"പ്രതിഷേധ തെരുവ്'

 

 

 

 

 വെല്‍ഫെയര്‍ പാര്‍ട്ടി
"പ്രതിഷേധ തെരുവ്'നടത്തി

കാഞ്ഞിരോട്: കേന്ദ്ര,സംസ്ഥാന സര്‍ക്കാറുകളുടെ ജന¤്രദാഹ നയങ്ങള്‍ക്കെതിരെ വെല്‍ഫെയര്‍ പാര്‍ട്ടി മുണ്ടേരി പഞ്ചായത്ത് കമ്മിറ്റി കുടിക്കിമൊട്ട ബസാറില്‍ 'പ്രതിഷേധ തെരുവ്' സംഘടിപ്പിച്ചു. പരിപാടി വെല്‍ഫെയര്‍ പാര്‍ട്ടി ജില്ലാ സെക്രട്ടറി മോഹനന്‍ കുഞ്ഞിമംഗലം ഉദ്ഘാടനം ചെയ്തു. യു. കെ. സെയ്ദ് മുഖ്യപ്രഭാഷണം നടത്തി.  എം. ഖദീജ അധ്യക്ഷത വഹിച്ചു. സി. ഇംതിയാസ് മുഹമ്മദ്, എം. പി. ഹാരിസ്, തുടങ്ങിയവര്‍ സംസാരിച്ചു. ബശീര്‍ മുണ്ടേരി സ്വാഗതവും സി. എച്ച്. മുസ്തഫ മാസ്റ്റര്‍ നന്ദിയും പറഞ്ഞു.

MEDIAONE

SOLIDARITY

മലര്‍വാടി വിജ്ഞാനോത്സവ വിജയികള്‍

 

 

 

 

 

 

 മലര്‍വാടി വിജ്ഞാനോത്സവ വിജയികള്‍

കണ്ണൂര്‍: മലര്‍വാടി ബാലസംഘം കണ്ണൂര്‍ ഏരിയ കൗസര്‍ ഇംഗ്ളീഷ് സ്കൂളില്‍ വിജ്ഞാനോത്സവം-2013 നടത്തി. വിജയികള്‍-യു.പി വിഭാഗം: കെ.കെ. ശാരിക (കോയ്യോട് മദ്റസ യു.പി സ്കൂള്‍), കെ.വി. അതുല്‍രാജ് (കാഞ്ഞിരോട് ശങ്കരവിലാസം യു.പി സ്കൂള്‍), വി.വി. ജിഷ്ണുദേവ് (ഏച്ചൂര്‍ വെസ്റ്റ് യു.പി സ്കൂള്‍). എല്‍.പി വിഭാഗം: കെ.കെ. സിതാര (കോയ്യോട് മദ്റസ യു.പി സ്കൂള്‍), കെ. അഭിഷേക് (വാരം യു.പി സ്കൂള്‍), ടി. സയന (വാരം യു.പി സ്കൂള്‍).
വിജയികള്‍ക്ക് ജമാഅത്തെ ഇസ്ലാമി കണ്ണൂര്‍ ഏരിയ പ്രസിഡന്‍റ് മുഹമ്മദ് ഹനീഫ മാസ്റ്റര്‍, കെ. മൊയ്തീന്‍കുഞ്ഞി എന്നിവര്‍ സമ്മാനങ്ങള്‍ വിതരണം ചെയ്തു. കണ്ണൂര്‍ ഏരിയ സെക്രട്ടറി കെ.കെ. ശുഹൈബ് മുഹമ്മദ് അധ്യക്ഷത വഹിച്ചു. അമീര്‍ മാസ്റ്റര്‍ സംസാരിച്ചു. മലര്‍വാടി ബാലസംഘം കണ്ണൂര്‍ ഏരിയ കോഓഡിനേറ്റര്‍ പി.സി.എം. അജ്മല്‍ സ്വാഗതം പറഞ്ഞു.

മലര്‍വാടി വിജ്ഞാനോത്സവം

 മലര്‍വാടി വിജ്ഞാനോത്സവം

പഴയങ്ങാടി: മലര്‍വാടി ബാലസംഘം മാടായി ഏരിയതല മത്സരം പഴയങ്ങാടി ജി.എം.യു.പി സ്കൂളില്‍ നടന്നു. യു.പി വിഭാഗത്തില്‍ ടി.എസ്. ശിവപ്രസാദ്( ജി.യു.പി സ്കൂള്‍,പുറച്ചേരി), സി.എ. ഇസ്മായില്‍ അഹമ്മദ് (ഐ.എസ്.ടി സ്കൂള്‍, പയ്യന്നൂര്‍), ദേവിക ശ്രീജിത്ത് (നെരുവമ്പ്രം യു.പി സ്കൂള്‍) എന്നിവര്‍ ഒന്നും രണ്ടും മൂന്നും സ്ഥാനങ്ങള്‍ നേടി. എല്‍.പി വിഭാഗത്തില്‍ മാടായി എല്‍.പി സ്കൂളിലെ തേജസ് കൃഷ്ണ, കുഞ്ഞിമംഗലം ജി.എം.എല്‍.പി സ്കൂളിലെ  ടി.പി. നന്ദന, പുറച്ചേരി ജി.യു.പി.എസിലെ  പി. നീരജ് എന്നിവര്‍ക്കാണ് ഒന്നും രണ്ടും മൂന്നും സ്ഥാനങ്ങള്‍. ബി.പി. അബ്ദുല്‍ ഹമീദ് സമ്മാന വിതരണം നടത്തി. മത്സരങ്ങള്‍ക്ക് ഖലീല്‍ അബ്ദുല്ല, കെ.പി. ജമീല്‍, ഖന്‍സ ജലീല്‍ എന്നിവര്‍ നേതൃത്വം നല്‍കി. മലര്‍വാടി ബാല സംഘം ഏരിയ കോഓഡിനേറ്റര്‍ ടി.പി. കുഞ്ഞബ്ദുല്ല മാസ്റ്റര്‍ സ്വാഗതവും അനസ് മാസ്റ്റര്‍ നന്ദിയും പറഞ്ഞു.

എസ്.ഐ.ഒ സംവാദം

എസ്.ഐ.ഒ സംവാദം

തലശ്ശേരി: എസ്.ഐ.ഒ ബ്രണ്ണന്‍ കോളജ് യൂനിറ്റിന്‍െറ ആഭിമുഖ്യത്തില്‍ ‘സ്ത്രീ സമൂഹം: പ്രശ്നപരിഹാരം’ എന്ന വിഷയത്തില്‍ തുറന്ന സംവാദം സംഘടിപ്പിച്ചു.   ജി.ഐ.ഒ ജില്ല സെക്രട്ടറി നാജിയ ഉദ്ഘാടനം ചെയ്തു. യൂനിറ്റ് പ്രസിഡന്‍റ് ആയിഷ തഹ്നിയ സംവാദം നിയന്ത്രിച്ചു.

സോളിഡാരിറ്റി അവാര്‍ഡ്

പി. സുരേഷ് ബാബുവിനും അനീഷ് ബര്‍സോമിനും
സോളിഡാരിറ്റി അവാര്‍ഡ്

കോഴിക്കോട്: സോളിഡാരിറ്റി പത്ര-ദൃശ്യ മാധ്യമ അവാര്‍ഡുകള്‍ക്ക് പി. സുരേഷ് ബാബുവിനെയും അനീഷ് ബര്‍സോമിനെയും തെരഞ്ഞെടുത്തു. എസ്. അജിത് കുമാറിന് പ്രത്യേക ജൂറി പുരസ്കാരം നല്‍കും.
നെല്ലിയാമ്പതി വനഭൂമി കൈയേറ്റവുമായി ബന്ധപ്പെട്ട് ‘മാതൃഭൂമി’യില്‍ ‘നെല്ലിയാമ്പതിയിലെ നെല്ലും പതിരും’ എന്ന പരമ്പര തയാറാക്കിയ മാതൃഭൂമി സ്റ്റാഫ് റിപ്പോര്‍ട്ടര്‍ പി. സുരേഷ് ബാബുവിന് പത്ര മാധ്യമ അവാര്‍ഡും റിപ്പോര്‍ട്ടര്‍ ടി.വി ചാനലിലെ അടയാളം പരമ്പരയില്‍ പശ്ചിമഘട്ട മലനിരകളുടെ സംരക്ഷണവുമായി ബന്ധപ്പെട്ടും മാധവ് ഗാഡ്ഗില്‍ റിപ്പോര്‍ട്ട് സംബന്ധിച്ചും ഫീച്ചര്‍ തയാറാക്കിയ അനീഷ് ബര്‍സോമിന് ദൃശ്യ മാധ്യമ അവാര്‍ഡും നല്‍കും.
ദലിത്-ഗോത്ര പാരമ്പര്യ സംഗീതവുമായി ബന്ധപ്പെട്ട് ‘ത്രീഡി കാസ്റ്റ് സ്റ്റീരിയോ’ ഡോക്യുമെന്‍ററി സംവിധാനം ചെയ്ത എ.എസ്. അജിത്കുമാറിനാണ് പ്രത്യേക ജൂറി പുരസ്കാരം.
മാധ്യമം ആഴ്ചപ്പതിപ്പ് അസോസിയേറ്റ് എഡിറ്റര്‍ പ്രഫ. യാസീന്‍ അഷ്റഫ്, ദലിത് എഴുത്തുകാരനും ചിന്തകനുമായ കെ.കെ. കൊച്ച്, കാലിക്കറ്റ് യൂനിവേഴ്സിറ്റി മാസ് മീഡിയ കമ്യൂണിക്കേഷന്‍ വിഭാഗം തലവന്‍ ഡോ. എം. മുഹമ്മദലി, ഡോക്യുമെന്‍ററി സംവിധായകന്‍ പി. ബാബുരാജ് എന്നിവരടങ്ങിയ ജൂറി അംഗങ്ങളാണ് അവാര്‍ഡ് ജേതാക്കളെ തെരഞ്ഞെടുത്തത്. 10,000 രൂപയും പ്രശസ്തിപത്രവുമടങ്ങുന്ന പത്ര-ദൃശ്യ മാധ്യമ അവാര്‍ഡും 5,000 രൂപയും പ്രശസ്തിപത്രവുമടങ്ങുന്ന പ്രത്യേക ജൂറി അവാര്‍ഡും ജനുവരി 28ന് തിരുവനന്തപുരം പ്രസ്ക്ളബ് ഫോര്‍ത്ത് എസ്റ്റേറ്റ് ഹാളില്‍ സമ്മാനിക്കും.

ഖുര്‍ആന്‍ സ്റ്റഡി സെന്‍റര്‍ സംസ്ഥാന സംഗമം 27ന് കല്‍പറ്റയില്‍

ഖുര്‍ആന്‍ സ്റ്റഡി സെന്‍റര്‍
സംസ്ഥാന സംഗമം 27ന് കല്‍പറ്റയില്‍

 കല്‍പറ്റ: ഖുര്‍ആന്‍ സ്റ്റഡി സെന്‍റര്‍ കേരളയുടെ സംസ്ഥാന സംഗമവും അവാര്‍ഡ് ദാനവും ജനുവരി 27ന് കല്‍പറ്റ ലളിത് മഹല്‍ ഓഡിറ്റോറിയത്തില്‍ നടക്കുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു. രാവിലെ 10ന് ജമാഅത്തെ ഇസ്ലാമി അഖിലേന്ത്യാ അമീര്‍ മൗലാനാ സയ്യിദ് ജലാലുദ്ദീന്‍ ഉമരി ഉദ്ഘാടനം ചെയ്യും. കേരള അമീര്‍ ടി. ആരിഫലി അധ്യക്ഷത വഹിക്കും.
11.30ന് നടക്കുന്ന സെമിനാറില്‍ ‘വിശുദ്ധ ഖുര്‍ആനിന്‍െറ അമാനുഷികത’ എന്ന വിഷയത്തില്‍ ഡോ. ജമാലുദ്ദീന്‍ ഫാറൂഖി, ‘വിശുദ്ധ ഖുര്‍ആനിന്‍െറ ആത്മീയത’ എന്ന വിഷയത്തില്‍ എ.പി. ഹുസൈന്‍ സഖാഫി ചെമ്മലശ്ശേരി, ‘സ്ത്രീ വിശുദ്ധ ഖുര്‍ആനില്‍’ എന്ന വിഷയത്തില്‍ പി.വി. റഹ്മാബി, ‘വിശുദ്ധ ഖുര്‍ആനും സമൂഹ സംവിധാനവും’ എന്ന വിഷയത്തില്‍ വി.കെ. അലി എന്നിവര്‍ സംസാരിക്കും.
ഉച്ചക്ക് 2.30ന് അവാര്‍ഡ് ദാന സമ്മേളനം ഇ.ടി. മുഹമ്മദ് ബഷീര്‍ എം.പി ഉദ്ഘാടനം ചെയ്യും. തിരുവനന്തപുരം പാളയം പള്ളി ഇമാം ജമാലുദ്ദീന്‍ മങ്കട അവാര്‍ഡ്ദാനം നിര്‍വഹിക്കും. ജമാഅത്തെ ഇസ്ലാമി കേരള അസി. അമീര്‍ ശൈഖ് മുഹമ്മദ് കാരകുന്ന് അധ്യക്ഷത വഹിക്കും. കല്‍പറ്റ നഗരസഭാ ചെയര്‍മാന്‍ എ.പി. ഹമീദ്, ശാന്തപുരം അല്‍ ജാമിഅ ഡെ. റെക്ടര്‍ ഇല്‍യാസ് മൗലവി, പി. ആലി ഹാജി, വ്യാപാരി വ്യവസായി ഏകോപന സമിതി വയനാട് ജില്ലാ വൈസ് പ്രസിഡന്‍റ് കെ. കുഞ്ഞിരായന്‍ ഹാജി എന്നിവര്‍ സംസാരിക്കും.
കേരളത്തില്‍ 1997ല്‍ രൂപവത്കരിച്ച ഖുര്‍ആന്‍ പഠനവേദിയാണ് ഖുര്‍ആന്‍ സ്റ്റഡി സെന്‍റര്‍ കേരള. ആയിരത്തിലധികം പഠനകേന്ദ്രങ്ങളും പതിനയ്യായിരത്തിലധികം പഠിതാക്കളുമുണ്ട്.
ആഴ്ചയില്‍ രണ്ട് മണിക്കൂര്‍ എന്ന ക്രമത്തില്‍ ഒമ്പതു വര്‍ഷംകൊണ്ട് ഖുര്‍ആനിലെ മുഴുവന്‍ അധ്യായങ്ങളും പഠിക്കാവുന്ന തരത്തിലാണ് സിലബസ്. നാല് ബാച്ചുകള്‍ ഇതിനകം പുറത്തിറങ്ങി. ഹ്രസ്വകാല കോഴ്സുകളും പൊതുക്ളാസുകളും നടത്തുന്നുമുണ്ട്.

MEDIAONE

WEDDING

MEDIAONE

SOLIDARITY

ബ്രൈറ്റ് ഇംഗ്ളീഷ് സ്കൂള്‍ സ്പോര്‍ട്സ് ദിനം

ബ്രൈറ്റ് ഇംഗ്ളീഷ് സ്കൂള്‍ സ്പോര്‍ട്സ് ദിനം

തലശ്ശേരി: ചേറ്റംകുന്ന് ബ്രൈറ്റ് ഇംഗ്ളീഷ് സ്കൂള്‍ കായികമേള  തലശ്ശേരി മുനിസിപ്പല്‍ സ്റ്റേഡിയത്തില്‍ എസ്.ഐ ബിജു ലൂക്കോസ് ഉദ്ഘാടനം ചെയ്തു. 
ഐഡിയല്‍ ട്രസ്റ്റ് ചെയര്‍മാന്‍ എം.കെ. അബ്ദുല്‍ അസീസ് അധ്യക്ഷത വഹിച്ചു. പി.ടി.എ പ്രസിഡന്‍റ് എസ്.എ. പുതിയവളപ്പില്‍ സംസാരിച്ചു. പ്രിന്‍സിപ്പല്‍ പി. ഹുസൈന്‍ സ്വാഗതവും കായികാധ്യാപകന്‍ പ്രഭാകരന്‍ നന്ദിയും  പറഞ്ഞു.

സൗജന്യ നെറ്റ് പരിശീലന ക്ളാസ്

 സൗജന്യ നെറ്റ് പരിശീലന ക്ളാസ്

കണ്ണൂര്‍: 2013 ജൂണില്‍ നടക്കുന്ന കോളജ് അധ്യാപക നിയമനത്തിനുള്ള ദേശീയ യോഗ്യതാ പരീക്ഷയായ നെറ്റിന്‍െറ സൗജന്യ പരിശീലന ക്ളാസുകള്‍ തളിപ്പറമ്പ് സര്‍സയ്യിദ് കോളജില്‍ ഉടന്‍ ആരംഭിക്കും. യു.ജി.സിയുടെ സാമ്പത്തിക സഹായത്തോടെ നടത്തുന്ന കോഴ്സില്‍ ചേരാന്‍ ആഗ്രഹിക്കുന്ന ഫിസിക്സ്, കെമിസ്ട്രി, ബോട്ടണി, കോമേഴ്സ് ബിരുദാനന്തര ബിരുദധാരികള്‍ പാസ്പോര്‍ട്ട് സൈസ് ഫോട്ടോ സഹിതം നിശ്ചിത ഫോറത്തില്‍ ജനുവരി 30നകം അപേക്ഷിക്കണം. അവസാനവര്‍ഷ ബിരുദാനന്തര ബിരുദ വിദ്യാര്‍ഥികള്‍ക്കും അപേക്ഷിക്കാം. അപേക്ഷാഫോറത്തിനും വിശദ വിവരത്തിനും കോഴ്സ് കോഓഡിനേറ്ററുമായി ബന്ധപ്പെടണം. ഫോണ്‍: 9746377146.

മലര്‍വാടി വിജ്ഞാനോത്സവം

മലര്‍വാടി വിജ്ഞാനോത്സവം

ഇരിക്കൂര്‍: ഇരിക്കൂറിലും പരിസരങ്ങളിലും മലര്‍വാടി വിജ്ഞാനോത്സവം നടന്നു. പെരുവളത്തുപറമ്പ് റഹ്മാനിയ യതീംഖാന എല്‍.പി സ്കൂളില്‍ നടന്ന ക്വിസ് മത്സരത്തില്‍ വി.വി. ഫാത്തിമത്തു നഈമ ഒന്നാംസ്ഥാനവും പി.പി. അനിഷ രണ്ടാംസ്ഥാനവും നേടി. വിജയികള്‍ക്കുള്ള സമ്മാന വിതരണം സ്കൂള്‍ സ്റ്റാഫ് സെക്രട്ടറി എന്‍.കെ. സുലൈഖ വിതരണം ചെയ്തു. വിജ്ഞാന മത്സര പരീക്ഷക്ക് അധ്യാപകരായ ആര്‍. അശ്റഫ്, കെ. സൗമിനി, സി.പി. നൗഷാദ് എന്നിവര്‍ നേതൃത്വം നല്‍കി.  

ഫൈനാര്‍ട്സ് ഡേ ഉദ്ഘാടനം

 ഫൈനാര്‍ട്സ് ഡേ ഉദ്ഘാടനം

കാഞ്ഞിരോട്: നഹര്‍ ആര്‍ട്സ് ആന്‍ഡ് സയന്‍സ് കോളജ് ഫൈന്‍ ആര്‍ട്സ് ഡേ പ്രഭാകരന്‍ പഴശ്ശി ഉദ്ഘാടനം ചെയ്തു. കോളജ് യൂനിയന്‍ ചെയര്‍മാന്‍ പി. നിഹാല്‍ അധ്യക്ഷത വഹിച്ചു. മാനേജര്‍ എ. മൂസ മാസ്റ്റര്‍, സ്റ്റാഫ് അഡൈ്വസര്‍ മഹിജ, കായികാധ്യാപകന്‍ മുകുന്ദന്‍ മാസ്റ്റര്‍ എന്നിവര്‍ സംസാരിച്ചു. പ്രിന്‍സിപ്പല്‍ പ്രഫ. സി. താരാനാഥ് സ്വാഗതവും ഫൈനാര്‍ട്സ് സെക്രട്ടറി ഡി.വി. മുഫീദ് നന്ദിയും പറഞ്ഞു.

jih

WELFARE PARTY

TRAIN TIME

സ്കൂള്‍ വാര്‍ഷികം

 

 

 

 സ്കൂള്‍ വാര്‍ഷികം

ചാലാട്: ഹിറാ ഇംഗ്ളീഷ് സ്കൂള്‍ 12ാം വാര്‍ഷികാഘോഷം ഇസ്ലാമിക് പബ്ളിഷിങ് ഹൗസ് മാനേജര്‍ സി.പി. ഹാരിസ് ഉദ്ഘാടനം ചെയ്തു. ചാലാട് ഹിറാ ചാരിറ്റബ്ള്‍ ട്രസ്റ്റ് ചെയര്‍മാന്‍ കെ.പി. അബ്ദുല്‍ അസീസ് അധ്യക്ഷത വഹിച്ചു. ജമാഅത്തെ ഇസ്ലാമി കണ്ണൂര്‍ ഏരിയ പ്രസിഡന്‍റ് മുഹമ്മദ് ഹനീഫ മാസ്റ്റര്‍, കൗസര്‍ ഇംഗ്ളീഷ് സ്കൂള്‍ മാനേജര്‍ വി.കെ. ഖാലിദ് എന്നിവര്‍ സംസാരിച്ചു. സ്കൂള്‍ പിടി.എ പ്രസിഡന്‍റ് കെ.എം. ഹനീഫ് സമ്മാനദാനം നടത്തി. ഹിറാ ഇംഗ്ളീഷ് സ്കൂള്‍ പ്രിന്‍സിപ്പല്‍ സോണിയ രവീന്ദ്രന്‍ സ്വാഗതവും സ്കൂള്‍ ലീഡര്‍ നസര്‍ മുജീബ് നന്ദിയും പറഞ്ഞു. വിദ്യാര്‍ഥികളുടെ വിവിധ കലാപരിപാടികള്‍ നടന്നു.

MADHYAMAM

മലര്‍വാടി വിജ്ഞാനോത്സവം ഇന്ന്

മലര്‍വാടി വിജ്ഞാനോത്സവം ഇന്ന്

 കണ്ണൂര്‍: മലര്‍വാടി വിജ്ഞാനോത്സവം- 2013 പ്രശ്നോത്തരി സ്കൂള്‍തല മത്സരം ജനുവരി 23ന് ഉച്ച 2.30 മുതല്‍ നാലുവരെ നടക്കും. എല്‍.പി, യു.പി തലങ്ങളിലെ വിജയികള്‍ക്ക് സബ്ജില്ല-ജില്ല മത്സരങ്ങള്‍ക്കു പുറമെ, യു.പി തലത്തിന് സംസ്ഥാന തലത്തിലും മത്സരമുണ്ടാകും.

MEDIAONE

KMJC

PURAVUR MAHALL

 

 

MADANI

PRABODHANAM WEEKLY

MADHYAMAM

വെല്‍ഫെയര്‍ പാര്‍ട്ടി പ്രവര്‍ത്തക കണ്‍വെന്‍ഷന്‍

വെല്‍ഫെയര്‍ പാര്‍ട്ടി പ്രവര്‍ത്തക കണ്‍വെന്‍ഷന്‍

പുന്നോല്‍: വെല്‍ഫെയര്‍ പാര്‍ട്ടി ന്യൂമാഹി പഞ്ചായത്ത് കമ്മിറ്റി പ്രവര്‍ത്തക കണ്‍വെന്‍ഷന്‍ ജില്ല കമ്മിറ്റി അംഗം സി. അബ്ദുന്നാസര്‍ ഉദ്ഘാടനം ചെയ്തു.  തലശ്ശേരി മണ്ഡലം ജന. സെക്രട്ടറി സി.പി. അഷറഫ് അധ്യക്ഷത വഹിച്ചു.  പഞ്ചായത്ത് കമ്മിറ്റി പ്രസിഡന്‍റ് എ.പി. അര്‍ഷാദ്, ജസീന ഇര്‍ഷാദ്, ഹരിത രമേശ്, ടി. ഹനീഫ്, കോണിച്ചേരി അബ്ദുറഹിമാന്‍, പി.എം. അബ്ദുന്നാസര്‍, ടി.വി. രാഘവന്‍, പി.പി. ബിസ്മിന എന്നിവര്‍ സംസാരിച്ചു.

കാണ്‍മാനില്ല

 കാണ്‍മാനില്ല

  മണക്കടവില്‍ ഹംസ (90 വയസ്സ്)

14.01.2013 (തിങ്കള്‍) രണ്ട് മണിമുതല്‍ മുണ്ടേരിയില്‍ നിന്ന് കാണാതായിരിക്കുന്നു. (ഇരുനിറം, മെലിഞ്ഞ ശരീരം, അഞ്ചര അടി തോന്നിക്കുന്ന ഉയരം). വേഷം: ബിസ്കറ്റ് കളര്‍ ലുങ്കിയില്‍ ബ്രൗണ്‍ വരകള്‍, ക്രീം കളര്‍ ഷര്‍ട്ട്, ഗോള്‍ഡന്‍ കളര്‍ വാച്ച്, കണ്ണട, അലൂമിനിയം പൈപ്പില്‍ നീല പിടിയുള്ള ഊന്നുവടി. 

Mob: 9847 940 260,
9947 286 668, 9746 033 230