‍ ടി.ആരിഫലി ആമുഖ പ്രഭാഷണത്തില്‍ അഭിപ്രായപ്പെട്ടു. ഇസ്‌ലാം ഭീതിയുടെ അന്തരീക്ഷം ഉപയോഗപ്പെടുത്തി മുസ്‌ലിം വിരുദ്ധ വികാരം സൃഷ്ടിക്കാന്‍ നടത്തുന്ന ശ്രമങ്ങള്‍ തിരിച്ചറിയപ്പെടണം. മുസ്‌ലിംകളെ സംശത്തിന്റെ കരിനിഴലില്‍ നിര്‍ത്തുന്നതിനു പകരം സമുദായത്തിന്റെ വിഭവശേഷിയെ സാമൂഹിക പുരോഗതിക്കായി ഉപയോഗപ്പെടുത്താന്‍ സമൂഹവും ഭരണകൂടവും സന്നദ്ധമാകണമെന്നും അമീര്‍ പ്രസ്താവിച്ചു. പാണക്കാട് സാദിഖലി ശിഹാബ് തങ്ങള്‍, മുസ്‌ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ മജീദ്, ഇ.ടി മുഹമ്മദ് ബഷീര്‍ എം.പി, കെ.പി.സി.സി ജനറല്‍ സെക്രട്ടറി എം.ഐ ഷാനവാസ് എം.പി, കെ.എന്‍.എം സംസ്ഥാന പ്രസിഡന്റ് ടി.പി. അബ്ദുല്ലക്കോയ മദനി, കേരള ജംഇയത്തുല്‍ ഉലമ സംസ്ഥാന ജനറല്‍ സെക്രട്ടറി സി.പി ഉമര്‍ സുല്ലമി, മുന്‍ ഡി.സി.സി പ്രസിഡന്റ് ബീരാന്‍ കുട്ടി, ഐ.എന്‍.എല്‍ സംസ്ഥാന ജനറല്‍ സെക്രട്ടറി പ്രൊഫ. എ.പി അബ്ദുല്‍ വഹാബ്, യു.എ ഖാദര്‍, എന്‍.പി ഹാഫിസ് മുഹമ്മദ്, തബ്‌ലീഗ് ജമാഅത്ത് നേതാവ് അബുല്‍ ഖൈര്‍ മൗലവി എന്നിവര്‍ ചര്‍ച്ചയില്‍ പങ്കെടുത്തു സംസാരിച്ചു. ജമാഅത്തെ ഇസ്‌ലാമി അഖിലേന്ത്യ അസി.അമീര്‍ പ്രൊഫസര്‍ കെ.എ സിദ്ധീഖ് ഹസ്സന്‍ സമാപന പ്രസംഗം നടത്തി. മുസ്‌ലിം ലീഗ് സംസ്ഥാന വൈസ് പ്രസിഡന്റ് പി.വി അബ്ദുല്‍ വഹാബ്, സംസ്ഥാന സെക്രട്ടറി എം.സി മായിന്‍ ഹാജി, ഐ.എസ്.എം സംസ്ഥാന പ്രസിഡന്റ് സയ്യിദ് മുഹമ്മദ് ശാക്കിര്‍, ചന്ദ്രിക ചീഫ് എഡിറ്റര്‍ ടി.പി ചെറുപ്പ, മാധ്യമം പിരിയോഡിക്കല്‍സ് എഡിറ്റര്‍ പി.കെ പാറക്കടവ്, സിജി ഡയറക്ടര്‍ ഡോ.അബൂബക്കര്‍, എം.എസ്.എസ് സംസ്ഥാന സെക്രട്ടറി മൊയ്തീന്‍ കുട്ടി, എം.ഇ.എസ് സംസ്ഥാന സെക്രട്ടറി സി.പി സക്കീര്‍ ഹുസൈന്‍, സാമൂഹിക സുരക്ഷാ മിഷന്‍ ഡയറക്ടര്‍ ഡോ.ടി.പി അഷ്‌റഫ്, നദ്‌വത്തുല്‍ മുജാഹിദീന്‍ സംസ്ഥാന വൈസ് പ്രസിഡന്റ് അബൂബക്കര്‍ നന്മണ്ട, സോളിഡാരിറ്റി സംസ്ഥാന പ്രസിഡന്റ് പി.ഐ നൗഷാദ്, തനിമ സംസ്ഥാന പ്രസിഡന്റ് ആദം അയ്യൂബ്, എസ്.ഐ.ഒ സംസ്ഥാന പ്രസിഡന്റ് ശിഹാബ് പൂക്കോട്ടൂര്‍, മാധ്യമം എഡിറ്റര്‍ ഒ.അബ്ദുറഹ്മാന്‍, വിചിന്തനം എഡിറ്റര്‍ ഇ.കെ.എം പന്നൂര്‍, ചന്ദ്രിക എഡിറ്റര്‍ നവാസ് പൂനൂര്‍, എ.പി കുഞ്ഞാമു, ഡോ.കെ മൊയ്തു, തോട്ടത്തില്‍ റഷീദ്, ഡോ.അബ്ദുല്ല ചെറയക്കാട്, ഡോ.പി.സി അന്‍വര്‍, പി.സി താഹിര്‍, ഡോ.കുഞ്ഞാലി, പ്രൊഫ. യാസീന്‍ അഷ്‌റഫ്, ഫ്രൈഡേ ക്ലബ്ബ് പ്രസിഡന്റ് ടി.സി അഹമ്മദ്, ഹജ്ജ് കമ്മറ്റി മെമ്പര്‍ വി.കെ അലി, വഖഫ് ബോര്‍ഡ് അംഗം പി.പി അബ്ദുറഹ്മാന്‍ പെരിങ്ങാടി, പി.കെ അഹമ്മദ്, നിഷാദ്, അഹ്മ്മദ് (മലബാര്‍ ഗോള്‍ഡ്), ജമാഅത്തെ ഇസ്‌ലാമി സംസ്ഥാന ജനറല്‍ സെക്രട്ടറി പി.മുജീബുറഹ്മാന്‍, അസി.അമീര്‍ എം.കെ മുഹമ്മദലി, സെക്രട്ടറിമാരായ ടി.കെ ഹുസൈന്‍, എന്‍.എം അബ്ദുറഹ്മാന്‍ തുടങ്ങി സാമൂഹിക സാംസ്‌കാരികസാമ്പത്തിക മേഖലകളിലെ പ്രമുഖര്‍ പങ്കെടുത്തു.

ISLAMIC SPEECH

സെറ്റ്, നെറ്റ് പരിശീലനം

സെറ്റ്, നെറ്റ്
പരിശീലനം

കണ്ണൂര്‍: ഐ.എച്ച്.ആര്‍.ഡിയുടെ കീഴില്‍ തളിപ്പറമ്പ് ഏഴാംമൈലില്‍ പ്രവര്‍ത്തിക്കുന്ന കോളജ് ഓഫ് അപൈ്ളഡ് സയന്‍സില്‍ സെറ്റ് (എ & ബി), നെറ്റ് പേപ്പര്‍ ഒന്ന് (ഹ്യൂമാനിറ്റീസ്) സെറ്റ് കോമേഴ്സ്/കമ്പ്യൂട്ടര്‍ സയന്‍സ്/നെറ്റ് കമ്പ്യൂട്ടര്‍ സയന്‍സ് പൊതുവിജ്ഞാനം തുടങ്ങിയവയില്‍ പരിശീലനം നല്‍കുന്നു.  താല്‍പര്യമുള്ളവര്‍ കോളജ് ഓഫിസുമായി ബന്ധപ്പെടണം.  ഫോണ്‍ 0460 2206050, 9495069307, 8547005048.

റമദാന്‍ കിറ്റ് വിതരണം

 റമദാന്‍ കിറ്റ് വിതരണം

പാപ്പിനിശ്ശേരി: ജമാഅത്തെ ഇസ്ലാമി വളപട്ടണം ഏരിയയും യു.എ.ഇ കണ്ണൂര്‍ അസോസിയേഷനും സംയുക്തമായി പാപ്പിനിശ്ശേരിയില്‍ റമദാന്‍ കിറ്റ് വിതരണം ചെയ്തു. പാപ്പിനിശ്ശേരി കല്ലീക്കല്‍ മഹല്ല് കമ്മിറ്റി സെക്രട്ടറി  മഹമ്മൂദിന്  കിറ്റ് നല്‍കി ജമാഅത്തെ ഇസ്ലാമി വളപട്ടണം ഏരിയ പ്രസിഡന്‍റ് വി.എന്‍. ഹാരിസ് ഉദ്ഘാടനം  ചെയ്തു. ഇബ്രാഹിം മൗലവി, ഇ.കെ.സാജിദ്, പി.പി. മൊയ്തു, മുസ്തഫ, കുഞ്ഞിമുഹമ്മദ് എന്നിവര്‍ സംസാരിച്ചു.

നടാല്‍ മസ്ജിദ് ബൈത്തുസ്സകാത്ത്

നടാല്‍ മസ്ജിദ്
ബൈത്തുസ്സകാത്ത്

നടാല്‍: നടാല്‍ മസ്ജിദ് കേന്ദ്രീകരിച്ച് പ്രവര്‍ത്തിക്കുന്ന ബൈത്തുസ്സകാത്ത് അഞ്ചാം വര്‍ഷത്തിലേക്ക് കടന്നു. 2011-12 വര്‍ഷം ശേഖരിച്ച 3,32,310 രൂപ സഹായമായി നല്‍കി.
ഭാരവാഹികള്‍: എം.പി. കുഞ്ഞഹമ്മദ് ഹാജി (രക്ഷാ.), വി.കെ. അഹമ്മദ്കുട്ടി ഹാജി (പ്രസി.), കെ.വി. മുഹമ്മദ് സ്വാലിഹ്, എസ്.കെ. അബ്ദുല്‍ അസീസ് (വൈസ് പ്രസി.), കെ.വി. മശ്ഹൂദ് (ജന. സെക്ര.), എ.പി.അബ്ദുറഹീം, ടി.കെ. സമീര്‍ (ജോ.സെക്ര.), ടി.കെ. അബ്ദുറഹ്മാന്‍ ഹാജി (ട്രഷ.)

വനമായി സംരക്ഷിക്കണം -വെല്‍ഫെയര്‍ പാര്‍ട്ടി

നെല്ലിയാമ്പതിയിലെ എസ്റ്റേറ്റുകള്‍

ഏറ്റെടുത്ത്  വനമായി സംരക്ഷിക്കണം 

-വെല്‍ഫെയര്‍ പാര്‍ട്ടി

പാലക്കാട്: നെല്ലിയാമ്പതിയില്‍ പാട്ടക്കരാര്‍ ലംഘിച്ച്  പ്രവര്‍ത്തിക്കുന്ന  ചെറുനെല്ലി ഉള്‍പ്പെടെ മുഴുവന്‍ എസ്റ്റേറ്റുകളും സര്‍ക്കാര്‍ ഏറ്റെടുത്ത് വനമായി സംരക്ഷിക്കണമെന്ന്  വെല്‍ഫെയര്‍ പാര്‍ട്ടി ഓഫ് ഇന്ത്യ സംസ്ഥാന ഭാരവാഹികള്‍ വാര്‍ത്താ സമ്മേളനത്തില്‍ ആവശ്യപ്പെട്ടു.  കൊച്ചി രാജാവിന്‍െറ  കാലത്തു തന്നെ  റിസര്‍വ്  വനമായി പ്രഖ്യാപിച്ച നെല്ലിയാമ്പതിയില്‍  റവന്യു ഭൂമിയുണ്ടെന്ന സര്‍ക്കാര്‍ ചീഫ് വിപ്പിന്‍െറ  വാദം അപഹാസ്യമാണ്. സര്‍ക്കാറിനും നാടിനും  വേണ്ടി വാദിക്കാനാണ് പി.സി. ജോര്‍ജിനെ എല്ലാ സൗകര്യങ്ങളും ഒരുക്കി ചീഫ് വിപ്പാക്കിയത്. ഈ ഉത്തരവാദിത്വം  നിര്‍വഹിക്കുന്നതില്‍ നിന്ന് പിന്മാറി നിയമവിരുദ്ധ പ്രവര്‍ത്തനങ്ങള്‍ക്ക്  കൂട്ടുനിന്ന  ചീഫ് വിപ്പിനെ തല്‍സ്ഥാനത്ത്  നിന്ന് നീക്കണം.  1980ലെ കേന്ദ്ര വനനിയമവും പാട്ടക്കരാറും ലംഘിച്ച തോട്ടം ഉടമകള്‍ക്കെതിരെ നടപടിയെടുക്കുന്നതിന് പകരം കോടതിയില്‍ കേസ് തോറ്റു കൊടുക്കുന്ന നിയമവകുപ്പിന്‍െറയും മന്ത്രിയുടേയും നിലപാട് സംശയാസ്പദമാണ്. യു.ഡി.എഫ് സമിതിയുടെ റിപ്പോര്‍ട്ട് പരിശോധിച്ച്  അഭിപ്രായം പറയാമെന്ന് പറയുന്ന നിയമ മന്ത്രി നിയമസഭാ സമിതിയുടേയും സുപ്രീംകോടതി ഉന്നതാധികാര സമിതിയുടേയും റിപ്പോര്‍ട്ടുകളെ അപഹസിക്കുകയാണ്. പാട്ടക്കരാര്‍ ലംഘനം നടത്തുന്ന എസ്റ്റേറ്റുകള്‍ ഏറ്റെടുക്കാന്‍ യു.ഡി.എഫ് സര്‍ക്കാര്‍ വിമുഖത  കാണിച്ചാല്‍ ശക്തമായ സമരപരിപാടികളുമായി രംഗത്തിറങ്ങും.
സംസ്ഥാന ജന. സെക്രട്ടറി കെ അംബുജാക്ഷന്‍, സെക്രട്ടറി കെ.എ. ഷഫീഖ്,  സംസ്ഥാന സമിതി അംഗം തെന്നിലാപുരം രാധാകൃഷ്ണന്‍, ജില്ലാ ജന. സെക്രട്ടറി പി.എസ്. അബൂഫൈസല്‍, സെക്രട്ടറിമാരായ മത്തായി മാസ്റ്റര്‍, ലുഖ്മാന്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.

കേരളത്തെ മാഫിയവത്കരിക്കുന്നു -സോളിഡാരിറ്റി

 പ്രതിപക്ഷ നിഷ്ക്രിയത
മുതലെടുത്ത്  സര്‍ക്കാര്‍ കേരളത്തെ
മാഫിയവത്കരിക്കുന്നു -സോളിഡാരിറ്റി

കോഴിക്കോട്: സംസ്ഥാന സര്‍ക്കാര്‍ പ്രതിപക്ഷത്തിന്‍െറ നിഷ്ക്രിയത മുതലെടുത്ത് കേരളത്തെ മാഫിയവത്കരിക്കുകയാണെന്ന് സോളിഡാരിറ്റി സംസ്ഥാന പ്രസിഡന്‍റ് പി.ഐ. നൗഷാദ് വാര്‍ത്താ സമ്മേളനത്തില്‍ പറഞ്ഞു.  തോട്ട ഭൂമിയുടെ അഞ്ചു ശതമാനം റിസോര്‍ട്ടാവശ്യത്തിനുപയോഗിക്കാമെന്ന ഭേദഗതി നിയമമായിക്കഴിഞ്ഞു. സര്‍ക്കാര്‍ 2005 വരെയുള്ള പാടം നികത്തലുകള്‍ക്ക് അംഗീകാരം നല്‍കുകയും 2008 ലെ നീര്‍ത്തട സംരക്ഷണ നിയമം അട്ടിമറിക്കുകയുമാണ്.
മദ്യഷാപ്പുകള്‍ക്ക് അനുവാദം നല്‍കുന്ന പഞ്ചായത്തുകളുടെ അംഗീകാരം പുന$സ്ഥാപിക്കുമെന്നും മദ്യനയം പുതുക്കുമെന്നും പറഞ്ഞിരുന്ന യു.ഡി.എഫ് പുതിയ മദ്യനയത്തിലൂടെ മുതലാളിമാരെ സംരക്ഷിക്കുന്ന നടപടികളാണെടുക്കുന്നത്. സര്‍ക്കാറിന്‍െറ അതിവേഗ റെയില്‍വേ,ദേശീയപാതാ വികസനം എന്നിങ്ങനെയുള്ള  വികസനപ്രവര്‍ത്തനങ്ങള്‍ സുതാര്യമായല്ല നടക്കുന്നതെന്ന് പി.ഐ.നൗഷാദ് ആരോപിച്ചു. ഭരണമുന്നണിയിലെ ഘടകകക്ഷികള്‍ പരസ്പരം തമ്മിലടിക്കുന്നത് പാരിസ്ഥിതിക സാമൂഹിക പ്രശ്നങ്ങള്‍ പരിഹരിക്കപ്പെടാതെ പോകുന്നതിന് കാരണമാകുന്നു. മൂലമ്പിള്ളി, ചെങ്ങറ, ആറന്മുള പ്രശ്നങ്ങള്‍ തുടരുകയും സമുദായ ശക്തികള്‍ സമ്മര്‍ദംചെലുത്തി സര്‍ക്കാര്‍ ഭൂമിയും മറ്റാനുകൂല്യങ്ങളും കൈവശപ്പെടുത്തുകയുംചെയ്യുന്ന അവസ്ഥയാണുള്ളതെന്നും അദ്ദേഹം കൂട്ടിച്ചേര്‍ത്തു. പത്രസമ്മേളനത്തില്‍ ജനറല്‍ സെക്രട്ടറി ടി.മുഹമ്മദ് വേളം, സെക്രട്ടറി ടി.എ. ഫയാസ് എന്നിവരും പങ്കെടുത്തു.

RECEPTIONIST

TOLL FREE

HEALTH CARE

MARKETING EXECUTIVE

DIPLOMA

NAHER COLLEGE

സീറ്റൊഴിവ്

കാഞ്ഞിരോട്: കാഞ്ഞിരോട് നഹര്‍ ആര്‍ട്സ് ആന്‍ഡ് സയന്‍സ് കോളജില്‍ ഒന്നാംവര്‍ഷ ബി.കോം ക്ളാസില്‍ എസ്.സി, എസ്.ടി വിഭാഗത്തിലും ബി.സി.എ, ബി.എസ്സി (കമ്പ്യൂട്ടര്‍ സയന്‍സ്) ബി.എ ഇംഗ്ളീഷ്, ബി.എ. ഇക്കണോമിക്സ് വിഭാഗത്തില്‍ എസ്.സി, എസ്.ടി, മെറിറ്റ് വിഭാഗത്തിലും സീറ്റുകള്‍ ഒഴിവുണ്ട്. പ്രവേശം ആഗ്രഹിക്കുന്നവര്‍ കണ്ണൂര്‍-മട്ടന്നൂര്‍ റോഡില്‍ കാഞ്ഞിരോട് 220 കെ.വി സബ്സ്റ്റേഷനു മുന്‍വശത്തുള്ള കോളജ് ഓഫിസുമായി ബന്ധപ്പെടണം.

പ്രിജിത്തിന് സഹായവുമായി സുമനസ്സുകള്‍

പ്രിജിത്തിന് 

സഹായവുമായി സുമനസ്സുകള്‍

 തളിപ്പറമ്പ്: അധികാരിവര്‍ഗം അകറ്റിനിര്‍ത്തിയ പ്രിജിത്തെന്ന ബാലതാരത്തെ അനുമോദിക്കാനും ആശ്വസിപ്പിക്കാനുമായി സുമനസ്സുകളായ കലാപ്രവര്‍ത്തകര്‍ എത്തി. സംസ്ഥാന ചലച്ചിത്ര അവാര്‍ഡില്‍ ജൂറിയുടെ പ്രത്യേക പരാമര്‍ശത്തിന് അര്‍ഹനായ നെല്ലിപ്പറമ്പ് കോളനിയിലെ പ്രിജിത്തിനെ കാണാനാണ് കോഴിക്കോട് ആസ്ഥാനമായി പ്രവര്‍ത്തിക്കുന്ന തനിമ കലാസാഹിത്യവേദിയുടെ പ്രവര്‍ത്തകര്‍ വീട്ടിലത്തെിയത്.
പ്രിജിത്തിന്‍െറ അനുഭവങ്ങളും സാഹചര്യങ്ങളും ‘മാധ്യമ’ത്തിലൂടെ വായിച്ചറിഞ്ഞാണ് ഈ പിഞ്ചു കലാകാരനെ സഹായിക്കാന്‍ ഇവര്‍ എത്തിയത്. ഷെറി എന്ന നവാഗത സംവിധായക പ്രതിഭയുടെ ‘ആദിമധ്യാന്തം’ എന്ന സിനിമയിലെ ബധിരനും മൂകനുമായ നാലു വയസ്സുകാരനെ അഭിനയിച്ചു കാട്ടിയതിനായിരുന്നു ജൂറിയുടെ പരാമര്‍ശം നേടിയത്.
നെല്ലിപ്പറമ്പ് കോളനിയിലെ പുറമ്പോക്കില്‍ ഒറ്റമുറിവീട്ടില്‍ കഴിയുന്ന പ്രിജിത്തിനെയും കുടുംബത്തെയും സഹായിക്കാമെന്ന വാഗ്ദാനവുമായി എത്തിയ തനിമ പ്രവര്‍ത്തകര്‍ക്കൊപ്പം സംവിധായകന്‍ ഷെറിയുമുണ്ടായിരുന്നു. കുട്ടിയുടെ ഏതുനിലയിലുള്ള വിദ്യാഭ്യാസത്തിനും സഹായം നല്‍കാന്‍ തനിമ തയാറാണെന്നും കുട്ടിയിലെ കലാകാരനെ വളര്‍ത്തിക്കൊണ്ടുവരേണ്ടത് സമൂഹത്തിന്‍െറ ബാധ്യതയാണെന്നും ‘തനിമ’ സംസ്ഥാന പ്രസിഡന്‍റ് ആദം അയ്യൂബ് പറഞ്ഞു. സംഘത്തില്‍ സംസ്ഥാന വൈസ് പ്രസിഡന്‍റ് റഹ്മാന്‍ മുന്നൂര്, സംസ്ഥാന സമിതിയംഗങ്ങളായ നജീബ് കുറ്റിപ്പുറം, സലീം കുരിക്കളകത്ത്, ജില്ലാ പ്രസിഡന്‍റ് ജമാല്‍ കടന്നപ്പള്ളി എന്നിവരും ഉണ്ടായിരുന്നു. പനിപിടിച്ച് കിടക്കുന്ന പ്രിജിത്തിന് ചികിത്സാ സഹായം നല്‍കിയാണ് സംഘം മടങ്ങിയത്.
Courtesy:Madhyamam_24-07-2012

റമദാന്‍ പ്രഭാഷണം

 

 

 

അഹ്ലന്‍ വ സഹ്ലന്‍ യാ റമദാന്‍:
റമദാന്‍ പ്രഭാഷണം

കാഞ്ഞിരോട്:  SIO കാഞ്ഞിരോട് യൂനിറ്റിന്‍്റെ ആഭിമുഖ്യത്തില്‍ 'അഹ്ലന്‍ വ സഹ്ലന്‍ യാ റമദാന്‍' എന്ന തലക്കെട്ടില്‍ അല്‍ഹുദ ഇംഗ്ളീഷ് സ്കൂളില്‍ റമദാന്‍ പ്രഭാഷണം സംഘടിപ്പിച്ചു. NM ശഫീഖ് മുഖ്യപ്രഭാഷണം നടത്തി. അഹ്മദ് പാറക്കല്‍, ആശിഖ്, പി.സി.എം. അജ്മല്‍ എന്നിവര്‍ സംസാരിച്ചു.

PRABODHANAM WEEKLY