ഇഫ്താര്‍ മീറ്റ്

  ഇഫ്താര്‍ മീറ്റ്

 ന്യൂമാഹി: ജമാഅത്തെ ഇസ്ലാമി ന്യൂമാഹി ഏരിയയുടെ ആഭിമുഖ്യത്തില്‍ ന്യൂമാഹി ഹിറാ സെന്‍ററില്‍ ഇഫ്താര്‍ മീറ്റ് സംഘടിപ്പിച്ചു. ഏരിയാ പ്രസിഡന്‍റ് സി.കെ. അബ്ദുല്‍ ജലീല്‍ അധ്യക്ഷത വഹിച്ചു. മുനീര്‍ ജമാല്‍ മുഖ്യപ്രഭാഷണം നടത്തി. ന്യൂമാഹി ഗ്രാമപഞ്ചായത്ത് വൈസ്പ്രസിഡന്‍റ് ഖാദര്‍ മാസ്റ്റര്‍, സലഫി മസ്ജിദ് പ്രസിഡന്‍റ് എം.പി. മഹ്മൂദ്, മാഹി-പെരിങ്ങാടി ബൈത്തുസകാത്ത് പ്രസിഡന്‍റ് നൂറുല്‍ അമീന്‍, വള്ളിയില്‍ യൂസഫ്, പുതുപ്പണം ഗഫൂര്‍ എന്നിവര്‍ സംസാരിച്ചു. സി.എം. മുസ്തഫ സ്വാഗതവും സാലിഹ് മുഹമ്മദ് നന്ദിയും പറഞ്ഞു.

ഇഫ്താര്‍ സംഗമം

 

ഇഫ്താര്‍ സംഗമം
തലശ്ശേരി: ജമാഅത്തെ ഇസ്ലാമി തലശ്ശേരി ഏരിയയുടെ ആഭിമുഖ്യത്തില്‍ ടി.സി. റോഡ് ഇസ്ലാമിക് സെന്‍ററില്‍ ഇഫ്താര്‍ സംഗമം സംഘടിപ്പിച്ചു. ഏരിയാ പ്രസിഡന്‍റ് ശബീര്‍ അഹമ്മദ് അധ്യക്ഷത വഹിച്ചു. ജില്ലാ പ്രസിഡന്‍റ് യു.പി. സിദ്ദീഖ് മാസ്റ്റര്‍, സുബൈര്‍ അല്‍കൗസരി എന്നിവര്‍ റമദാന്‍ സന്ദേശം നല്‍കി. കോഴിക്കോട് സര്‍വകലാശാല മുന്‍ വൈസ് ചാന്‍സ്ലര്‍ പ്രഫ. എ.എന്‍.പി. ഉമ്മര്‍കുട്ടി, അഡ്വ. സി.ഒ.ടി. ഉമ്മര്‍, പിലാക്കണ്ടി മുഹമ്മദലി, ഡോ. എസ്.വി. റഷീദ് എന്നിവര്‍ സംബന്ധിച്ചു.

ശിരോവസ്ത്രം: ജി.ഐ.ഒ പരാതി നല്‍കി

 ശിരോവസ്ത്രം: 

ജി.ഐ.ഒ പരാതി നല്‍കി

കൊല്ലം: ശിരോവസ്ത്ര സ്വാതന്ത്ര്യം അനുവദിക്കാത്ത വിദ്യാഭ്യാസ സ്ഥാപനങ്ങള്‍ക്കെതിരെ നിയമനടപടിസ്വീകരിക്കണമെന്നാവശ്യപ്പെട്ട് ഗേള്‍സ് ഇസ്ലാമിക് ഓര്‍ഗനൈസേഷന്‍ (ജി.ഐ.ഒ) ഭാരവാഹികള്‍ മനുഷ്യാവകാശ കമീഷന്‍ സിറ്റിങ്ങില്‍ കമീഷന്‍ അംഗം ആര്‍. നടരാജന് പരാതി നല്‍കി.
ശിരോവസ്ത്രമണിഞ്ഞ് സ്കൂളില്‍ പോകാനാഗ്രഹിക്കുന്ന പെണ്‍കുട്ടികള്‍ക്ക് വിദ്യാഭ്യാസം നിഷേധിക്കുന്ന നിലപാടാണ് ചില മാനേജ്മെന്‍റുകള്‍ സ്വീകരിക്കുന്നതെന്ന് പരാതിയില്‍ ചൂണ്ടിക്കാട്ടുന്നു. ശിരോവസ്ത്രനിരോധത്തിലൂടെ വിദ്യാഭ്യാസം നിഷേധിക്കുക വഴി കടുത്ത മനുഷ്യാവകാശ ലംഘനത്തിനാണ് മുസ്ലിം പെണ്‍കുട്ടികള്‍ ഇരയാകുന്നതെന്ന് പരാതിയില്‍ പറയുന്നു.
കേവലം ചില സ്കൂളുകളില്‍ മാത്രമൊതുങ്ങുന്നതല്ല ഈ പ്രശ്നമെന്ന് ആവര്‍ത്തിക്കുന്ന സംഭവങ്ങള്‍ വ്യക്തമാക്കുന്നതായും പരാതിയില്‍ പറയുന്നു. പരാതിയുടെ അടിസ്ഥാനത്തില്‍ സംസ്ഥാന വിദ്യാഭ്യാസ വകുപ്പ് സെക്രട്ടറിയോട് മനുഷ്യാവകാശ കമീഷന്‍ വിശദീകരണം ആവശ്യപ്പെട്ടെന്നാണറിയുന്നത്. ജി.ഐ.ഒ സംസ്ഥാന കമ്മിറ്റിയംഗം സഹ്ല, ജില്ലാ കമ്മിറ്റിയംഗം ലുബൈന എന്നിവരാണ് പരാതി നല്‍കിയത്.

ഇഫ്താര്‍ സംഗമം

  ഇഫ്താര്‍ സംഗമം

 ചക്കരക്കല്ല്: ചക്കരക്കല്ല് സഫ ഓഡിറ്റോറിയത്തില്‍ ജമാ അത്തെ ഇസ്ലാമി എടക്കാട് ഏരിയയുടെ ആഭിമുഖ്യത്തില്‍ നടന്ന ഇഫ്താര്‍ സംഗമം കെ.കെ. നാരായണന്‍ എം.എല്‍.എ ഉദ്ഘാടനം ചെയ്തു. ജമാഅത്തെ ഇസ്ലാമി എടക്കാട് ഏരിയാ പ്രസിഡന്‍റ് കളത്തില്‍ ബഷീര്‍ അധ്യക്ഷത വഹിച്ചു. സ്വാമി വിശ്വഭദ്രാനന്ദ ശക്തിബോധി സംസാരിച്ചു. ഡോ. കെ.പി. അബ്ദുല്‍ ഗഫൂര്‍, എം.സി. മോഹനന്‍, ഡോ. ജനാര്‍ദനന്‍, യു.ടി. ജയന്ത്, രാജീവന്‍ ചാലാട്, ടി.കെ.ഡി. മുഴപ്പിലങ്ങാട്, അഹമ്മദ് പാറക്കല്‍, ഉമ്മര്‍കുട്ടി ചൊവ്വ എന്നിവര്‍ പങ്കെടുത്തു.

RAMADAN KIT

 

 

 

 

 

മാനവിക ഐക്യം ഉദ്ഘോഷിച്ച് ഇഫ്താര്‍ സംഗമം

 

 

 

 

 

 

 

 

 

 

 

 

 

 

 

 

 

 

മാനവിക ഐക്യം ഉദ്ഘോഷിച്ച് 
ഇഫ്താര്‍ സംഗമം

കണ്ണൂര്‍: കലുഷിത സാമൂഹികാന്തരീക്ഷത്തില്‍ മതത്തിന്‍െറ യഥാര്‍ഥ സത്ത ഉയര്‍ത്തിപ്പിടിക്കുകയാണ് സമാധാനത്തിന്‍െറ ഏക വഴിയെന്ന് പ്രഖ്യാപിച്ച് സമൂഹത്തിന്‍െറ നാനാതുറകളില്‍ പെട്ടവര്‍ ഇഫ്താര്‍ സംഗമത്തില്‍ ഒത്തു കൂടി.
ജമാഅത്തെഇസ്ലാമി ജില്ലാസമിതി, കൗസര്‍ കോംപ്ളക്സ് ഓഡിറ്റോറിയത്തില്‍ സംഘടിപ്പിച്ച സംഗമം  ജില്ലയിലെ സാമൂഹിക, സാംസ്കാരിക, രാഷ്ട്രീയ മണ്ഡലങ്ങളിലെ പ്രമുഖരുടെ സാന്നിധ്യം കൊണ്ട് ശ്രദ്ധേയമായി. കണ്ണൂര്‍ മുനിസിപ്പല്‍ ചെയര്‍പേഴ്സന്‍ റോഷ്നി ഖാലിദ് ഉദ്ഘാടനം ചെയ്തു.  ഗ്രന്ഥകാരന്‍ വാണിദാസ് എളയാവൂര്‍ മുഖ്യപ്രഭാഷണം നടത്തി. മനുഷ്യ ജീവിതത്തെ ശുദ്ധീകരിക്കുന്ന ആശയസ്രോതസ്സായ വിശുദ്ധ ഖുര്‍ആന്‍ ഒരാവര്‍ത്തി വായിക്കണമെന്ന് വാണിദാസ് സദസ്സിനെ ഉണര്‍ത്തി. വിപ്ളവത്തിന്‍െറ വിചാരധാരയാണ് ഖുര്‍ആന്‍. വ്രതാനുഷ്ഠാനം മനുഷ്യന്‍െറ ജീവിതചാപല്യങ്ങളെ നിരാകരിക്കാന്‍ പ്രേരിപ്പിക്കുന്ന അപാരമായ പരിശീലനമാണ്. മനുഷ്യനെ ഉന്നതനാക്കുകയാണ് ഇസ്ലാമിന്‍െറ എല്ലാ അധ്യാപനങ്ങളും. സാമൂഹികാന്തരീക്ഷം കലുഷിതമാവുമ്പോള്‍ മനുഷ്യര്‍ തമ്മിലുള്ള സ്നേഹ സമ്പര്‍ക്കത്തിന് ഊന്നല്‍ നല്‍കുന്ന വിശുദ്ധവേദങ്ങളുടെ സന്ദേശം ഏറെ പ്രസക്തമാണെന്നും അദ്ദേഹം പറഞ്ഞു.
സംസ്ഥാന വഖഫ്ബോര്‍ഡംഗം  പി.പി. അബ്ദുറഹ്മാന്‍ പെരിങ്ങാടി അധ്യക്ഷത വഹിച്ചു. സി.പി.എം ജില്ലാ സെക്രട്ടറി പി. ജയരാജന്‍, കെ.പി.സി.സി ജനറല്‍ സെക്രട്ടറി പി. രാമകൃഷ്ണന്‍, ഫാദര്‍ തോമസ് തൈത്തോട്ടം, സി.പി.ഐ ജില്ലാ സെക്രട്ടറി സി. രവീന്ദ്രന്‍, വെല്‍ഫെയര്‍ പാര്‍ട്ടി ജില്ലാ സെക്രട്ടറി അഡ്വ.കെ.എല്‍. അബ്ദുല്‍സലാം, സ്വാമി വിശ്വഭദ്രാനന്ദ ശക്തിബോധി, സ്വാമി പ്രേമാനന്ദ എന്നിവര്‍ സംസാരിച്ചു.
മുനിസിപ്പല്‍ വൈസ് ചെയര്‍മാന്‍ അഡ്വ.ടി.ഒ. മോഹനന്‍, എ.ഡി.എം മുഹമ്മദ് അസ്ലം, സാഹിത്യകാരന്‍ ടി.എന്‍. പ്രകാശ്, ആകാശവാണി പ്രോഗ്രാം ചീഫ് കെ. ബാലകൃഷ്ണന്‍,  ഫാദര്‍ ദേവസ്യ ഈരത്തറ, സി.പി.എം സംസ്ഥാന കമ്മിറ്റി അംഗം എം.വി. ജയരാജന്‍, സി.പി.ഐസംസ്ഥാന സമിതി അംഗം സി.പി. മുരളി, ഫാദര്‍ ക്ളമന്‍റ് ലേഞ്ച്,  വ്യവസായ പ്രമുഖരായ പി.കെ. മുഹമ്മദ്, മഹേശ്ചന്ദ്ര ബാലിഗ, ടി.വി. ഇസ്മയില്‍ഹാജി, വെല്‍ഫെയര്‍ പാര്‍ട്ടി ജില്ലാ വൈസ് പ്രസിഡന്‍റ് പള്ളിപ്രം പ്രസന്നന്‍, ജമാഅത്തെ ഇസ്ലാമി വനിതാ വിഭാഗം ജില്ലാ പ്രസിഡന്‍റ് എ.ടി. സമീറ, സുരേഷ്ബാബു എളയാവൂര്‍, ഗവ. ജില്ലാ ആശുപത്രി   സൂപ്രണ്ട് ഡോ. സുരേഷ്, ഡോ.എം.പി. അശ്റഫ്, കൗസര്‍ ചാരിറ്റബ്ള്‍ ട്രസ്റ്റ് വൈസ് ചെയര്‍മാന്‍ പി.സി. മൊയ്തുമാസ്റ്റര്‍, ഖിദ്മ പ്രസിഡന്‍റ് ഡോ.പി. സലീം തുടങ്ങിയവര്‍ പങ്കെടുത്തു. ജമാഅത്തെ ഇസ്ലാമി ജില്ലാ പ്രസിഡന്‍റ് യു.പി. സിദ്ദീഖ് മാസ്റ്റര്‍ സ്വാഗതവും ജില്ലാ സെക്രട്ടറി കെ. മുഹമ്മദ് ഹനീഫ് നന്ദിയും പറഞ്ഞു.

MADHYAMAM WEEKLY

പൊലീസിനെതിരെ നടപടി വേണം -വെല്‍ഫെയര്‍ പാര്‍ട്ടി

പൊലീസിനെതിരെ നടപടി വേണം
-വെല്‍ഫെയര്‍ പാര്‍ട്ടി

തിരുവനന്തപുരം: നിറ്റാജലാറ്റിന്‍ കമ്പനിയുടെ മലിനീകരണത്തിനെതിരെ സമാധാനപരമായി സമരം നടത്തിയ സമരപ്രവര്‍ത്തകരെ ഏകപക്ഷീയമായി ആക്രമിച്ച് പരിക്കേല്‍പിച്ച പൊലീസ് ഉദ്യോഗസ്ഥര്‍ക്കെതിരെ നടപടി സ്വീകരിക്കാന്‍ ആഭ്യന്തര വകുപ്പ് തയാറാകണമെന്ന് വെല്‍ഫെയര്‍ പാര്‍ട്ടി സംസ്ഥാന ജനറല്‍ സെക്രട്ടറി കെ. അംബുജാക്ഷന്‍ ആവശ്യപ്പെട്ടു. ജനകീയ സമരങ്ങളെ തല്ലിയൊതുക്കാനാണ് സര്‍ക്കാര്‍ ശ്രമിക്കുന്നതെങ്കില്‍ അതിന് വലിയ വിലകൊടുക്കേണ്ടിവരും. കമ്പനി അടച്ചുപൂട്ടാന്‍ നടപടി സ്വീകരിക്കുന്നതിന് പകരം സമരക്കാര്‍ക്ക് നേരെ പൊലീസിനെ അഴിച്ചുവിടുന്ന രീതി സര്‍ക്കാര്‍ അവസാനിപ്പിക്കണമെന്നും അദ്ദേഹം പ്രസ്താവനയില്‍ പറഞ്ഞു.

ജനകീയ സമരങ്ങളെ കൈയൂക്കുകൊണ്ട് നേരിടരുത് -സോളിഡാരിറ്റി

ജനകീയ സമരങ്ങളെ
കൈയൂക്കുകൊണ്ട്
നേരിടരുത് -സോളിഡാരിറ്റി

കോഴിക്കോട്: എന്‍. ജി. ഐ. എല്‍  കമ്പനിക്കെതിരെ സമാധാനപരമായി സമരം ചെയ്യുന്ന നാട്ടുകാര്‍ക്കെതിരെ പൊലീസ് നടത്തിയ ആക്രമണം ജനാധിപത്യ മര്യാദക്ക് നിരക്കാത്തതാണെന്ന് സോളിഡാരിറ്റി സംസ്ഥാന സെക്രട്ടറി സാദിഖ് ഉളിയില്‍ പ്രസ്താവിച്ചു. ജനകീയ സമരങ്ങളെ കൈയൂക്കുകൊണ്ട് നേരിടുന്ന നടപടിക്കെതിരെ എല്ലാ ജനാധിപത്യ വിശ്വാസികളും രംഗത്തിറങ്ങണം. കമ്പനിയുടെ പങ്കുപറ്റുകാരായി മാറിയ പൊലീസിനെ നിലക്കുനിര്‍ത്തണം. അല്ലാത്ത പക്ഷം ശക്തമായ ചെറുത്തുനില്‍പ് നേരിടേണ്ടിവരുമെന്നും അദ്ദേഹം കൂട്ടിച്ചേര്‍ത്തു.

ഇഫ്താര്‍ വിരുന്നും സ്നേഹസംഗമവും

 ഇഫ്താര്‍ വിരുന്നും സ്നേഹസംഗമവും

പെരിങ്ങത്തൂര്‍: കരിയാട് കാരുണ്യ സെന്‍ററിന്‍െറ ആഭിമുഖ്യത്തില്‍ മലര്‍വാടിയില്‍ ഇഫ്താര്‍ വിരുന്നും സ്നേഹസംഗമവും നടത്തി. പാപ്പിനിശ്ശേരി ജുമാമസ്ജിദ് ഖത്തീബ് വി.എന്‍. ഹാരിസ് മുഖ്യപ്രഭാഷണം നടത്തി. ഹമീദ് പാലോറത്ത് അധ്യക്ഷത വഹിച്ചു. പട്ട്യേരി കുഞ്ഞികൃഷ്ണന്‍ അടിയോടി, കെ. അബൂബക്കര്‍ മാസ്റ്റര്‍, എം. സുധാകരന്‍ മാസ്റ്റര്‍ ഹമീദ് കരിയാട്, ഇ.കെ. അശോക്കുമാര്‍, നാസര്‍ മാസ്റ്റര്‍, കെ.കെ. അബ്ദുല്ല എന്നിവര്‍ സംസാരിച്ചു.

ഇഫ്താര്‍ മീറ്റ്

ഇഫ്താര്‍ മീറ്റ്

പഴയങ്ങാടി:  ജമാഅത്തെ ഇസ്ലാമി മാടായി ഏരിയ സമിതിയുടെ ആഭിമുഖ്യത്തില്‍ ഇഫ്താര്‍ സംഗമം നടത്തി. യു.പി. സിദ്ദീഖ് മാസ്റ്റര്‍ മുഖ്യപ്രഭാഷണം നടത്തി. അബ്ദുല്‍ അസീസ് പുതിയങ്ങാടി അധ്യക്ഷത വഹിച്ചു. വി.പി. മുഹമ്മദലി, അജിത് മാട്ടൂല്‍, എ.കെ.ഗോവിന്ദന്‍, മോഹനന്‍ കുഞ്ഞിമംഗലം, വി.ആര്‍.വി. ഏഴോം, സുധീര്‍ വെങ്ങര, ഡോ. സി.കെ. ശ്രീജന്‍, എന്‍.എം. മൂസ എന്നിവര്‍ സംസാരിച്ചു.

റിലീഫ് വിതരണം

 റിലീഫ് വിതരണം

ഇരിക്കൂര്‍: യു.എ.ഇ കണ്ണൂര്‍ ജില്ലാ ഇസ്ലാമിക് അസോസിയേഷന്‍െറ ആഭിമുഖ്യത്തില്‍ ആയിപ്പുഴ ഏരിയയില്‍ റമദാന്‍ റിലീഫ് വിതരണം ചെയ്തു. സാജിദ് നദ്വി ഉദ്ഘാടനം ചെയ്തു. ഹല്‍ഖ സെക്രട്ടറി കീത്തടത്ത് സലീം അധ്യക്ഷത വഹിച്ചു. കെ. ഫാറൂഖ്, നാഫിഅ്, നസീഫ്, കെ. മുസ്തഫ, കെ. മഹ്റൂഫ് എന്നിവര്‍ സംസാരിച്ചു. എന്‍.വി. ത്വാഹിര്‍ സ്വാഗതം പറഞ്ഞു.

റമദാന്‍ കിറ്റ് വിതരണം

റമദാന്‍ കിറ്റ്  വിതരണം

കണ്ണൂര്‍ സിറ്റി: മൈതാനപ്പള്ളി, പടന്ന, കുറുവ പ്രദേശങ്ങളില്‍ യു.എ.ഇ കണ്ണൂര്‍ അസോസിയേഷന്‍ റമദാന്‍ കിറ്റ് വിതരണം ചെയ്തു.
ജമാഅത്തെ ഇസ്ലാമി കണ്ണൂര്‍ ഏരിയ ജനസേവന കണ്‍വീനര്‍ എ.ടി. ഗഫൂര്‍ കിറ്റുകള്‍ സിദ്ദീഖ് മൗലവിക്ക് കൈമാറി. പി. അബ്ദുല്‍ മജീദ്, ഷുക്കൂര്‍, പി. ഫാറൂഖ്, സിദ്ദീഖ് മൗലവി എന്നിവര്‍ സംസാരിച്ചു.

DVD

KARUNYA

Karunya General Body held

  @ Ashiyana, Puravur

 

PRABODHANAM WEEKLY

KIDS MALL

MEDIAONE TV

ഇഫ്താര്‍ മീറ്റ്

ഇഫ്താര്‍ മീറ്റ്

പെരിങ്ങാടി: ജമാഅത്തെ ഇസ്ലാമി പെരിങ്ങാടി ഹല്‍ഖയുടെ ആഭിമുഖ്യത്തില്‍ അല്‍ഫലാഹ് കോളജ് ഓഡിറ്റോറിയത്തില്‍ ഇഫ്താര്‍ മീറ്റ് നടത്തി. മേഖലാ നാസിം പി.പി. അബ്ദുറഹ്മാന്‍, ജില്ലാ സമിതിയംഗം കളത്തില്‍ ബഷീര്‍, പി.വി. പ്രദീപ്കുമാര്‍, എന്‍.എം. ബഷീര്‍, ഡോ. വേണുഗോപാല്‍ എന്നിവര്‍ സംസാരിച്ചു. സി.എച്ച്. മുജീബ്റഹ്മാന്‍ സ്വാഗതവും സാലിഹ് മുഹമ്മദ് നന്ദിയും പറഞ്ഞു.

ചാലാട് സകാത്ത് കമ്മിറ്റി ആറര ലക്ഷം ചെലവഴിച്ചു

 ചാലാട് സകാത്ത് കമ്മിറ്റി 

ആറര ലക്ഷം ചെലവഴിച്ചു

ചാലാട്: ചാലാട് ഹിറ സെന്‍റര്‍ കേന്ദ്രമായി പ്രവര്‍ത്തിക്കുന്ന ചാലാട് സകാത്ത് കമ്മിറ്റി 2012-13 വര്‍ഷത്തില്‍ 6,46,370 രൂപ ചെലവഴിച്ചു. വീട് നിര്‍മാണം, കുടിവെള്ളം, കിണര്‍ നിര്‍മാണം, ചികിത്സ, വിദ്യാഭ്യാസം, ടെയ്ലറിങ് യൂനിറ്റ്, തൊഴില്‍ ഉപകരണം, അഗതി വിധവ വികലാംഗ പെന്‍ഷന്‍, വാര്‍ധക്യ പെന്‍ഷന്‍, കടബാധ്യത തീര്‍ക്കല്‍ ഇനങ്ങളിലാണ് തുക ചെലവഴിച്ചത്. ഭാരവാഹികള്‍: പി.പി. അബ്ദുറഹ്മാന്‍ (പ്രസി.), എം.കെ. അബ്ദുല്ലക്കുഞ്ഞി (വൈസ് പ്രസി.), കെ. മുഹമ്മദ് റാസിഖ് (സെക്ര.), പി.എം. ഷറോസ് (ജോ. സെക്ര.), കെ.വി. അബ്ദുല്ലക്കുഞ്ഞി (ട്രഷ.).

സോളിഡാരിറ്റി ഇരിട്ടി ഏരിയ

ഭാരവാഹികള്‍

സോളിഡാരിറ്റി ഇരിട്ടി ഏരിയ : ഷെഫീര്‍ ആറളം (പ്രസി.) സി. റിയാസ് (ജന. സെക്ര.) ഫാഇസ് ഇരിട്ടി (സമൂഹം), ഷാനിഫ് കാക്കയങ്ങാട് (സേവനം), ഇബ്നുസീന ഉളിയില്‍ (പി.ആര്‍), കെ.കെ. റഹീം, എ.കെ. ഫൈസല്‍, അയ്യൂബ് ഉളിയില്‍, പി. നിസാം, അന്‍സാര്‍ ഉളിയില്‍ (എക്സി. അംഗങ്ങള്‍).

ദേശീയപാത: കേന്ദ്രമന്ത്രിയുടെ പ്രസ്താവന പ്രതിസന്ധിക്ക് പരിഹാരം -സോളിഡാരിറ്റി

 ദേശീയപാത: കേന്ദ്രമന്ത്രിയുടെ
പ്രസ്താവന പ്രതിസന്ധിക്ക്
പരിഹാരം -സോളിഡാരിറ്റി

കൊച്ചി: ദേശീയപാത വികസന വിഷയത്തില്‍ പരിഹാരത്തിന് സംസ്ഥാന സര്‍ക്കാര്‍ തയാറാകണമെന്ന് സോളിഡാരിറ്റി ആവശ്യപ്പെട്ടു. കേരളത്തിലെ ഗതാഗത വികസനത്തിന് അനിവാര്യമായ ദേശീയപാതകളുടെ വികസനത്തില്‍ നിലനില്‍ക്കുന്ന പ്രതിസന്ധികള്‍ക്ക് കേന്ദ്രമന്ത്രി ഓസ്കര്‍ ഫെര്‍ണാണ്ടസിന്‍െറ പ്രസ്താവനയിലൂടെ പരിഹാരമാകുകയാണ്. ഈ അനുകൂല സാഹചര്യം പ്രയോജനപ്പെടുത്തി കേരളത്തിലെ മുഴുവന്‍ ദേശീയപാതകളും  മൂന്നു വര്‍ഷത്തിനുള്ളില്‍ അന്താരാഷ്ട്ര നിലവാരത്തില്‍ നാലുവരിയാക്കാന്‍ സര്‍ക്കാര്‍ രംഗത്തിറങ്ങണമെന്ന് സംസ്ഥാന പ്രസിഡന്‍റ് ടി. മുഹമ്മദ് വേളം വാര്‍ത്താസമ്മേളനത്തില്‍ ആവശ്യപ്പെട്ടു.
കേരളത്തില്‍നിന്നു കഴിഞ്ഞ അഞ്ചുവര്‍ഷം പിരിച്ചെടുത്ത പെട്രോള്‍ സെസും റോഡ് നികുതിയും മാത്രം മതി പാത പണിയാനുള്ള സാമ്പത്തിക പ്രശ്നങ്ങള്‍ പരിഹരിക്കാനെന്നും അദ്ദേഹം പറഞ്ഞു. ദേശീയപാതകളും പ്രധാന സംസ്ഥാന പാതകളും ബി.ഒ.ടിവത്കരിക്കുക പ്രായോഗികമല്ളെന്ന് മുഖ്യമന്ത്രിതന്നെ അംഗീകരിച്ച സാഹചര്യത്തില്‍ ഈശ്രമത്തിന്‍െറ വിജയം കേരളത്തിലെ മുഴുവന്‍ പാതകളുടെ വികസനത്തിനും ഏറെ പ്രയോജനകരമാണ്.
പൊതുഗതാഗതം തിരിച്ചുപിടിക്കാനുള്ള സമരത്തിന്‍െറ രാഷ്ട്രീയം തിരിച്ചറിയാന്‍ കേരളത്തിലെ അധികാര രാഷ്ട്രീയ നേതൃത്വത്തിന് സാധിക്കണം. ഒന്നാം സര്‍വകക്ഷിയോഗ തീരുമാനം നടപ്പാക്കാന്‍ ഭരണ, പ്രതിപക്ഷങ്ങള്‍ ഇനിയും തയാറായില്ളെങ്കില്‍ കടുത്ത വഞ്ചനയായിരിക്കും. ഫ്രഞ്ച് കമ്പനിയെ ഏല്‍പിച്ച പാലിയേക്കര ടോള്‍ പിരിവ് തിരിച്ചുപിടിക്കാനും ഹൈകോടതികളിലെ കേസുകളില്‍ ജനഹിതത്തിന് അനുകൂലമായി നിലപാടെടുക്കാനും സര്‍ക്കാര്‍ തയാറാകണമെന്നും അദ്ദേഹം ആവശ്യപ്പെട്ടു.
സംസ്ഥാന പ്രവര്‍ത്തക സമിതിയംഗം പി.ഐ.നൗഷാദ്, ജില്ലാ ജനറല്‍ സെക്രട്ടറി എസ്.എം. സൈനുദ്ദീന്‍, ജില്ലാ സെക്രട്ടറി ഷഫീഖ് പാനായിക്കുളം എന്നിവരും വാര്‍ത്താസമ്മേളനത്തില്‍ പങ്കെടുത്തു.

RELIEF CELL

BAITHUZAKATH

MEDIAONE TV

ANSAR