എസ്.ഐ.ഒ കാമ്പസ് കണ്‍വെന്‍ഷന്‍ നാളെ

എസ്.ഐ.ഒ കാമ്പസ്
കണ്‍വെന്‍ഷന്‍ നാളെ

കണ്ണൂര്‍: എസ്.ഐ.ഒ കണ്ണൂര്‍, കാസര്‍കോട് ജില്ലാ കാമ്പസ് കണ്‍വെന്‍ഷന്‍ ശനിയാഴ്ച രാവിലെ 10ന് തലശ്ശേരി ഐ.സി.സിയില്‍ നടക്കും. സംസ്ഥാന പ്രസിഡന്‍റ് ശിഹാബ് പൂക്കോട്ടൂര്‍ ഉദ്ഘാടനം ചെയ്യും.
ജി.ഐ.ഒ സംസ്ഥാന പ്രസിഡന്‍റ് എം.കെ. സുഹൈല, സോളിഡാരിറ്റി സംസ്ഥാന സെക്രട്ടറി സുബ്ഹാന്‍ ബാബു, ജമാഅത്തെ ഇസ്ലാമി കണ്ണൂര്‍ ജില്ലാ പ്രസിഡന്‍റ് ടി.കെ. മുഹമ്മദലി, ജി.ഐ.ഒ കോഴിക്കോട് ജില്ലാ കാമ്പസ് സെക്രട്ടറി അമല്‍ അബ്ദുറഹ്മാന്‍, എസ്.ഐ.ഒ തൃശൂര്‍ ജില്ലാ കാമ്പസ് സെക്രട്ടറി ആഖില്‍, എസ്.ഐ.ഒ മലപ്പുറം ജില്ലാ പി.ആര്‍ സെക്രട്ടറി അഷ്റഫ് തുടങ്ങിയവര്‍ പങ്കെടുക്കും.

പൊതുയോഗം

പൊതുയോഗം

ഇരിക്കൂര്‍: ജമാഅത്തെ ഇസ്ലാമി ആയിപ്പുഴ യൂനിറ്റിന്‍െറ ആഭിമുഖ്യത്തില്‍ ഇന്ന് വൈകീട്ട് നാലിന് ആയിപ്പുഴ ബസ്സ്റ്റോപ്പിനു സമീപം പൊതുയോഗം നടത്തും. എസ്.ഐ.ഒ ജില്ലാ പ്രസിഡന്‍റ് യൂനുസ് സലിം, സി.കെ. മുനവ്വിര്‍ എന്നിവര്‍ സംസാരിക്കും.

കളിമുറ്റം സമാപിച്ചു

 കളിമുറ്റം സമാപിച്ചു

ചൊക്ളി: മലര്‍വാടി ബാലസംഘം ചൊക്ളി ഏരിയാ കമ്മിറ്റി വി.പി. ഓറിയന്‍റല്‍ ഹൈസ്കൂളില്‍ നടത്തിയ കളിമുറ്റം സമാപിച്ചു. സമാപന സമ്മേളനം ചൊക്ളി ഗ്രാമപഞ്ചായത്ത് പ്രസിഡന്‍റ് കെ.പി. ഷമീമ ഉദ്ഘാടനം ചെയ്തു.  ടി. റഹീം അധ്യക്ഷത വഹിച്ചു. ബിജോയ് പെരിങ്ങത്തൂര്‍ സമ്മാനങ്ങള്‍ വിതരണം ചെയ്തു. സി.എം. മുസ്തഫ, ഖദീജ, സക്കീന, ടി. അസീസ് എന്നിവര്‍ സംസാരിച്ചു. ടി.കെ. അ്ദുല്ല സ്വാഗതവും നൗഷാദ് നന്ദിയും പറഞ്ഞു.

ജനകീയ രാഷ്ട്രീയം വളര്‍ന്നുവരണം -വെല്‍ഫെയര്‍ പാര്‍ട്ടി

ജനകീയ രാഷ്ട്രീയം വളര്‍ന്നുവരണം 

-വെല്‍ഫെയര്‍ പാര്‍ട്ടി

തിരുവനന്തപുരം: സംസ്ഥാനത്ത് ക്വട്ടേഷന്‍ രാഷ്ട്രീയത്തിനെതിരെ ജനകീയ രാഷ്ട്രീയം വളര്‍ന്നുവരണമെന്ന് വെല്‍ഫെയര്‍ പാര്‍ട്ടി ഓഫ് ഇന്ത്യ അഭിപ്രായപ്പെട്ടു.
വിയോജിക്കുന്നവരെ ക്രൂരമായി ഉന്മൂലനം ചെയ്യാന്‍ ക്വട്ടേഷന്‍ സംഘങ്ങളെ വളര്‍ത്തുകയും സംരക്ഷിക്കുകയും ചെയ്യുന്ന പാര്‍ട്ടികളും നേതാക്കളും വര്‍ധിച്ചുവരുന്നത് സാമൂഹിക ജീവിതത്തെ അരക്ഷിതാവസ്ഥയിലേക്ക് നയിക്കും. മൂല്യാധിഷ്ഠിത രാഷ്ട്രീയ ബദല്‍ കൊണ്ടുവരാനാണ് വെല്‍ഫെയര്‍ പാര്‍ട്ടിയുടെ ശ്രമം. നിലവിലെ രാഷ്ട്രീയ പാര്‍ട്ടികള്‍ക്ക് ഇത് അസാധ്യമാണെന്നതിന്‍െറ തെളിവാണ് ടി.പി. ചന്ദ്രശേഖരന്‍െറ കൊലപാതകമെന്നും സംസ്ഥാന പ്രസിഡന്‍റ് കൂട്ടില്‍ മുഹമ്മദലി വാര്‍ത്താസമ്മേളനത്തില്‍ പറഞ്ഞു.
അടിസ്ഥാനസൗകര്യ വികസനം, അടിസ്ഥാന ആവശ്യങ്ങള്‍ എന്നിവ ഭരണകൂടം സ്വന്തം ഉത്തരവാദിത്തമായി ഏറ്റെടുക്കാതെ ജനങ്ങളുടെ ചുമലില്‍ വെക്കുകയാണ്. വിദ്യാഭ്യാസ-ആരോഗ്യ വിഷയങ്ങളിലെ ചെലവ് സാധാരണക്കാര്‍ക്ക് താങ്ങാനാകുന്നില്ല. ജനകീയ പ്രശ്നങ്ങള്‍ ഉയര്‍ത്തിക്കൊണ്ടുവരാന്‍ പോലും പാര്‍ട്ടികള്‍ തയാറാകുന്നില്ല. ഇരകള്‍ സംഘടിച്ചാണ് ഇപ്പോള്‍ വിഷയങ്ങള്‍ ഉയര്‍ത്തിക്കൊണ്ടുവരുന്നത്്. ഇത്തരം സമരങ്ങള്‍ വിജയിക്കുമ്പോള്‍ പ്രശ്നപരിഹാരത്തിന് സര്‍ക്കാര്‍ ആത്മാര്‍ഥശ്രമം നടത്തുന്നില്ല. പ്ളാച്ചിമട, എന്‍ഡോസള്‍ഫാന്‍ എന്നീ വിഷയങ്ങളില്‍ ഈ അലംഭാവമുണ്ടായി.  പത്ത് വര്‍ഷംകൊണ്ട് മദ്യനിരോധം നടപ്പാക്കാന്‍ പ്രായോഗിക നിര്‍ദേശങ്ങള്‍ ഉള്‍ക്കൊള്ളുന്ന പാക്കേജ് പാര്‍ട്ടി മുന്നോട്ടുവെക്കും.
സംസ്ഥാനത്തെ വികസന നയം ജനവിരുദ്ധവും പ്രകൃതിയിലുള്ള കടന്നുകയറ്റവുമാണ്. ജനപക്ഷ, പരിസ്ഥിതിസൗഹൃദ രാഷ്ട്രീയം ഉള്‍ക്കൊള്ളാന്‍ നിലവിലെ രാഷ്ട്രീയ പാര്‍ട്ടികള്‍ക്ക് സാധിക്കുന്നില്ല. വെല്‍ഫെയര്‍ പാര്‍ട്ടി ജനപക്ഷ, പ്രകൃതിസൗഹൃദ വികസന നയം രൂപപ്പെടുത്തും. ഈആശയം മുന്‍നിര്‍ത്തി മേയ് 10 മുതല്‍ 30 വരെ കാമ്പയിന്‍ നടത്തും. പ്രാദേശിക ഘടകങ്ങള്‍ക്ക് മേയില്‍ത്തന്നെ രൂപം നല്‍കുമെന്നും കൂട്ടില്‍ മുഹമ്മദലി പറഞ്ഞു.
ജനറല്‍ സെക്രട്ടറിമാരായ കെ. അംബുജാക്ഷന്‍, പി.എ. അബ്ദുല്‍ഹക്കീം, വൈസ്പ്രസിഡന്‍റുമാരായ കരിപ്പുഴ സുരേന്ദ്രന്‍, പ്രേമാ ജി. പിഷാരടി, സെക്രട്ടറിമാരായ ശ്രീജ നെയ്യാറ്റിന്‍കര, ഇ.എ. ജോസഫ്, വക്താവ് കെ.എ. ഷെഫീഖ്, ട്രഷറര്‍ പ്രഫ. പി. ഇസ്മാഈല്‍ എന്നിവരും വാര്‍ത്താസമ്മേളനത്തില്‍ പങ്കെടുത്തു.

 

 

 

 

 

 

 

 

 

 

 

മലര്‍വാടി കളിക്കളം 2012

കാഞ്ഞിരോട് : മലര്‍വാടി കളിക്കളം 2012  അല്‍ ഹുദ സ്കൂള്‍ ഗ്രൌണ്ടില്‍ നടന്നു. നൂറോളം വിധ്യാര്തികള്‍ പങ്കെടുത്തു. കെ ടി മായന്‍ മാസ്റ്റര്‍ സമ്മാന വിതരണം നടത്തി. പി സി അജ്മല്‍, കെ ഫവാസ്, ആഖീല്‍ ,അഫ്സല്‍, സജ്ജാദ് തുടങ്ങിയവര്‍ നേത്രതം നല്‍കി .
മത്സര വിജയികള്‍
kiddies
1. ഫസലുരഹ്മാന്‍
2. ശാസിന്‍
3. റോഷന്‍  സമീര്‍
Sub Junior
1. ജസീല്‍
2. ശ്രേയ
3. റസല്‍
Junior
1. പി സി ഖലീല്‍
2. സാഹീന്‍
3. അഫീദ

പൊതുയോഗം

ഇന്നുരാത്രി കണ്ണൂര്‍- മട്ടന്നൂര്‍ റോഡില്‍ ഗതാഗത നിയന്ത്രണം

 ഇന്നുരാത്രി (10.05.2012, വ്യാഴാഴ്ച)

കണ്ണൂര്‍- മട്ടന്നൂര്‍ 

റോഡില്‍ ഗതാഗത നിയന്ത്രണം

കണ്ണൂര്‍: കണ്ണൂര്‍ ശുദ്ധജലവിതരണ പദ്ധതിയുടെ പൈപ്പ്‌ലൈന്‍ കാഞ്ഞിരോട് പാലത്തിന് സമീപം റോഡ് ക്രോസ് ചെയ്ത് സ്ഥാപിക്കുന്നതിനാല്‍ വ്യാഴാഴ്ച രാത്രി 10 മുതല്‍ പ്രവൃത്തി തീരുംവരെ ഇതുവഴിയുള്ള വാഹനഗതാഗതം വഴിതിരിച്ചുവിടും. കണ്ണൂര്‍ ഭാഗത്തുനിന്ന് വരുന്ന വാഹനങ്ങള്‍ ഏച്ചൂര്‍- അഞ്ചരക്കണ്ടിവഴിയും ചാലോട് ഭാഗത്തുനിന്നുള്ളവ അഞ്ചരക്കണ്ടിവഴിയും തിരിഞ്ഞുപോകണം.

BODHANAM

പൊതുയോഗം

പൊതുയോഗം

കാക്കയങ്ങാട്: ജമാഅത്തെ ഇസ്ലാമി മട്ടന്നൂര്‍ ഏരിയയുടെ ആഭിമുഖ്യത്തില്‍ കാക്കയങ്ങാട് ടൗണില്‍ വ്യാഴാഴ്ച വൈകീട്ട് 4.30ന് പൊതുയോഗം സംഘടിപ്പിക്കും. ഖാലിദ് മൂസ നദ്വി, ടി.കെ. മുഹമ്മദലി എന്നിവര്‍ പ്രഭാഷണം നടത്തും.

രാഷ്ട്രീയ വിശദീകരണ യോഗം

 രാഷ്ട്രീയ വിശദീകരണ യോഗം

കുടുക്കിമൊട്ട: തീവ്രവാദത്തിനും ഫാഷിസത്തിനുമെതിരെ മുണ്ടേരി പഞ്ചായത്ത് മുസ്ലിം യൂത്ത്ലീഗ് കമ്മിറ്റി കുടുക്കിമൊട്ടയില്‍ രാഷ്ട്രീയ വിശദീകരണ യോഗം സംഘടിപ്പിച്ചു. റിയാസ് പടന്നോട്ട് അധ്യക്ഷത വഹിച്ചു. കണ്ണൂര്‍ മണ്ഡലം മുസ്ലിംലീഗ് ജനറല്‍ സെക്രട്ടറി എം.പി. മുഹമ്മദലി ഉദ്ഘാടനം ചെയ്തു. റഷീദ് വെങ്ങളം മുഖ്യപ്രഭാഷണം നടത്തി. കെ.പി. താഹിര്‍, പി.സി. അഹമ്മദ്കുട്ടി, അശ്റഫ് കാഞ്ഞിരോട്, കെ.പി. സലാം, പി. ഹാഷിം, സി.കെ. റഫീഖ്, പി.സി. നൗഷാദ് എന്നിവര്‍ സംസാരിച്ചു.

പ്രഭാഷണം

ബാലികക്ക് സോളിഡാരിറ്റിയുടെ സാന്ത്വനം

 ട്രെയിന്‍ യാത്രക്കിടെ കല്ളേറില്‍ തല തകര്‍ന്ന
ബാലികക്ക് സോളിഡാരിറ്റിയുടെ സാന്ത്വനം

കേളകം: ട്രെയിന്‍ യാത്രക്കിടെ കല്ളേറില്‍ ഗുരുതര പരിക്കേറ്റ് കോട്ടക്കലിലെ സ്വകാര്യ ആശുപത്രിയില്‍ ചികിത്സയിലായിരുന്ന അടക്കാത്തോട്ടിലെ പുത്തന്‍വീട്ടില്‍ നൂര്‍ജഹാന്‍െറ മകള്‍ ഖദീജക്ക് സോളിഡാരിറ്റി കണ്ണൂര്‍ ജില്ലാ സേവനവിഭാഗത്തിന്‍െറ സാന്ത്വനം. ഏപ്രില്‍ 29ന് ഞായറാഴ്ചയാണ് ട്രെയിന്‍ യാത്രക്കിടെ അജ്ഞാതനായ അക്രമിയുടെ കല്ളേറില്‍ പട്ടാമ്പി പള്ളിപ്പുറത്തുനിന്ന് ഖദീജയുടെ തലയോട്ടി തകര്‍ക്കുംവിധം പരിക്കേറ്റത്. ‘മാധ്യമം’ വാര്‍ത്ത ശ്രദ്ധയില്‍പെട്ട സോളിഡാരിറ്റി സേവനവിഭാഗം ഖദീജയുടെ ചികിത്സാചെലവ് ഏറ്റെടുക്കുകയായിരുന്നു. ഇന്നലെ സോളിഡാരിറ്റി കണ്ണൂര്‍ ജില്ലാ സേവനവിഭാഗം കണ്‍വീനര്‍ ഫൈസല്‍ മാടായി, കോട്ടക്കല്‍ ഏരിയാ സെക്രട്ടറി ഫൈസല്‍ കോട്ടക്കല്‍, ഓര്‍ഗനൈസര്‍ മുഹമ്മദ് യാസിര്‍ എന്നിവരടങ്ങുന്ന സംഘം കോട്ടക്കലിലെ സ്വകാര്യ ആശുപത്രിയിലത്തെി ചികിത്സാചെലവ് നല്‍കി.
ഖദീജയുടെ ദൈന്യതയറിഞ്ഞ് ഹാറൂണ്‍ (കണ്ണൂര്‍), ജമാഅത്തെ ഇസ്ലാമി കോട്ടക്കല്‍ ഏരിയാ ഓര്‍ഗനൈസര്‍ അലവിക്കുട്ടി, സോളിഡാരിറ്റി സേവനവിഭാഗം സെക്രട്ടറി പി.സി. ഷമീം, സാദിഖ് തുടങ്ങിയവര്‍ ഖദീജക്ക് സാന്ത്വനവുമായി നേരത്തെ രംഗത്തത്തെിയിരുന്നു. ജമാഅത്തെ ഇസ്ലാമി കോട്ടക്കല്‍ ഘടകം ആദ്യഘട്ടസഹായമായി 10,000 രൂപയും ബാലികയുടെ ബന്ധുക്കള്‍ക്ക് കൈമാറി.
അടക്കാത്തോട്ടിലെ ഒറ്റമുറി പീടികയില്‍ താമസിക്കുന്ന ഖദീജയുടെ ഉമ്മ  പുത്തന്‍വീട്ടില്‍ നൂര്‍ജഹാന്‍െറ ഏക ആശ്രയം തൊഴിലുറപ്പ് പദ്ധതിയില്‍നിന്ന് ലഭിക്കുന്ന നാമമാത്ര പ്രതിഫലമാണ്.

അറസ്റ്റ് മുസ്ലിം വേട്ടയുടെ തുടര്‍ച്ച -സോളിഡാരിറ്റി

അറസ്റ്റ് മുസ്ലിം വേട്ടയുടെ തുടര്‍ച്ച
-സോളിഡാരിറ്റി

കോഴിക്കോട്: പ്രമുഖ അഭിഭാഷകനും മനുഷ്യാവകാശ പ്രവര്‍ത്തകനുമായ അഡ്വ. എസ്. ഷാനവാസിനെ അറസ്റ്റ് ചെയ്ത നടപടി ഇ-മെയില്‍ ചോര്‍ത്തലിലൂടെ പുറത്തുവന്ന മുസ്ലിം വേട്ടയുടെ തുടര്‍ച്ചയാണെന്ന് സോളിഡാരിറ്റി സംസ്ഥാന പ്രസിഡന്‍റ് പി.ഐ. നൗഷാദ് വാര്‍ത്താ സമ്മേളനത്തില്‍ പറഞ്ഞു. അഡ്വ. ഷാനവാസിന്‍െറ അറസ്റ്റിന്‍െറ കാരണം വാര്‍ത്ത പുറത്തുകൊണ്ടു വരുന്നതില്‍ പങ്കുവഹിച്ചു എന്നതാണ്.
അഭിപ്രായ പ്രകടന സ്വാതന്ത്ര്യത്തിനെതിരെയുള്ള സര്‍ക്കാറിന്‍െറ കൈയേറ്റ ശ്രമമാണിത്. മനുഷ്യാവകാശ പ്രവര്‍ത്തകരെയും ജനകീയ സമരക്കാരെയും അണിനിരത്തി മുസ്ലിം വേട്ടയെ ചെറുത്തു തോല്‍പിക്കുമെന്നും നൗഷാദ് പറഞ്ഞു. സംസ്ഥാന സെക്രട്ടറി എം.സി. സുബ്ഹാന്‍ബാബു, മീഡിയാ സെക്രട്ടറി സി.എ. ശരീഫ് എന്നിവരും വാര്‍ത്താ സമ്മേളനത്തില്‍ പങ്കെടുത്തു.

യുവജന സംഗമം

 

 യുവജന സംഗമം

ചക്കരക്കല്ല്: സോളിഡാരിറ്റി യൂത്ത് മൂവ്മെന്‍റ് കാഞ്ഞിരോട് ഏരിയയുടെ ആഭിമുഖ്യത്തില്‍ താഴെ മൗവ്വഞ്ചേരിയില്‍ യുവജന സംഗമം സംഘടിപ്പിച്ചു. മദ്യവര്‍ജന സമിതി സെക്രട്ടറി ടി.പി.ആര്‍. നാഥ് ഉദ്ഘാടനം ചെയ്തു. കാഞ്ഞിരോട് ഏരിയാ പ്രസിഡന്‍റ് കെ.കെ. ഫൈസല്‍ അധ്യക്ഷത വഹിച്ചു. സംസ്ഥാന സമിതിയംഗം കെ.എം. മഖ്ബൂല്‍, കെ. സാദിഖ് എന്നിവര്‍ സംസാരിച്ചു. മുനീര്‍ അഞ്ചരക്കണ്ടി സ്വാഗതവും സി.ടി. ഷഫീഖ് നന്ദിയും പറഞ്ഞു. ഗാനമേളയും അരങ്ങേറി.

കമ്പ്യൂട്ടര്‍ കോഴ്സ്: അപേക്ഷ ക്ഷണിച്ചു

 കമ്പ്യൂട്ടര്‍  കോഴ്സ്:

അപേക്ഷ ക്ഷണിച്ചു

കണ്ണൂര്‍:  കണ്ണൂര്‍ ഗവണ്‍മെന്‍റ് എന്‍ജിനീയറിങ് കോളജിലെ തുടര്‍ വിദ്യാഭ്യാസ സെന്‍ററിന് കീഴില്‍ ആരംഭിച്ച കമ്പ്യൂട്ടര്‍ അസംബ്ളിങ് ആന്‍ഡ് സോഫ്റ്റ്വെയര്‍ ഇന്‍സ്റ്റാലേഷന്‍ കോഴ്സില്‍ ഒഴിവുള്ള  സീറ്റുകളിലേക്ക് ഹൈസ്കൂള്‍, ഹയര്‍ സെക്കന്‍ഡറി വിഭാഗം വിദാര്‍ഥികളില്‍ നിന്ന് അപേക്ഷ ക്ഷണിച്ചു.  അവസാന തീയതി മേയ് 10.   ഫോണ്‍: 9447637667, 9447738295.

നോര്‍ക്ക അറ്റസ്റ്റേഷന്‍ കലക്ടറേറ്റില്‍

 നോര്‍ക്ക അറ്റസ്റ്റേഷന്‍
കലക്ടറേറ്റില്‍

കണ്ണൂര്‍:  കോഴിക്കോട് നോര്‍ക്ക റൂട്ട്സില്‍ നടത്തുന്ന എച്ച്.ആര്‍.ഡി അറ്റസ്റ്റേഷന്‍ മേയ് 9, 16, 23 എന്നീ തീയതികളില്‍ രാവിലെ  8.30 മുതല്‍ ഒരു മണിവരെ കണ്ണൂര്‍ കലക്ടറേറ്റ് കോണ്‍ഫറന്‍സ് ഹാളില്‍  നടക്കും.  അന്നേദിവസം നോര്‍ക്ക റൂട്ട്സിന്‍െറ അറ്റസ്റ്റേഷന്‍ സെന്‍ററില്‍ സര്‍ട്ടിഫിക്കറ്റ് അറ്റസ്റ്റേഷന്‍ ഉണ്ടായിരിക്കില്ല.

വാതക പൈപ്പ്ലൈന്‍ വന്‍ പ്രത്യാഘാതം സൃഷ്ടിക്കും -സി.ആര്‍. നീലകണ്ഠന്‍

 

 ദക്ഷിണേന്ത്യയിലെ ഇരകള്‍ 28ന് ‘ഗെയില്‍’ ഓഫിസ് മാര്‍ച്ച് നടത്തും

വാതക പൈപ്പ്ലൈന്‍ പദ്ധതി വന്‍ പ്രത്യാഘാതം
സൃഷ്ടിക്കും -സി.ആര്‍. നീലകണ്ഠന്‍

കണ്ണൂര്‍: ദക്ഷിണേന്ത്യയിലെ വാതക പൈപ്പ്ലൈന്‍ പദ്ധതി ഇരകള്‍ മേയ് 28ന് ഗ്യാസ് അതോറിറ്റി ഓഫ് ഇന്ത്യ ലിമിറ്റഡ് (ഗെയില്‍) കൊച്ചി ഓഫിസിലേക്ക് മാര്‍ച്ച് നടത്തും. കണ്ണൂരില്‍ കേരള, കര്‍ണാടക, തമിഴ്നാട് സംസ്ഥാനങ്ങളിലെ ഇരകളുടെ പ്രതിനിധിസംഗമത്തിലാണ് സമര പ്രഖ്യാപനം.
സാമൂഹിക സാമ്പത്തിക മേഖലകളില്‍ പദ്ധതി വന്‍ പ്രത്യാഘാതം സൃഷ്ടിക്കുമെന്ന് സംഗമം ഉദ്ഘാടനം ചെയ്ത സി.ആര്‍. നീലകണ്ഠന്‍ പറഞ്ഞു. 
വന്‍കിട വ്യവസായികള്‍ക്ക് ചുരുങ്ങിയ വിലയില്‍ പ്രകൃതിവാതകം വിതരണം ചെയ്യാന്‍ ജനങ്ങളുടെ പാര്‍പ്പിട-കൃഷിഭൂമികള്‍ നഷ്ടപരിഹാരം നല്‍കാതെ മരവിപ്പിക്കാനുള്ള തീരുമാനം ഗൂഢാലോചനയുടെ ഫലമാണെന്ന് അദ്ദേഹം പറഞ്ഞു.
അഴിമതിയുടെ പൈപ്പ്ലൈനാണ് ഭരണകൂടങ്ങള്‍ ചേര്‍ന്ന് സ്ഥാപിക്കുന്നതെന്ന് ചടങ്ങില്‍ സംസാരിച്ച തമഴ്നാട് കര്‍ഷകസംഘം ജനറല്‍ സെക്രട്ടറി പി. കന്ദസ്വാമി അഭിപ്രായപ്പെട്ടു.
ദക്ഷിണേന്ത്യന്‍ സംസ്ഥാനങ്ങളിലെ ജനങ്ങള്‍ക്ക് ഒരുമിച്ചു നില്‍ക്കാന്‍ പദ്ധതി നിമിത്തമാവുന്നത് പ്രതീക്ഷ നല്‍കുന്നു. മംഗലാപുരം റിഫൈനറീസിന്‍െറ പൈപ്പ്ലൈന്‍ ഉയര്‍ത്തിയ ഭീഷണിക്ക് പിറകെ വാതകലൈന്‍ കര്‍ണാടകയില്‍ ആശങ്ക പരത്തുകയാണെന്ന് കൃഷ്ണപ്രസാദ് (മംഗലാപുരം) പറഞ്ഞു.
മേല്‍മണ്ണ് നഷ്ടമായി കൃഷി മുടങ്ങുന്നതാണ് പദ്ധതി പ്രദേശത്തെ കര്‍ഷകര്‍ നേരിടുന്ന വലിയ പ്രശ്നം. ഗ്യാസ് പൈപ്പ്ലൈന്‍ വിക്ടിംസ് ഫോറം ദക്ഷിണേന്ത്യന്‍ ജനറല്‍ കണ്‍വീനര്‍ റസാഖ് പാലേരി അധ്യക്ഷത വഹിച്ചു.
മുരുകാനന്ദന്‍ വാളയാര്‍, പി.ആര്‍. ബാലു (തമിഴ്നാട്), അറുമുഖം (കോയമ്പത്തൂര്‍), ഡോ. ഡി. സുരേന്ദ്രനാഥ്, കെ.എം. മഖ്ബൂല്‍, എന്‍. സുബ്രഹ്മണ്യന്‍, എന്‍. ഹംസ മാസ്റ്റര്‍ അഞ്ചരക്കണ്ടി, അഡ്വ. മാന്വല്‍ എറണാകുളം എന്നിവര്‍ സംസാരിച്ചു. യു.കെ. സഈദ് സ്വാഗതവും പ്രേമന്‍ പാതിരിയാട് നന്ദിയും പറഞ്ഞു.
ഫോറം വിവിധ സംസ്ഥാന ചെയര്‍മാന്‍മാരായി സി.ആര്‍. നീലകണ്ഠന്‍ (കേരളം), പി. കന്ദസ്വാമി (തമിഴ്നാട്), കൃഷ്ണപ്രസാദ് (കര്‍ണാടക), റസാഖ് പാലേരി (ജന. കണ്‍) എന്നിവരെ തെരഞ്ഞെടുത്തു.

PRABODHANAM WEEKLY

രാഷ്ട്രീയലക്ഷ്യങ്ങള്‍ക്കായുള്ള മനുഷ്യഹത്യ -സോളിഡാരിറ്റി

രാഷ്ട്രീയലക്ഷ്യങ്ങള്‍ക്കായുള്ള
മനുഷ്യഹത്യ -സോളിഡാരിറ്റി

തിരുവനന്തപുരം: ഒഞ്ചിയത്തെ റവല്യൂഷനറി മാര്‍ക്സിസ്റ്റ് പാര്‍ട്ടി നേതാവ് ടി.പി. ചന്ദ്രശേഖരന്‍െറ നിഷ്ഠുരമായ കൊലപാതകം വിലകുറഞ്ഞ രാഷ്ട്രീയ ലക്ഷ്യങ്ങള്‍ക്കായുള്ള മനുഷ്യഹത്യയാണെന്ന് സോളിഡാരിറ്റി യൂത്ത് മൂവ്മെന്‍റ് സംസ്ഥാന ജനറല്‍ സെക്രട്ടറി മുഹമ്മദ് വേളം വാര്‍ത്താസമ്മേളനത്തില്‍ പറഞ്ഞു.
ചന്ദ്രശേഖരന്‍െറ രാഷ്ട്രീയ എതിരാളികളായ സി.പി.എം തങ്ങളുടെ ശക്തനായ ഒരു പ്രതിയോഗിയെ വകവരുത്താന്‍ ചെയ്തതാണെങ്കിലും സി.പി.എമ്മിനെ അപകീര്‍ത്തിപ്പെടുത്താന്‍ എതിരാളികള്‍ ചെയ്തതാണെങ്കിലും ഇത് രാഷ്ട്രീയ ലക്ഷ്യങ്ങള്‍ക്കായുള്ള മനുഷ്യഹത്യയാണ്.   മുഴുവന്‍ ആളുകളും ഈ കാപാലിക കൃത്യത്തിനെതിരെ രംഗത്ത് വരണം. കുറ്റവാളികളെ എത്രയും വേഗം അറസ്റ്റ് ചെയ്ത് നിയമത്തിന്‍െറ മുന്നില്‍ കൊണ്ടുവരണമെന്ന് അദ്ദേഹം ആവശ്യപ്പെട്ടു. ജില്ലാ പ്രസിഡന്‍റ് അമീര്‍ കണ്ടല്‍, സെക്രട്ടറി ആരിഫ്.എം എന്നിവരും പത്രസമ്മേളനത്തില്‍ പങ്കെടുത്തു.

പ്രാകൃതം, അപലപനീയം -ആരിഫലി

പ്രാകൃതം, അപലപനീയം -ആരിഫലി

കോഴിക്കോട്: റെവലൂഷനറി മാര്‍ക്സിസ്റ്റ് പാര്‍ട്ടി നേതാവ് ടി.പി. ചന്ദ്രശേഖരന്‍െറ കൊലപാതകം പ്രാകൃതവും കേരളീയസമൂഹത്തിന് അപമാനകരവുമാണെന്ന് ജമാഅത്തെ ഇസ്ലാമി കേരള അമീര്‍ ടി. ആരിഫലി. രാഷ്ട്രീയമായ ആരോപണ പ്രത്യാരോപണങ്ങളിലല്ല, ഈ നീചകൃത്യത്തിനുപിന്നില്‍ പ്രവര്‍ത്തിച്ച കുറ്റവാളികളെ എത്രയും പെട്ടെന്ന് നിയമത്തിനുമുമ്പില്‍ കൊണ്ടുവരാനാണ് സര്‍ക്കാര്‍ ശ്രമിക്കേണ്ടത്. ക്വട്ടേഷന്‍ സംഘത്തിലേക്കത്തെിയിരിക്കുന്ന പ്രാഥമിക അന്വേഷണം വന്‍ രാഷ്ട്രീയ ഗൂഢാലോചനയുടെ ഭാഗമാണിതെന്ന് വ്യക്തമാക്കുന്നു. ജനാധിപത്യത്തെക്കുറിച്ചും  തീവ്രവാദത്തെക്കുറിച്ചും വലിയവായില്‍ സംസാരിക്കുന്ന കേരളത്തിലെ രാഷ്ട്രീയ നേതൃത്വങ്ങളുടെ ഭീകരമുഖമാണ് ഇതിലൂടെ വെളിവാക്കപ്പെട്ടിരിക്കുന്നത്. പരിഷ്കൃത സമൂഹമെന്ന നിലയില്‍ കേരളത്തില്‍ കൊലപാതക രാഷ്ട്രീയത്തിന് അറുതിവരുത്തേണ്ട സമയം അതിക്രമിച്ചിരിക്കുന്നുവെന്ന് അമീര്‍ ഓര്‍മപ്പെടുത്തി.

കുടുംബസദസ്സ്

 

 

 കുടുംബസദസ്സ്

ചക്കരക്കല്ല്: കാലഘട്ടത്തിന്‍െറ മാറ്റത്തിനനുസരിച്ച് സമൂഹത്തില്‍ നവോത്ഥാനം നിര്‍വഹിക്കുന്ന പ്രസ്ഥാനമാണ് ജമാഅത്തെ ഇസ്ലാമി എന്ന് പ്രബോധനം വാരിക സബ് എഡിറ്റര്‍ സദ്റുദ്ദീന്‍ വാഴക്കാട്. ‘പ്രകാശം പരത്തുന്ന പ്രസ്ഥാനം’ എന്ന പേരില്‍ ജമാഅത്തെ ഇസ്ലാമി നടത്തുന്ന  കാമ്പയിനിന്‍െറ ഭാഗമായി ചക്കരക്കല്ലില്‍ സംഘടിപ്പിച്ച കുടുംബസദസ്സില്‍ മുഖ്യപ്രഭാഷണം നടത്തുകയായിരുന്നു അദ്ദേഹം.ഗോകുലം ഓഡിറ്റോറിയത്തില്‍ നടന്ന പരിപാടിയില്‍ ഇ. അബ്ദുല്‍സലാം അധ്യക്ഷത വഹിച്ചു. ഇബ്രാഹിം മാസ്റ്റര്‍ സ്വാഗതവും എം. മൊയ്തീന്‍ നന്ദിയും പറഞ്ഞു. 

03-05-2012/7 PM/GOKULAM AUDITORIUM/CHAKKARAKAL

എ.ഐ.സി.എല്‍ വായ്പ നല്‍കി

 എ.ഐ.സി.എല്‍ വായ്പ നല്‍കി

കണ്ണൂര്‍: ഇസ്ലാമിക് ഫൈനാന്‍സ് കമ്പനിയായ എ.ഐ.സി.എല്ലിന്‍െറ കണ്ണൂര്‍ ഓഫിസില്‍ നിന്നുള്ള ആദ്യത്തെ വായ്പ നല്‍കി.  സി.ഇ.ഒ കെ.കെ. അലി കൗസര്‍ ചാരിറ്റബിള്‍ ട്രസ്റ്റ് മാനേജര്‍ വി.കെ. ഖാലിദിന് ചെക്ക് നല്‍കി.  മൂന്നു മാസംമുമ്പാണ് എ.ഐ.സി.എല്ലിന്‍െറ കണ്ണൂര്‍ ഓഫിസ് ബെല്ലാര്‍ഡ് റോഡില്‍ പ്രവര്‍ത്തനം തുടങ്ങിയത്. എ.ഐ.സി.എല്ലിന്‍െറ ഓഹരി, വായ്പ സംബന്ധമായതും മറ്റ് സേവനങ്ങളും ഈ ഓഫിസില്‍നിന്ന് ലഭിക്കുമെന്ന് ബ്രാഞ്ച് ഇന്‍ചാര്‍ജ് അബ്ദുല്‍ ഗഫൂര്‍ ആലത്തൂര്‍ അറിയിച്ചു. ഫോണ്‍: 0497 3052601.

JIH CHALAD

AL JAMIA AL ISLAMIA

ISLAHIYA COLLEGE

ഖദീജക്ക് സോളിഡാരിറ്റിയുടെ സഹായ ഹസ്തം

 ഖദീജക്ക് സോളിഡാരിറ്റിയുടെ
സഹായ ഹസ്തം

കേളകം: ഞായറാഴ്ച വൈകീട്ട് ആലപ്പുഴ-കണ്ണൂര്‍ എക്സ്പ്രസ് ട്രെയിനില്‍ അജ്ഞാതനായ അക്രമിയുടെ കല്ളേറില്‍ തല തകര്‍ന്ന് ചികിത്സയില്‍ കഴിയുന്ന അടക്കാത്തോട് പുത്തന്‍വീട്ടില്‍ ഖദീജയുടെ (ഒമ്പത്) ചികിത്സാ ചെലവ് സോളിഡാരിറ്റി ജില്ലാ കമ്മിറ്റി ഏറ്റെടുത്തു.
കുട്ടിയുടെ ദൈന്യത ‘മാധ്യമ’ത്തിലൂടെ അറിഞ്ഞാണ് ചികിത്സാ ചെലവ് ഏറ്റെടുക്കാന്‍ തീരുമാനിച്ചതെന്ന് സോളിഡാരിറ്റി (സേവന വിഭാഗം) ജില്ലാ സെക്രട്ടറി പി.സി. ഷമീം,  ഭാരവാഹികളായ കെ. സാദിഖ്, റിയാസ് പയ്യന്നൂര്‍ എന്നിവര്‍ അറിയിച്ചു. പട്ടാമ്പി പള്ളിപ്പുറം റെയില്‍വേ സ്റ്റേഷന്‍ വിട്ടയുടനെയാണ് ശരവേഗത്തില്‍ എത്തിയ കല്‍ച്ചീള് ഖദീജയുടെ തലക്കേറ്റത്. അടക്കാത്തോട് ടൗണിന് സമീപത്തെ ഒറ്റമുറി പീടികയില്‍ നിരാലംബരായി രണ്ട് മക്കളോടൊപ്പം കഴിയുന്ന നൂര്‍ജഹാന്‍െറ ഇളയ മകളാണ് ഖദീജ. തൊഴിലുറപ്പ് പദ്ധതിയില്‍ ജോലി ചെയ്തുകിട്ടുന്ന നാമമാത്ര വരുമാനമായിരുന്നു ഇവരുടെ ആശ്രയം.
ഇതിനിടെ സംഭവം കണ്ണൂരിലെ ഹാറൂണ്‍ ശ്രദ്ധയില്‍പെടുത്തിയതിനെ തുടര്‍ന്ന ജമാഅത്തെ ഇസ്ലാമി കോട്ടക്കല്‍ ഏരിയാ സമിതി പ്രസിഡന്‍റ് അലവിക്കുട്ടിയുടെ നേതൃത്വത്തില്‍ പ്രവര്‍ത്തകര്‍ ആശുപത്രിയിലത്തെി പ്രാഥമിക ചെലവുകള്‍ക്കായി 10,000 രൂപ ഖദീജയുടെ ഉമ്മ നൂര്‍ജഹാന് കൈമാറി.
റെയില്‍ യാത്രക്കിടെ പരിക്കേറ്റ ഖദീജക്ക് നിയമസഹായമത്തെിക്കുന്നതിനും സോളിഡാരിറ്റി, ജമാഅത്തെ ഇസ്ലാമി, കോട്ടക്കല്‍ ഘടകം രംഗത്തത്തെിയിട്ടുണ്ട്.
 Account Details:

Account Holder             -   P C Shameem

Account Number           -   20013235247

Bank                               -   State Bank of India

Branch                           -   Thalassery

Type of A/C                    -   Saving Account

IFSC Code                      -   SBIN0000926 

Mob              : 91 80 89 80 88 28  

സോളിഡാരിറ്റി സായാഹ്ന സദസ്സ്

 

 സോളിഡാരിറ്റി
സായാഹ്ന സദസ്സ്

കണ്ണൂര്‍: സോളിഡാരിറ്റി യൂത്ത് മൂവ്മെന്‍റ് ബി.ഒ.ടി വിരുദ്ധ  പാലിയേക്കര ഐക്യദാര്‍ഢ്യ ദിനാചരണത്തിന്‍െറ ഭാഗമായി കണ്ണൂരില്‍ സായാഹ്ന സദസ്സ് നടത്തി. ഡോ. ഡി. സുരേന്ദ്രനാഥ് ഉദ്ഘാടനം ചെയ്തു. 
ബി.ഒ.ടിയിലെ സ്വകാര്യവത്കരണ താല്‍പര്യത്തെയും ജനവിരുദ്ധതയെയും മനസ്സിലാക്കാന്‍ കഴിയാത്ത സംഘടനകള്‍ ഈ സമൂഹത്തിന് ബാധ്യതയാണെന്ന് അദ്ദേഹം പറഞ്ഞു.
സംസ്ഥാന പ്രതിനിധിസഭാംഗം വി.കെ. മുഹമ്മദ് സാജിദ് അധ്യക്ഷത വഹിച്ചു. പള്ളിപ്രം പ്രസന്നന്‍, സോളിഡാരിറ്റി ജില്ലാ സെകട്ടറി കെ. സാദിഖ്, സൈനുദ്ദീന്‍ കരിവെള്ളൂര്‍ തുടങ്ങിയവര്‍ സംസാരിച്ചു. ഫൈസല്‍ മാടായി സ്വാഗതവും ബി. അബ്ദുല്‍ ജബ്ബാര്‍ നന്ദിയും പറഞ്ഞു.
തലശ്ശേരി: തലശ്ശേരി പഴയ ബസ്സ്റ്റാന്‍ഡ് പരിസരത്ത് നടന്ന ബി.ഒ.ടി വിരുദ്ധ പ്രതിഷേധ സായാഹ്നം കൂടങ്കുളം ആണവ വിരുദ്ധ ഐക്യദാര്‍ഢ്യ സമിതി കണ്‍വീനര്‍ എന്‍. സുബ്രഹ്മണ്യന്‍ ഉദ്ഘാടനം ചെയ്തു.
 സോളിഡാരിറ്റി ജില്ലാ വൈസ് പ്രസിഡന്‍റ് എന്‍.എം. ശഫീഖ് അധ്യക്ഷത വഹിച്ചു. ജില്ലാ ജനറല്‍ സെക്രട്ടറി ടി.കെ. മുഹമ്മദ് റിയാസ്, ദേശീയപാത സംരക്ഷണ സമിതി ജില്ലാ ജനറല്‍ കണ്‍വീനര്‍ യു.കെ. സെയ്ത്, സി. അബ്ദുന്നാസര്‍, സി.ടി. ഫൈസല്‍ എന്നിവര്‍ സംസാരിച്ചു. പി.എ. സഈദ് സ്വാഗതവും എ.വി. അജ്മല്‍ നന്ദിയും പറഞ്ഞു.

ടോപ്കോ സംസം ജ്വല്ലറിയുടെ കര്‍ണാടക ശാഖപ്രവര്‍ത്തനമാരംഭിച്ചു

 ടോപ്കോ സംസം ജ്വല്ലറിയുടെ
കര്‍ണാടക ശാഖപ്രവര്‍ത്തനമാരംഭിച്ചു

മംഗലാപുരം: ടോപ്കോ സംസം ജ്വല്ലറിയുടെ കര്‍ണാടകയിലെ ആദ്യ ശാഖ മംഗലാപുരത്തിനു സമീപം വിറ്റ്ലയില്‍ കെ.എസ്. ആറ്റക്കോയ തങ്ങള്‍ ഉദ്ഘാടനം ചെയ്തു. നൂറു ശതമാനം 916 ഹാള്‍മാര്‍ക്ക്ഡ് സ്വര്‍ണാഭരണങ്ങളുടെ വിപുലമായ ശേഖരമാണ് ഇവിടെ ഒരുക്കിയിരിക്കുന്നത്.

നേതാക്കള്‍ സാമുദായിക അന്തരീക്ഷം മലീമസമാക്കുന്നു -ഒ.അബ്ദുല്ല

 നേതാക്കള്‍ സാമുദായിക അന്തരീക്ഷം മലീമസമാക്കുന്നു -ഒ.അബ്ദുല്ല

പഴയങ്ങാടി: അഞ്ചാംമന്ത്രി വിവാദത്തിലൂടെ ഭരണ- പ്രതിപക്ഷ നേതാക്കള്‍ സാമുദായികവും വര്‍ഗീയവുമായ ചേരിതിരിവ് സൃഷ്ടിച്ച് അന്തരീക്ഷം മലീമസമാക്കുകയാണെന്ന് മാധ്യമ പ്രവര്‍ത്തകന്‍ ഒ. അബ്ദുല്ല അഭിപ്രായപ്പെട്ടു.
അഞ്ചാം മന്ത്രിയും സാമുദായിക സന്തുലിതത്വവും എന്ന വിഷയത്തില്‍ ഫ്രൈഡേ ക്ളബ്, പഴയങ്ങാടിയില്‍ സംഘടിപ്പിച്ച പരിപാടിയില്‍ സംസാരിക്കുകയായിരുന്നു അദ്ദേഹം.
അനൂപ് ജേക്കബിനെ മന്ത്രിയാക്കാന്‍ തിരക്കുകൂട്ടിയ എന്‍.എസ്.എസ് ജനറല്‍ സെക്രട്ടറി ജി. സുകുമാരന്‍ നായര്‍, മഞ്ഞളാംകുഴി അലിക്ക് മന്ത്രിസ്ഥാനം അനുവദിച്ചപ്പോള്‍ ശുദ്ധ വര്‍ഗീയവാദമാണ് ഉന്നയിച്ചത്. ഇത് പിണറായി വിജയനും ഏറ്റുപിടിച്ചു. മുരളീധരന്‍ മുതല്‍ ചെന്നിത്തലവരെ ഈ  അജണ്ടയെയാണ് പ്രോല്‍സാഹിപ്പിച്ചത്.
അഞ്ചാം മന്ത്രിയെ നിയമിക്കുമ്പോഴുള്ള അധിക ചെലവിന്‍െറ പേരിലാണ് തടസ്സം ഉന്നയിച്ചതെങ്കില്‍ മനസ്സിലാക്കാമായിരുന്നു. എന്നാല്‍, ഇതിന് സാമുദായിക സന്തുലനത്തിന്‍െറ ന്യായം പറഞ്ഞ് സാമുദായിക വികാരം മുതലെടുക്കാനാണ് ഒരു വിഭാഗം ആളുകള്‍ ശ്രമിച്ചത് -അദ്ദേഹം പറഞ്ഞു. ഡോ. എസ്.എല്‍.പി. ഉമര്‍ ഫാറൂഖ് അധ്യക്ഷത വഹിച്ചു. മഹ്മൂദ് വാടിക്കല്‍ സ്വാഗതവും എന്‍.എം. മൂസ മാസ്റ്റര്‍ നന്ദിയും പറഞ്ഞു.

യുവജന മുന്നേറ്റയാത്ര നടത്തി

 യുവജന മുന്നേറ്റയാത്ര നടത്തി

കണ്ണൂര്‍: സി.പി.എമ്മിന്‍െറ പാര്‍ട്ടി കോടതിക്കെതിരെ കണ്ണൂര്‍ നിയോജക മണ്ഡലം മുസ്ലിം യൂത്ത്ലീഗ് യുവജന മുന്നേറ്റ യാത്ര നടത്തി. കണ്ണൂര്‍ സിറ്റി, കാഞ്ഞിരോട് എന്നീ മേഖലകളില്‍ നിന്ന് തുടങ്ങിയ യാത്ര വാരത്ത് സമാപിച്ചു. മുസ്ലിംലീഗ് കണ്ണൂര്‍ മണ്ഡലം ജനറല്‍ സെക്രട്ടറി എം.പി. മുഹമ്മദലി, ജാഥാ ലീഡര്‍ അഷ്റഫ് കാഞ്ഞിരോടിന് പതാക നല്‍കി ഉദ്ഘാടനം ചെയ്തു. ടി.പി. തന്‍സീര്‍ അധ്യക്ഷത വഹിച്ചു. പി.സി. അഹമ്മദ്കുട്ടി, കെ.പി.സലാം, റിയാസ് മുണ്ടേരി, പി. ഹാഷിം, ടി. അഹമ്മദ്, സി.പി. റഷീദ്, ജലാലുദ്ദീന്‍ അറഫാത്ത്, എം.കെ. റഹീം എന്നിവര്‍ സംസാരിച്ചു. പി.സി. മുനവിര്‍ സ്വാഗതം പറഞ്ഞു.