സിന്‍ഡിക്കേറ്റ് തീരുമാനം സ്വാഗതാര്‍ഹം -എസ്.ഐ.ഒ

സിന്‍ഡിക്കേറ്റ് തീരുമാനം സ്വാഗതാര്‍ഹം 

-എസ്.ഐ.ഒ

തേഞ്ഞിപ്പലം: കാലിക്കറ്റ് സര്‍വകലാശാല വിദ്യാര്‍ഥി യൂനിയന്‍ കൗണ്‍സിലില്‍ മുഴുവന്‍ കോളജുകള്‍ക്കും പ്രാതിനിധ്യം നല്‍കണമെന്ന വിദ്യാര്‍ഥി സംഘടനകളുടെ ആവശ്യം അംഗീകരിച്ച സിന്‍ഡിക്കേറ്റ് തീരുമാനം സ്വാഗതാര്‍ഹമാണെന്ന് എസ്.ഐ.ഒ.സര്‍വകലാശാല യൂനിയന്‍െറ പ്രവര്‍ത്തനത്തില്‍ ക്രമക്കേടുകളുണ്ടെന്ന സിന്‍ഡിക്കേറ്റ് കണ്ടത്തെല്‍ ശരിയാണ്. അവ പരിഹരിക്കാന്‍ സംവിധാനമുണ്ടാക്കി, പിടിച്ചെടുത്ത അവകാശങ്ങള്‍ തിരിച്ചു നല്‍കണമെന്നും എസ്.ഐ.ഒ യൂനിവേഴ്സിറ്റി കമ്മിറ്റി ആവശ്യപ്പെട്ടു.

‘റമദാന്‍ സന്ദേശം' സീഡി കിറ്റ് പ്രകാശനം ചെയ്തു

‘റമദാന്‍ സന്ദേശം'  സീഡി കിറ്റ്
പ്രകാശനം ചെയ്തു

കോഴിക്കോട്: വിശുദ്ധ റമദാന്‍െറ പുണ്യദിനങ്ങള്‍ക്ക് ആത്മീയ ചൈതന്യം പകരാന്‍ ഡി ഫോര്‍ മീഡിയ ഒരുക്കിയ 'റമദാന്‍ സന്ദേശം' സീഡി കിറ്റ് ജമാഅത്തെ ഇസ്ലാമി കേരള അമീര്‍ ടി. ആരിഫലി പ്രകാശനം ചെയ്തു. 17 വിഷയങ്ങളിലായി പ്രമുഖ പണ്ഡിതന്മാര്‍ നടത്തുന്ന പ്രഭാഷണങ്ങളാണ് സീഡി കിറ്റില്‍ തയാറാക്കിയത്.
ഹിറാ സെന്‍ററില്‍ നടന്ന ചടങ്ങില്‍ പ്രഥമ പ്രതി ആദ്യ ബുക്കിങ്ങ് നടത്തിയ കെ. മൊയ്തീന്‍ മാസ്റ്റര്‍ ഏറ്റുവാങ്ങി.
ഡി ഫോര്‍ മീഡിയ ഡയറക്ടര്‍ വി.കെ. അബ്ദു അധ്യക്ഷത വഹിച്ചു.

ALIF CENTRE

OPEN SCHOOL ADMISSION-2012

ഫെല്‍ഫെയര്‍ പാര്‍ട്ടി പഞ്ചായയത്ത് കമ്മിറ്റി

ഫെല്‍ഫെയര്‍ പാര്‍ട്ടി
പഞ്ചായയത്ത് കമ്മിറ്റി
രൂപത്കരിച്ചു

തലശ്ശേരി: ഫെല്‍ഫെയര്‍ പാര്‍ട്ടി ഓഫ് ഇന്ത്യയുടെ ന്യൂമാഹി പഞ്ചായയത്ത് കമ്മിറ്റി രൂപവത്കരിച്ചു. യോഗത്തില്‍ ജില്ലാ പ്രസിഡന്‍റ് കെ.ടി. രാധാകൃഷ്ണന്‍ കൂടാളി അധ്യക്ഷത വഹിച്ചു. ജില്ലാ സെക്രട്ടറി മോഹനന്‍ കുഞ്ഞിമംഗലം ഭാരവാഹി പ്രഖ്യാപനം നടത്തി. സംസ്ഥാന വൈസ് പ്രസിഡന്‍റ് പ്രേമ പിഷാരടി  എ.പി. അര്‍ഷാദിന് പതാക കൈമാറി. സി.പി. അഷ്റഫ്, എ.പി. അര്‍ഷാദ്, ബി. ഉസ്മാന്‍, സി. അബ്ദുല്‍ നാസര്‍ എന്നിവര്‍ സംസാരിച്ചു. ഭാരവാഹികള്‍: എ.പി. അര്‍ഷാദ് (പ്രസി.), സി.എച്ച്. ഇസ്മായില്‍ (സെക്ര.), സി.കെ. റഹീം, എ.പി. ശബാനി,  വസന്ത ടീച്ചര്‍ (അസി.സെക്ര.), പി.എം. നിഹാസ് (ട്രഷ.).

പ്രീപ്രൈമറി സ്കൂള്‍

 കേള്‍വിക്കുറവും സംസാരവൈകല്യവുമുള്ള
കുട്ടികള്‍ക്ക് പ്രീപ്രൈമറി സ്കൂള്‍

പയ്യന്നൂര്‍: കേള്‍വിക്കുറവും സംസാരവൈകല്യവുമുള്ള കുട്ടികള്‍ക്ക് പ്രീപ്രൈമറി സ്കൂള്‍. വിളയാങ്കോട് വോയ്സ് ഓഡിയോളജി ആന്‍ഡ് സ്പീച്ച് തെറപ്പിയുടെ ഭാഗമായാണ് വിദ്യാലയം പ്രവര്‍ത്തനം തുടങ്ങിയത്. ടി.ഐ.ടി ഗ്രൂപ്പ് ഓഫ് ഇന്‍സ്റ്റിറ്റ്യൂഷന്‍െറ ആഭിമുഖ്യത്തിലാണ് തെറപ്പി സൗകര്യങ്ങളോടെ സൗജന്യമായി പ്രീസ്കൂള്‍ സംവിധാനമൊരുക്കിയത്. വിദ്യാലയത്തിന്‍െറ ഉദ്ഘാടനം ടി.ഐ.ടി ഗ്രൂപ്പ് വൈസ് ചെയര്‍മാന്‍ എസ്.എ.പി. അബ്ദുസ്സലാം നിര്‍വഹിച്ചു. ടി.ഐ.ടി അക്കാദമിക് ഡയറക്ടര്‍ വി. സാജിദ് നദ്വി അധ്യക്ഷത വഹിച്ചു. സോന, ഒ. അബ്ദുറഹ്മാന്‍, കെ. ഹസീന എന്നിവര്‍ സംസാരിച്ചു. കാരുണ്യനികേതന്‍ ഹെഡ്മിസ്ട്രസ് സൗദ പടന്ന സ്വാഗതവും സി.കെ. മുനവിര്‍ നന്ദിയും പറഞ്ഞു.

സ്പര്‍ധ വളര്‍ത്തി വിദ്യാഭ്യാസ പുരോഗതി തടയരുത് -എസ്.ഐ.ഒ

സ്പര്‍ധ വളര്‍ത്തി വിദ്യാഭ്യാസ 

പുരോഗതി തടയരുത് -എസ്.ഐ.ഒ

കോഴിക്കോട്: പിന്നാക്ക പ്രദേശങ്ങള്‍ക്കും ജനവിഭാഗങ്ങള്‍ ക്കും ഗുണകരമാകുന്ന വിദ്യാഭ്യാസ പുരോഗതിക്ക് സാമുദായിക സ്പര്‍ധ വളര്‍ത്തി തടയിടരുതെന്ന് എസ്.ഐ.ഒ സംസ്ഥാന പ്രസിഡന്‍റ് ശിഹാബ് പൂക്കോട്ടൂര്‍ പ്രസ്താവനയില്‍ ആവശ്യപ്പെട്ടു.എന്‍.എസ്.എസ്, എസ്.എന്‍. ഡി.പി തുടങ്ങിയ സാമുദായിക സംഘടനകളോടൊപ്പം സി.പി. എമ്മും ചേര്‍ന്ന് മുസ്ലിംലീഗിനോടുള്ള രാഷ്ട്രീയ വിരോധത്തിന്‍െറ മറവില്‍ ഒരു പ്രത്യേക സമുദായത്തെ അധിക്ഷേപിക്കുകയും അവകാശപ്പെട്ട വിദ്യാഭ്യാസ സ്ഥാപനങ്ങള്‍ ഇല്ലാതാക്കാന്‍ ശ്രമിക്കുകയും ചെയ്യുന്നത് ജനാധിപത്യ കേരളത്തിന് ചേര്‍ന്നതല്ളെന്ന് അദ്ദേഹം ചൂണ്ടിക്കാട്ടി.

TRAIN TIME

 

ADMISSION

SOLIDARITY POSTER

 

PRABODHANAM WEEKLY

ഗ്യാസ് പൈപ്പ്ലൈന്‍: വികസന സമിതി തീരുമാനം വെല്ലുവിളി -വിക്ടിംസ് ഫോറം

ഗ്യാസ് പൈപ്പ്ലൈന്‍: വികസന സമിതി
തീരുമാനം വെല്ലുവിളി -വിക്ടിംസ് ഫോറം

കണ്ണൂര്‍: നിര്‍ദിഷ്ട കൊച്ചി-മംഗലാപുരം വാതക പൈപ്പ്ലൈന്‍ പദ്ധതിയെപ്പറ്റി തെറ്റിദ്ധാരണ പ്രചരിപ്പിക്കാനുള്ള ജില്ലാ വികസന സമിതിയുടെ നിലപാടില്‍ വാതക പൈപ്പ്ലൈന്‍ വിക്ടിംസ് ഫോറം ജില്ലാ കമ്മിറ്റി പ്രതിഷേധിച്ചു.
വന്‍കിട വ്യവസായ ശാലകളുടെ ഊര്‍ജാവശ്യം പരിഹരിക്കാനാണ് നിര്‍ദിഷ്ട പദ്ധതിയെന്ന് അധികൃതരുടെ പ്രഖ്യാപിത ലക്ഷ്യം നിലവിലിരിക്കെ, പാചക വാതക വിതരണ പ്രതിസന്ധി പരിഹരിക്കാനാണെന്ന വ്യാജ പ്രചാരണം നടത്തുന്നത് ജനങ്ങളുടെ രാഷ്ട്രീയ സാക്ഷരതയെയും ചിന്താശേഷിയെയും പരിഹസിക്കാനാണ്.
ജനങ്ങളുടെ സുരക്ഷ ഉറപ്പാക്കേണ്ട അധികൃതര്‍ കേവലം ഭൂമി നഷ്ടപ്പെടുന്നവരുടെ നഷ്ടപരിഹാര തുകയുടെ പ്രശ്നം മാത്രമായി ഇത് ചുരുക്കുകയാണ്.
ഭൂമിശാസ്ത്രപരമായും സാമ്പത്തികമായും ദൂരവ്യാപകമായ പ്രത്യാഘാതങ്ങള്‍ ക്ഷണിച്ചുവരുത്തുന്ന പദ്ധതിക്കെതിരെയും അധികൃതരുടെ വ്യാജ പ്രചാരണങ്ങള്‍ക്കെതിരെയും പ്രക്ഷോഭം ശക്തമാക്കാന്‍ യോഗം തീരുമാനിച്ചു. ഇതിന്‍െറ മുന്നോടിയായി ജൂലൈ 17ന് കലക്ടറേറ്റിലേക്ക് ബഹുജന മാര്‍ച്ച് നടത്തും.
എ. ഗോപാലന്‍ അധ്യക്ഷത വഹിച്ചു. യു.കെ. സെയ്ത്, പ്രേമന്‍ പാതിരിയാട്, ഡോ. ഡി. സുരേന്ദ്രനാഥ്, ഹംസ മാസ്റ്റര്‍ അഞ്ചരക്കണ്ടി, രാമന്‍കുട്ടി വെള്ളാവ്, സി. ശശി എന്നിവര്‍ സംസാരിച്ചു.

SCHOLARSHIP

ARAMAM MONTHLY

ആഹ്ളാദപ്രകടനം നടത്തി

ആഹ്ളാദപ്രകടനം
നടത്തി

കണ്ണൂര്‍: ഈജിപ്ത് പ്രസിഡന്‍റ് തെരഞ്ഞെടുപ്പില്‍ ഫ്രീഡം ആന്‍ഡ് ജസ്റ്റിസ് പാര്‍ട്ടി സ്ഥാനാര്‍ഥി മുഹമ്മദ് മുര്‍സി വിജയിച്ചതില്‍ ആഹ്ളാദം പ്രകടിപ്പിച്ച് എസ്.ഐ.ഒ പ്രവര്‍ത്തകര്‍ ടൗണില്‍ പ്രകടനം നടത്തി.
താവക്കര ബസ്സ്റ്റാന്‍ഡ് പരിസരത്തുനിന്നാരംഭിച്ച പ്രകടനം നഗരം ചുറ്റി പഴയ ബസ്സ്റ്റാന്‍ഡ് പരിസരത്ത് സമാപിച്ചു. എസ്.ഐ.ഒ ജില്ലാ പ്രസിഡന്‍റ് യൂനുസ് സലീം, സെക്രട്ടറി ആശിഖ്, ശിഹാദ് കണ്ണൂര്‍ എന്നിവര്‍ സംസാരിച്ചു.

സ്വാശ്രയ വിദ്യാഭ്യാസം: സോഷ്യല്‍ ഓഡിറ്റിങ് ഏഴിന്

സ്വാശ്രയ വിദ്യാഭ്യാസം:
സോഷ്യല്‍ ഓഡിറ്റിങ് ഏഴിന്

കോഴിക്കോട്: ദശാബ്ദം പിന്നിട്ട സ്വാശ്രയ വിദ്യാഭ്യാസ സ്ഥാപനങ്ങളുടെ ഗുണനിലവാരം, നിലവിലെ അവസ്ഥ, അടിസ്ഥാന സൗകര്യങ്ങള്‍, പഠിച്ചിറങ്ങിയ വിദ്യാര്‍ഥികളുടെ ജോലിലഭ്യത, സ്വാശ്രയ വിദ്യാഭ്യാസത്തിലൂടെ രൂപപ്പെട്ട സാമൂഹിക അന്തരീക്ഷം എന്നീ വിഷയങ്ങളില്‍ എസ്.ഐ.ഒ സംസ്ഥാന കമ്മിറ്റി ജൂലൈ ഏഴിന് 2.30ന് കോഴിക്കോട് ഇന്‍ഡോര്‍ സ്റ്റേഡിയത്തിലും എറണാകുളം ടൗണ്‍ഹാളിലും സോഷ്യല്‍ ഓഡിറ്റിങ് നടത്തും. വനിതാ കമീഷന്‍ മുന്‍ ചെയര്‍പേഴ്സന്‍ ജസ്റ്റിസ് ശ്രീദേവി, ഡോ. എസ്. ബലരാമന്‍, പ്രഫ. എന്‍.പി. ഹാഫിസ് മുഹമ്മദ്, പ്രഫ. കെ. അരവിന്ദാക്ഷന്‍, ഡോ. ശിവാനന്ദന്‍, ഒ. അബ്ദുറഹ്മാന്‍, ഡോ. ബദിയുസ്സമാന്‍, ഫസല്‍ കാദിക്കോട്, എന്‍.പി. ജിഷാര്‍, ശിഹാബ് പൂക്കോട്ടൂര്‍, എന്‍.കെ. സുഹൈല എന്നിവര്‍ അടങ്ങിയ പാനലാണ് സോഷ്യല്‍ ഓഡിറ്റിങ് നിയന്ത്രിക്കുക.
സ്വാശ്രയ വിദ്യാഭ്യാസ മേഖലയുമായി സംബന്ധിച്ച വിമര്‍ശങ്ങളും പരാതികളും പാനലിന് മുന്നില്‍ ഉന്നയിക്കാം. അല്ളെങ്കില്‍ സെക്രട്ടറി, വിദ്യാര്‍ഥി ഭവനം, യു.കെ. ശങ്കുണ്ണി റോഡ്, കാലിക്കറ്റ്-1 എന്ന വിലാസത്തില്‍ അയക്കാം.

ഖുര്‍ആന്‍ സ്റ്റഡി സെന്‍റര്‍ പരീക്ഷാഫലം പ്രസിദ്ധീകരിച്ചു

ഖുര്‍ആന്‍ സ്റ്റഡി സെന്‍റര്‍
പരീക്ഷാഫലം പ്രസിദ്ധീകരിച്ചു

കോഴിക്കോട്: ഖുര്‍ആന്‍ സ്റ്റഡി സെന്‍റര്‍ കേരള 2012 മേയില്‍ നടത്തിയ പ്രിലിമിനറി, സെക്കന്‍ഡറി പരീക്ഷകളുടെ ഫലം പ്രഖ്യാപിച്ചപ്പോള്‍ 80 ശതമാനം പേര്‍ വിജയികളായി.
സെക്കന്‍ഡറി പരീക്ഷയില്‍  വി. താഹിറ   (വടകര,കോഴിക്കോട്) ഒന്നാം റാങ്കു നേടി. പി.കെ.  സഫിയ (മക്കരപറമ്പ്, മലപ്പുറം), കെ.സി. രഹ്ന ബീവി (വളപട്ടണം, കണ്ണൂര്‍) എന്നിവര്‍ രണ്ടാം റാങ്ക് പങ്കിട്ടു.  എം. അസ്മ (കടന്നമണ്ണ ,മലപ്പുറം), സഫിയ ഹംസ (വെണ്‍മനാട്, തൃശൂര്‍) എന്നിവര്‍ മൂന്നാം റാങ്ക് നേടി.
പ്രിലിമിനറി ഒന്നാം റാങ്ക് സി.പി. ജുബീന (പൊന്ന്യം വെസ്റ്റ് കണ്ണൂര്‍) നേടി. ഡോ. സുലൈഖ അന്‍വറിനാണ് (എറണാകുളം) രണ്ടാം റാങ്ക്.  മൂന്നാം റാങ്ക് സി.പി. ഷമീദയും (പൊന്ന്യം വെസ്റ്റ്, കണ്ണൂര്‍), സുലൈഖ ലിയാഖത്തും (മഞ്ചേരി, മലപ്പുറം) പങ്കിട്ടു.
ജില്ലാ തലത്തിലും സംസ്ഥാന തലത്തിലുമായി നടന്ന വിവിധ പരീക്ഷകളില്‍ 2000ഓളം പേര്‍ പങ്കെടുത്തു. ജില്ലാതല പരീക്ഷകളിലെ റാങ്ക് ജേതാക്കള്‍ക്ക് ജില്ലാ സംഗമങ്ങളിലും സംസ്ഥാനതല ജേതാക്കള്‍ക്ക് സംസ്ഥാന സംഗമത്തിലും അവാര്‍ഡ് നല്‍കുമെന്ന്  ഖുര്‍ആന്‍ സ്റ്റഡി സെന്‍റര്‍ സംസ്ഥാന കോഓഡിനേറ്റര്‍ അറിയിച്ചു.

MBL MEDIA SCHOOL‍: അപേക്ഷ ക്ഷണിച്ചു

MBL MEDIA SCHOOL‍

 അപേക്ഷ ക്ഷണിച്ചു

കോഴിക്കോട്: മാധ്യമം ബ്രോഡ്കാസ്റ്റിങ് ലിമിറ്റഡിനു കീഴിലുള്ള എം.ബി.എല്‍ മീഡിയ സ്കൂളില്‍ വിവിധ കോഴ്സുകളിലേക്ക് അപേക്ഷ ക്ഷണിച്ചു. ഒരു വര്‍ഷം ദൈര്‍ഘ്യമുള്ള പി.ജി. ഡിപ്ളോമ ഇന്‍ ടെലിവിഷന്‍ ജേണലിസം, പി.ജി. ഡിപ്ളോമ ഇന്‍ ന്യൂ മീഡിയ ആന്‍ഡ് പ്രിന്‍റ് ജേണലിസം കോഴ്സുകള്‍ക്ക് ബിരുദമാണ് അടിസ്ഥാന യോഗ്യത. എഴുത്തു പരീക്ഷ, അഭിമുഖം എന്നിവയുടെ അടിസ്ഥാനത്തിലാണ് പ്രവേശം. വീഡിയോഗ്രഫി, ഫോട്ടോഗ്രഫി, നോണ്‍ ലിനിയര്‍ എഡിറ്റിങ് എന്നീ ഹ്രസ്വകാല കോഴ്സുകളിലേക്കും അപേക്ഷ ക്ഷണിച്ചു. പ്ളസ്ടുവാണ് അടിസ്ഥാന യോഗ്യത. കൂടുതല്‍ വിവരങ്ങള്‍ക്ക് 0495-2482455, 9447281481 എന്നീ നമ്പറുകളില്‍ ബന്ധപ്പെടണം. www.mblmediaschool.com എന്ന വെബ്സൈറ്റില്‍ അപേക്ഷാഫോറം ലഭ്യമാണ്.

FAROOK COLLEGE IAS COACHING

കേരളം അനുകൂലിച്ചത് വഞ്ചനാപരം -സോളിഡാരിറ്റി

ചില്ലറ വ്യാപാര മേഖലയില്‍ വിദേശ നിക്ഷേപം:
കേരളം അനുകൂലിച്ചത് വഞ്ചനാപരം -സോളിഡാരിറ്റി

കോഴിക്കോട്: ചില്ലറ വ്യാപാര മേഖലയിലെ വിദേശ നിക്ഷേപത്തെ കേരളം അനുകൂലിച്ചത് വഞ്ചനാപരമാണെന്ന് സോളിഡാരിറ്റി സംസ്ഥാന ജനറല്‍ സെക്രട്ടറി  ടി. മുഹമ്മദ് വേളം പ്രസ്താവിച്ചു. ചില്ലറ വ്യാപാര മേഖലയില്‍ വിദേശ നിക്ഷേപത്തെ കേരള സര്‍ക്കാര്‍ അനുകൂലിച്ച് കത്തയച്ചു എന്ന് കേന്ദ്ര വാണിജ്യ മന്ത്രി ആനന്ദ് ശര്‍മ വ്യക്തമാക്കിയത് കേരളത്തിലെ  പൊതുസമൂഹത്തെ ഞെട്ടിപ്പിക്കുന്നതാണ്. ഇത് ശരിയാണെങ്കില്‍ കേരളം ഇതുവരെ തുടര്‍ന്നുവന്ന പൊതുനയത്തിന് വിരുദ്ധമായാണ് കത്തയച്ചത്.
കേരളത്തിലെ വ്യാപാരി സമൂഹത്തോടും പൊതുജനങ്ങളോടും ഉമ്മന്‍ചാണ്ടി സര്‍ക്കാര്‍ നല്‍കിയ ഉറപ്പിനെതിരുമാണ്. മന്ത്രിസഭയോ നിയമസഭയോ ഇത്തരമൊരു തീരുമാനമെടുത്തതായി ജനങ്ങള്‍ക്കറിയില്ല. വഞ്ചനാപരമായ കത്തിന്‍െറ ഉറവിടം ഏതാണെന്ന് സര്‍ക്കാര്‍ വ്യക്തമാക്കണം.  പൊതുസമൂഹവും വ്യാപാരി സമൂഹവും ഒത്തുചേര്‍ന്ന് സര്‍ക്കാര്‍ നിലപാടിനെ തിരുത്തിക്കാന്‍ സമ്മര്‍ദം ചെലുത്തണമെന്നും ശക്തമായ പ്രതിഷേധം രേഖപ്പെടുത്തണമെന്നും പ്രസ്താവനയില്‍ അദ്ദേഹം ആവശ്യപ്പെട്ടു.

MALARVADY

 

താക്കോല്‍ ദാനം

 

 താക്കോല്‍ ദാനം

വാരം: കണ്ണൂര്‍ വിമന്‍സ് അസോസിയേഷനും വാരം ബൈത്തുസ്സകാത്ത് കമ്മിറ്റിയും സംയുക്തമായി വാരം ശാസ്താം കോട്ടം കോളനിയില്‍ നിര്‍മിച്ച വീടിന്‍െറ താക്കോല്‍ ദാനം കണ്ണൂര്‍ വിമന്‍സ് അസോസിയേഷന്‍ പ്രസിഡന്‍റ് ഷക്കീല അഷ്റഫ് നിര്‍വഹിച്ചു. സെക്രട്ടറി ഫരീദ സാദിഖ്, ഷാഹിന ലത്തീഫ്, ജമാഅത്തെ ഇസ്ലാമി വാരം ഘടകം നാസിം കെ.കെ. ഫൈസല്‍ എന്നിവര്‍ സംസാരിച്ചു. ടി.വി. ഷരീഫ നന്ദി പറഞ്ഞു.

എസ്.ഐ.ഒ മെംബര്‍ഷിപ് കാമ്പയിന്‍ തുടങ്ങി

  എസ്.ഐ.ഒ മെംബര്‍ഷിപ് 

കാമ്പയിന്‍ തുടങ്ങി

മാഹി: വിദ്യാര്‍ഥികള്‍ക്ക് പറയാനുള്ളത് മറ്റൊന്നാണ് എന്ന സന്ദേശവുമായി എസ്.ഐ.ഒ സംസ്ഥാന വ്യാപകമായി നടത്തുന്ന ഹൈസ്കൂള്‍ മെംബര്‍ഷിപ് കാമ്പയിനിന്‍െറ ജില്ലാതല ഉദ്ഘാടനം പെരിങ്ങാടി അല്‍ഫലാഹ് ഇംഗ്ളീഷ് സ്കൂളില്‍ ജില്ലാപ്രസിഡന്‍റ് യൂനുസ് സലീം നിര്‍വഹിച്ചു.
ജില്ലാ സെക്രട്ടറി ആഷിഖ് കാഞ്ഞിരോട് അധ്യക്ഷത വഹിച്ചു. ചൊക്ളി ഏരിയാ പ്രസിഡന്‍റ് അഫ്സല്‍ ഹുസൈന്‍ കാമ്പയിന്‍ വിശദീകരണം നടത്തി. സ്കൂള്‍ മാനേജര്‍ എം. ദാവൂദ്, പ്രിന്‍സിപ്പല്‍ ശര്‍മിന ഖാലിദ്, സി.എച്ച്.അബ്ദുറഹ്മാന്‍, എന്‍.എം. ബഷീര്‍, ജി.ഐ.ഒ കാമ്പസ് ഏരിയാ പ്രസിഡന്‍റ് ഫഹീമ എന്നിവര്‍ സംസാരിച്ചു. വി.വി. മുനവ്വിര്‍ മുഹമ്മദ് ആദ്യ മെംബര്‍ഷിപ് ഏറ്റുവാങ്ങി. ജസീം സ്വാഗതവും നസല്‍ നന്ദിയും പറഞ്ഞു.

ടി.പി വധം: കെ.കെ രാഗേഷിനെ ചോദ്യം ചെയ്യും

 ടി.പി വധം: 

കെ.കെ രാഗേഷിനെ 

ചോദ്യം ചെയ്യും

വടകര: റവല്യുഷനറി മാര്‍ക്സിസ്റ്റ് പാര്‍ടി നേതാവ് ടി.പി ചന്ദ്രശേഖരന്‍ കൊല്ലപ്പെട്ട കേസില്‍ ചോദ്യം ചെയ്യലിന് ഹാജരാകാന്‍ സി.പി.എം സംസ്ഥാന സമിതിയംഗം കെ.കെ രാഗേഷിന് പ്രത്യേക അന്വേഷണ സംഘം നോട്ടീസ് നല്‍കി. എന്നാല്‍, അസുഖം കാരണം ഉടന്‍ ഹാജരാകാന്‍ കഴിയില്ലെന്നും 20 ദിവസത്തിനുള്ളില്‍ ഹാജരാകാമെന്നും രാഗേഷ് അന്വേഷണ ഉദ്യോഗസ്ഥരെ അറിയിച്ചു.
കുഞ്ഞനന്തനെ ഒളിവില്‍ പോകാന്‍ സഹായിച്ചത് രാഗേഷിന്റെ നിര്‍ദേശപ്രകാരമാണെന്ന് കഴിഞ്ഞ ദിവസം അറസ്റ്റിലായ എസ്.എഫ്.ഐ കണ്ണൂര്‍ ജില്ലാ പ്രസിഡന്റ് സലിന്‍ ശശി മൊഴി നല്‍കിയിരുന്നു. ഇതിന്റെ അടിസ്ഥാനത്തിലാണ് ഇന്ന് അന്വേഷണ സംഘത്തിന്റെ വടകരയിലെ ക്യാമ്പ് ഓഫിസില്‍ ഹാജരാകാന്‍ രാഗേഷിനോട് ആവശ്യപ്പെട്ടത്.

Courtesy: www.madhyamam.com

http://www.madhyamam.com/news/175375/120627

MADHYAMAM SILVER JUBILEE

 

 

MADHYAMAM SILVER JUBILEE

ഭവനനിര്‍മാണം

 ഭവനനിര്‍മാണം

മുഴപ്പിലങ്ങാട്: മുഴപ്പിലങ്ങാട് ബൈത്തുസകാത്ത് കമ്മിറ്റിയുടെ ആഭിമുഖ്യത്തില്‍ പ്രദേശത്തെ നിര്‍ധനര്‍ക്ക് വീട് നിര്‍മിക്കുന്ന പദ്ധതിക്ക് തുടക്കമായി. ആദ്യവീടിന്‍െറ കുറ്റിയടിക്കല്‍ കര്‍മം എടക്കാട് കാരുണ്യ ചാരിറ്റബിള്‍ ട്രസ്റ്റ് വൈസ്ചെയര്‍മാന്‍ കളത്തില്‍ ബഷീര്‍ നിര്‍വഹിച്ചു. ബൈത്തുസകാത്ത് കമ്മിറ്റി പ്രസിഡന്‍റ് അബ്ദുല്ല ഹാജി, പി.കെ. അബ്ദുറഹീം, പി.കെ. അബ്ദുറബ്ബ്, യു.കെ. സയ്യിദ് എന്നിവര്‍ സംബന്ധിച്ചു. കെട്ടിനകം ജുമാമസ്ജിദ് ഖത്തീബ് ഹാരിസ് മൗലവി പ്രാര്‍ഥന നടത്തി.

നോര്‍ക്ക പഠനക്യാമ്പ്

നോര്‍ക്ക പഠനക്യാമ്പ്

കണ്ണൂര്‍: നോര്‍ക്കയുടെ ആഭിമുഖ്യത്തില്‍ വിദേശ തൊഴിലന്വേഷകര്‍ക്കായി ഒരുദിവസത്തെ പഠനക്യാമ്പ് വയനാട് ഹോട്ടല്‍ വുഡ്ലാന്‍റ്സില്‍ ജൂലൈ ഏഴിന് നടക്കും.  വിസ സംബന്ധമായ പ്രശ്നങ്ങള്‍, തൊഴില്‍ സംബന്ധമായ കരാറുകള്‍, ശമ്പള വ്യവസ്ഥകള്‍, വിദേശത്ത് ഇന്‍റര്‍വ്യൂവിന് പങ്കെടുക്കാന്‍ ഉദ്യോഗാര്‍ഥികളെ പ്രാപ്തരാക്കുന്ന ക്ളാസുകള്‍ തുടങ്ങി വിദേശ രാജ്യങ്ങളെക്കുറിച്ച് അത്യാവശ്യം അറിഞ്ഞിരിക്കേണ്ട നിയമങ്ങളില്‍ പ്രഗല്ഭര്‍ ക്ളാസെടുക്കും.  താല്‍പര്യമുള്ളവര്‍ 100 രൂപ ഫീസടച്ച് പേര് രജിസ്റ്റര്‍ ചെയ്യണം. ഫോണ്‍ :0497 2765310, 9744328441.

മുഹമ്മദ് മുര്‍സിയെ ജമാഅത്തെ ഇസ്ലാമി അഭിനന്ദിച്ചു

 മുഹമ്മദ് മുര്‍സിയെ
ജമാഅത്തെ ഇസ്ലാമി അഭിനന്ദിച്ചു

ന്യൂദല്‍ഹി: ഈജിപ്തിന്‍െറ പുതിയ പ്രസിഡന്‍റായി തെരഞ്ഞെടുക്കപ്പെട്ട മുഹമ്മദ് മുര്‍സിയെ ജമാഅത്തെ ഇസ്ലാമി അഭിനന്ദിച്ചു. മുസ്ലിം ബ്രദര്‍ഹുഡ് സ്ഥാനാര്‍ഥിയായ മുര്‍സിയുടെ വിജയം മുസ്ലിം ലോകത്തിന് സുപ്രധാനമാണെന്ന് അഖിലേന്ത്യാ അമീര്‍ മൗലാനാ സയ്യിദ് ജലാലുദ്ദീന്‍ ഉമരി പറഞ്ഞു. വര്‍ത്തമാനകാലത്തെ വലിയ രാഷ്ട്രീയ മാറ്റമാണ് ഈജിപ്തിലെ ബ്രദര്‍ഹുഡിന്‍െറ വിജയം.
അര നൂറ്റാണ്ടായുള്ള അടിച്ചമര്‍ത്തലിനെതിരെ  സയ്യിദ് ഹസനുല്‍ ബന്നയും ആയിരക്കണക്കിന് ബ്രദര്‍ഹുഡ് പ്രവര്‍ത്തകരും നടത്തിയ ത്യാഗപൂര്‍ണമായ പോരാട്ടത്തിന്‍െറ വിജയമാണിത്. ഇസ്രായേല്‍ ഉള്‍പ്പെടെയുള്ള ഇസ്ലാമിന്‍െറ ശത്രുക്കള്‍ ഈ വിജയം പൂര്‍ണ മനസ്സോടെ സ്വീകരിക്കാനിടയില്ല. അതിനെതിരെ ജാഗ്രത പാലിക്കാനും വിജയത്തിന്‍െറ ശക്തിശ്രോതസ്സ് ഇസ്ലാണെന്ന് മനസ്സിലാക്കി അതിന്‍െറ അടിസ്ഥാനങ്ങളില്‍ ഉറച്ചുനില്‍ക്കാനും പുതിയ സര്‍ക്കാറിന് കഴിയണം.
ഏഷ്യയിലെ വന്‍ശക്തിയായ ഇന്ത്യയുമായുള്ള ബന്ധം കൂടുതല്‍ ദൃഢമാക്കാന്‍ പുതിയ സര്‍ക്കാര്‍ താല്‍പര്യമെടുക്കുമെന്നാണ് പ്രതീക്ഷിക്കുന്നത്. അറബ് ലോകവുമായുള്ള ഇന്ത്യയുടെ ബന്ധം ഊഷ്മളമാക്കാന്‍ നമ്മുടെ സര്‍ക്കാറിന്‍െറ ഭാഗത്തുനിന്ന് ശ്രമങ്ങള്‍ വേണമെന്നും ജലാലുദ്ദീന്‍ ഉമരി അഭിപ്രായപ്പെട്ടു.

 മുര്‍സിയുടേത് ജനകീയ
പ്രക്ഷോഭങ്ങളുടെ വിജയം
-ടി. ആരിഫലി

കോഴിക്കോട്: ഈജിപ്ത് ജനതയെയും ലോകമെമ്പാടുമുള്ള ജനാധിപത്യ പ്രേമികളെയും  ആവേശഭരിതരാക്കി ഈജിപ്തില്‍ അധികാരത്തിലത്തെിയ മുസ്ലിം ബ്രദര്‍ഹുഡ് സ്ഥാനാര്‍ഥി മുഹമ്മദ് മുര്‍സിയുടെ വിജയത്തില്‍ ജമാഅത്തെ ഇസ്ലാമി കേരള അമീര്‍ ടി. ആരിഫലി സന്തോഷം പ്രകടിപ്പിച്ചു. ലോകത്തെങ്ങുമുള്ള ജനാധിപത്യ പ്രക്ഷോഭങ്ങള്‍ക്ക് ആവേശം പകരുന്ന വിധിയെഴുത്താണിത്. അറബ് മുസ്ലിം രാജ്യങ്ങള്‍ തീവ്രവാദത്തിന്‍െറയും ഭീകരവാദത്തിന്‍െറയും വിളനിലങ്ങളാണെന്നും ജനാധിപത്യപരമായ സ്വയം പര്യാപ്തതക്ക് പക്വത ആര്‍ജിച്ചിട്ടില്ളെന്നുമുള്ള പാശ്ചാത്യന്‍ പ്രചാരണത്തിനുള്ള മറുപടി കൂടിയാണ് തുനീഷ്യക്ക് ശേഷം ഈജിപ്തിലുമുണ്ടായ ഈ വിജയം. സാമൂഹിക-രാഷ്ട്രീയ ഉള്ളടക്കമുള്ള മതപ്രസ്ഥാനങ്ങളുടെ തിരിച്ചുവരവാണിത് കാണിക്കുന്നത്. അത്തരം  പ്രസ്ഥാനങ്ങളെ തീവ്രവാദമെന്ന് ആരോപിച്ച് രാക്ഷസവത്കരിക്കുന്നവര്‍ക്കുള്ള തിരിച്ചടിയാണ് മുര്‍സിയുടെ വിജയം. അതേസമയം, ഈജിപ്തിലെ ജനാധിപത്യ വിജയത്തെ അട്ടിമറിച്ച് അധികാരം വീണ്ടും സൈന്യത്തിന്‍െറ കൈപ്പിടിയില്‍ ഒതുക്കാനുള്ള ഗൂഢനീക്കങ്ങളെക്കുറിച്ച് ജനാധിപത്യലോകം ജാഗ്രത്തായിരിക്കണമെന്നും അമീര്‍ ആവശ്യപ്പെട്ടു.

ഫീസ് വര്‍ധനക്കെതിരെ എസ്.ഐ.ഒ നിയമസഭാ മാര്‍ച്ച് നടത്തി

 ഫീസ് വര്‍ധനക്കെതിരെ എസ്.ഐ.ഒ 

നിയമസഭാ മാര്‍ച്ച് നടത്തി

തിരുവനന്തപുരം:  ഡിഗ്രി, പി.ജി കോഴ്സുകളുടെ ഫീസ് വര്‍ധന  പിന്‍വലിക്കുക, ക്രെഡിറ്റ് ആന്‍ഡ് സെമസ്റ്റര്‍ സിസ്റ്റം അപാകതകള്‍ പരിഹരിക്കുക, സ്വാശ്രയ വിദ്യാഭ്യാസം സോഷ്യല്‍ ഓഡിറ്റിങ്ങിന് വിധേയമാക്കുക തുടങ്ങിയ ആവശ്യങ്ങളുന്നയിച്ച് എസ്.ഐ.ഒ പ്രവര്‍ത്തകര്‍ നിയമസഭാമാര്‍ച്ച് നടത്തി.
യൂനിവേഴ്സിറ്റി കോളജിനു മുന്നില്‍നിന്ന് ആരംഭിച്ച മാര്‍ച്ച് നിയമസഭാ കവാടത്തിനു മുന്നില്‍ പൊലീസ് തടഞ്ഞതിനെ തുടര്‍ന്ന് പ്രവര്‍ത്തകരും പൊലീസും ഏറ്റുമുട്ടിയത് നേരിയ സംഘര്‍ഷത്തിനിടയാക്കി. തുടര്‍ന്ന് പ്രവര്‍ത്തകര്‍ റോഡില്‍ കുത്തിയിരുന്ന് മുദ്രാവാക്യം വിളിച്ചു. മാര്‍ച്ച് സംസ്ഥാന പ്രസിഡന്‍റ് ശിഹാബ് പൂക്കോട്ടൂര്‍ ഉദ്ഘാടനം ചെയ്തു. അന്യായ  ഫീസ് വര്‍ധന പാവപ്പെട്ട വിദ്യാര്‍ഥികളുടെ നട്ടെല്ളൊടിക്കുന്ന നടപടിയാണെന്ന് അദ്ദേഹം പറഞ്ഞു. നിയമസഭയുടെ നടുത്തളത്തില്‍ തെറിയഭിഷേകം നടത്തുന്നവര്‍ വിദ്യാര്‍ഥികളുടെ ന്യായമായ ആവശ്യങ്ങള്‍ക്കു നേരെ കണ്ണടയ്ക്കുന്നതിലൂടെ കൂടുതല്‍ ശക്തമായ വിദ്യാര്‍ഥി പ്രക്ഷോഭങ്ങളെ ക്ഷണിച്ചു വരുത്തുകയാണ് ചെയ്യുന്നത്. കഴിഞ്ഞ ബജറ്റില്‍ തുക വകയിരുത്തിയിട്ടുള്ള  ഓപണ്‍ യൂനിവേഴ്സിറ്റി, ടെക്നിക്കല്‍ യൂനിവേഴ്സിറ്റി എന്നിവ ഉടന്‍ യാഥാര്‍ഥ്യമാക്കുന്നതിനുള്ള നടപടികള്‍ സ്വീകരിക്കണം. പിറവം തെരഞ്ഞെടുപ്പിനു മുമ്പായി നടത്തിയ വോട്ട് കച്ചവടത്തിന്‍െറ ഭാഗമായി രൂപപ്പെട്ട സ്വാശ്രയ  കരാറുകള്‍ ജനവിരുദ്ധമാണ്. ലക്ഷക്കണക്കിന് വിദ്യാര്‍ഥികളുടെ ഭാവിയെ ബാധിക്കുന്ന ക്രെഡിറ്റ്ആന്‍ഡ് സെമസ്റ്റര്‍ സിസ്റ്റത്തിലെ ഇനിയും നികത്തപ്പെട്ടിട്ടില്ലാത്ത അപാകതകള്‍ പരിഹരിച്ച് ഗുണനിലവാരം ഉയര്‍ത്തണമെന്നും അദ്ദേഹം ആവശ്യപ്പെട്ടു.
സോളിഡാരിറ്റി സംസ്ഥാന സെക്രട്ടറി കെ. സജീദ്, എസ്.ഐ.ഒ സംസ്ഥാന സെക്രട്ടറി കെ.എസ്. നിസാര്‍, തിരുവനന്തപുരം ജില്ലാ പ്രസിഡന്‍റ് സക്കീര്‍ നേമം എന്നിവര്‍ സംസാരിച്ചു. മാര്‍ച്ചിന് സുഹൈബ് സി.ടി, ജമാല്‍ പാനായിക്കുളം, ഫാസില്‍, സഹ്ല, അമീര്‍, ഷിയാസ്, അജ്മല്‍ റഹ്മാന്‍, യൂസുഫ് എന്നിവര്‍ നേതൃത്വം നല്‍കി.