ചൊവ്വ മുതല്‍ പുതിയതെരു വരെയുള്ള ഗതാഗതകുരുക്ക് ഉടന്‍ പരിഹരിക്കണം- സോളിഡാരിറ്റി -------- വാതക പൈപ്പ് ലൈന്‍: ജനവാസ മേഖലകളെ ഒഴിവാക്കണം സോളിഡാരിറ്റി-----

Tuesday, October 9, 2012

വെല്‍ഫെയര്‍ പാര്‍ട്ടി ഭൂ സംരക്ഷണ മാര്‍ച്ച് നാളെ

 വെല്‍ഫെയര്‍ പാര്‍ട്ടി 
ഭൂ സംരക്ഷണ മാര്‍ച്ച് നാളെ
തിരുവനന്തപുരം: പാട്ടക്കാലാവധി കഴിഞ്ഞതും കരാര്‍ ലംഘിച്ചതുമായ പാട്ടഭൂമി സര്‍ക്കാര്‍ ഏറ്റെടുത്ത് ഭൂരഹിതര്‍ക്ക് വിതരണം ചെയ്യണമെന്നാവശ്യപ്പെട്ട് വെല്‍ഫെയര്‍ പാര്‍ട്ടി സംഘടിപ്പിക്കുന്ന ഭൂസംരക്ഷണ മാര്‍ച്ച് ബുധനാഴ്ച തിരുവനന്തപുരത്ത് നടക്കുമെന്ന് സംസ്ഥാന ജനറല്‍ സെക്രട്ടറി പി.എ. അബ്ദുല്‍ ഹക്കീം വാര്‍ത്താസമ്മേളനത്തില്‍ അറിയിച്ചു. രാവിലെ 10.30ന് മ്യൂസിയം പരിസരത്തുനിന്നാരംഭിക്കുന്ന മാര്‍ച്ചില്‍ പതിനായിരം പ്രവര്‍ത്തകര്‍ പങ്കെടുക്കും. നെല്‍വയല്‍ നീര്‍ത്തട നിയമം അട്ടിമറിക്കാനുള്ള നീക്കം അവസാനിപ്പിക്കുക, അഞ്ച് ശതമാനം തോട്ട ഭൂമി ടൂറിസത്തിന് നല്‍കാനുള്ള അനുവാദം പിന്‍വലിക്കുക, പരിസ്ഥിതി ദുര്‍ബല ഭൂവിഭാഗങ്ങള്‍ സംരക്ഷിക്കുക, ഭൂ വിനിയോഗ ചട്ടം കര്‍ശനമാക്കുക, തീരദേശം ടൂറിസ്റ്റ് ലോബിക്ക് കീഴ്പെടുത്തുന്ന നയങ്ങള്‍ റദ്ദാക്കുക, ദലിത്-ആദിവാസി ഭൂരഹിതര്‍ക്ക് കൃഷി യോഗ്യമായ ഭൂമി നല്‍കുക തുടങ്ങിയ ആവശ്യങ്ങളുന്നയിച്ചാണ് മാര്‍ച്ച്.
വെല്‍ഫെയര്‍ പാര്‍ട്ടി ദേശീയ വൈസ് പ്രസിഡന്‍റും കര്‍ണാടക മുന്‍മന്ത്രിയുമായ ഡോ. ലളിത നായ്ക്ക് ഉദ്ഘാടനം ചെയ്യും. ജനറല്‍ സെക്രട്ടറി പി.സി. ഹംസ, വൈസ് പ്രസിഡന്‍റ് ഫാദര്‍ അബ്രഹാം ജോസഫ്, സംസ്ഥാന പ്രസിഡന്‍റ് ഡോ. കൂട്ടില്‍ മുഹമ്മദലി, ജനറല്‍ സ്രെക്രട്ടറി കെ. അംബുജാക്ഷന്‍, പ്രേമ ജി. പിഷാരടി, ഹമീദ് വാണിയമ്പലം, ഇ.കെ ജോസഫ്, സി. അഹമ്മദ് കുഞ്ഞി തുടങ്ങിയവര്‍ പങ്കെടുക്കും. വാര്‍ത്താ സമ്മേളനത്തില്‍ സംസ്ഥാന വൈസ് പ്രസിഡന്‍റ് സുരേന്ദ്രന്‍ കരിപ്പുഴ, സെക്രട്ടറി ശ്രീജ നെയ്യാറ്റിന്‍കര എന്നിവരും സംബന്ധിച്ചു.

Monday, October 8, 2012

TEEN INDIA


PRABODHANAM WEEKLY


MADHYAMAM WEEKLY


റോഡരികിലെ കുഴി; സോളിഡാരിറ്റി പ്രക്ഷോഭത്തിന്

റോഡരികിലെ കുഴി;
കൂരന്‍മുക്കില്‍ യാത്രാദുരിതം
 മട്ടന്നൂര്‍: റോഡിന്‍െറ ഇരുവശങ്ങളിലും അധികൃതര്‍ കുഴിച്ച കുഴികള്‍ യാത്രക്കാര്‍ക്ക് ഭീഷണിയായി. മാസങ്ങളായിട്ടും കുഴി മൂടാന്‍ അധികൃതര്‍ തയാറാകാത്തതിനെതിരെ സോളിഡാരിറ്റി പ്രക്ഷോഭത്തിനിറങ്ങുമെന്ന് നേതാക്കള്‍ അറിയിച്ചു. അന്തര്‍ സംസ്ഥാന പാതയായ മട്ടന്നൂര്‍- ഇരിട്ടി റോഡില്‍ കൂരന്‍മുക്കിലാണ് കാല്‍നട യാത്രക്കാര്‍ക്കും വാഹന ഗതാഗതത്തിനും ഭീഷണിയായി കുഴികളുള്ളത്. റോഡിന്‍െറ ഇരുവശങ്ങളിലും മൂന്ന് മീറ്ററോളം നീളത്തിലും ഒന്നരമീറ്റര്‍ താഴ്ചയിലും കുഴിയെടുത്തിട്ട് മാസങ്ങളായി.
ടാര്‍ചെയ്ത ഭാഗം കഴിഞ്ഞാല്‍ കുഴിയായതിനാല്‍ കാല്‍നട യാത്രക്കാരാണ് ഏറെ പ്രയാസപ്പെന്നത്. മദ്റസ, സ്കൂള്‍ വിദ്യാര്‍ഥികളടക്കം നടന്നുപോകുന്നത് ഭീതിയോടെയാണ്. നാല് കമ്പുകളില്‍ റിബണ്‍കെട്ടിയത് മാത്രമാണ് സംരക്ഷണവേലി.
അധികൃതരുടെ അനാസ്ഥ വന്‍ദുരന്തത്തിന് വഴിമെക്കുമെന്ന് ചൂണ്ടിക്കാട്ടിയാണ് സോളിഡാരിറ്റി ഉളിയില്‍ യൂനിറ്റ് പ്രക്ഷോഭത്തിന് തയാറെടുക്കുന്നത്.

മലപ്പുറം സെക്രട്ടേറിയറ്റാകുന്നു എന്നു കുറ്റപ്പെടുത്തുന്നത് അപഹാസ്യം


സമുദായ കേന്ദ്രങ്ങളിലിരുന്ന് ഭരണം
നിയന്ത്രിക്കുന്നവര്‍ മലപ്പുറം
സെക്രട്ടേറിയറ്റാകുന്നു
എന്നാക്ഷേപിക്കുന്നു -ടി. ആരിഫലി
ഫറോക്ക് (കോഴിക്കോട്): സ്വന്തം സമുദായ-ജാതി ആസ്ഥാനങ്ങളിലിരുന്ന് സംസ്ഥാന ഭരണം നിയന്ത്രിക്കാന്‍ ശ്രമിക്കുന്നവര്‍, മലപ്പുറം സെക്രട്ടേറിയറ്റാകുന്നു എന്നു കുറ്റപ്പെടുത്തുന്നത് അപഹാസ്യമാണെന്ന് ജമാഅത്തെ ഇസ്ലാമി കേരള അമീര്‍ ടി. ആരിഫലി.
ഏതു രാഷ്ട്രീയ സംഭവങ്ങളെയും സാമുദായിക വര്‍ണം നല്‍കാനും അതുവഴി  ധ്രുവീകരണം സൃഷ്ടിക്കാനുമുള്ള ശ്രമങ്ങളാണിപ്പോള്‍ നടക്കുന്നത്. ചില രാഷ്ട്രീയ നേതാക്കളും ജാതി-സമുദായ സംഘടനകളും മാധ്യമങ്ങളുമാണ് ഇതിനു ബലം നല്‍കുന്നത്. കേരളീയ സമൂഹത്തിന് ഇത് വലിയ നഷ്ടം വരുത്തുമെന്ന് മതേതര സമൂഹം തിരിച്ചറിയണം. എസ്.ഐ.ഒ ഫറോക്ക് ഏരിയ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
ചരിത്രപരമായി ഏറെ പിന്നാക്കംപോയ കേരളീയ മുസ്ലിംസമൂഹം വിദ്യാഭ്യാസ, സാമൂഹിക, സാമ്പത്തിക പുരോഗതിയിലേക്ക് ഒരല്‍പമെങ്കിലും വികസിച്ചുകൊണ്ടിരിക്കുന്ന  ചരിത്ര ഘട്ടമാണിത്. 
ഈ വികസന പ്രവണതക്ക് തടയിടലാണ് ഇപ്പോഴത്തെ വിവാദങ്ങളുടെ ഉദ്ദേശ്യമെന്നത് തിരിച്ചറിയണം. ഓരോ വിവാദത്തിലൂടെയും സര്‍ക്കാറിനെ സമ്മര്‍ദത്തിലാക്കി അവിഹിതമായത് നേടുകയും മുസ്ലിം സമുദായത്തിന്‍െറ ന്യായമായ അവകാശങ്ങള്‍ പോലും തടയുകയും ചെയ്യുക എന്നതാണ് വിവാദങ്ങളുടെ അനന്തരഫലം -അദ്ദേഹം അഭിപ്രായപ്പെട്ടു.

‘നെറ്റ്’ മാനദണ്ഡം പുനര്‍നിര്‍ണയിക്കണം -എസ്.ഐ.ഒ


‘നെറ്റ്’ മാനദണ്ഡം പുനര്‍നിര്‍ണയിക്കണം
-എസ്.ഐ.ഒ
കോഴിക്കോട്: യു.ജി.സി നെറ്റ് പരീക്ഷയുടെ കട്ട് ഓഫ്  അവസാന നിമിഷം മാറ്റിയത് പുന$പരിശോധിച്ച് കഴിഞ്ഞ വര്‍ഷത്തെ കട്ട് ഓഫ് നിലനിര്‍ത്തണമെന്ന് എസ്.ഐ.ഒ സംസ്ഥാന പ്രസിഡന്‍റ് ശിഹാബ് പൂക്കോട്ടൂര്‍ പ്രസ്താവനയില്‍ ആവശ്യപ്പെട്ടു.
നിലവില്‍ ഹിന്ദി, സംസ്കൃതം ഭാഷകളിലെ വിദ്യാര്‍ഥികള്‍ക്കാണ് കൂടുതല്‍ റിസര്‍ച്ച് ഫെലോഷിപ്പ് നല്‍കുന്നത്. ഉറുദു, സയന്‍സ് വിഷയങ്ങളില്‍ വളരെ കുറഞ്ഞ പരിഗണനയാണുള്ളത്. ഇതുമൂലം ഉത്തര്‍പ്രദേശ്, രാജസ്ഥാന്‍, ദല്‍ഹി, ബിഹാര്‍ സംസ്ഥാനങ്ങളിലെ വിദ്യാര്‍ഥികള്‍ക്കാണ് നെറ്റിന് കൂടുതല്‍ പരിഗണന ലഭിക്കുന്നത്. മറ്റു സംസ്ഥാനങ്ങളിലെ വിദ്യാര്‍ഥികളെക്കൂടി പരിഗണിക്കുന്ന തരത്തില്‍ ഫെലോഷിപ്പ് ക്വോട്ടയും പുനര്‍നിര്‍ണയിക്കണം.
കേന്ദ്ര മാനവശേഷി വികസന മന്ത്രി കപില്‍ സിബല്‍, കേന്ദ്ര ന്യൂനപക്ഷക്ഷേമ മന്ത്രി സല്‍മാന്‍ ഖുര്‍ശിദ് എന്നിവര്‍ക്ക് എസ്.ഐ.ഒ നിവേദനം നല്‍കിയതായും അദ്ദേഹം അറിയിച്ചു. 

മതനിന്ദ തടയാന്‍ നിയമം വേണം -ജമാഅത്തെ ഇസ്ലാമി


മതനിന്ദ തടയാന്‍ നിയമം വേണം
-ജമാഅത്തെ ഇസ്ലാമി
ന്യൂദല്‍ഹി:  മതനിന്ദ തടയാന്‍ ഫലപ്രദമായ നിയമം വേണമെന്ന് ജമാഅത്തെ ഇസ്ലാമി അഖിലേന്ത്യാ അമീര്‍ മൗലനാ ജലാലുദ്ദീന്‍ ഉമരി വാര്‍ത്താസമ്മേളനത്തില്‍ ആവശ്യപ്പെട്ടു. ആവിഷ്കാര സ്വാതന്ത്ര്യത്തെ ജമാഅത്തെ ഇസ്ലാമി അംഗീകരിക്കുന്നു. എന്നാല്‍,  പ്രചാകന്മാരെയും മതമൂല്യങ്ങളെയും അധിക്ഷേപിക്കുന്നത് ആവിഷ്കാര സ്വാതന്ത്ര്യത്തിന്‍െറ പേരില്‍ ന്യായീകരിക്കാനാവില്ല.  ഇത്തരക്കാരുടെ ചെയ്തികള്‍ തടയാന്‍ നിയമം വേണം.
പ്രവാചകനെ നിന്ദിക്കുന്ന സിനിമക്കെതിരായ പ്രതിഷേധം അക്രമാസക്തമാകരുതെന്നും അമീര്‍ ഉണര്‍ത്തി.   ചില്ലറമേഖലയില്‍ വിദേശ നിക്ഷേപം അനുവദിക്കുന്നതില്‍ ജമാഅത്തിന് ഉത്കണ്ഠയുണ്ട്. നാലര കോടിയിലേറെ വരുന്ന ചെറുകിട വ്യാപാരികളുടെ ഉപജീവനം മുട്ടിക്കുന്ന തീരുമാനം തിരുത്തണം.   അസം കലാപത്തിനിരയായവരെ ഉടന്‍ പുനരധിവസിപ്പിക്കണം. രണ്ടുലക്ഷത്തിലേറെ പേര്‍ ഇപ്പോള്‍ ദുരിതാശ്വാസ ക്യാമ്പിലാണ്. ഇവര്‍ക്ക് വീടുകളിലേക്ക് മടങ്ങാനുള്ള സുരക്ഷ ഒരുക്കണം. ജമാഅത്ത് ഇതിനകം രണ്ടേകാല്‍ കോടിരൂപയുടെ ദുരിതാശ്വാസ പ്രവര്‍ത്തനം നടത്തി. കൂടുതല്‍ സഹായം നല്‍കും. കേന്ദ്രസര്‍ക്കാര്‍ 300 കോടി പ്രഖ്യാപിച്ചിട്ടുണ്ടെങ്കിലും ഒന്നും ലഭിച്ചിട്ടില്ല. ഇക്കാര്യത്തില്‍ നടപടികള്‍ വേഗത്തിലാക്കണമെന്നും ജമാഅത്ത് അമീര്‍ ആവശ്യപ്പെട്ടു.

കള്ള് നിരോധം ഗൗരവത്തില്‍ ചര്‍ച്ച ചെയ്യണം

 കള്ള് നിരോധം
ഗൗരവത്തില്‍ ചര്‍ച്ച ചെയ്യണം
-ജമാഅത്തെ ഇസ്ലാമി
കോഴിക്കോട്്: സംസ്ഥാനത്ത് കള്ള് നിരോധവുമായി ബന്ധപ്പെട്ട് ഹൈകോടതി നടത്തിയ പരാമര്‍ശം ഭരണകൂടവും സമൂഹവും ഗൗരവപൂര്‍വം ചര്‍ച്ചചെയ്യണമെന്ന് ജമാഅത്തെ ഇസ്ലാമി കേരള അമീര്‍ ടി. ആരിഫലി ആവശ്യപ്പെട്ടു. സമ്പൂര്‍ണ മദ്യനിരോധം എന്നത് ഭരണഘടനതന്നെ അനുശാസിക്കുന്ന തത്വമാണ്.
കള്ള് നിരോധവുമായി ബന്ധപ്പെട്ട ചര്‍ച്ചകള്‍ ഉയര്‍ന്നുവരുമ്പോള്‍ തൊഴില്‍ പ്രശ്നം മാത്രം ഉന്നയിച്ച് ചര്‍ച്ച വഴിതിരിച്ചുവിടാന്‍ ശ്രമിക്കുന്നത് ശരിയല്ല. അരലക്ഷം തൊഴിലാളികള്‍ പോലും ഈ മേഖലയില്‍ തൊഴില്‍ ചെയ്യുന്നില്ല എന്നതാണ് വാസ്തവം. വേറെയും ഒട്ടേറെ മേഖലകളില്‍ സംസ്ഥാനത്ത് തൊഴില്‍ സാധ്യതകള്‍ തുറന്നുകിടപ്പുണ്ട്. പത്ത് ലക്ഷത്തിലധികം അന്യസംസ്ഥാന തൊഴിലാളികള്‍ ഇപ്പോള്‍തന്നെ സംസ്ഥാനത്ത് തൊഴില്‍ എടുക്കുന്നുണ്ട്.
കള്ളുമേഖലയിലെ തൊഴിലാളികളെ പുനരധിവസിപ്പിക്കാന്‍ സര്‍ക്കാര്‍ സന്നദ്ധമാവണം. കള്ള് നിരോധവുമായി ബന്ധപ്പെട്ട ചര്‍ച്ച സമൂഹത്തില്‍ സാമുദായിക ധ്രുവീകരണത്തിന് നിമിത്തമാക്കാനുള്ള ശ്രമങ്ങള്‍ തിരിച്ചറിയപ്പെടണമെന്നും പത്രക്കുറിപ്പില്‍ പറഞ്ഞു.

Sunday, October 7, 2012

SOLIDARITY KANNUR


രക്തദാനത്തിന് സജ്ജരായി 70 പെണ്‍കുട്ടികള്‍

രക്തദാനത്തിന് സജ്ജരായി
70 പെണ്‍കുട്ടികള്‍
മട്ടന്നൂര്‍: രക്തദാനം മഹാദാനം എന്ന മുദ്രാവാക്യമുയര്‍ത്തിപ്പിടിച്ച് ഉളിയില്‍ നരയമ്പാറ ഐഡിയല്‍ അറബിക് കോളജിലെ 70 വിദ്യാര്‍ഥിനികള്‍ മാതൃകയായി. വിദ്യാര്‍ഥിനികളെ സാമൂഹിക പ്രതിബദ്ധതയുള്ളവരാക്കി തീര്‍ക്കുകയെന്ന ലക്ഷ്യം മുന്‍നിര്‍ത്തി കോളജില്‍ രക്തദാന സേന രൂപവത്കരിച്ചു.
ഐഡിയല്‍ കോളജില്‍ ഗേള്‍സ് യൂനിയന്‍െറ നേതൃത്വത്തില്‍ ശനിയാഴ്ച നടന്ന മെഡിക്കല്‍ ക്യാമ്പിലാണ് സേന രൂപവത്കരിച്ചത്. രക്തദാനത്തിനുള്ള സമ്മത പത്രത്തില്‍ പെണ്‍കുട്ടികളെല്ലാം ഒപ്പിട്ടു.
ക്യാമ്പില്‍ രക്ത നിര്‍ണയവും ആരോഗ്യ ബോധവത്കരണ ക്ളാസും നടന്നു. ആരോഗ്യ രംഗത്തെ അനാരോഗ്യ പ്രവണതകളെക്കുറിച്ച് മട്ടന്നൂര്‍ ഗ്രെയ്സ് ഹോസ്പിറ്റലിലെ ഡോ. എ. ജോസഫ് ക്ളാസെടുത്തു. കോളജ് യൂനിയന്‍ ചെയര്‍പേഴ്സന്‍ കെ. അനീസ അധ്യക്ഷത വഹിച്ചു. പ്രഫ. കെ. അബൂബക്കര്‍, പ്രിന്‍സിപ്പല്‍ വി.കെ. സാദിഖ് എന്നിവര്‍ സംസാരിച്ചു. സെക്രട്ടറി കെ.വി. സാലിമ സ്വാഗതവും യു.യു.സി എന്‍.സി സല്‍വ നന്ദിയും പറഞ്ഞു.

വിദ്യാഭ്യാസ പ്രദര്‍ശനം

വിദ്യാഭ്യാസ പ്രദര്‍ശനം
മുണ്ടേരി: ഗവ. ഹയര്‍സെക്കന്‍ഡറി സ്കൂളിലെ വിവിധ ക്ളബുകളുടെ ആഭിമുഖ്യത്തില്‍ വിദ്യാഭ്യാസ പ്രദര്‍ശനം നടത്തി. ശാസ്ത്രം, ഗണിതം, സാമൂഹികം, ഐ.ടി, പ്രവൃത്തി പരിചയം വിഭാഗങ്ങളില്‍ മത്സരമുണ്ടായി. പ്രിന്‍സിപ്പല്‍ ഇന്‍ചാര്‍ജ് സി.എ. മദനന്‍ അധ്യക്ഷത വഹിച്ചു. ഹെഡ്മിസ്ട്രസ് എ.എന്‍. അരുണ ഉദ്ഘാടനം ചെയ്തു. കെ.പി. ഗംഗാധരന്‍ സ്വാഗതവും ഹരിതസേന കണ്‍വീനര്‍ സി.കെ. ജയകുമാര്‍ നന്ദിയും പറഞ്ഞു.

പ്രതിഷേധ കൂട്ടായ്മ നാളെ

സുലൈമാന്‍ മാസ്റ്ററുടെ മരണം:
പ്രതിഷേധ കൂട്ടായ്മ നാളെ
അത്താഴക്കുന്ന്: കൗസര്‍ സ്കൂള്‍ അധ്യാപകനായ സുലൈമാന്‍ മാസ്റ്ററുടെ മരണം നടന്നിട്ട് മാസങ്ങള്‍ കഴിഞ്ഞിട്ടും കുറ്റവാളികള്‍ക്കെതിരെ പൊലീസ് നടപടി സ്വീകരിക്കാത്തതില്‍ പ്രതിഷേധിച്ച് ആക്ഷന്‍ കമ്മിറ്റി ബഹുജന കൂട്ടായ്മ സംഘടിപ്പിക്കുന്നു. ഒക്ടോബര്‍ എട്ടിന് വൈകീട്ട് അഞ്ചിന് അത്താഴക്കുന്ന് ബസ്സ്റ്റോപ്പില്‍ നടക്കുന്ന കൂട്ടായ്മയില്‍ വിവിധ രാഷ്ട്രീയ ബഹുജന സംഘടനാ നേതാക്കളും സുലൈമാന്‍ മാസ്റ്ററുടെ ബന്ധുക്കളും പങ്കെടുക്കും.

ടയര്‍ സംസ്കരണ ഫാക്ടറി അടച്ചുപൂട്ടണം -സോളിഡാരിറ്റി

ടയര്‍ സംസ്കരണ ഫാക്ടറി അടച്ചുപൂട്ടണം -സോളിഡാരിറ്റി
കണ്ണൂര്‍: പരിയാരം പഞ്ചായത്തില്‍ പൊന്നുരുക്കിപ്പാറയിലെ പാരിസ്ഥിതിക പ്രത്യാഘാതങ്ങള്‍ക്കിടയാക്കുന്ന ടയര്‍ സംസ്കരണ ഫാക്ടറി അടച്ചുപൂട്ടണമെന്ന് സോളിഡാരിറ്റി ജില്ലാ സെക്രട്ടറി കെ. സാദിഖ് ആവശ്യപ്പെട്ടു. പ്രതിഷേധങ്ങളെ വകവെക്കാതെ കമ്പനിക്ക് പ്രവര്‍ത്തിക്കാന്‍ സൗകര്യം ചെയ്തുകൊടുക്കുന്ന അധികാരികള്‍ക്കെതിരെ പ്രദേശവാസികള്‍ക്കൊപ്പം സോളിഡാരിറ്റിയും സമരത്തിനിറങ്ങുമെന്ന് ജില്ലാ സെക്രട്ടറി പ്രസ്താവനയില്‍ പറഞ്ഞു. സമരത്തിന് ഐക്യദാര്‍ഢ്യം പ്രഖ്യാപിച്ച് സോളിഡാരിറ്റി ജില്ലാ സെക്രട്ടറി കെ. സാദിഖ്, പി.സി. ശമീം, സി.എച്ച്. മിഫ്താഫ്, ശിഹാബ് പയ്യന്നൂര്‍ എന്നിവര്‍ സ്ഥലം സന്ദര്‍ശിച്ചു.

തുറന്ന സംവാദം നാളെ

 ബസ് ചാര്‍ജ് വര്‍ധന:
തുറന്ന സംവാദം നാളെ
കോഴിക്കോട്: ‘ബസ് ചാര്‍ജ് വര്‍ധന അനിവാര്യമോ, വാദവും പ്രതിവാദവും’ സോളിഡാരിറ്റി ഓപണ്‍ ഫോറം തിങ്കളാഴ്ച രാവിലെ 11ന് തൃശൂര്‍ അലങ്കാര്‍ ഓഡിറ്റോറിയത്തില്‍ നടക്കും. ബസ് ഓപറേറ്റേഴ്സ് ഓര്‍ഗനൈസേഷന്‍ സംസ്ഥാന ഭാരവാഹികളായ പി.കെ. മൂസ, പി. ഗോപിനാഥന്‍, സാമൂഹികപ്രവര്‍ത്തകരായ സിജോ കാപ്പന്‍, സി.എം. ശെരീഫ്, സോളിഡാരിറ്റി സംസ്ഥാന പ്രസിഡന്‍റ് പി.ഐ. നൗഷാദ് എന്നിവര്‍ പങ്കെടുക്കും. ബസ് ചാര്‍ജ് വര്‍ധനയുടെ അനിവാര്യതയും എതിര്‍വാദങ്ങളും അവതരിപ്പിച്ചശേഷം ചര്‍ച്ചയില്‍ ഇടപെടാന്‍ പൊതുജനങ്ങള്‍ക്കും അവസരമുണ്ടാകും. അനുകൂലവും പ്രതികൂലവുമായ വാദം അവതരിപ്പിക്കാന്‍ വ്യക്തികള്‍ക്കും ക്ളബുകള്‍ക്കും സംഘടനകള്‍ക്കും സൗകര്യം ലഭിക്കും പരിപാടിയില്‍ പങ്കെടുക്കാന്‍ ആഗ്രഹിക്കുന്നവര്‍ തിങ്കള്‍ രാവിലെ 11ന് മുമ്പായി തൃശൂര്‍ അലങ്കാര്‍ ഓഡിറ്റോറിയത്തില്‍ എത്തണമെന്ന് സംസ്ഥാന സെക്രട്ടറി റസാഖ് പാലേരി അറിയിച്ചു.

ARAMAM MONTHLY


Saturday, October 6, 2012

AL FALAH


ഗ്യാസ് പൈപ്പ്ലൈന്‍ അനുവദിക്കില്ല -വിക്ടിംസ് ഫോറം

ജനവാസ മേഖലയിലൂടെ ഗ്യാസ് പൈപ്പ്ലൈന്‍
അനുവദിക്കില്ല -വിക്ടിംസ് ഫോറം
കണ്ണൂര്‍: ജനവാസ കേന്ദ്രങ്ങളിലൂടെ വാതക പൈപ്പ്ലൈന്‍ കൊണ്ടുപോകാന്‍ അനുവദിക്കില്ളെന്ന് ഗ്യാസ് പൈപ്പ്ലൈന്‍ വിക്ടിംസ് ഫോറം ജില്ലാ ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.
ചാല ദുരന്തത്തിന്‍െറ പശ്ചാത്തലത്തില്‍ വാതക പൈപ്പ്ലൈന്‍ ജനവാസ കേന്ദ്രങ്ങളിലൂടെ  കൊണ്ടുപോകുന്നത് എന്ത് വിലകൊടുത്തും തടയും.
ചാല ദുരന്തത്തില്‍ 18 ടണ്‍ എല്‍.പി.ജിയാണ് കത്തിയത്. കിലോമീറ്ററുകള്‍ ദൂരത്തില്‍ നിരവധി വീടുകളും ജനങ്ങളുമാണ് ദുരന്തത്തിന് ഇരയായത്. 6000 ടണ്‍ വഹിക്കുന്ന ഗെയിലിന്‍െറ ഗ്യാസ് പൈപ്പ്ലൈന്‍ പൊട്ടിത്തെറിച്ചാല്‍ ഊഹിക്കാന്‍ പറ്റാത്ത ദുരന്തമാണുണ്ടാകുക.
കടന്നപ്പള്ളിയിലൂടെ പോകുന്ന വാതക പൈപ്പ്ലൈന്‍ പൊട്ടിയാല്‍ പരിയാരം മെഡിക്കല്‍ കോളജ് അടക്കം കത്തിനശിക്കും. മറ്റു സ്ഥലങ്ങളിലും വന്‍ ദുരന്തമാണ് ഉണ്ടാകുക. ഈസ്റ്റ് ഗോദാവരി, ഗോവ എന്നിവിടങ്ങളില്‍ ഗ്യാസ്പൈപ്പ്ലൈനില്‍ വന്‍ സ്ഫോടനങ്ങള്‍ ഉണ്ടായിട്ടുണ്ട്. ഏറ്റവും സുരക്ഷിതമെന്ന് പറയുന്ന അമേരിക്കയിലും ഗ്യാസ്പൈപ്പ്ലൈനുകളില്‍ 2010ല്‍ 583ഉം 2011ല്‍ 680ഉം വന്‍ പൊട്ടിത്തെറിയും തീപിടിത്തവുമുണ്ടായി വന്‍ നാശമാണ് വിതച്ചത്. അമേരിക്കയില്‍ സാന്‍റിയാഗോയില്‍ മാത്രം 5000 കോടി ഡോളറാണ് നഷ്ടം.
അവിടെ സുരക്ഷാ ദൂരം 1200 മീറ്ററായിട്ടുപോലും വലിയ ദുരന്തമാണ് ഉണ്ടായത്. സുരക്ഷാ ദൂരം ഇവിടെ 650 മീറ്ററാണ്. 16 സംസ്ഥാനങ്ങളില്‍ എല്‍.എന്‍.ജി എത്തിച്ചു.
കേരളത്തിലെ  പ്രവര്‍ത്തനങ്ങള്‍ കുമ്പളയില്‍ തുടങ്ങിക്കഴിഞ്ഞു. 95 ശതമാനം വാണിജ്യ ആവശ്യത്തിനാണ് എല്‍.എന്‍.ജി കൊണ്ടുപോകുന്നത്. സ്ഥലം വിട്ടുകൊടുക്കുന്ന സ്ഥലമുടമകള്‍ക്ക് 10 ശതമാനം തുക മാത്രമാണ് അധികൃതര്‍ വാഗ്ദാനം ചെയ്യുന്നത്. 10,000 കി.മീറ്ററില്‍ അഞ്ച് അപകടങ്ങള്‍ക്ക് സാധ്യതയുണ്ടെന്ന് ഗെയില്‍ തന്നെ പറയുന്നു. അത് എവിടെയുമാകാം. 6000ത്തോളം ഏക്കര്‍ ഭൂമി പ്രത്യക്ഷത്തിലും പതിനായിരക്കണക്കിന് ഏക്കര്‍ പരോക്ഷമായും നഷ്ടപ്പെടും. ഇതോടെ കേരളത്തില്‍ പാടശേഖരങ്ങളുടെ ആയുസ്സ് ഒടുങ്ങും.
പാലക്കാട് ഫാന്‍റസി പാര്‍ക്കുമായി നടക്കുന്ന കേസുകളില്‍ ഗെയില്‍ കോടതിയില്‍ പറഞ്ഞത് പരിസ്ഥിതി അനുമതി ലഭിച്ചിട്ടില്ളെന്നാണ്.
അനുമതി ലഭിക്കാതെയാണ് പൈപ്പ്ലൈന്‍ സ്ഥാപിക്കാന്‍ മുന്നിട്ടിറങ്ങിയിട്ടുള്ളത്. പദ്ധതിയുമായി മുന്നോട്ടുപോയാല്‍ ശക്തമായ ജനമുന്നേറ്റം രൂപപ്പെടുത്തുമെന്നും അവര്‍ വ്യക്തമാക്കി.
വാര്‍ത്താസമ്മേളനത്തില്‍ ജില്ലാ ചെയര്‍മാന്‍ എ. ഗോപാലന്‍, കണ്‍വീനര്‍ യു.കെ. സെയ്ദ്, പ്രേമന്‍ പാതിരിയാട്, രാമര്‍കുട്ടി, കെ.കെ. ജലേഷ് എന്നിവര്‍ പങ്കെടുത്തു.

കൂടങ്കുളം: സോളിഡാരിറ്റി വിഭവശേഖരണം നടത്തും

കൂടങ്കുളം: സോളിഡാരിറ്റി
വിഭവശേഖരണം നടത്തും

കോഴിക്കോട്: കൂടങ്കുളം ആണവനിലയത്തിനെതിരെ സമരം നടത്തുന്നവര്‍ക്കുവേണ്ടി സോളിഡാരിറ്റി വിഭവശേഖരണം നടത്തും. പൊലീസ് അതിക്രമങ്ങളെയും ഉപരോധത്തെയും തുടര്‍ന്ന് ഗ്രാമംവിട്ട കൂടങ്കുളത്തെ ജനങ്ങള്‍ ഇടിന്തകരൈയിലെയും കുത്തംകുളിയിലെയും സമരപ്പന്തലുകളിലാണ് കഴിയുന്നത്. കൂടങ്കുളത്തേക്കുള്ള ഗതാഗത സംവിധാനങ്ങള്‍ പുന$സ്ഥാപിച്ചിട്ടില്ല. കടകമ്പോളങ്ങള്‍ അടഞ്ഞുകിടക്കുകയാണ്. ഇടിന്തകരൈയിലെ സമരപ്പന്തലില്‍ മാത്രം 12,000ത്തോളം ആളുകള്‍ കഴിയുന്നുണ്ട്.
ഇവര്‍ക്കുള്ള ഭക്ഷണസാധനങ്ങളാണ്  സോളിഡാരിറ്റി എത്തിക്കുക. കൂടങ്കുളം സമരപ്പന്തല്‍ സന്ദര്‍ശിച്ച സോളിഡാരിറ്റി നേതാക്കളും കേരളത്തിലെ ആണവ വിരുദ്ധ ഐക്യദാര്‍ഢ്യ സമിതി നേതാക്കളും കൂടങ്കുളം ആണവനിലയ വിരുദ്ധ സമരനേതാക്കളായ എസ്.പി. ഉദയകുമാര്‍, എന്‍. പുഷ്പരായന്‍, മുകിലന്‍ തുടങ്ങിയവരുമായി നടത്തിയ ചര്‍ച്ചയെ തുടര്‍ന്നാണ് തീരുമാനം. ഒക്ടോബര്‍ 20ന് സംസ്ഥാന വ്യാപകമായി നടക്കുന്ന വിഭവ ശേഖരണത്തിന്‍െറ ഭാഗമായി ജില്ലാ, ഏരിയാ കേന്ദ്രങ്ങളില്‍ പ്രത്യേക പരിപാടികളും സംഘടിപ്പിക്കും.

പരസ്യസംവാദത്തിന് തയാറാവണം -സോളിഡാരിറ്റി

ബസ് ചാര്‍ജ് വര്‍ധന:
പരസ്യസംവാദത്തിന്
തയാറാവണം -സോളിഡാ
രിറ്റി
കോഴിക്കോട്: ബസ് ചാര്‍ജ് വര്‍ധനയുമായി ബന്ധപ്പെട്ട് ബസുടമകള്‍ സംവാദത്തിന് തയാറാകണമെന്ന് സോളിഡാരിറ്റി സംസ്ഥാന ജനറല്‍ സെക്രട്ടറി ടി. മുഹമ്മദ് വേളം ആവശ്യപ്പെട്ടു. സ്വകാര്യ ബസുടമകള്‍ സമര്‍പ്പിക്കുന്ന കണക്കുകള്‍ യാഥാര്‍ഥ്യവുമായി പൊരുത്തപ്പെടുന്നതല്ല. പെരുപ്പിച്ചുകാണിച്ച നഷ്ടക്കണക്ക് പരിഗണിച്ച് ബസ് ചാര്‍ജ് വര്‍ധനക്ക് അനുകൂലമായ നിലപാടാണ് സര്‍ക്കാര്‍ സ്വീകരിച്ചിരിക്കുന്നത്.
യഥാര്‍ഥത്തില്‍ ബസ് ചാര്‍ജ് വര്‍ധിപ്പിക്കേണ്ട സാഹചര്യം നിലവിലില്ല. മിനിമം ചാര്‍ജ് നിശ്ചയിച്ചതിലെയും ഫെയര്‍സ്റ്റേജ് നിര്‍ണയത്തിലെയും അപാകതകള്‍ മൂലം നിലവില്‍ അമിത ചാര്‍ജാണ് ഈടാക്കുന്നത്. ഈ സാഹചര്യത്തില്‍ ബസ് ഉടമകളുമായും സര്‍ക്കാറുമായും സംവാദത്തിന് സോളിഡാരിറ്റി തയാറാണെന്നും അദ്ദേഹം പ്രസ്താവനയില്‍ അറിയിച്ചു.

കള്ള് നിരോധം: കാപട്യം അവസാനിപ്പിക്കണം

കള്ള് നിരോധം: കാപട്യം അവസാനിപ്പിക്കണം
-വെല്‍ഫെയര്‍ പാര്‍ട്ടി
തിരുവനന്തപുരം: കള്ള് നിരോധിക്കുന്നതിലും പകല്‍സമയത്ത് മദ്യപാനം നിയന്ത്രിക്കുന്നതിലും സര്‍ക്കാറിന്‍െറ അഭിപ്രായം ആരാഞ്ഞ ഹൈകോടതി നിര്‍ദേശത്തിനെതിരെ, ഇടത്-വലത് രാഷ്ട്രീയ പ്രസ്ഥാനങ്ങളും മന്ത്രിമാരും സമുദായ നേതാക്കളും സ്വീകരിക്കുന്ന സമീപനം കാപട്യമാണെന്ന് വെല്‍ഫെയര്‍ പാര്‍ട്ടി സംസ്ഥാന ജനറല്‍ സെക്രട്ടറി കെ. അംബുജാക്ഷന്‍ പറഞ്ഞു.
മദ്യത്തിനെതിരെ വലിയ വായില്‍ സംസാരിക്കുന്നവര്‍ കോടതി നിര്‍ദേശം അനുകൂലിക്കുകയാണ് വേണ്ടിയിരുന്നത്. ജനങ്ങളോട് ഉത്തരവാദിത്തമുള്ള നേതാക്കന്മാര്‍ കള്ളിനുവേണ്ടി നിലകൊള്ളുന്നത് ലജ്ജാകരമാണ്. ജനങ്ങള്‍ക്ക് ദ്രോഹമുണ്ടാക്കുന്നത് നിരോധിക്കുകതന്നെ വേണം.
നിരോധത്തിന്‍െറ പ്രായോഗികതയെക്കുറിച്ച് മന്ത്രിമാര്‍ സംസാരിക്കുന്നത് അപഹാസ്യമാണെന്ന് പ്രസ്താവനയില്‍ പറഞ്ഞു.

Thursday, October 4, 2012

ഖുര്‍ആന്‍ പാരായണ മത്സരം

ഖുര്‍ആന്‍ പാരായണ  മത്സരം
തലശ്ശേരി: ജി.ഐ.ഒയുടെ നേതൃത്വത്തില്‍ സംസ്ഥാന തലത്തില്‍ സംഘടിപ്പിക്കുന്ന ഖുര്‍ആന്‍ പാരായണ മത്സരത്തിന്‍െറ ഭാഗമായുള്ള തലശ്ശേരി ഏരിയ പ്രൈമറിതല മത്സരം ഇസ്ലാമിക് സെന്‍ററില്‍ നടന്നു. റഷ അഷറഫ്, ഹലീമ ഷമീം, ബി.ടി. റാഷി എന്നിവര്‍ യഥാക്രമം ഒന്ന്, രണ്ട്, മൂന്ന് സ്ഥാനങ്ങള്‍ നേടി. ഇസ്ലാമിക് സെന്‍റര്‍ ഇമാം ഹാഫിള് ഒൗസഫ് സമ്മാനദാനം നിര്‍വഹിച്ചു

സോളിഡാരിറ്റി റോഡ്ഷോ

സോളിഡാരിറ്റി റോഡ്ഷോ 
തളിപ്പറമ്പ്: ‘വിപ്ളവ വസന്തത്തിന്‍െറ ശലഭങ്ങളാവുക, സോളിഡാരിറ്റിയില്‍ അംഗമാവുക’  സംഘടനാ കാമ്പയിനിന്‍െറ ഭാഗമായി സോളിഡാരിറ്റിയുടെ സമരസേവന പ്രവര്‍ത്തനങ്ങളെ അവതരിപ്പിക്കുന്ന കൊളാഷുമായി റോഡ് ഷോ സംഘടിപ്പിച്ചു.
റോഡ് ഷോ തളിപ്പറമ്പില്‍ പ്രസ്ഫോറം പ്രസിഡന്‍റ് എം.കെ. മനോഹരന്‍ ഉദ്ഘാടനം ചെയ്തു. ഏരിയാ പ്രസിഡന്‍റ് മിഫ്താഫ് അധ്യക്ഷത വഹിച്ചു. സി.കെ. മുനവിര്‍  മുഖ്യ പ്രഭാഷണം നടത്തി. മുനസദ്ദിഖ് സ്വാഗതവും കെ.കെ. ഖാലിദ് നന്ദിയും പറഞ്ഞു. ചിറവക്ക്, മുക്കോല, സയ്യിദ് നഗര്‍, ഏഴാംമൈല്‍, തൃഛംബരം, പുഷ്പഗിരി എന്നീ സ്ഥലങ്ങളിലെ പ്രയാണത്തിനുശേഷം റോഡ് ഷോ മന്നയില്‍ സമാപിച്ചു. ജില്ലാ സെക്രട്ടറി സാദിഖ് ഉളിയില്‍ സമാപന പ്രഭാഷണം നടത്തി.

മലര്‍വാടി ചിത്രരചനാ മത്സരം

മലര്‍വാടി ചിത്രരചനാ മത്സരം
 പഴയങ്ങാടി: മാടായി ഏരിയ മത്സരങ്ങള്‍ മാടായി ബോയ്സ് ഹൈസ്കൂളില്‍ നടന്നു. കാറ്റഗറി ഒന്നില്‍ തമീം (പി.ഇ.എസ് വാദിഹുദ), സയ്യിദ് ഹാദി എസ്.എ(എം.ഇ.സി.എ പഴയങ്ങാടി), നിതിന്‍ കിഷോര്‍ (പി.ഇ.എസ് വാദിഹുദ) എന്നിവര്‍ യഥാക്രമം ഒന്നും രണ്ടും മൂന്നും സ്ഥാനങ്ങള്‍ നേടി.
കാറ്റഗറി രണ്ടില്‍ കെ. അശ്വിന്‍(ഫസ്ലെ ഉമര്‍, പഴയങ്ങാടി), ഫിദ തസ്നീം (പി.ഇ.എസ് വാദിഹുദ), ആമിന പര്‍വീന്‍ (പി.ഇ.എസ് വാദിഹുദ) എന്നിവരും കാറ്റഗറി മൂന്നില്‍ എ. ആദിത്യന്‍(ഫസ്ലെ ഉമര്‍, പഴയങ്ങാടി), നാഹിദ് അമീന്‍ (പി.ഇ.എസ് വാദിഹുദ), ദ്വീപിന (അസീസി, നെരുവമ്പ്രം) എന്നിവരും ഒന്നും രണ്ടും മൂന്നും സ്ഥാനങ്ങള്‍ നേടി.
പി.പി. അനുശ്രീ (ജി.എം.യു.പി സ്കൂള്‍, ഏഴോം), എ. അഭിരാമി (സെന്‍റ് മേരീസ്, പയ്യന്നൂര്‍), ഫാത്തിമത്തുല്‍ തസ്നീം (എം.ഇ.സി.എ പഴയങ്ങാടി) എന്നിവര്‍ക്കാണ് കാറ്റഗറി നാലില്‍ ഒന്നും രണ്ടും മൂന്നും സ്ഥാനങ്ങള്‍.
ടി.സുകുമാരന്‍ മാസ്റ്റര്‍ വിജയികള്‍ക്ക് സമ്മാനങ്ങള്‍ വിതരണം നടത്തി. ടി.പി.കുഞ്ഞബ്ദുല്ല മാസ്റ്റര്‍ സ്വാഗതവും സയ്യിദ് ഇബ്രാഹിം നന്ദിയും പറഞ്ഞു.

മലര്‍വാടി ചിത്രരചനാ മത്സരം

മലര്‍വാടി
ചിത്രരചനാ മത്സരം
പയ്യന്നൂര്‍: മലര്‍വാടി അഖില കേരള ചിത്രരചനാ മത്സരം- 2012ന്‍െറ ഭാഗമായി മാടായി ഏരിയയുടെ ആഭിമുഖ്യത്തില്‍ സംഘടിപ്പിച്ച മത്സരങ്ങള്‍ പെരുമ്പ ഗവ. യു.പി സ്കൂളില്‍ നടന്നു.
മത്സര വിജയികള്‍ (യഥാക്രമം 1, 2, 3 സ്ഥാനങ്ങള്‍): കാറ്റഗറി 1: എം.ബി. അലന്‍ (ചിന്മയ സ്കൂള്‍, പയ്യന്നൂര്‍), മാളവിക (കാറമേല്‍ എ.എല്‍.പി.എസ്), നജ മുഹമ്മദ് (പയ്യന്നൂര്‍ സെന്‍റ് മേരീസ് സ്കൂള്‍).
കാറ്റഗറി 2:  ഫാത്തിമത്തുസുഹ്റ (മര്‍കസ് സ്കൂള്‍), മുഹമ്മദ് ബിലാല്‍ സുലൈമാന്‍ (ചിന്മയ സ്കൂള്‍, പയ്യന്നൂര്‍), അഫ്രീന്‍ അഫ്സല്‍ (പി.ഇ.എസ്, പയ്യന്നൂര്‍).
കാറ്റഗറി 3: ഫാത്തിമ സുലൈമാന്‍ (കാറമേല്‍ എ.എല്‍.പി.എസ്), എസ്. നിരഞ്ജന്‍ (ജി.എല്‍.പി.എസ്, വെള്ളൂര്‍), കെ.എം. രണ്‍ദേവ് (കാറമേല്‍ എ.എല്‍.പി.എസ്).
കാറ്റഗറി- 4: സി. സ്വാതി സുനില്‍ (മേരിമാത സ്കൂള്‍, പിലാത്തറ) , പി. അനവദ്യ (കേന്ദ്രീയ വിദ്യാലയം, പയ്യന്നൂര്‍), റിസ റിയാസ് (പി.ഇ.എസ്, പയ്യന്നൂര്‍).
സമാപന സമ്മേളനത്തില്‍ ജമാഅത്തെ ഇസ്ലാമി ഏരിയാ സെക്രട്ടറി സാഹിദ ടീച്ചര്‍ അധ്യക്ഷത വഹിച്ചു. രാമചന്ദ്രന്‍ മാസ്റ്റര്‍ സമ്മാനങ്ങള്‍ വിതരണം ചെയ്തു. കെ.വി. കുഞ്ഞപ്പന്‍ മാസ്റ്റര്‍, സി.ബി. സുനില്‍, റിനേഷ്, നജീബ് മാടായി എന്നിവര്‍ സംസാരിച്ചു. സിനാജുദ്ദീന്‍ സ്വാഗതവും ഫൈസല്‍ തായിനേരി നന്ദിയും പറഞ്ഞു.

ബസ് പണിമുടക്ക്: നടപടി സ്വീകരിക്കണം

ഇരിട്ടി റൂട്ട് ബസ് പണിമുടക്ക്:
നടപടി സ്വീകരിക്കണം -സോളിഡാരിറ്റി
കണ്ണൂര്‍: ഇരിട്ടി-മട്ടന്നൂര്‍-തലശ്ശേരി റൂട്ടില്‍ പല കാരണങ്ങള്‍ പറഞ്ഞ് ഇടക്കിടെ ബസുകള്‍ പണിമുടക്കി ജനങ്ങളെ പെരുവഴിയിലാക്കുന്ന സമീപനങ്ങള്‍ക്കെതിരെ ശക്തമായ നടപടികള്‍ സ്വീകരിക്കാന്‍ അധികൃതര്‍ തയാറാവണമെന്ന് സോളിഡാരിറ്റി ജില്ലാ സെക്രട്ടറി കെ. സാദിഖ് ആവശ്യപ്പെട്ടു. കലക്ടറുടെ ഉത്തരവിനെപോലും പുല്ലുവിലയാക്കി മിന്നല്‍ പണിമുടക്ക് തുടരുന്ന സ്വകാര്യ ബസുകളുടെ നടപടികള്‍ ജനങ്ങളോടുള്ള വെല്ലുവിളിയാണെന്നും അദ്ദേഹം പ്രസ്താവനയില്‍ പറഞ്ഞു.
ഇരിട്ടി: ഇരിട്ടി-തലശ്ശേരി-കണ്ണൂര്‍ റൂട്ടുകളില്‍ മൂന്നു ദിവസമായി നടത്തുന്ന മിന്നല്‍ ബസ് പണിമുടക്കില്‍ സോളിഡാരിറ്റി ഇരിട്ടി ഏരിയാ കമ്മിറ്റി പ്രതിഷേധിച്ചു. സമരങ്ങള്‍ ഇനിയും ആവര്‍ത്തിച്ചാല്‍ വിവിധ പ്രക്ഷോഭ പരിപാടികള്‍ നടത്തുമെന്ന് യോഗം അറിയിച്ചു. ഏരിയാ പ്രസിഡന്‍റ് എം. ഷാനിഫ് അധ്യക്ഷത വഹിച്ചു. ഷഫീര്‍ ആറളം, നൗഷാദ് മത്തേര്‍, അന്‍സാര്‍ ഉളിയില്‍ എന്നിവര്‍ സംസാരിച്ചു.

മലര്‍വാടി ചിത്രരചനാ മത്സരം

മലര്‍വാടി ചിത്രരചനാ മത്സരം
വളപട്ടണം: മലര്‍വാടി ബാലസംഘം അഖിലകേരള ചിത്രരചനാ മത്സരത്തിന്‍െറ ഭാഗമായുള്ള വളപട്ടണം ഏരിയാതല മത്സരം താജുല്‍ ഉലൂം ഹയര്‍സെക്കന്‍ഡറി സ്കൂളില്‍ ഏരിയ കോഓഡിനേറ്റര്‍ ജബ്ബാര്‍ മാസ്റ്റര്‍ ഉദ്ഘാടനം ചെയ്തു.  എന്‍.എം.കോയ സമ്മാനദാനം നിര്‍വഹിച്ചു.
വിവിധ വിഭാഗങ്ങളിലായി കെ. റഫ  (താജുല്‍ ഉലൂം ഇംഗ്ളീഷ് മീഡിയം സ്കൂള്‍), അബ്ദുല്‍ അദ്ലു (ദാറുല്‍ നജാത്ത് കണ്ണാടിപ്പറമ്പ്), അക്ഷയ (കസ്തൂര്‍ബ ഇംഗ്ളീഷ് മീഡിയം സ്കൂള്‍), പി.എം. മുഹമ്മദ് ഷാഹില്‍  (താജുല്‍ ഉലൂം ഇംഗ്ളീഷ് മീഡിയം സ്കൂള്‍) എന്നിവര്‍ ഒന്നാം സ്ഥാനവും
മുഹമ്മദ് അജ്സല്‍ (ദാറുല്‍ നജാത്ത് കണ്ണാടിപ്പറമ്പ്), എ. അഭിരാം  (രാമഗുരു യു.പി പുതിയതെരു), പി.പി. വഫ  (ദാറുല്‍ നജാത്ത് കണ്ണാടിപ്പറമ്പ്), ദേവിക ദീപേഷ് (ചിന്മയ വിദ്യാലയ) എന്നിവര്‍ രണ്ടാം സ്ഥാനവും നേടി.
മൂന്നാം  സ്ഥാനത്തിന് അനിരുദ്ധ് അജിത്ത് (രാമഗുരു യു.പി പുതിയതെരു,) അഫ്റ അബ്ദുല്‍ റസാഖ്  (ദാറുല്‍ നജാത്ത് കണ്ണാടിപ്പറമ്പ്), ഫര്‍ഹ (ആര്‍.കെ.യു.പി സ്കൂള്‍ വളപട്ടണം), ഫാത്വിമത്തുല്‍ സുലൈഖ (ആര്‍.കെ.യു.പി സ്കൂള്‍ വളപട്ടണം), സാന്ദ്ര സനോജ് (അഴീക്കോട് സൗത്ത് യു.പി സ്കൂള്‍,) ടി. സായന്ത്  (അഴീക്കോട് ഹൈസ്കൂള്‍) എന്നിവര്‍ അര്‍ഹരായി.

ഉപരാഷ്ട്രപതിയുമായി കൂടിക്കാഴ്ച നടത്തി

ഉപരാഷ്ട്രപതിയുമായി
ജമാഅത്ത് അമീര്‍
കൂടിക്കാഴ്ച നടത്തി
ന്യൂദല്‍ഹി: ജമാഅത്തെ ഇസ്ലാമി അഖിലേന്ത്യാ അമീര്‍ മൗലാനാ സയ്യിദ് ജലാലുദ്ദീന്‍ ഉമരി ഉപരാഷ്ട്രപതി ഹാമിദ് അന്‍സാരിയുമായി കൂടിക്കാഴ്ച നടത്തി. രണ്ടാമതും ഉപരാഷ്ട്രപതിയായി തെരഞ്ഞെടുക്കപ്പെട്ടതില്‍ അഭിനന്ദനം അറിയിച്ച അമീര്‍ രാജ്യവും മുസ്ലിം സമുദായവും നേരിടുന്ന നിരവധി പ്രശ്നങ്ങള്‍ ഉപരാഷ്ട്രപതിയുമായി പങ്കുവെച്ചു.
രാജ്യത്തിന്‍െറ വിവിധ ഭാഗങ്ങളില്‍ വിശിഷ്യാ ഉത്തര്‍പ്രദേശില്‍ വര്‍ഗീയ കലാപങ്ങളുടെ പരമ്പരയുണ്ടായത് ആശങ്കാജനകമാണെന്ന് അമീര്‍ പറഞ്ഞു. അസമിലെ കലാപബാധിതര്‍ക്ക് ഇനിയും വീടുകളില്‍ തിരിച്ചുപോകാന്‍ കഴിഞ്ഞിട്ടില്ളെന്നും സംസ്ഥാന സര്‍ക്കാര്‍ ഇതിനാവശ്യമായ സുരക്ഷിതത്വം നല്‍കുന്നില്ളെന്നും അദ്ദേഹം തുടര്‍ന്നു.
നിരപരാധികളായ മുസ്ലിം യുവാക്കളെ ഭീകരകേസുകളില്‍ കുടുക്കി ജയിലിലിടുന്ന കാര്യവും ഉപരാഷ്ട്രപതിയുടെ ശ്രദ്ധയില്‍പ്പെടുത്തി. അഞ്ചും പത്തും വര്‍ഷം കഴിഞ്ഞ ശേഷം അവരെയെല്ലാം നിരപരാധികളാണെന്നുകണ്ട് വിട്ടയക്കുകയാണ്.  ഉന്നയിച്ച വിഷയങ്ങളുടെ പരിഹാരത്തിന് ശ്രമിക്കുമെന്ന് ഉപരാഷ്ട്രപതി ഹാമിദ് അന്‍സാരി ഉറപ്പുനല്‍കി. ജമാഅത്തെ ഇസ്ലാമി സെക്രട്ടറി മുഹമ്മദ് അഹ്മദ്, കേന്ദ്ര ശൂറാ അംഗം ഖാസിം റസൂല്‍ ഇല്യാസ് എന്നിവരും സംഘത്തിലുണ്ടായിരുന്നു.   

ഡോ. അബ്ദുല്‍ ഹഖ് അന്‍സാരി അന്തരിച്ചു

 ഡോ. അബ്ദുല്‍ ഹഖ്
അന്‍സാരി അന്തരിച്ചു
ന്യൂദല്‍ഹി: പ്രമുഖ ഇസ്ലാമിക ചിന്തകനും ജമാഅത്തെ ഇസ്ലാമി മുന്‍ അഖിലേന്ത്യാ അമീറുമായ ഡോ. അബ്ദുല്‍ ഹഖ് അന്‍സാരി നിര്യാതനായി. 81 വയസ്സായിരുന്നു. ബുധനാഴ്ച വൈകുന്നേരം നാലു മണിയോടെ അലീഗഢിലെ വസതിയില്‍ ഹൃദയാഘാതം മൂലമാണ് അന്ത്യം. നെഞ്ചുവേദന അനുഭവപ്പെട്ടതിനെ തുടര്‍ന്ന് ആശുപത്രിയിലത്തെിച്ചെങ്കിലും രക്ഷിക്കാനായില്ല.  ഖബറടക്കം വ്യാഴാഴ്ച രാവിലെ അലീഗഢ് മുസ്ലിം വാഴ്സിറ്റി ഖബര്‍സ്ഥാനില്‍.
 ഉത്തര്‍പ്രദേശ് സ്വദേശിയായ ഡോ. അബ്ദുല്‍ ഹഖ് അന്‍സാരി ഏറെക്കാലമായി അലീഗഢിലാണ് താമസം.  2003 മുതല്‍ 2007 വരെ ജമാഅത്തെ ഇസ്ലാമി അഖിലേന്ത്യാ അമീര്‍ സ്ഥാനം വഹിച്ച അദ്ദേഹം  സംഘടനയുടെ കേന്ദ്ര കൂടിയാലോചന സമിതി അംഗമായി പ്രവര്‍ത്തിച്ചുവരികയായിരുന്നു.
 സ്കൂള്‍ പഠനകാലത്തുതന്നെ ജമാഅത്തെ ഇസ്ലാമിയുമായി  അടുത്ത അബ്ദുല്‍ ഹഖ് അന്‍സാരി  റാംപൂരിലാണ് പ്രാഥമിക പഠനം നേടിയത്. അലീഗഢ് സര്‍വകലാശാലയില്‍നിന്ന്  ബിരുദാനന്തര ബിരുദം. 62ല്‍ അവിടെനിന്ന് ഫിലോസഫിയില്‍ ഡോക്ടറേറ്റ് നേടി. 72ല്‍ അമേരിക്കയിലെ ഹാര്‍വാഡ് സര്‍വകലാശാലയില്‍നിന്ന്  മതതാരതമ്യ പഠനത്തില്‍ മാസ്റ്റേര്‍സ് ബിരുദം. ഡസനോളം ഇസ്ലാമിക് ഗ്രന്ഥങ്ങളുടെ കര്‍ത്താവാണ്. ഫിലോസഫി, സൂഫിസം തുടങ്ങിയ വിഷയങ്ങളിലാണ്  ഏറെയും എഴുതിയത്.
 വിവിധ സര്‍വകലാശാലകളില്‍ പ്രഭാഷകനായിരുന്നു. ദേശീയ, അന്തര്‍ദേശീയ ഇസ്ലാമിക സെമിനാറുകളില്‍ ശ്രദ്ധേയമായ പ്രബന്ധങ്ങള്‍ അവതരിപ്പിച്ചു. അബ്ദുല്‍ ഹഖ് അന്‍സാരിയുടെ നേതൃത്വത്തില്‍ അലീഗഢില്‍ പ്രവര്‍ത്തിക്കുന്ന ഇസ്ലാമിക് അക്കാദമിയുടെ പ്രവര്‍ത്തനങ്ങളിലാണ് അവസാനകാലം ശ്രദ്ധ കേന്ദ്രീകരിച്ചിരുന്നത്. ഇസ്ലാമും ഇതര മതങ്ങളും തമ്മിലുള്ള താരതമ്യപഠനങ്ങള്‍ക്കാണ് അബ്ദുല്‍ ഹഖ് അന്‍സാരി ഡയറക്ടറായ  ഇസ്ലാമിക് അക്കാദമി ഊന്നല്‍ നല്‍കുന്നത്. 
 ഭാര്യ: റാബിയ അന്‍സാരി. മക്കള്‍: ഖാലിദ് ഉമര്‍ അന്‍സാരി, ഹസ്റ മഹ്മൂദ്, സുഹറ അന്‍സാരി, സല്‍മ അന്‍സാരി,  സൈമ അന്‍സാരി (എല്ലാവരും അമേരിക്ക).

തര്‍തീല്‍-12 ഖുര്‍ആന്‍ പാരായണ മത്സരം

തര്‍തീല്‍-12    ഖുര്‍ആന്‍ പാരായണ മത്സരം
ഉളിയില്‍: ഇരിട്ടി ഏരിയ  ജി.ഐ.ഒ. ഐഡിയല്‍ കോളേജില്‍ സംഘടിപ്പിച്ച തര്‍തീല്‍ ഖുര്‍ആന്‍ പാരായണ മത്സരം ഐഡിയല്‍ അറബിക് കോളേജ് പ്രിന്‍സിപ്പല്‍ വി.കെ.സാദിഖ് മാസ്റ്റര്‍ ഉദ്ഘാടനം ചെയ്തു. ഏരിയ പ്രസിഡന്റ്‌ എം.കെ. ശബ്ന അധ്യക്ഷത വഹിച്ചു. കെ. റഷീദ്, അസീസ്‌ മൌലവി, സാജിത.വി.എം, എന്നിവര്‍ സംബന്ധിച്ചു.
ജാസ്മിന്‍.എസ്, കെ.പി.ജാസ്മിന, റാഷിദ ടീച്ചര്‍ എന്നിവര്‍  പാരായണ മത്സരത്തില്‍ യഥാക്രമം ഒന്ന്, രണ്ട്, മൂന്ന്‍ സ്ഥാനങ്ങള്‍ കരസ്ഥമാക്കി.
നരയംപാറ: ഐഡിയല്‍ അറബിക് കോളേജ് തല മത്സരത്തില്‍ ഒന്നും രണ്ടും സ്ഥാനങ്ങള്‍ യഥാക്രമം ഫെബീന, നാസ്റീന എന്നിവര്‍ കരസ്ഥമാക്കി.